 |
_وأنتى بقا اللى بيقولوا عليك المهندس نور؟
واكمل صاحب الصوت العالى ليجلجل المكان بصوته:
اكتر من ساعة وانا بسأل فى المكان واقول المهندس نور المهندس نور وساعة ماالاقيك تطلعى ست.
رفعت حاجبيها مستنكرة الحديث وعقدت زراعيها وهى تاكل فى نفسها وتود ان تفرتسه ..ابتلعت ريقها بصعوبة بالغة محدثة نفسها "من ذا الذى يستطيع اهانتها ..بدأت تضيق عينها وتنظر إلى اكتر من اتجاه محدثة نفسها وهى تضع يدها فوق جبهتها لتحسين نفسها على الصمود
_اصطبحنا وصبح الملك لله، يافتاح يا عليم يا رزاق يا كريم
انا اصبحت بوش مين النهاردة ؟
كانت نورسين تتحدث بصوت شبه منخفض وهى تضع يديها فوق فمها ،ورافعة راسها وبتفكر بتمعن ، فتحدثت بصوت أعلى قليلا يشبه الصرخة
_دى أكيد ست زغلول دى عنيها انا عارفاها اوى
وارتفعت نبرة صوتها أعلى
_الصبر يا زغلول لما ارجعلك
فى هذه الأثناء مازال الراجل واقف أمامها بكل جدية ومهتم بها ومتابع لحركاتها فسمعها و بدأت تؤل له نفسه الحديث معها وسؤالها
_زغلول مين؟
انتبهت لوجوده قاصدة كل ما حدث حتى تلهيه عن صوته العالى
_لا ياحج متاخدش فى بالك دى جارتنا وبعدين انت....
ووقف الكلام على لسانها فجاة، نورسين لا تضع نفسها محل الغلط فيها ولا احد يستطيع ان يغلطها فى تصرف اى ما كان
ارتدت قناعها الجدى للوجه الفولاذى وتكلمت اليه بهدوء
_خير أمر ياحج بتسأل على الست ليه اللى هو انا المهندس نور تحت امرك ؟
واتجهت للأمام قليلا وقالت
_بس اتفضل اقعد حضرتك ارتاح الاول ..تشرب أى ؟
وبنفس حدته اتكلم وزعق
_لا معلش انا مبتعاملش مع ستات اناعايز راجل اتكلم معاه
الستات مكانها البيت مش هنا ..هنا مكان شغل وبس
مش على اخر الزمن شغلى يقف عشان ست واسمها ..
وقبل ان يكمل الرجل حديثه
اتسعت عنيا نور كثيرا مصدره شرزا يخرج منها ، و صمت الرجل مشكورا عن الحديث وابتلع باقى حديثه لربما خرج الكلام منه لحدثت كارثة ..أخطأ بحق المهندسة نورسين .
فكت نور يدها و دارت حوال المكتب فى اتجاه مجلسها فجلست بهدوء و رسمت على شفتيها ابتسامة صفرا ملت وجهها واجابت بهدوء
_معاك حق والله ياحج احنا مالناش غير قعدة البيت بلا شغل بلا ممرمطة خدنا أى من التعليم والشغل واهو فى الاخر بعد التعب دا كله مش عجبين خالص
يعنى اهالينا يعلمونا ويدفعوا دم قلبهم ونشتغل عشان نحاول نرد جزء من تعبهم لينا وبردوا مش عاجبين
وفى الاخر يجى بن الحلال ياخدنا احنا والشغل ولا كانهم ربوا ولا كبروا ولا علموا.
جلس الرجل أمامها ينظر لها بتمعن شديد وتذكر كلام العامل لديه عنها عندما ذهبت إلى الموقع وكيف كانت شديدة وتامر وتنهى وجلعتهم يضربوا كف فوق كف ورفضت إنهاء رخصة العمارة وحضر إلى هنا وجد فتاه كلامها مختلف تماما عما سرد له
تتابع نور عينه ، وجدتها زاغت عنه فقال
_روحت فين ياحج بكلمك ..الكلام خدنا مقولتش تشرب أى
دون أدنى رد أو نظرة منه لما يشغل تفكيره ..هو جاء لهدف معين وعليه التأكد من صحته ف قال لها بهدوء
_عايز قهوة مظبوط
رفعت نور السماعة وطلبت البوفيه وتحدثت بحذر وشدة
_هاتلى ٢ قهوة واحدة مضبوط والتانية سادة واغلقت السماعة بشبه حده أمام هذا القابع امامها
مازال هذا
الرجل محتير بها وأفعالها، من أين لها تكلمه ب بالغ الهدوء دا ومن أين لها أن تكون جامدة كده.. وفجأة سألها
_والداك فين
تعجبت نور السؤال، وضيق صدرها قليلا، ولأنها لا تحبذ سيرة والدها فى مقر العمل خاصة وضحكت بهدوء وسخرية لازعة
_ هتقول لبابا اللى انت محتاجة فى الشغل وهو يبلغنا
ولا هتشتكيله منى..
انقلبت لهجتها لرسمية وجافة
_حضرتك لو عندك سوال يخص الشغل اتفضل اسأل وانا هجاوبك غير كده انا اسفة
لنفس طريقتها رد الرجل بحدة
_مقولت عايز راجل اتكلم معاه ..ولا هفضل اعيد وازيد
_والله يا حج احنا ٣ ستات بلغتك او بلغتنا وتعينا هنا مهندسات فى المكتب زى ماحضرتك شايف ممعناش راجل.. لما يعينوا راجل هابقى ابلغك ان شاءالله
وبدات تقلب نور فى الورق امامها وتمضى وتراجع بعض الأعمال الخاصة ظاهريا و داخليا صدرها يغلى لتمزيق الكائن الجالس امامها
وما زال
الرجل ينظر لها ونفسه تحدثه ان يرمى عليها بنزين ويحرقها مثل رودها الباردة .
وقام وقفا وخبط بيده بشدة على المكتب ..لكن نور الخبطة مهزتش فيها شعرة ، رفعت وجهها بهدوء ونظرت له وقامت وقفت بس قبل ما تتكلم
حضر عامل البوفيه ودخل ووضع القهوة بهدوء وقبل ان يخرج كانت المفاجأة الكبرى
شاهد البارت الثاني من هنااااااا
✍️وفاء_الغرباوى
تعليقات
إرسال تعليق