 |
رواية زوجة اخي البارت العاشر الأخير بقلم نور وهبه في موسوعة القصص والروايات جميع الفصول كامله وحصريه
رواية زوجة اخى
بارت 10 والاخير
كريمه ضحكت بخبث: سحراله!!!..... ازاى مفكرتش فى ده
صاحبتها: انتى بتفكري فى ايه
كريمه: انتى تعرفى ساحر كويس نروحله؟؟؟
صاحبتها: اعرف ناس تعرف توديكى لكن انا مليش دعوه
كريمه بحقد: ودينى بس وهشتريلك الخاتم اللى كان عجبك
صاحبتها بطمع: موافقه بس الخاتم قبل ما نروح
كريمه: بكره الصبح
نام الكل وكل واحد باله مشغول بحاله الا كريمه مشغوله بحقدها ومعميه بحب الدنيا الزائد
تانى يوم الصبح قدام محل الدهب واقفه كريمه مع صاحبتها اللى لابسه الخاتم فى ايدها وفرحانه بيه
كريمه بسخريه: مش يلا ياعروسه!!!
صاحبتها بقرف: يلا
وساقت كريمه العربيه لوجهتها اللى هتدمرها.... ووصلوا لمكان الدجاله
دخلوا منطقه مهجوره وقربوا من بيت مخيف خبطوا الباب اتفتح وهو بيعمل صوت مرعب
دخلوا وكانوا خايفين هم الاتنين
الشيخه حسنات: اتفضلوا
كريمه بخوف: هاى
الشيخه حسنات: هاى.!!!.... جاينلى ليه وانتم شكلكم ناس اكابر محترمين كده
صاحبه كريمه نغزتها: اتكلمى خلصينا
كريمه بخوف بتخفيه: عايزه اعمل عمل
الشيخه حسنات: لمين وعلشان ايه
كريمه بحقد: لمرات ابن عمى..... هى كانت متجوزه ابن عمى الكبير وبعدين ضحكت على اخوه الصغير واتجوزته
الشيخه حسنات: اسمها وسنها وحاجه من لبسها وتجيلى بس هتدفعى كتير..... اصله باين كده جوزها هو اللى حبها واتجوزها
مش هى اللى ضحكت عليه
كريمه بغل وغضب: وانتى ايه عرفك انه هو اللى بيحبها..!؟؟؟؟
الشيخه حسنات بنظره ارعبت كريمه: متسأليش فى اللى ميخصكيش
خرجت كريمه وصحبتها من المكان ومشيوا بسرعه وفضلت كريمه تفكر هتجيب لبس زهره ازاى لحد موصلت لفكره
اما عند زهره كانت بتمارس يومها العادى وسط محاولات خلق السعاده ليها ولعيلتها وهى بتعانى من تعب الحمل
اما كريمه راحت اشترت هديه لزهره وراحت بيت زهره واحمد قبل مااحمد يرجع من الشغل
فى بيت زهره الجرس رن فلبست نقابها وخرجت تشوف مين
زهره فتحت الباب اتفاجئت بكريمه وفضلت ساكته
كريمه ببراءه: مش هتقوليلى اتفضلى
زهره دخلتها وقفلت الباب: لا طبعا اتفضلى
دخلت كريمه وزهره الصالون:
كريمه: معلش جيت من غير معاد بس جبتلك هديه وجيت اعتذرلك
زهره بطيبه: مكنش ليه لزمه تتعبى نفسك.... معلش مفيش حد هنا فهقوم اجبلك حاجه تشربيها
كريمه: متتعبيش نفسك
زهره: لا لازم تشربى حاجه هعملهالك بسرعه مش هتأخر عليكى
كريمه: ممكن بس تعرفينى الحمام منين معلش
زهره شورتلها على الحمام وراحت المطبخ تعملها عصير وكريمه دخلت بسرعه تدور ف الاوض لحد ما دخلت اوضة زهره
واحمد وهى بتفتش فى هدوم زهره وبعدين خرجت بسرعه وهى بتجرى ع الصالون ودخلت زهره بالعصير
زهره: اتفضلى
كريمه: شكرا.... انا جيت اعتذرلك يازهره معلش حقك عليا
زهره: ولا يهمك كلنا بنغلط وانا مسامحه
كريمه: انا لازم امشي دلوقتى علشان اتأخرت....... كريمه لنفسها غبيه اوى يازهره غبيه
مشيت كريمه وقعدت زهره تجهز فى الغدا لحد ما احمد وعمر وحماتها اللى بتزور صاحبتها تيجى
رجعت كريمه للشيخه حسنات اللى اسمها عكس فعلها ودخلت عندها
كريمه: اهيه الحاجه واسمها زهره وسنها 31
كريمه فضلت عند الست مرضتش تمشي غير لما تاخد العمل وفضلت لحد الساعه 8بليل
خرجت والمكان كله ضلمه وخراب وصوت الكلاب والقطط مزعج ومرعب جدا فجأة كريمه حست بضل حد وراها
خافت وفضلت تجرى لحد ما تاهت المكان مهجور ومبتش شايفه حاجه غير مكان بعيد منور
فضلت تجرى كتير واول موصلت خبطت على الباب فتحلها راجل شكله مقرف وابتسامته بشعه
خافت وجت تجرى لقت حد بيزقها من بره لجوه وكان نفس الشخص اللى بيجرى وراها: ادخلى ياشيخه هبطينى
كريمه كانت مرعوبه من منظرهم
الراجل اللى فتحلها: انت تعرفها مين دى ياواد يامشرط
مشرط: دى واحده بقالها يومين بتيجى لحسنات النصابه بس ايه مزه اوى باينلها بنت ناس
الراجل: ده المعلم هيفرح بينا اوى
كل ده وكريمه مرعوبه جدا واول مامسكلها اغمى عليها
احمد رجع البيت وزهره حكتله اللى حصل واستغرب لكن معلقش
الساعه واحده بليل صحى احمد على صوت تليفونه
احمد بنوم: الو
عم احمد: الو يا احمد الحقنى انا مش لاقى كريمه خرجت من بدرى ومرجعتش
قام احمد مخضوض: طيب طيب انا جى
زهره بنوم: فى ايه ياحمد
احمد وهو بيلبس: ده عمى بيقول مش لاقين كريمه
احمد راح لعمه وفضلوا يكلموا صحابها انكروا انهم شافوها انهرده
واحمد حكى لعمه انه زارتهم ومشت النهار طلع وبلغوا الشرطه وفضلوا يدوروا عليها خمس ايام
ولما الشرطه جابت صاحبتها اعترفت انها كانت معاها قبل ما تختفى وحكتلهم عن الشيخه حسنات
الشرطه وصلت وقبضوا على الشيخه حسنات وخدت مؤبد وقبضوا على الرجاله والمعلم بتاعهم
اللى اعترفوا انهم باعوا كريمه اعضاء بعد ما اغتصبوها بعد ما شافوا صورتها وانتهت كريمه اللى اتفضحت فى العيله
واللى اتعرف انها كانت بتعمل سحر لزهره وزهره اللى اخدت قرار انها تكون اقوى من كده ورفضت
اى حد يدخل بيتها منهم تانى
بعد 15سنه
زهره اصحى يامالك..... اصحى يافاطمه...... ياربى ايه التوأم ده.... اصحى ياعمر
زهره بزهق: يووووه ما تصحوا بقي
احمد من وراها: بتزعقى ليه ياحبيبتى
زهره: عيالك اتأخروا ومش راضيين يصحوا
احمد: ولا تزعلى خالص..... مسك ازازه مايه وبدأ يكب على عمر ومالك وفاطمه صحيت علطول
زهره: تستاهلوا ياجزم..... نايمين فى الليفنج وسهرتوا وانا قولت تسيبم اخوكم ينام علشان فرحه
فاطمه: ياماما اخر ليله يبات معانا فكنا بنحتفل
زهره: هيسكن فى المريخ هو..... قومى يابت اجهزى خلصى
فاطمه قامت ومالك قام جرى يجهز ويكلم صحابه (فاطمه ومالك توأم وعندهم 15 سنه)(عمر بيتجوز ملك وبقى عندهم22
فاطمه: تعالى ياعمر
عمر قام غسل وشه وغير التيشرت وراح قعد جمب احمد يفطر
عمر: كده برده ياحج.... تبلنى حتى يوم فرحى
احمد بضحك: ابلك ولا الغى الفرح خالص
عمر: لا خلاص خد بلنى
خلصوا فطار وزهره ساعدت عمر يجهز وخرجت تلبس واحمد دخل لعمر
احمد وهو بيحضن عمر: مبروك ياحبيبى..... خلى بالك من ملك بتحبك بس عنيده شويه
عمر: حاضر يابابا.... والله ما عارف مين فينا ابنك
احمد: انتم الاتنين ولادى وملك امانه عندى دى بنت صاحبى وصانى عليها قبل وفاته
انا اللى هسلمهالك وانا اللى هقفلك لو زعلتها
عمر وهو بيحضن احمد: شكرا شكرا على كل حاجه.... شكرا لانك كنت الاب اللى بتمناه
احمد وهو بيحضنه بحب وفرحه: ايه الكلام الاهبل ده اوعى تقول كده انت ابنى وعمرى متخيلتك غير كده
فى الفرح
احمد وهو بيحضن زهره: مالك ياروحى
زهره بدموع: شوف ولادنا شكلهم حلو ازاى وهم بيرقصوا مع بعض وفرحنين باخوهم
انا بحبك اوى يا احمد...... شكرا على كل حاجه حلوه قدمتها فى حياتى وحياه عمر
احمد بمرح: هو يوم الشكر انهرده ولا ايه.... حبيبتى انا قدمت حبى وواجبى وبس
فى النهايه دى كانت قصتى اه صح انا عملت معادلات ودبلومات وحاجات كتير لحد ما اخدت الدكتوراه فى علم النفس
وبقيت اساعد كل الاطفال والنساء اللى محتاجه اى مساعده نفسيه علاجيه واخيرا واجهوا المواجهه علاج كويس
واجه خوفك واجه فشلك واجه طبيعه انك انسان عادى يترفض ويرفض اتشجع وقول لا ده هيتعبنى مش هعمله
حب نفسك واهتم بيها واحترمها من غير ما تئذى نفسك او تئذي حد
........ د/زهره.........
دى تانى روايه اشاركها الاولى كانت (اصول متسوله) التانيه وهى دى(زوجه اخى)
شكرا لانى لقيت دعمكم فى البدايه وتشجيعكم..... شكرا لكل الناس الجميله اللى اتعرفت عليهم ادمن جروبات او كاتبات
شكرا لكل حد ادى للروايه فرصه ومحكمش عليها من الاول
وان شاء الله اخلص روايتى الجديده واشاركها معاكم ❤
تم
ردحذفروعه روعه روعه روعه روعه روعه
ردحذفجميله اوي اوي اوي اوي اوي
ردحذفجميله جدا جدا
ردحذفرواية تحفة بجد
ردحذف