 |
ـــــــــــــــــــــــــــــــــــــــــ
هتيجي تتقدملي امتي انا خلاص مبقتش قادره اتحمل ارجوك متخذلنيش
ادم: اتجوز مين انت فاكره اني ممكن في يوم اتجوزك لا فوقي يا ماما انا استحاله ابصلك انت مش شايفه نفسك عامله ازاي...
نور: بصدمه.. انت بتقول اي
...
اعرفكم بنفسي انا نور عندي 23سنه وبابا وماما منفصلين لكن عايشه مع ماما اللي كل اهتمامها بالشغل وانا اخر اهتماماتها محجبه وعلي قدر كبير من الجمال
ــــــــ
فلاش باك
نور: ماما انا عايزه اتكلم معاكي
نورهان.. لما ارجع يانور انا مش فاضيه دلوقتي
نور: يا ماما كل مره مش فاضيه انا محتجالك ليه مش بتهتمي بيا يا ماما انا...
نورهان.. خلاص يا نور لما ارجع
نور حست ان مامتها عمرها ما هتحس بيها فكرت انها تتعرف علي صاحب مجهول تحكيله كل حاجه علي الاقل هتلاقي حد يتكلم معاها فتحت الفيس بوك وبالصدفه لقت رساله من شخص اميله مكتوب باسم اتيت لاجلك شدها الاسم والفضول خلاها ترد علي الرساله وقالتله اه ممكن نتعرف
انا نوروانت
ادم: انا ادم الحملي اهلا بالقمر
نور: هو احنا ممكن نكون اصدقاء انا معنديش اي أصدقاء ومحتاجه احكي وعينيها كلها دموع
ادم: اكيد طبعا ممكن بس ممكن اشوفك عشان اكون فاهم بكلم مين
نور بس...
ادم.. براحتك لو مش واثقه فيا خليها لحد متتعودي
نور... فكرت شويه وقالت هو هيعرفني منين وراحت بعتت صوره كانت عباره عن صوره ليها بلبس مش مرتب
ادم؛: بص للصوره وفضل يضحك ويضرب كف علي كف ويقول دي شكلها هبله وهنتسلي وابتسم بخبث.. ورد وقال..
ما شاءلله جميله يا نور
نور؛ ابتدت تحكي علي كل حاجه بدايقها ومامتها وانها محتاجالها
ادم: اعتبريني كل حاجه يا نور وانا اكيد هسمعك
نور: ابتسمت وكان الدنيا رجعت تضحكلها خاصه انها مظحكتش من قلبها من بعد انفصال اهلها
ادم: بضحك دي هبله اوي وبتحكي كل حاجه بس انا استحاله ابصلها وضحك
تاني يوم
نور رنت عاي ادم وبتقوله صح النوم يباشا كل ده نوم
ادم: حس انها مبسوطه فسالها عن السبب
نور: اصلي حلمت حلم هبقي احكهولك بس عايزه اشوفك واعرفك
ادم: بتردد ماشي يا نور
اتفقوا علي مكان يشوفوا بعض فيها
ادم: انتي فين انا منتظرك من بدري
نور: انا وراك اهو
ادم: بص وراه لقيها فعلا وكان عايز يضحك بس مسك نفسها من الضحك وهو بيقول في سره دي شكلها مضحك اووي
خلص اليوم وهم بيتكلموا لحد ما في يوم.......
يتبع...
عشان التشجيع القمر ده
فصل كمان
#اتيت_لاجلك
ادم: بص وراه لقيها فعلا وكان عايز يضحك بس مسك نفسه من الضحك وهو بيقول في سره دي شكلها مضحك اوي
خلص اليوم وهم بيتكلموا لحد ما في يوم رن تلفونه
نور: ادم الحقني انا في مشكله عايزه اشوفك
ادم: استغرب لهجتها وحس ان في حاجه وقالها ماشي هستناكي مكان ما بنتقابل
راحت نور لنفس المكان واول ما شافته قالتله هتيجي امتي تتقدملي انا خلاص تعبت مش قادره اتحمل وماما جيبالي عريس ابن زميلها في الشغل ارجوك تعال متخذلنيش
ادم: اتجوز مين انت فاكره اني ممكن في يوم اتجوزك لا فوقي يا ماماانا استحاله ابصلك انت مش شايفه نفسك عامله ازاي
نور بصدمه. انت بتقول اي مش انت قولتلي اني جميله وانك بتحبني و هتتحمل الدنيا كلها عشاني ليه يا ادم ليه تكسرني كده
ادم: انت عمرك ما كنتي ف بالي ولا فكرت فيكي انا استحاله ابص لوحده بشكلك ده اي اللي انتي لابساه ده لابسه كانك خدامه
نور: ضربته بالقلم وقالتله انت اييي يا اخي دنا حبيتك حبيتك وامنتك ليه بتعمل كده ليه بتتسلي بيا يا ادم ليييييه
ادم: عشان تاخدي بالك يا حلوه انا مستحيل افكر في وحده لو طلبت منها اي حاجه هتعملها عشاني انت من اول مكلمتيني ونازله من نظري وضحك وقال تعيشي وتاخدي غبرها يا هههههه
سابها وهي قعد علي الارض كلها وجع وبتصرخ وبتقول ليه دنا حبيتك حبيتك اوي ليه تعمل كده وافتكرت..
ــــــــ
فلاش باك
جات رساله علي مسانجر
ادم
نور انا حبيتك اوي حاسك مختلفه وجميله انا اتمني انك تقبلي حبي ليكي
نور: اتكسفت وقالت وانا كمان بحبك يا ادم وارتحتلك انت بقيت اغلي حاجه في حياتي
ــــــ
فاقت نور من خيالها وفكرت في حالها دلوقتي وفضلت تعيط وبتقول مش مسمحاك هكسرك زي مكسرتني
رجعت نور البيت ودخلت علي اوضتها بدون اي صوت كانت امها في البيت في الوقت ده استغربت ودخلت وراها
نورهان: مالك يا نور داخله من غير صوت
نور:...
نورهان: نور ردي عليا وبرضوا عايزه اعرف رايك ف موضوع الجواز
نور: لم تتمالك نفسها وانفجرت في بكاء وبتصرخ وبتقولها سيبني حرام عليكي انت ازاي ام كده ازاي تسبيني كده انا قلبي مكسور موجوعه اوي يا ماما وانتي مش فاضيه ليه سيبني متسالنيش عشان انتي السبب لو كنتي خدتيني مره في حضنك مكنتيش هنكسر كده
نورهان: دموعها نزلت بالم عشان حست انها اهملت بنتها وفكرت بس ف شغلها قربت منها وقالتلها نور اسفه يا بنتي احكيلي مالك اوعدك مش هسيبك تاني بس متوجعيش قلبي كده عليكي
نور بدموع: خلاص يا ماما مبقاش ينفع...
الام بصدمه:. حصل اي يا نور قولي
نور: بالم قلب بنتك اتكسر وانداس عليه واتذلت انا وحشه اوي يا ماما
الام ببكاء: انتي مفيش ابدا في جمالك
نور بوجع: بس يا ماما انا فعلا وحشه انا لبسي وحش هو قالي اني زي الخدامه
الام بصدمه.......
يتبع
#اتيت_لاجلك
#البارت_الثالث_والاخير
#اتيت_لاجلك
تيت_لاجلك
نور بوجع: بس يا ماما انا فعلا وحشه انا لبسي وحش هو قال اني زي الخدامه
نورهان بصدمه: هو مين يا نور
احكيلي حصل اي
بعد الحاح كتتبر اوي من نورهان استسلمت نور للواقع وحكت لمامتها كل حاجه من اول ما عرفته
نورهان: حست بالم ووجع علي حال بنتها وقلبها وغبر انها السبب في حالة بنتها اهمالها وشغلها اللي عماها عن بنتها واحتياجها _خلالها تدور علي_ الحب في مكان تاني
نورهان: نامي يبنتي دلوقتي وارتاحي واخدتها نورهان في حضنها لحد منامت
تاني يوم الصبح صحيت نور ولقيت امها جمبها
نورهان صباح الخير يا حبيبتي
نور: صباح النور يا ماما
نورهان: يلا قومي البسي هنخرج سوا انا وانتي ونعمل شوبنج كتتتير اووي
نور: مليش نفس لحاجه يا ماما سيبني حاولت الام مع نور ولكنها رافضه تماما بعد خروج الام
نور: افتكرتها ودموعها نزلت بدون متحس وافتكرت حاجه ابتسمت بتريقه: وقامت من مكانها واتوضت وفرشت سجادتها
نورببكاء: سامحني يا ربي انا عارفه اني عصيتك واني غلطت وقت لجات لانسان وملجاتش ليك كملت نور ببكاء: ارجوك سامحني انا هتغير وهكون احسن بس مش طالبه غير رضاك عليا سجدت نور والدموع مش بتفارق عنيها من جهه مش مسامحاه ومن جهه هي لسه بتحبه بس قررت انها مش هترجعله ممهما حصل وانها هتتخطاه وهتبدا حياه جديده بس مفهاش غير رضا ربنا وبس
فضلت علي حالها كذا يوم تصلي وتنام وتبكي اوقات كتير لحد ما.
نورهان: كفايه بقا يا عمري محدش يستاهلك ابدا يلا عشان النهارده هنخرج سوا ومفيش اي كلام..
نور باستسلام: حاضر يا ماما
ـــــــــــــــ
عند ادم
بعد اللي حصل مع نور مهتمش خالص وكان بيتعرف علي بنات جديده وبيضحك علي دي ودي
بس ديما كان حاسس انه في حاجه ناقصه وكان بينكر انه ممكن تكون هي اللي فارقه ف يومه
مهتمش للاحساس ده وراح يكلم بنات عادي
عند نور
نورهان: اي رايك نشتري شويه فساتين
نور: ماما انا عايزه اختمر
نورهان بفرحه: ربنا يهديكي يا عمري حيث كده تعالي نشتري حجاب طويل وكمان كام فستان للقمر
نور ابتسمت واختارت كذا فستان كانوا قمه في الروعه علي حجاب بالوان هاديه ولبست فستان علي حجاب
نورهان: بسم الله ما شاءلله ربنا يحرسك يا بنتي ويحميكي
نور: قدام المرايا بصت لنفسها وحست انها راضيه عن نفسها اووي ومبسوطه بشكلها لبسها بسيط جدا لكنه جميل
نور: ماما انا عايزه اشتغل
نورهان: كانت رافضه الفكره لكنها قالت اكيد الشغل هينسيها اي حاجه حصلت وفعلا كلمت مديرها وطلبت يوظف بنتها وانه مخلصه كليه تجاره وتقدر تشتغل محاسبه تبع الشركه
محمود مدير الشركه: انتي عارفه ياومدام نورهان اني مفيش مكان بس عشان انتي مجتهده جدا ومش بتقصري ابعتيها بكره لزين ابني وهوصيه عليها
كلم محمود زين ابنه وقاله في بنت شوفها ولو كويسه شغلها معانا زين قاله حاضر يا بابا مش عارفه قلبك الطيب ده هيوصلنا لفين
تاني يوم ارتدت نور حجابها اللي كان عباره عن فستان اسود مشجر علي حجاب اوفويت كان الله اكبر : قولوا بسم الله: 😂
وذهبت للشركه اول ما دخلت انبهرت بجمالها وفخامتها
وسالت علي مكتب زين بيه وراحت هناك
اول ما زين شافها: مقدرش يشيل عنيه من عليها وهو مبتسم زي الاهبل
نور: لاحظت ده واتحرجت ومليت وشها للارض
لاحظ: زين كسوفها فاتكلم برسميه اكيد انتي انسه نور اتفضلي
نور: ابتدت تكلمه علي كليتها والكورسات اللي اخدتها
زين: تمام هتستلمي الشغل من دلوقتي لو حابه واتمني تكوني مجتهده زي مدام نورهان
نور: بابتسامه اكيد هكون عند ظنك وابتسمت وراحت علي مكتبها بعد ما سالت السكرتيرة عنه
زين: في نفسه ما شاء الله اي الجمال ده وابتسم
نور: حياتها اتغيرت بعد الشغل وبقت جديه جدا وبتهتم بشغلها جدا وهي مبسوطه وحست انها رجعت احسن من الاول بكتير قامت وصلت وحمدت ربنا علي اللي وصلتله ونامت
نور: نايمه وهي بتحلم ومبتسمه في الحلم وفاقت علي صوت امها وهي بتقولها كفايه نوم يا نور يلا يا حبيبتي قومي كلي
قعدت نور علي السرير وهي بتفتكر الحلم بس ادايقت جدا لانه نفس الحلم اللي حلمته قبل كده فتجاهلته وقامت
نور: صباح الخير يا ست الكل عملالنا فطار اي
نورهان: صباح القمر اللي قدامي ده يلا افطري عشان ننزل شويه
فطرت نور ولبست ونزلت هي ومامتها وراحوا قعدوا عن البحر بعد ما العلاقه بينهم بقت اقوي ابتدوا يحكوا لبعض كانهم صحاب وانتهي اليوم وهم مبسوطين
نو ر ونورهان تاني يوم راحوا الشركه سلم عليهم محمود وهي بيبتسم لانه اول مره يشوف نور وقال ربنا يحفظك يا بنتي واستاذنوا
وكل واحد راح علي مكتبه
زين: ممكن يا انسه نور تجيلي المكتب
نور: حاضر يا استاذ زين
نور كانت بتحس ديما بارتياح ناحيه زين لكن خلته ف قلبها عشان متكررش نفس الغلط
زين: بابتسامه ينفع نتيجي انا وبابا نشرب شاي عندكم
نور: ليه اااها اكيد تنوروا في اي وقت اكيد
زين: ابتسم عليها وهي مشيت عند مامتها
نورهان: مالك يا نور في حاجه حبيبتي
نور: زين وباباها عايزين ييجوا يشربوا شاي مش عارفه ليه
الام: بضحكه يمكن معندهمش شاي ولا حاجه وفضلت تضحك وهي مبسوطه من قلبها
نور: ابتسمت وفكرت فيه وبعدين شالت الفكر ه من دماغها وهي بتقول دول هيشربوا شاي مش لازم ارسم حياتي ع كوبايه شاي وضربت دماغها بضحك وكملت شغل
بالليل: جه زين زمعاه ولده رحبت بيهم نورهان ونور خرجت ازيك يا استاذ محمود ازيك يا استاذ ادم بعد مسلموا علي بعض قعدوا
محمود: مدام نورهان انا جاي اخطب نور لابني زين
نوربصدمه: اييي بس هو قالي هيشرب شاي بس
ضحكوا الكل عليها.. والام شدتها بتقولها اقعدي يا بنتي ربنا يهديكي وضحكت
نورهان: اكيد مش هلاقي زي زين لنور بس ده قرارها هي
زين: قولتي اي يا انسه نور
نور اتكسفت وقالت اللي تشوفيه يا ماما
نورهان: زغرتت وهي بتقول مبروك يا بنتي مبروك يا زين
سابتهم نورهان ومحمود وقعدوا في نفس المكان بس بعيد شويه
زين: مبروك يا نور انا من اول يوم شفتك فيه وحسيت انك مختلفه عن الكل وفيك براءه جميله جدا كانت بتشدني ليكي وكمل اوعدك اني مش هخذلك وهكون سند ليكي لاخر العمر
نور: كانت مكسوفه جدا ولكنها مبسوطه اووي من جواها بتقول انت عوضي ربنا عوضني بيك عن الكسره اللي شفتها وعرفت ان اي علاقه بدايتها حرام مش بتكمل واخرها وجع وقهره وان اللي مع ربنا ديما بيفوز
عدت الايام: وزين ونور عرفه بعض اوي وكل.واحد فيهم اتاكد انهم اختاروا صح
وفجاه
نورهان: يلا يا نور هنتاخر علي القاعه وزين مستني من بدري
نور: لفت لنورهان بتوقلها حاضر يا ماما خلاص انا خلصت
نورهان: اللهم بارك ما شاء الله حوريه يا بنتي ربنا يحرسك من العين وحضنتها..
زين: وبعدين يا حماتي سيبيلي اميرتي شويه
مسك ايديها وخدها علي مكان القاعه بعد ما كتبوا الكتاب وسط فرحه اهل محمود ونورهان حتي صحاب نورهان عزمتهم كلهم وراحوا علي القاعه
وفجاه: نور لقيت شخص جاي عليها ولما قرب لقيته باباها
حسن بدموع: كده يا نور تنسيني يبنتي انا عمري ما فكرت اني محضرش فرحك وقرب منها
نور ببكاء: وحشتني اووي يا بابا لنت ليه سيبنتي
حسن"اسف يا حبيبتي انا مليش غيرك وباس علي راسها والكل كان متاثر جدا وسلمها لزين وهو بيقوله حطها في عنيك يا زين دي اغلي حاجه عندي
زين: سلم عليها وقاله في عنيا يا عمي وبص لنور بابتسامه
بدا الفرح والكل كان مبسوط جدا بس كان في اللي بيراقب من بعيد بصمت..
صحاب نور فضلوا يرقصوا ويهيصوا ونور مبسوطه جامد وهي بتبص لزين: وبتقول تمنيت عوض الله ولكني لم اعلم ان عوضها اكبر من امنياتي
زين: باس ايديها وقالها: اتيت لاجلك لانك من خلقتي ليه وخلقت لك فانتي عالمي الجميل
ــ
عند ادم
تعب جدا بعدها وحس انه كسر وخسر انسانه نظيفه بعد ما اتريق عليها ومهموش قرر انه يروحلها لو مش هترجعله علي الاقل تسامحه
سال عليها عرف ان فرحها النهارده اتكسر واتوجع اوي وقالها سامحيني بس انا بحبك ووجعتك او ي ولكن خلاص كان فات الاوان
ـــــــــــ
في القاعه
زين ونور بيرقصوا رقص سلو وهو بيبص في عنيها وهي بترقص ومبسوطه شافت حد بيبص عليها من بعيد ولكن كان شكله موجوع اتجاهلته
وبعدين افتكرت الحلم اللي حلمته
انها لابسه فستان ابيض ومبسوطه جدا وفي شخص جمبها مبسوط اوي بيها كانها اكبر انتصار في حياته وهي ماسكه فيه ومبسوطه اوي
ولمحت حد بيبص من بعيد
فاقت وقالت لنفسها انا كنت فاكره انك انت يا ادم اللي حلمت بيه لكن انت خذلتني وتستاهل اللي يحصلك وبصت لزين وهي مبتسمه مفهمش نظرتها ولكنه كمل معاها بابتسامه وهو بيقولها سرحتي فيا يا ملاك قلبي
ابتسمت وحضنته وهم بيرقصوا وخلص الفرح وكل مبسوط اووي ويوم عدي جميل
ــ
ادم بص عليها ولقيها مبسوطه قرر انها مش هياذيها تاني وهسيبها تكمل حياتها مع شخص هي اختارته وهو قدرها وهو وماشي
هجموا عليه ناس وبدوا يضربوا فيها جامد لحد موقع علي الارض واخر حاجه سمعها بتلعب ببنتي يا حيوان واكيد جاي تكسر بنت تانيه وفضلوا يضربوا فيه وقاله اياك تقرب من مي بنتي يا ك*لب
وسابوه سايح في دمه وهو حاسس بالم ولكن وجعه اكبر علي حبيبته وعلي كل حاجه وحشه عملها في اي بنت وعرف ان ربنا مش بيسامح في حق حد وان اللي بيستقوي علي بنت ربنا اقوي منه
تمت....
#اتيت_لاجلك
#الفصل_الاخير
تعليقات
إرسال تعليق