 |
عندي استعداد آجي اتقدملك بس مش تكلمي ولاد غيري
الكلمة وجعتني اوي بس رديت ب : انا مش بكلم حد غيرك ي محمود انت الوحيد والله
محمود بصدق: مريم انا مصدقك بس بأكد عليكي عشان م اشوفش منك حاجة تزعلنا من بعض بعدين، والا مأكدلي انك محترمة انك رفضتي تقابليني او نتكلم فيديو كول حتي
مريم بحزن: انت عندك حق انا إلا غلطت من الاول مكانش ينفع اكلمك، دايما هبقي محطوطة ف موضع شك منك لان الا تكلم شاب تكلم اتنين، بس انا مش كده والله انا انجذبتلك غصب عني، بشوف استوريهاتك غصب عني، انا بحبك بجد وعمري م افكر في غيرك
محمود: انا آسف ي مريم انا والله حبيتك بجد، وبثق فيكي،
انا مش لسه عارفك انا اعرفك من ٣ سنين صحيح من ع الانستا بس انا واثق انك مش متصنعة وانك ف الحقيقة زي
ما علي الانستا
مريم بفرحة: ربنا يخليك ليا ي محمود، م قلتش هتيجى تتقدملي امتى؟!
محمود: ابعتي رقم باباكي آخد ميعاد منه
مريم بتوتر: اتفضل **********010
محمود: هكلمه بكرة ان شاء الله، هقفل ي حبيبتي عشان خارج مع اصحابي وأما ارجع هكلمك
مريم: ماشي ي محمود
،،،،،،،،،،،،،،،،،
تاني يوم محمود بيكلم والد مريم
محمود: السلام عليكم
مصطفى: وعليكم السلام
محمود: ازاي حضرتك؟!
مصطفى: الحمدلله مين؟!
محمود: انا اسمي محمود عبد العزيز، عندي ٢٥ سنة، ظابط، وبكلم حضرتك عشان آخد ميعاد أتقدم فيه ل مريم بنت حضرتك
مصطفى: تنورنا ي ابني، بعد يومين كويس؟!
محمود بفرحة: كويس ي عمي، ان شاء الله هاجي في الميعاد
مصطفى: ان شاء الله، والا فيه الخير يقدمه ربنا
محمود: تمام سلام ي عمي
مصطفي: بالسلامة ي ابني
مروة (والدة مريم): مين ي مصطفى؟!
مصطفى: دا عريس ل بنتك ي ام مريم
مروة بفضول: هو مين وبيشتغل اي كبير ولا صغير و....
مصطفى: حيلك ي ام مريم، الراجل لسه بياخد ميعاد نقابله فيه ونشوفه بس، وما تقلقيش ي ستي هو اسمه محمود وظابط وعنده ٢٥ سنة
مروة بفرحة: ي صلاة النبي ظابط لولولولولي
مصطفى: في اي ي ام مريم الله، الراجل مجاش لسه اهدي كده
مروة: حاضر ي اخويا فرحانة للبت الله
مصطفى: يعني هي شافته ولا عرفت اصلا
مروة: هناديها وتقولها ي مريم
مريم: ايوا ي ماما، بتزغرطي ليه؟!
مصطفي: تعالي ي حبيبتي
مريم: نعم ي بابا
مصطفى: في عريس متقدملك
مريم بفرحة: عريس مين هوا؟!
مصطفى: اسمه محمود وهو ظابط انا قلتله تعالي بعد يومين اقعدي معاه ولو معجبكيش يب.....
مريم بسرعة: لا ي بابا ان شاء الله هيعجبني
مصطفى باستغراب: ماشي ي مريم
،،،،،،،،،،،،،،،،،،
جه محمود وهو متشوق يشوف مريم لأول مرة، استقبل مصطفى ومروة محمود وأهله وبعد الترحيب بهم وطلب ايد مريم طلبو يشوفوها، دخلت الصالون وقدمت المشروب بكسوف خفيف مع فرحة محمود الا مش مصدق انه شايفها قدامه وبالفعل وافقو عليه واتجوزو بعد سنة من الخطوبة وبعد اربع سنين من حبهم وعاشو أجمل أيام حياتهم ف فترة الخطوبة واول شهرين جواز لكن تأتي الرياح بما لا تشتهي السفن ايه الا حصل هنعرف مع بعض......
،،،،،،،،،،،،،،،،،
ف يوم محمود كان ف شغله جاله ماسيدج على تطبيق ماسنجر ان مراته بتخونة وكمان شات بين مراته وراجل تاني وظاهر قدامه الاكونت بإسم مراته ونفس صورة الاكونت بتاعها، فكر ان ده فيك اكونت وحد بيلعب بيه عشان يوقعهم ف بعض، الفضول خده ودخل ع الاكونت لقى ان الاكونت هوا فعلا اكونت مريم لانه صديق عندها ونفس بوستاتها، الدم غلي ف عروقه ووشه احمر مش مصدق ان مريم تعمل كده
محمود: بس ليه م تعملهاش م هي كلمتني من ورا أهلها عادي تكلم من ورا جوزها خرج بسرعة من قسم الشرطة وطلع بعربيته على البيت.....
ايه الا هيحصل مع مريم؟! ده الا هنعرفه
شكرا على تفاعلكم الجميل♡♡♡
البارت التاني♡♡♡
محمود وصل العمارة وخبط ع الباب لانه مش معاه مفتاح فتحتله مريم والابتسامة على وشها بعد م شافته من خرم الباب
مريم: اي ي حبيبي راجع بدري ليه؟!
محمود ساكت وباصصلها جامد
مريم: مالك ي محمود في حاجة حصلت ف القسم؟!
.....
مريم بقلق: انت كويس؟! محمود مالك م تخوفنيش عليك
.....
مريم بخوف: اي السكوت ده؟! دي اول مرة تدخل مكشر كده حتى لو مخنوق من الشغل اول م ترجع بتنسي اللي ضايقك انت تعبان؟! احكيلي طيب يمكن اخفف عنك
محمود بهدوء: ليه؟!
مريم باستغراب: ليه اي؟!
محمود بتكرار: ليه ي مريم؟!
مريم بعدم فهم: ليه اي ي محمود انا مش فاهمة حاجة
جاب آخره رفع ايده ضربها بالقلم وقال: انا تخونيني انا، انا واحدة زيك تقرط*سني ليه؟! بعد م حبيتك دا انا محرمتكيش من حاجة، ليه تبصي بره ليه؟! انا الظابط محمود المهدي الا الكل بيحلف بإسمه واحدة زيك تغفلني وبصوت عالي اوي ليييييييييه؟!
مريم حطت ايدها على وشها بصدمة مش مصدقة ان محمود ضربها عمرها م اتخيلت انه يضربها ف يوم، اتصدمت لدرجة م سمعتش الا هوا قاله
ضربها تاني بالقلم اما م ردتش عليه وقال: ردي عليا ليه عملتي فيا كده؟! دا انا وثقت فيكي وجيت اتقدمتلك رغم اني عرفتك من ع النت بس قولت انتي غير البنات التانية، صدقتك اما قلتي مش بكلم غيرك صدقتك م شكتش للحظة انك تخونيني وآخرة ده ايه تغفليني، انا ي مريم!! اتكلممممممي ساكتتتتتتتة ليييييييييه
مريم بصدمة: انت انت ضربتني ي محمود ضربتني
مسكها من كتافها بايده الاتنين وبعصبية: ردي عليا ليه خونتيني بعد الحب ده كله جالك قلب
مريم بعياط: انا عمري م اخونك ي محمود
محمود بغضب: كداااااابة بطلي كدب وتمثيل انا خلاص
كشفتك
مريم بصدمة: كدابة!! انا مش بكدب ي محمود وانت عارف
محمود بعصبية وخزي: كنت كنت فاكر اني عارفك، كنت موهوم بده، طلعتي كدابة وخاينة ورخ*يصة و.....
ضربته بالقلم وصرخت فيه: اخرس قطع لسانك انا مش رخ*يصه ولا خاينة، لو فاكر اني هسمحلك تخوض ف عرضي وشرفي تبقى غلطان، وانا غلطانة اني وافقت عليك لا انا غلطانة اني سمحتلك تدخل حياتي اصلا، انا راحة بيت اهلي وورقتي توصلني
شدها من شعرها جامد وصرخ: انا تضربيني ي بنت الك*لب، انا واحدة ترفع ايدها عليا، ضربها بالقلم وقال: روحي وانتي طالق بالتلاتة وخبط دماغها ف الحيطة وشدها من شعرها وجرجرها لحد باب الشقة وطلعها ودخل وقفل الباب، قعدت جنب الباب تعيط على ظلمه ليها من وجهة نظرها، احنا لسه م نعرفش اي الا حصل؟! وهل هي مظلومة فعلا ولا لا؟! شافتها واحدة من الجيران بشعرها وببجامة قدام باب الشقة خدتها عندها وجبتلها عباية وطرحة عشان السكان الا ف العمارة م يشوفوهاش بالمنظر ده، خرجت من العمارة وراحت بيت أهلها وعرفتهم الا حصل واصروا انهم ي......
بعد اسبوع من الطلاق
تك تك تك تك
=ايوا
-انت محمود المهدي؟!
محمود: ايوا انا خير؟!
الظابط: مطلوب القبض عليك
محمود: بتهمة اي؟!
الظابط: التعدي بالضرب على مريم مصطفى الوكيل طليقتك
محمود بصدمة........
شكرا على تفاعلكم والكومنتات الجميلة ♡♡♡
البارت التالت والأخير♡♡♡
عارفة انه مفاجأة انه البارت الاخير بس؛ انا محبتش أطول في الأحداث، وشايفة ان كده احسن، والبارت هيعجبكم جدا
إن شاء الله♡♡♡
الظابط: التعدي بالضرب على مريم مصطفى الوكيل طليقتك
محمود بصدمة: انت بتقول اي لا مستحيل
الظابط: اتفضل معانا
محمود بغضب: اتفضل فين؟! انت مجنون!! انت مش عارف انا مين؟! انا الظابط محمود المهدي
الظابط: القانون فوق الجميع اتفضل معانا بالذوق بدل م يبقى بالعافية واي كلام عايز تقوله يبقي قدام النيابة
راح محمود معاهم وحققو معاه ومكانش بيقول غير: هي إلا خانتني، ابوه عرف وخد محامي وراحو القسم وحاولو يخرجوه بكفالة منفعش؛ لان لازم مريم هي اللي تتنازل عن المحضر
عند مريم
مريم: بابا انا هتنازل عن المحضر
مروة بغضب: انتي اتجننتي ي بت بعد الا عمله فيكي؟!
مريم بحزن: مهما كان دا محمود ي ماما حب حياتي مش هقدر اسجنه لا
مروة برفض: مش هتتنازلي ي مريم
مريم بترجي: عشان خاطري ي ماما قول حاجة ي بابا
مصطفى بقلة حيلة: الا انتي شايفاه ي مريم
مروة بصدمة: انت بتقول اي ي مصطفى؟!
مصطفى: خلاص بقا ي مروة هي مش عاوزاه يتسجن
مروة بعصبية: يارب صبرني، ي بت دا هانك وشتمك وضربك وطلقك في اي لسه م عملهوش دا كان ناقص يموتك، وانتي هتسامحيه بسهولة كده
مريم برفض: لا ي ماما مش هسامحه انا هعرفه انه ظالمني
مروة بصدمة وصريخ: كمان هتشوفيه!! عشان يقتلك المرة دي يااااااااااااا لااااااهووووووووي
مصطفي بعصبية: مش هتشوفيه ولا هتكلميه ي مريم
مريم باصرار: بابا والله هعرفه انه ظلمني بس وهاجي
مصطفى برفض وخوف: ي بنتي مش هينفع ممكن يعمل فيكي حاجة لا قدر الله
مريم بتصميم: تعالي معايا وأقف بعيد، انا هعرفه الحقيقة والله بس، عشان يعرف اني مخنتوش، واني حبيته بجد، وانه ظلمني لما م سمعنيش، والنبي ي بابا عشان خاطري
مصطفى باستسلام: أمري لله
وبالفعل اتنازلت مريم عن المحضر وخرج محمود
على الموبايل
ليكي عين ي خاينة
مريم بتجاهل: عايزة اقابلك
محمود بعصبية وجنون: انتي مجنونة انا لو شفتك هقتلك
مريم بلامبالاة: تعالي هعرفك الحقيقة واني مخونتكش، بعد ساعة ف الكافيه الا كنا بنقعد فيه وقفلت
محمود بوعيد: وربي لاقتلك
بعد ساعة ف الكافيه
محمود بسخرية وهو حاطط ايده ف جيبه: ي اهلا بالخاينة
مريم بحزن: اهلا ب الا قالي انه بيحبني وطلع بيكدب، اهلا ب الا قالي بصدقك وشك فيا من اول مشكله اهلا
محمود بتريقة: شك!! انا شوفت المحادثة بعيني ب الاكونت بتاعك ي اللي كنتي بتقولي مش بكلم غيرك
مريم باستفزاز: انت مش واخد بالك اني خرجتك من السجن وممكن ارجع احبسك تاني
محمود بلامبالاة: انا مش بتهدد وكنت هخرج عادي جدا مش مستني مساعدتك ي خاينة
مريم بتجاهل: تمام بص ي محمود
محمود بسخرية: اه قولي كدبتك، يلا كل آذاني صاغية؛ بس اوعي تغلطي احسن أشك انك بتكدبي، ي ستي انا هعمل مش واخد بالي ان غلطتي، يلا وانا هصدق كدبتك حاضر
مريم وهي بتبص حواليها: طب اقعد الناس حوالينا
محمود بتريقة: م هي سُمعتك باظت خلاص م تقلقيش،
اهو قعدنا اتفضلي اكدبي
مريم بدأت تتكلم: انا هقول الا عندي ولو سمحت ما تقاطعنيش، محمود انا حبيتك بجد وقولتلك اني عمري م
افكر ف حد غيرك وده الا عملته، انا اكونت الفيس كان مسروق وكنت بحاول ارجعه وانا معرفتكش بالموضوع ده قولت هرجعه انا وخلاص مش لازم تعرف، إلا كان سارق الاكونت شخص اسمه تامر كان اتقدملي ورفضته، اما رفضته حطني ف دماغه، وابتدا يرخم عليا ع الماسنجر، كل م اعمله بلوك يعمل فيك اكونت ويبعتلي بس انا مكنتش برد عليه، والكلام ده قبل م تخطبني، وبعد خطوبتنا اما عرف فضل يهددني انه هيقولك اني بكلمه واني على علاقة بيه واني لازم اكلمه ي اما يفضحني قدامك، بس مسمعتش كلامه واتجاهلته لاني م عملتش حاجة غلط اخاف منها، اما مردتش عليه سرق الاكونت بتاعي وبقي يكلم رجالة على اساس انه انا، وبعتلك اسكرينات للشات عشان يبعدنا عن بعض وانت.. انت صدقته، دمعت عينيها وابتدت تعيط وهي بتقول: كنت فاكرة انك بتثق فيا ي محمود، انا اتظلمت منك اكتر من تامر لانه واطي يعمل اي حاجة، بس انت!! انت الوحيد الا حبيته، وعمري م فكرت ف حد غيرك، وانت رديت علي حبي ليك ب اي؟! شتيمة وضرت وإهانة وطلقتني هونت عليكي؟! بعد اربع سنين مشوفتش مني فيهم اي حاجة وحشة، لا وطلعتني من البيت ببجامة وبشعري انت ذليتني، انت حتى م سمعتنيش، م ادتليش فرصة ادافع عن نفسي، من اول مطب ف حياتنا سبتني ومشيت، شكرا ي محمود على حبك ليا الا انت وهمتني ووهمت نفسك بيه، الا بيحب بيثق وانت م بتثقش فيا يبقي محبتنيش ي خسارة ي محمود ي خسارة، انا قولتلك الحقيقة صدقتني او لا دي حاجة ترجعلك، المهم اني عرفتك اني مخونتكش ولا كلمت حد وان انت ظلمتني
اتصدم محمود وبقا مش عارف يقول اي صوته مش راضي يطلع من الصدمة الا هوا فيها: م مريم انا..
مريم بمقاطعة: متكملش ي محمود مفيش حاجة تغفرلك الا انت عملته، انت طلقتني خلاص وكل واحد فينا بقا من طريق، وانا هفضل طول عمري فاكرة الحلو الا كان بينا مش هنساه لاني حبيتك بجد مش زيك سلام وخرجت من الكافيه
خرج جري وراها عشان يصلح غلطه، يعتذر منها على الاقل على انه ظلمها وانه شك فيها وانه مسمعهاش، فضل ينادي عليها بس هي م بصتش وراها راحت ل مصطفى: يلا ي بابا
فجأة سمعو صوت جامد اوي بصو وراهم لقو الناس بتجري على حد واقع ف الارض، قلبها وقع ف رجلها من فكرة انه ممكن يكون محمود طلعت تجري وهي بتصرخ وبتقول: لاااااااااااااااااااااااااااااااااااااااا محمووووووووووووووووود محمووووووووووووووووود لاااااااااااااااااااااااااااااااااااااااا
دخلت بين الناس وقعدت على الأرض جنب الا نايم على الأرض وهي بتعيط وكانت بتقول بجنون: محمود محمود لااااااااا محمود، بتبص على الا غرقان ف دمه بس....
بس دا مش محمود (أراهن ان كلكم افتكرتوه محمود بس الاختلاف مهمتي) حمدت ربنا انه مش هوا، قامت وقفت وهي بتمسح دموعها بتبص جنبها لقت محمود باصصلها وبيقولها والدموع ف عينه: افتكرتيني انا وخوفتي عليا!! بعد إلا عملته فيكي وخوفتي عليا، ليه؟!
مريم بدموع: ممكن عشان حبيتك بجد ومتمناش ان يحصلك حاجة وحشة
محمود بحزن: انا آسف
مريم بوجع: آسف!! آسف مش هترجع حاجة من إلا انكسرت، احنا كنا فترة ف حياة بعض، فترة عدت بحلوها ومُرها، بتمنالك التوفيق ف حياتك
َمحمود بدموع وثقة: مش هلاقي زيك
مريم بابتسامة: ان شاء الله هتلاقي واحسن كمان سلام.
دي نهاية قصة محمود ومريم....
قولولي رأيكم ف النهاية♡♡♡
يارب تكونو استمتعتم بالاسكريبت♡♡♡.
تعليقات
إرسال تعليق