مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

احببت زين الصعيد 

البارت التامن 

الكاتبه فرح ♥♥🫂

فرح: مالك ي حبيبي مين كان بيكلمك 

زين: انتي عارفه مين بعت الصور ل ياسين 

فرح: مين 

زين: ماجد السيوفي 

فرح باستغراب: مش ده الدكتور بتاعها صح هو بيعمل كده ليه

زين بتنهيده: علشان ماجد ده ابن رضوي يا فرح

فرح بصدمه: اي 

زين: انا هكلم حمزه ييجي و نحلها و نخلص من الموضوع ده مينفعش نسكت عليه 

فرح بخوف: زين عيالي 

زين حضنها: متقلقيش ان شآء الله خير 

عند ياسبن و سلمي 

ياسين: انا صالحت عمتو و عمو مصطفى اهوه خلاص بقا المسامح كريم 

سلمي ببرود: انا رايحه انام تصبح على خير 

ياسين مسك ايديها: سلمي خلاص بقا انتي عاقبتيني بما فيه الكفايه 

سلمي: و انا مش قادره اسامحك يا ياسين 

ياسين ساب ايديها: تمام يا سلمي و انا هكلم بابا و نطلق بكره 

سلمي بصتله بصدمه: انت بتقول اي 

ياسين: اظن ده اللي انتي عايزاه و سابها و نزل زين شافه و راح قعد معاه 

زين: ايه مصحيك لحد دلوقت اخواتك كلهم نامو ولا سلمي كرشتك 

ياسين: والله يا بابا بتعيد في نفس الموضوع و انا حلفتلها كام مره انه غصب عني و لو هي مكاني كانت هتعمل اكتر من كده 

زين:هي عمرها ما تشك فيك متنكرش انك غلطان

ياسين بتنهيده: المهم عرفت مين صاحب الرقم 

زين بصله و سكت 

ياسين بصله بشك: بابا مين صاحب الرقم 

زين بتنهيده: ماجد 

ياسين بتركيز: دكتور ماجد اللي بيدرسلها 

زين: ايوا هوا 

ياسين قام وقف: دا يوم اللي خلفوه اسود 

زين مسكه بسرعه: اهدي بس انا هفهمك 

ياسين: تفهمني ايه سيبني يا بابا 

زين: اقعد هفهمك و حكاله عن رضوي من زمان و عمايلها 

ياسين: طيب و هنعمل ايه 

زين: هنوقعها هي و ابنها بس الصبر المهم اطلع صالح مراتك كفايه خصام 

ياسين: حاضر ي بابا 

طلع فوق لقاها قاعده في ركن و بتعيط قرب منها شالها و حطها علي السرير

ياسين: بتعيطي ليه مش انتي اللي كل شويه نطلق نتطلق

سلمي بصتله و سكتت 

ياسين: ردي 

سلمي بعياط: يعني عايز تعمل فيا ده كله و اسامحك عادي انت معملتش فيا قليل انت هنتني جامد اوي و ذلتني قدامهم كلهم 

ياسين حضنها جامد: طيب اهدي حقك علي قلبي انا اتاسفتلك كتير اوي والله غصب عني و هدفع اللي عمل كده التمن غالي

سلمي بعياط: انت بقيت قاسي عليا بعد ما كنت احن حد عليا و كنت بهرب من الدنيا كلها ليك 

ياسين: اسف والله اسف يا عيوني بصي اللي تطلبيه كله يتنفذ حالا اطلبي اي حاجه 

سلمي مسحت دموعها و بصتله: اي حاجه اي حاجه 

ياسين: اه والله 

سلمي: اممم ماشي سيبها لوقتها بقا 

ياسين: ماشي يا ستي يعني كده صافيه لبن 

سلمي: ايوا خلاص اشطا 

ياسين: طيب خلاص هاتي بوسه علشان اصدق 

سلمي ضربته في كتفه: يا قليل الادب 

ياسين بضحك: طاب يلا ياختي ننام عندي اجتماع مهم الصبح و خدها في حضنه و نام 

الصبح

فرح خبطت علي اوضة يزن 

فرح: صباح الخير ي حبيبي 

يزن باس ايديها: صباح الورد يا ست الكل 

فرح: كنت عايزه اتكلم معاك في موضوع 

يزن: اتفضلي يا حبيبتي 

فرح بخبث: ايه رايك في يمني 

يزن بتوتر: مالها يا ماما يعني 

فرح: حلوه يعني 

يزن بتوهان: حلوه اوي ي ماما 

فرح بضحك: لا دا انت واقع بقا 

يزن باحراج: خلاص يا ست الكل بقا 

فرح بضحك: ماشي البس يلا عبال اخواتك ما يصحو و طلعت 

عند زين بيتكلم مع حمزه: يا حمزه لازم نلاقو حل العيال كبرت و الاذي هيطولهم

حمزه: متقلقش انا هجيب تيا و العيال و اجي و قول ل مالك كمان يجيب عياله و ييجي 

زين: هكلمه بس قولي مش انت كنت مراقبها ازاي يحصل كده 

حمزه: والله يا زين مش عارف و اشمعنا سلمي بالذات 

زين: مش عارف المهم بعد يومين بالكتير تكونو هنا الخطر بقا حولينا يا حمزه انا مش راضي اقلقهم

فرح من وراه: تقلقني ب ايه 

زين بتوتر: طيب اقفل ي حمزه مع السلامه 

فرح: تقلقني ب ايه 

زين: مفيش حاجه ي حبيبتي 

فرح بدموع: انت مخبي عني ايه انا عايزه افهم 

زين مسح دموعها: انتي بتعيطي ليه بس اهدي و مفيش حاجه مخبيها 

فرح: تمام يا زين و ملكش دعوه بيا سامع و سابته و طلعت

زين بتنهيده: والله غصب عني ان اخبي عنك ربنا يعدي الايام الجايه علي خير

عند ياسين صاحي و قاعد يبص علي سلمي 

ياسين في نفسه: والله لاعوضك عن كل حاجه و لاحر'قهم كلهم

سلمي اتقبلت و فتحت عنيها لقته بيبصلها 

سلمي بنوم: صباح الخير 

ياسين قرب باسها: صباح الفل ي حبيبي 

سلمي: انت صاحي بدري كده ليه 

ياسين: مش بدري ي روحي الساعه 10

سلمي نطت من علي السرير: يالهوي اتاخرت زمان ماما بتحضر الفطار لوحدها 

ياسين شدها: اهدي بس اهدي البسي و انزلي ماما مش هتقول حاجه 

سلمي: حاضر و جريت لبست و نزلت 

لقت فرح في المطبخ و زين واقف يصالحها 

سلمي: اسفه اوي ي ماما والله و كملت باستغراب مالك ي خالو واقف كده ليه 

زين: حبيبتي مفيش حاجه لو اتاخرتي و انا واقف كده اصالح الهانم

سلمي: طيب يلا هحضر انا و خدها صالحها براحتك 

زين: حبيبت خالك و شد فرح مرضتش تروح 

زين: ي حبيبتي اسمعيني

فرح بتجاهل: سلمي يلا حضري عشان زمان كل واحد عنده شغل

سلمي: حاضر و وقفت تحضر الاكل و حطته علي السفره

زين: يزن جهز نفسك بكره هنروح نشوف العروسه 

يزن: عروسة مين ي بابا 

زين: يمني انا كلمت ابوها و خدت معاد بكره جهزو نفسكم 

فرح (الصغيره): الله يبقي عندك فرح مبروك ي ابيه 

يزن: الله يبارك فيكي ي حبيبتي 

كلهم باركو ل يزن و كل واحد قام راح علي شغله 

باليل ياسين جه و معدي من جنب اوضة فرح سمع... 

يتبع 

الكاتبه فرح ♥♥🫂

اسفه للتاخير بس عندي فرح البيست بتاعتي و بكتب و انا بجري ورا نفسي والله هعوضكم ببارت كبير