مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

#غرام_الاكابر  بقلم #منال_عباس

الجزء الثالث سكريبت 1

غرام : ياااه يا عاصومى الايام مرت بسرعه ...دا احنا كبرنا اوووى 

عاصم بضحك : عاصومى وكبرنا ازاى بقي 

غرام : النهارده تخرج ادهم ..مش مصدقه ..أن ادهم كبر وبقي مهندس اد الدنيا ...

عاصم : الفضل لله ثم ليكى يا غرامى ..عمرك ما قصرتى مع حد مننا ...

تقف غرام امام المرآة وتنظر إلى ملامحها بدقه ثم تعبس بملامحها ...

غرام : عاصم هو انا كبرت ..يعنى ممكن تبص لواحده غيرى ؟؟

عاصم : انتى زى القمر يا قلبي ثم كبرتى ايه انتى بتصغرى مش بتكبري اللى بيشوفك معايا بيفكرك بنتى ..يا بنت قلبي 

غرام : ياااه يا عاصم انا بحبك اوووى ..يا ابن الأكابر ياللى سرقت قلبي ...

يقترب منها عاصم ويقف خلفها يحتضنها ويستنشق عبيرها ويقترب من أذنها ويهمس بحب 

ب...ع...ش...ق...ك ثم يقبلها من عنقها لتلتفت له غرام وهى مغمضه العينين فذلك العاصم وحبه كفيل أن يجعلها ملكه متوجه على عرشه...

   عند ادهم 

يبدأ ادهم بالاستعداد إلى حفله التخرج 

تتصل عليه نورين 

نورين : مبروك يا أدهم التخرج 

ادهم : مبروك علينا حبيبتى 

نورين : هو اللى انا سمعته دا صح 

ادهم بضحك : ايوا صح 

نورين : اول مرة تقول حبيبتى !!!

ادهم : اكيد كنتى حاسه بمشاعرى يا نورين ..لكن ما كانش ينفع اقولك الكلمه دى قبل ما اكون ادها ....

دلوقتى اتخرجت واقدر اعتمد على نفسي ..واتقدملك يا نورين ..ايه رايك 

نورين بخجل : انت عارف رأيي يا أدهم ...

ادهم : طب يلا اجهزى انتى كمان ومبروك عليكى التخرج يا قلبي ..

نورين : الله يبارك لى فيك وتغلق الهاتف وهى سعيده 

نورى : العيون اللى بتلمع دى بتقول أن وراها خبر حلو ...فرحينى 

تمسك نورين يد اختها نورى وتتراقص معها 

نورين : اخيرا جالها جال احبك جالها 😍😍😍

نورى بفرحه لأختها : كدا الفرحه فرحتين ..فرحه تخرجنا وفرحه حبكم ربنا يسعدك حبيبتي

نورين : ويسعدك انتى كمان يارب 

نورى : انا هكمل فى الجامعه فرصه انى جيبت تقدير يخلينى معيده فى كليه الهندسه ..

نورين : تستاهلى كل خير حبيبتي

تدخل رغد 

رغد : انتم لسه ما جهزتوش ...يلا بسرعه بابي منتظر من بدرى 

نورى ونورين : حاضر يا مامى 

تبدأ الفتيات باستبدال ملابسهم ووضع القليل من الميك اب ...

عند هنا 

يلا يا احمد انا جهزت انا و بيسان يلا علشان ما نتأخرش على حفله ادهم ...

بيسان ابنه هنا وأحمد عندها خمس سنوات

احمد : ايه القمر دا 

هنا : ميرسي يا حبيبي

احمد : بس انا بقول على بيسان 

هنا : بقي كدا يا احمد ..

احمد : بهزر يا قلبي انتى الجمال كله ..انتى ام القمر يا قمر انتى ...

عند رامز ينظر رامز فى المرآه ويتذكر اخر مرة رأي بها هند 

فلاش باااااااك

رامز : هند ليه مصممه تبعدى يا هند ...احنا سألنا وعرفنا أن يجوز الزواج ... وخصوصاً أن والدتك ربنا يرحمها توفت ....

هند : بس فيه بعض العلماء رفضوا دا يا رامز 

ارجوك يا رامز انا كمان مش مهيئه نفسيا ..للزواج 

كل ما افتكر انك كنت مع ......مقدرش اتخيل نفسي معاك ..انا خلاص قررت اسافر السعوديه عند اختى 

ولو فى نصيب تانى اكيد هنتلاقي ...

بس اوعدنى يا رامز : لو لقيت بنت الحلال ارجوك ارتبط بيها ..

وتركته وسافرت ...

    عودة من الفلاش 

رامز :ياااه يا هند ازاى كنتى متخيله انى اقدر ارتبط بواحده غيرك ..انا ما عرفتش الحب العفيف غير معاكى ..وهفضل على أمل انك تكونى ليا ...بالرغم انك قطعتى كل اخبارك عنى ...بس انتى جوا قلبي ...

         عند شمس وباسم 

شمس : عارف يا باسم ..بحس أن غرام هى اللى مجمعه العائله ...

باسم : دكتورة غرام من افضل الدكاترة فى مصر واهم انجازتها أنها عرفتنى بيكى حبيبتي

شمس : يعنى ما زهقتش منى يا باسم 

باسم : ازهق منك انتى يا شمس ..دا انتى اللى منورة حياتى انتى وبدر حبيبي

بدر ابن شمس وباسم 6 سنوات ..ولولا انك تعبتى فى الحمل اوووى كنت اقولك عايزك تملى الفيلا اولاد 

بس كفايه السعاده اللى انا عايشها معاكى انتى وبدر 

شمس : ربنا ما يحرمني منك ...يلا انا جهزت  ..

      عند سما ولؤى 

سما : خفى الميك أب دا يا لوجى 

لوجى : يا مامى انا كبرت وبقيت في الجامعه  ودى 

حفله ادهم اخويا الكبير ...

سما : حفله اخوكى الكبير ولا سي اسد هيكون موجود ؟؟

لوجى بكسوف : وبعدين معاكى يا مامى 

تسمع سما صوت زياد واياد العالى

زياد : انا مش عايز اروح كلهم كبار ومش هنعرف نلعب 

اياد : عندك حق ..تعالى نعمل أننا تعبانين 

زياد واياد اولاد سما التوام عمرهم 7 سنوات ...

تبتسم سما لما سمعته 

سما : سامع يا لؤى زياد واياد بيقولوا ايه 

لؤى : سيبيهم على راحتهم....وخلى الداده تاخد بالها منهم ..

سما : اللى تشوفه 

يذهب الجميع إلى مقر الجامعه الامريكيه للاحتفال بحفله تخرج كلا من ادهم ونورى ونورين ...

يتقابل الجميع بترحاب 

رغد وهى تسلم على صديقه عمرها غرام 

رغد : كبرنا يا غرام والاولاد بتتخرج 

غرام : ربنا يفرح قلوبنا بيهم ...

يجلس الجميع وتبدأ حفله التخرج

حيث يتم تكريم الطلبه وأخذ شهاده التقدير .....

كانت غرام مجهزة لحفله كبيره عندها بالفيلا بعد انتهاء حفله التخرج ..بالجامعه ...

غرام : يلا بينا علشان نبدأ حفلتنا 

اونكل حكيم واونكل مراد وخالتو حسناء وعمى حسن ..الكل فى انتظارنا ...

رامز : طيب اعذرينى انا يا غرام اروح البيت ..

عاصم : ما ينفعش ..احنا ما بنصدق نتجمع 

رامز : طيب يلا بينا 

رامز والشوق يأكله من طول غياب محبوبته 

اغمض عينيه ليرى خيالها أمام عينيه 

تنهد رامز بوجع واستقل سيارته للذهاب إلى حفله عاصم وغرام ...

وصل الجميع الى الفيلا 

حيث كانت مزينه بالورود والأضواء فى كل مكان 

بدأت الحفله ...

حيث أمسك ادهم المايك وبدأ فى تلاوة بعض آيات القرآن ..فهو متدين 

وبعد أن انتهى 

ادهم : احب اشكر الجميع على الحضور 

وفرصه اطلب من اونكل يوسف وطنط رغد طلب 

نظر الجميع إلى ادهم بانتباه 

ادهم : وهو ينظر إلى نورين ..احب اطلب ايد نورين 

صفق الجميع 

عاصم بفرحه لشعوره أن ابنه قد كبر وله شخصيته الاستقلالية المنفرده ..

يوسف : وانا يسعدنى يا أدهم ..

غرام تلك الطبيبه المشهورة لم تتمالك نفسها من الفرحه لتبدأ فى الزغاريد هى ورغد ..

كان الجو ملئ بالفرحه ..أخرج ادهم خاتم من جيبه وقام بوضعه فى يد نورين ....

وقف رامز وعيونه تلمع بالدموع لتذكره لحظه تقديمه لخاتم الخطوبه ل هند ....

ليجد من يضع يده على كتفه من الخلف 

يلتفت ليجد  .......يتبع 

ايه رأيكم ...ناس كتير كلمتنى علشان اعمل الجزء التالت اتمنى يعجبكم 😍😍

#غرام_الاكابر

بقلم #منال_عباس

الجزء الاول كامل من هناااااااا
الجزء الثاني كامل من هناااااااااااا

البارت التاني من هناااااااا