 |
اسكريبت زواج إجباري كامل بقلم هاجر العفيفى في موسوعة القصص والروايات جميع الفصول كامله وحصريه
: انت مجنوون عايز تتجوزنى بدل أختى
قالتها ندى بعصبيه وانفعال
خالد ببرود : أختك خلاص ما"تت ياندى وانا مقولتش حاجه غلط
ندى بغضب : انت كل كلامك غلط اصلا انت عايزنى اتجوز جواز بدل وكمان اكون مكان أختى
خالد بسخريه : انتى عارفه كويس أن عمرى ماحبيت أختك وكنت متجوزها بس عشانك واهى ما"تت خلاص ايه الاعتراض بقا
ندى لصاله بقر"ف وقالتب غضب : انت انسان مرييض روح اتعالج ياخالد كلامك ده كلام مجانين
خالد بغضب : بت انتى لمى لسانك انا ساكت بس عشان عامل حساب أن بحبك
ندى باحتقار : وانا بكر"هك ياخالد بكر"هك ولو انت اخر واحد فى الدنيا مستحيل اتجوزك
قالت اخر كلامها وخرجت من العماره بأكملها
خالد ضحك وقال بسخريه : هتكونى ليا ياندى ولو مبقتيش ليا يكون مو"تك على أيدى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
فى المساء
ندى دخلت من باب الشقه وهى مرهقه من شغل طول النهار
ندى : السلام عليكم
سعاد والدتها : وعليكم السلام ورحمة الله وبركاته
ندى بابتسامه : حبيب خالتوا هنا
سعاد أعطتها الطفل الرضيع وندى ضمته بحب
سعاد بابتسامه : كأنك أمه بالظبط
ندى بتنهيده حزينه : ربنا يرحمها حقيقى كانت نفسها تشوفه اوووى
سعاد : ايه رأيك بقا لو تعوضيه حنان الأم
ندى ضمته بحب وقالت : طبعا ياماما زين ده قلبى والله واكيد هحاول اعوضه
سعاد بتوتر : لاء أنا قصدى تكونى أمه فعلا
ندى بعدم فهم : قصدك ايه ياماما ؟؟
سعاد : خالد طلب ايدك منى وانا الصراحه وافقت انا مش هقبل حد يربى حفيدي غيري
ندى ضحكت بصدمه : بتهزرى صح قولى بالله أنك بتهزرى
سعاد بضيق : هى دى حاجات فيها هزار يابنتى
ندى بصدمه : ماما انتى موافقه اكون بدل أختى الله يرحمها انا مستحيل اوافق ابدا
سعاد : ومتوافقيش ليه ياختى مانتى قاعده اهو ومفيش حد بيفكر يتقدم ليكي فيها ايه يعني لما تتجوزى وتربى ابن اختك
ندى بغضب : فيها ان دى حياتى ومحدش ليه الحق يتحكم فيها انا مستحيل اوافق على خالد ابداااا
سعاد بعصبيه : وانا أعطيت للراجل كلمه خلاص ومش هقبل حفيدي يبعد عن حضنى وواحده تانيه تربيه حتى لو ده هيكون على حساب سعادتك اخر كلام كتب الكتاب بكره بليل
قالت كلامها ودخلت الأوضه بغضب وندى واقفه مصدومه من كلام أمها ليها وعصبيتها
دخلت أوضتها ونيمت زين على السرير وقعدت على الكرسى وهى بتفكر هتعمل ايه فى الورطه دى وافتكرت كلام اختها ليها
مريم بفرحه : اخير خالد هيتجوزنى انتى متعرفيش ازاى كان دعوه ثابته فى صلاتي انا فرحانه اووى
ندى بابتسامه : مبارك ياحبيبة قلبى تستاهلى والله كل خير وربنا يسعدكم يارب
مريم بحب : يارب يارب
رجعت من ذاكرتها ودموعها نزلت وقالت : لاء لاء انا مستحيل اعمل كده مستحيل اخو"نك يامريم
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تانى يوم
نزلت ندى على السلم وكانت راحه شغلها قابلت خالد فى وشها وهو بيبتسم ببرود
خالد ببرود : صباح الخير
ندى بغضب : وانا طالما شوفتك هشوف خير
خالد باستفزاز : ليه كده يازوجتى العزيزه ده النهارده حتى كتب كتابنا والمفروض تكونى فرحانه
ندى بتحدى : ده بعينك ياخالد انا مستحيل اتجوزك
خالد بغضب : بلاش تتحدينى
ندى بتحدى اكبر : والله حياتى وانا حره فيها والصراحة ال يجبر بنت على الجواز ميبقاش راجل
خالد بغضب رفع ايده وكان لسه هيضر"بها كانت ايده متعلقه فى الهوا
الشاب بصوت كله غضب : مكدبتش لما قالت عليك مش راجل فعلا
ندى بصدمه : أدم !!!!!!؟
يتبع
شكرا على التفاعل يابنات❤️ البارت الثانى
ندى بصدمه : أدم !!!!
خالد بغضب زق أدم وقال : ايه ال رجعك يا أدم تانى
أدم ضر"به بو"كس فى وشه وقال بغضب : رجعت بلدى ال بسببك سافرت وسيبتها وبصوت عالى ندددى اطلعى فووق
ندى بدموع وخوف : بس
قاطعها بصوت عالى وغضب : قووولت اطلعى
ندى طلعت تجرى وخالد قال بعصبيه : ابعد عننا يا أدم ملكش دعوه انت
أدم بسخريه : خوفت منك كده صح مش عيب عليك بعد مو"ت مراتك بشهر تتطلب اختها للجواز طول عمرك انانى
خالد ببرود : والله حياتى وانا حر وانت ملكش الحق انك تدخل فيها مش معنى أن كنا صحاب انك تدخل فى خصوصياتى
أدم ضحك وقال بسخريه : صحاب !!! ياااااه كويس انك فاكره أن احنا كنا أصحاب وياريت تكون فاكر أن انت السبب فى أن أسافر واسيب كل حاجه أعلى وحياتى وندى
خالد ببرود : والله انت مش عيل صغير عشان حد يتحكم فيك وبعدين متقربش من ندى يا أدم عشان متزعلش ندى هتكون ليا انا وبس
قال اخر كلامه بغضب أعمى وتهديد
أدم بغمزه : الشاطر ال يضحك فى الاخر ياصحبى
قال اخر كلامه وسابه ومشى
خالد بغضب : غبى وهيدمر كل حاجه بعملها لازم اتصرف
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
ندى طلعت وهى بتعيط بشده وامها شافتها واتخضت وسألتها وندى حكت ليها ال حصل
سعاد بغضب : وال اسمه أدم ده بيدخل ليه بينك وبين خطيبك
ندى بصدمه : ماما بقولك كان هيضر"بنى
سعاد : ماهو لما ترفعى صوتك عليه ليه الحق يضر"بك وبعدين خلاص كلها كام ساعه وهيكون جوزك يعنى مينفعش تتكلمى معاه بالاسلوب ده
ندى بدموع وصدمه من رد امها : عشان خاطرى ياماما بلاش تجوزينى لخالد انا مبحبوش
سعاد بصرامه : مش هنتناقش فى الموضوع ده تانى هى كلمه أجهزى عشان كتب كتابك
قالت اخر كلامها ودخلت المطبخ
ندى دخلت أوضتها وهى بتجر خيباتها من كل حاجه دخلت قعدت على السرير ودموعها نزلت باستمرار بدون توقف قامت أتوضت عشان صلى وتدعى ربها أن ينجيها من هذا الزواج خلصت وقعدت تانى وفجأه تلفونها رن برقم غريب اترددت ترد بس قررت تشوف مين فتحت وردت
ندى : السلام عليكم
أدم : وعليكم السلام ورحمة الله وبركاته ازيك ياندى
ندى بتوتر : ا الحمد لله أدم صح ؟؟
أدم بابتسامه : أيوه انا كويس أن عرفتى صوتى
ندى بتوتر : م مش عارفه اشكرك ازاي على وقفتك جمبى الصبح
أدم بابتسامه : متشكرنيش ولو حاول يتعرض ليكى تانى كلمينى على الرقم ده انا قولت اطمن عليكى بس
ندى بدموع : للأسف كتب كتابنا بليل
أدم بصدمه : نعممم !!! ازاى ده يحصل وانتى موافقه على الكلام ده
ندى بتنهيده : امى موافقه وانا ماليش اعترض أبدا خلاص ده نصيبى اسفه يا أدم بس مش هقدر اتكلم معاك تانى عشان حرام وكمان منعا للمشاكل مع السلامه
قفلت الخط واتنهدت بوجع ودموعها نزلت وقالت برجاء : يارب مليش غيرك
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
أدم كان مصدوم من كلامها ولما هى قفلت هو كان متوقع أن خالد هيفضل وراها بس هو متوقعش أن يكون بالسرعه دى ابدا هو كان راجع عشان ينقذها منه بس لو خالد اتجوزها مش هيكون ليه الحق ان يتدخل قرر أن هو يتصرف طلع تلفونه وطلب رقم صديقه الوحيد
أدم بلهفه : عمر عايز اقابلك ضرورى
عمر بقلق : فيه حاجه يا أدم
أدم : ضرورى ياعمر فى المكان ال كنا بنتقابل فيه سلام
قفل معاه وقام نزل بسرعه ركب عربيته وطلع على المكان
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى المساء
سعاد : يلا ياحبيبتى ربنا يهديكى قومى اجهزى خالد والمأذون على وصول
ندى بدموع : ماما عشان خاطرى بلاش خالد لاء
سعاد بغضب : يوووه هو كل شويه هنتكلم فى كلام فارغ يلا ياندى
سابتها وخرجت وندى قامت بصعوبه بدون توقف من الدموع ولبست دريس نبيتى وخمار أوڤ وايت بس كانت ملامحها حزينه جدا
بعد وقت
:بارك الله لكما وبارك عليكما وجمع بينكما في خير
جمله قالها المأذون ووقتها ندى كانت حاسه ان خلاص كل حاجه انتهت بالنسبه ليها
خالد قرب منها وقال بخبث : مبروك يانودى مش مصدق انك بقيتى مراتى خلاص وملكى لوحدى
ندى بصتله بقر"ف ومردتش
وفجاه الباب خبط بشده
سعاد بخضه : مين ال بيخبط بالشكل ده
جريت على الباب وفتحت واتفاجأت لما شافت الشرطه
الظابط : خالد رضوان موجود
سعاد بتوتر : ا ايوه يبنى هو في ايه
الظابط : مطلوب القبض عليه بتهمة ق"تل زوجته مريم كمال المنسى
ندى بصدمه : م مريم !!!!!!
يتبع
ياترى ايه ال هيحصل وندى هتعمل ايه مع خالد ؟؟ توقعاتكم ياحلوين❤️
متنسوش ذكر الله
شكرا على التفاعل يابنات❤️ البارت الثالث
ندى بصدمه : م مريم !!
خالد بغضب : ايه الكلام الفارغ ده انا معملتش كده
الظابط : الكلام ده تقوله فى النيابه مش هنا قدامى
وطبعا العساكر اخدت خالد وسط اعتراضه وغضبه
سعاد قعدت على الكرسي بصدمه وقالت : يعنى بنتى ما"تت مق"توله يامصيبتى
ندى بدموع : ارتاحتى لما جوزتينى ال ق"تل اختى كويس كده قولتلك خالد لاء وصممتى دمرتينى ومستنيه يق"تلنى انا كمان
قالت اخر كلامها وفتحت الباب ونزلت تجرى وخرجت بره العماره فضلت ماشيه فى الشارع ووصلت عند البحر ووقفت بصتله بدموع ورفعت عيونها للسماء وقالت بصوت كله وجع : يارب
: كنت عارف انك هتيجى هنا
ندى : أدم !!!
أدم : كل حاجه هتتحل متخافيش
ندى بتردد : ه هو أنت ال عملت كده
أدم بتنهيده عميقه : انا كان معايا دليل ياندى بس كنت عايز أقدمه فى الوقت المناسب وملقتش انسب من وقت زى ده رغم أن خلاص بقيتى مراته بس محلوله
ندى الدموع لمعت فى عيونها تانى وقالت : يعنى فعلا خالد ق"تل مريم أختى مش كلام مزيف
أدم بحزن : للأسف ايوه ق"تلها بماده سا"مه ووهمكم أن هى ما"تت بسكته قلبيه
ندى بانهيار : ياحبيبتى يامريم ياحبيبتى ربنا ينتقم منك ياخالد حسبي الله ونعم الوكيل
أدم بحزن : ندى عشان خاطرى اهدي أن شاء الله هياخد جزاته المهم انتى دلوقتي لازم تشوفى هتعملى ايه
ندى وهى مازالت بتعيط : عايزه اشوفه بيمو"ت قدامى وبيتذل
أدم : هيحصل صدقينى
ندى بحزن : عايزه اتطلق منه يا أدم ساعدنى
أدم بابتسامه : هيبقي سهل جدا لان هو متهم والشرطه هتكون فى صالحك أن شاء الله
ندى بتنهيده : عايزه اروح
أدم : تعالى اوصلك
ندى : هتعبك
أدم بابتسامه : تعبك راحه اتفضلي يلا
ركبت العربيه وهو ركب وشغلها ومشيوا
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
خالد بغضب وصراخ : انا مق"تلتش حد مق"تلتش حد كله كذب
الظابط بسخريه : والطب الشرعى برضوا كذب اعترف احسن ليك ق"تلتها ليه
خالد بعصبيه : بقولك مق"تلتهاش دى كانت مراتى هق"تلها ليه
الظابط : للأسف دلوقتى مبقاش بيحصل غير الق"تل بين الزوج ومراته يعنى اكيد عندك اسباب تدفعك للق"تل
خالد بسخريه : والله وهى ايه الاسباب دى وبعدين انا متأكد أن ال بلغ عنى هو قاصد يلبسنى عشان مصلحته
الظابط : دلوقتي انا قدامى دليل ومتهم وليا أن احبسك بس
خالد بجمود : عايز المحامى بتاعى
الظابط : اكيد طبعا حقك كلمه ولحد مايوصل هتشرف فى الحبس
خالد بغضب : تمام بس صدقنى كلكم هتندموا
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تانى يوم
ندى ندمت على طريقة كلامها لوالدتها حاولت تصلح الأمور شويه خبطت على باب الاوضه ومسمعتش رد قلقت جدا خبطت جامد وفى الاخر دخلت ولقت والدتها واقعه على الأرض وفاقده الوعى
ندى بصراخ : ماااامااااا
مسكت تلفونها ورنت على أدم اول واحد افتكرته بعد وقت قليل جالها الرد قالت بدموع : أدم الحقنى بسرعه ماما وقعت ومش عارفه اعمل ايه الحقنى
أدم بقلق وخوف : حاضر حاضر جايلك متخافيش
قفل معاها ونزل بسرعه اخد عربيته وطلع على بيت ندى
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
الظابط : اتفضل
خالد باستغراب : ايه ده !!!
الظابط بسخريه : دى دعوه من المحكمه من المدام ندى زوجتك طالبه الطلاق منك
خالد بصدمه : ننننعم !!!!!
يتبع
التفاعل مش عاجبني خالص وحقيقى احبطونى ونخلص الاسكريبت وهوقف شكرا ليكم
متنسوش ذكر الله ❤️
شكرا على التفاعل يابنات❤️ البارت الرابع
الظابط : مرفوع عليك دعوه من زوجتك ندى بطلب الطلاق منك
خالد بصدمه : نننعم !!!! مستحيل ده كدب
الظابط بحده : اتكلم عدل يامتهم وبعدين ده حقيقه والمحكمة هتحكم فى صالحها لو مطلقتهاش بالذوق لانك ق"تلت اختها
خالد يجنون : انا مش هخسر كل حاجه مش هطلقها وهطلع من هنا وهوريكم كلكم مين خالد كويس
الظابط بغضب : خدوا ياعسكرى الحبس
العسكرى اخده تحت اعتراضه
الظابط مسك تلفونه وطلب رقم وبعد وقت جاله الرد : عمر باشا وحشنى
عمر : حبيبى عملت ايه فى ال قولتلك عليه
الظابط : متقلقش كل الادله ضدوا وان شاء الله طلب الطلاق هيتنفذ بدون مشاكل
عمر : مش عارف اشكرك ازاي والله على وقفتك دي
رامي بابتسامه : متشكرنيش احنا اخوات
عمر بأمتنان : طبعا ياحبيبي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
أدم وصل عند ندى وهى فتحت له وهى منهاره
أدم لحضه : خالتى مالها
ندى بدموع : معرفش لقيتها واقعه على الأرض لوحدها
أدم جرى عليها شالها ونزل بسرعه وندى كانت وراه ونزل ركب عربيته وساق باقصى سرعه للمستشفى
بعد وقت وصلوا وطلبوا دكتوره تكشف عليها ودخلتها
ندى بدموع : يارب انا ماليش غيرها يارب استر
أدم : أن شاء الله هتكون كويسه أهدى ياندى
الدكتوره خرجت وهما جربوا عليها
ندى بقلق ودموع : طمنيني يادكتوره ماما كويسه
الدكتوره : متقلقيش هى دلوقتي كويسه كويس انكم لحقتوها لأن ضغطها كان عالى جدا ولو مجتش فى الوقت المناسب كان حصل جل"طه لقدر الله
أدم بقلق : ط طيب نقدر نشوفها
الدكتوره : اه طبعا تقدروا اتفضلوا
الاتنين دخلوا عند سعاد ال كانت نايمه على السرير بتعب
ندى جريت عليها وحضنتها وقالت : كده ياماما تقلقينى عليكي ياحبيبتى
سعاد بحزن : متخافيش يابنتى انا كويسه
أدم : حمد لله على سلامتك ياخالتى
سعاد : الله يسلمك يابنى
ندى بدموع : أنا أسفه سامحيني مكانش قصدى اقولك كلام يزعلك
سعاد : انا ال اسفه يابنتى أن عملت فيكي كده ورميتك لواحد زي خالد ده ال ق"تل بنتى حسبي الله ونعم الوكيل
ندى : خالد اتحبس خلاص وان شاء الله هياخد جزاته
سعاد : ربنا ينتقم منه يارب هو فين زين صحيح
ندى بصدمه : زين فى البيت لوحده من الخضه نسيت والله
سعاد بعتاب : كده برضوا يابنتي زمانه بيعيط واحنا مش هنمشي غير لما المحلول يخلص
أدم : هاتى المفتاح ياندى وانا هروح اجيبه
ندى بخجل : تعبتك معايا كتير يا أدم
أدم بابتسامه : تعبك راحه يلا هاتى بقا عشان ألحقه
ندى أعطته المفتاح وهو خرج عشان يلحق يشوف الصغير
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تاني يوم
ندى كانت بتلاعب زين وامها جنبها وأدم قاعد بيتفرج عليها ويبتسم
أدم بابتسامه : طول عمرك بتحبى الاطفال ياندى
ندى وهى تضم زين : جدا جدا وبالذات زينوا القمر ده
أدم : إجراءات الطلاق هتم بكره أن شاء الله ومحتاجينك عشان تمضى
سعاد بفرحه : هو هيطلقها
أدم بهدوء : ايوه لأن هددوه أن لو مطلقهاش هيكون غلط عليه والمحكمة هتكون فى صالح ندى
ندى بارتياح : الحمد لله
قاطع كلامهم صوت خبط على الباب
ندى أعطت زين لأدم وقالت : هشوف مين
أدم اخد زين بابتسامه وقبله بحب
ندى راحت تفتح الباب وشافت اكتر حاجه صدمتها قالت بعدم استيعاب وصدمه : م مريم !!!!!!
قالتها ووقعت على الأرض فاقده الوعى من اقر الصدمه
يتبع
ياترى مريم ازاى مماتتش وايه ال هيحصل لخالد توقعاتكم ؟؟
متنسوش ذكر الله ❤️
شكرا على التفاعل يابنات❤️ البارت الخامس
ندى بصدمه : م مريم !!!
وفجاه فقدت وعيها وادم وسعاد جريوا عليها
سعاد بصدمه : مش معقول بنتى مريم ازاى
مريم بهدوء : ياجماعه مش وقته صدمه هفهمكم كل حاجه بس فوقوا ندى الاول
ملقتش رد فعل منهم قربت هى من ندى وحطت برفيوم على انفها وابتدت تفوق تدريجيا
ندى بتعب :اااااه ايه ال حصل مريم انتى عايشه انتي كويسه
مريم حضنتها وقالت بابتسامه : انا كويسه ياحبيبى
سعاد بدموع : مريم بنتى
مريم جريت على حضن امها وعيطت بشده
أدم بصدمه : انتى بجد
مريم بتنهيده عميقه : عارفه أن كلكم مصدومين بس ممكن فرصه افهمكم
ندى بلهفه : طبعا قولى
مريم بابتسامه : بس مش قبل ماحضن زينوا حبيب قلب ماما ال واحشنى
أدم أعطاها زين ال حضنته باشتياق وقالت : وحشتنى يازينو
فضلت حضناه وقالت : الموضوع بدأ لما عرفت أن خالد بيحب ندى ووقتها هو صارحنى بكده وطلب منى نطلق عشان يتجوزها
ندى بصدمه : مريم انا
قاطعتها مريم وقالت : انتى ملكيش ذنب ياندى بعدين انا طبعا اتكسرت جدا لان محبتش فى حياتى قد خالد بس للاسف الكسره الأكبر لما شوفته وهو بيحط ليا س"م فى الاكل
سعاد وادم وندى بصدمه : اييييه
مريم دموعها نزلت وقالت : شوفته وهو بيحط الس"م وقتها لما هو دخل الاوضه انا غرفت اكل تانى ورميت ال فيه الس"م وقعدت أكل معاه وهو كان بيبصلى بنظره مش قادره انساها كلها حقد وكر"ه وقتها قررت أمثل أن تعبت وروحت المستشفى وقتها اتفقت مع الدكتوره تقول إن مت ولحسن الحظ أن وقتها محدش طلب يشوفنى لأن طبعا ندى كانت مسافره وماما تعبت وخالد هو ال عمل نفسه حزين
سعاد بدموع : طيب واحنا هنا عليكي تعذبينا كده
مريم بدموع : غصب عنى والله ياماما انا اتكسرت اووى من خالد وعملت كده عشان اكون سبب فى دما"ر حياته زى ماهو د"مر حياتى كلها
أدم بعدم فهم : عملتى ايه
مريم : سافرت وروحت شركته ال فى لندن وطبعا فضلت وراها لحد لما وقعت خالص واعلنت إفلاسها وكمان بعت ليه ناس ظبطوه فى اليوم إياه وخد علقه محترمه وكنت هكمل بس للاسف عرفت أن هو اتجوز ندى بالغصب وانا قررت ابعت أدله للشرطه أن هو ق"تلنى وكان نفسي يقبضوا عليه قبل كتب الكتاب
ندى بدموع حضنت اختها وقالت : تعبتى اوى يامريم
مريم بنفس الدموع : للأسف عشان حبيت واحد ميستاهلش كان اكبر غلط فى حياتى
أدم : وناويه تعملى ايه دلوقتي
مريم بتنهيده : هقولكم
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
تانى يوم
ندى راحت مع أدم القسم عشان تمضى على ورق الطلاق وخالد كان هينفجر من الغضب
ندى كانت بتمضى بثقه وتبصله باستفزاز وبعد لما خلصت الإجراءات قامت عشان تمشى بس خالد قرب من ودنها وقال بغضب بصوت كفحيح الافعى : مش هسيبك ياندى متفكريش أن دي نهايتى انا هخرج وهندمك على كل حاجه
ندى بنفس الهمس قالت بسخريه وشماته : الشاطر ال يضحك فى الاخر ياجوز اختى
سابته ومشيت وهو قال بعصبيه : ماااااشى يانددددى
أدم بضيق : كان بيقولك ايه
ندى بضحك : بيهددنى فاكر أن لسه بخاف منه
أدم بضحك : بس على مين ده احنا هنخليه يلف حوالين نفسه
ندى وهى تقلد خالد : انا هخرج من هنا وهتندموا
الاتنين ضحكوا مره واحده وأدم سرح فى ضحكة ندى وهى لاحظت وخجلت
أدم : عمرك حبيتى
ندى بتنهيده : مره واحده ومكانش من نصيبى
أدم بحزن : خالد صح
ندى : لاء واحد تانى خالص ها يلا بقا شربنى عصير قصب ويلا نروح
أدم بمرح : يابنتى دى شكل واحده لسه متطلقه
ندى بضحك : قصدك خرجت من السجن يلا يلا
أدم ضحك ومشى معاها بس بداخله غيره من الشخص ال بتحبه ندى
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد يومين
خالد بغضب : انا عايز اعرف هفضل هنا لحد امتى
الظابط باستفزاز : لحد مو"تك أن شاء الله
خالد بغضب : بتحلم
الظابط بحده : صوووتك بدل والله هخلى القضيه اتنين
العسكرى دخل وقال برسميه : فى واحده طالبه تقابل المتهم خالد ياباشا
الظابط باستغراب : مقالتش هى مين
العسكرى : لاء بس هى قالت موضوع ضرورى
الظابط : دخلها
البنت دخلت بثقه وكانت لابسه كاب ووشها مش باين
خالد كان عايز يعرف هى مين لحد لما هى رفعت الكاب وهو اتصدم صدمة عمره وقال : مش معقوووول مرييييييم. ؟؟؟؟!!!
يتبع
ياترى المواجهه هتكون عامله ازاى بين خالد ومريم ؟؟؟
شكرا على التفاعل يابنات❤️ البارت السادس
خالد بصدمه : م مرييم !!!!!
الظابط تاله تلفون وقال بجديه : هسيبكم مع بعض شويه خمس دقايق بس
سابهم وخرج ومريم قعدت ببرود
خالد قعد قدامها وهو لسه على نفس الصدمه : م مريم انتى بجد
مريم ابتسمت ببرود وقالت : ايه وحشتك مش كده
خالد بصدمه : ا ازاى ط طيب
مريم : قبل كل حاجه كنت عايز تق"تلنى ليه ياخالد ؟؟
خالد بتوتر وعدم استيعاب : م محصلش ال قال كده كداب
مريم ببرود : بس انا محدش قالى انا شوفت بعينى
خالد : ش شوفتى ايه
مريم بغضب : شوفتك وانت بتحطلى الس"م رغم أن وافقتك على الطلاق بعد لما قولتلى أنك بتحب اختى
خالد بحده : والهانم كانت فين وانا اتحبست بسببها وممكن يعد"مونى
مريم قالت بعصبيه : انت كمان ليك عين انت عارف ياخالد أنك الحب الوحيد ال فى حياتى ودلوقتي بتمني اشوفك مذلول قدامى من كتر ما بقيت اكر"هك
خالد : هو حرام أن حبيت اختك
مريم بسخريه : انت للأسف لو كنت تعرف الحرام مكنتش حتى فكرت مجرد تفكير فى اختى
قامت وقفت وقالت بثبات : انا همشي ياخالد وهظهر فى المحكمه أن شاء الله بس صدقنى انا ظهرت بس عشان ابنى ال مليش فى الدنيا بعده رغم أن ظهورى غلط عليا بس كله يهون عشان خاطر ابنى لكن انت انتهيت من حياتى
خالد مسك أيدها وقال بهدوء : مريم ممكن نتفاهم خرجيني من هنا وصدقينى هنبدا حياه جديده مع زين ابننا
مريم بصت على ايده ال مسكاها وقالت بسخريه : كان زمان ياخالد للأسف الوقت متاخر
قالت كلامها وخرجت من المكتب وسابته فى حيرته وخوفه
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
ندى بحزن : انا خايفه على مريم اووى يا أدم
أدم بتنهيده : وانا كمان بس للاسف هى مصممه على ال فى دماغها
ندى بخوف : هى ممكن تتحبس فعلا
أدم :ايوه عشان التزوير فى شهادة الوفاه
ندى برعب : ايييييه طب الحل ايه
أدم : سبيها على ربنا انا مش هسيبها صدقينى
ندى بخجل : انا متشكره جدا يا أدم على وقفتك جمبنا حقيقي انت اجدع أخ
أدم بتوتر : ه هو فعلا أخ بس لمريم بس
ندى بعدم فهم : مش فاهمه
أدم بتوتر : انا عارف ان مش وقته بس انتى فكرى براحتك
ندى : وضح كلامك يا أدم شويه
أدم حاول يجمع شجاعته وقال : ندى تتجوزينى
ندى بصدمه : ايييييه !!!!
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
مريم كانت ماشيه سرحانه وحزينه من ال حصل ليها قعدت قدام البحر ودموعها نزلت بحزن على حالها وحياتها ال اتدمرت
: على فكره العياط دايما مش حل
مريم اتخضت وبصت جنبها لاقت شاب بيتكلم بشرود
مريم بتوتر : ا انت مين
الشاب : مش مهم المهم انك متعيطيش كل حاجه بتحصل ليكي فيها حكمه كبيره محدش يعلمها غير ربنا توكلى عليه ولو مظلومه حقك هيجى حتى لو كل الأسباب مستحيله
مريم بحزن : حياتى كلها اتدمرت
الشاب بابتسامه وثقه : بس ليكى رب اسمه كريم قادر يغير حياتك للأفضل
مريم وقف وقالت : انت تعرفنى
الشاب : لاء الصراحه بس لقيتك بتعيطى وصعبتى عليا
مريم : فرصه سعيده عن أذنك
كانت ماشيه وقفت على صوته وهو بيقول : سليم
مريم التفتت وقالت باستغراب : نعم !!!
سليم : اسمى سليم فرصه سعيده
سابها ومشى وهى كمان ركبت تاكسى وطلعت على بيتهم وهى بتفكر فى كلام سليم ليها
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹اذكروا الله
ندى كانت مصدومه من عرض ادم
أدم بتوتر : ياريت تفكرى ياندى بلاش تقررى دلوقتى
ندى بتردد : بس
قاطعها من كلامها صوت تلفون أدم وهو بيرن فتح التلفون ورد
أدم : ايوه يا رامى فى جديد
رامى : خالد هرب يا أدم
أدم بصدمه : هرب !!!!! هرب ازاى
ندى وقفت وقالت بذعر وخوف : خالد هرب صح
يتبع
توقعاتكم فى ال جاى ياترى خالد ناوى على ايه وندى متوافق على عرض أدم ولا لاء ؟؟ عايزه تشجيع يابنات عشان حقيقى محبطه والله
متنسوش ذكر الله ❤️
شكرا على التفاعل يابنات❤️ البارت السابع
أدم : خالد هرب
ندى بصدمه : هرب !!!!
أدم قام وقف وقال : انا لازم اروح لرامى القسم دلوقتي اشوف هنعمل ايه خالد طالما هرب يبقا مش ناوى على خير وانتوا فى خطر
ندى بخوف : خ خلى بالك على نفسك
أدم بابتسامه : حاضر سلام
ندى : مع السلامه
أدم مشى وندى فضلت خايفه ومتوتره من ال هيحصل ومريم دخلت عليها وهى كده
مريم باستغراب : مالك ياندى
ندى بدموع : خالد هرب
مريم بصدمه : هرب ط طب مين قالك
ندى : الظابط كلم أدم وقاله وادم راح انا خايفه اووى يامريم
مريم بتنهيده : انا لازم اتصرف انا السبب في كل ال بيحصل
ندى بخوف ودموع : لاء متقوليش كده انتى مظلومه زيك زينا خالد السبب فى كل حاجه وحشه بتحصل
مريم : انا هاروح لأدم خلى بالك من ماما وزين
ندى مسكت أيدها وقالت بدموع : لاء لاء عشان خاطرى مش هقدر اخسرك
مريم بابتسامه حضنتها : متخافيش عليا هرجعلك خلى بالك من زين
بعدت عنها وسابتها ومشيت وندى عيطت بشده ودخلت تطمن على زين الصغير
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفروووا
فى القسم
أدم بغضب : طب والعمل خالد مش هيسكت يارامى
رامى : اهدا يا أدم القوات مش ساكته بيدوروا عليه فى كل مكان
أدم بقلق : انا خايف عليهم اوى
رامى : هنحاول نعمل عليهم حراسه
أدم : ياريت فى اسرع وقت
العسكرى دخل وقال : فى واحده اسمها مريم عايزه تدخل يافندم
رامى : دخلها
أدم بحده : ايه ال جابك هنا
مريم بجمود : انا مستعده اعمل اي حاجه مع خالد مقابل أن محدش من عيلتى يتأذى
رامى : هو انتى مين
أدم بتنهيده : دى مريم مرات خالد
رمى بصدمه : لاء فهمونى ازاى ده مش هى ما"تت وخالد ال قت"لها
أدم قص عليه كل الحكايه
رامى بتنهيده : معلش يا أدم بس كده مريم هتتحبس بسبب التزوير والبلاغ الكاذب
أدم : بس البلاغ الكاذب مريم معاها دليل على محاولة خالد لق"تلها فيديو وهو بيحط ليها الس"م
رامى : نلاقى خالد وبعدين هنشوف هنعمل ايه
مريم بتفكير : انا عارفه هنلاقيه فين
رامى : فين
مريم : ...........
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ندى كانت حاضنه زين وبتعيط وامها جنبها بتصلى وتدعى ربنا ينجى بناتها والباب خبط وندى وضعت زين على السرير وخرجت تفتح وهى خايفه واتصدمت لما شافت خالد قدامها
ندى بصدمه : خالد !!!!!
خالد بخبث : وحشتينى يانودى مش قولتلك مش هسيبك
ندى بخوف ودموع : خالد عشان خاطرى كفايه لحد كده انت عايز ايه مننا
خالد بخبث : عايزك
سعاد من الداخل : مين ياندى يابنتى
ندى لسه هتنطق كان خالد وضع منديل على فمها وهى فقدت الوعى وشالها ونزل ركب العربيه ومشى باقصى سرعه
يتبع
الاخير هو ال جاى تفاعل بقا يابنات وتوقعاتكم ياترى ندى هيحصلها ايه وادم هيلحقها ولا لاء ؟؟؟
متنسوش ذكر الله ❤️
شكرا على التفاعل يابنات❤️ البارت الثامن
ندى فاقت وفتحت عيونها بتعب وقالت : انا فين
خالد بخبث : معايا يانودى طبعا
ندى رجعت لورا بخوف وقالت : عايز منى ايه تانى حرام عليك بقا
خالد ببرود : قولتلك عايزك وهنتجوز على أيد مأذون تانى ايه المشكله بقا
ندى بتنهيده : سيبنى ارجع بيتنا ياخالد وصدقنى هخلى مريم تتنازل عن كل حاجه وانت ابعد وشوف حياتك بعيد عننا
خالد بغضب : انسى ياندى انتى ليا انا وبس
ندى بغضب : انت انانى ياخالد فاكر زمان لما وعدتنى انك هتتقدم ليا ووقتها عرفت أنك خطبت مريم فااااااكر ولا افكرك
خالد : كان طيش زمان
ندى : لاء مش طيش انت كنت فى كامل عقلك وعارف انت بتعمل ايه كويس
خالد بحده : تمام ياندى طالما كل حاجه بقت على المكشوف هقولك زمان انا كنت بكر"هه أدم رغم أن كان صديقى الوحيد بس كنت بحقد عليه ومبحبش اشوفه فرحان ولما جه وقالى أن هو بيحبك وهيتقدم ليكى انا وقتها قولت هكسر قلبه بالطريقه جيت واعترفت بحبى ليكى قبله وقولتلك هتقدم ليكى ولما هو عرف اتكسر زي ماكنت متوقع وقرر يسافر وقتها مكنتش بفكر فيكى أصلا ولما جيت اتقدم عجبتنى مريم عشان كده طلبتها هى ووقتها انتى اتصدمتى وكمان أدم اتفاجئ متأخر أن متجوزتكيش انتى واتجوزت أختك بس الصراحه انا زهقت منها بسرعه وقولت بقا أغير وملقتش غيرك تكون بديله ليها يمكن عشان حبيتك مثلا بس كل ال اعرفه ان عايزك ملكى انا وبس
ندى بقر"ف وصراخ : انت ازاى طلعت بالحقاره دى أنت فاكر كده أن اقتنعت انا كر"هتك اكتر ياخالد ولو انت أخر واحد فى الدنيا مش هتجوزك ولا هكون على اسمك تانى
خالد بغضب جح"يمى : ولو مكنتيش ليا مش هتكونى لغيرى ياندى
ندى بسخريه : هتمو"تنى يعنى عادي المو"ت اهون عليا من جوازى منك
خالد اتعصب ورفع ايده عشان يضربها بس ايده اتعلقت فى الهوا وكان أدم ومريم جرت على ندى وحضنتها
أدم ضر"ب خالد فى وشه وخالد مسك وشه ورد الضر"به لادم تانى
أدم بغضب : فوووق بقا انت مريض لازم تتعالج ياخالد
خالد ضحك بصوت عالى لدرجة افتكروه اتجنن بعد وقت وقف ضحك وقال : مش انا ال اكون عايز حاجه ومخدهاش ليا فهمت يا أدم باشا وانا قولت لو ندى مش ليا مش هتكون لغيرى
أنهى كلامه وطلع مسد"س ووجهه فى وش ندى
أدم بخوف من جنون خالد : لااااء ياخالد متعملش كده متبقاش غبى كلامك معايا انا مش هى
خالد ببرود : لو قربت هدوس على الز"يناد ومتخافش هخليك انت واختها تحصلوها اصل الصراحه مش عايز اشوف حد فيكم تانى
مريم بصراخ : حرااااام عليك بقا يا اخى طول عمرك عايش عشان تأذى غيرك
خالد مهتمش بكلامهم وفضل يبص على ندى ال واقفه تبصله بجمود غمض عيونه وفتحهم بسرعه وكان هيضغظ على الز"يناد بس فجاه جاتله رصا"صه فى ضهره ووقع م"يت على الفور
رامى : حد فيكم أتأذى
أدم بتنهيده ودموع نزلت على صديقه مهما كان هو كان أقرب صديق ليه بس الحقد فرق بينهم قال بجموود : الحمد لله محصلش حاجه
ده كله وندى كانت منهاره فى حضن اختها
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹 استغفروووا
بعد مرور اسبوعين
تم دفن جث"مان خالد وحبس مريم على ذمة قضية التز"وير فى شهادة الوفاه
سعاد بحزن : بنتى وحشتنى اووى ياندى ومش عارفه اعملها حاجه
ندى بحن مماثل : أن شاء الله خير ياماما أدم مش ساكت وقوم ليها محامى كبير
سعاد : والله تعب معانا اووى أدم والصراحة اختى عرفت تربى راجل صح
ندى ابتسمت لما افتكرت كل المواقف اللي عملها معاهم من وقت لما رجع من السفر
فى الوقت ده الباب خبط وندى قامت تفتح وكان أدم
أدم بابتسامه : عندى ليكم خبر بمليون جنيه
ندى بلهفه : خبر اي
سعاد : خبر ايه يابنى
أدم : النيابه وافقت بدفع كفاله لمريم وهتخرج فى أقرب وقت أن شاء الله
ندى بفرحه : بجد يا أدم
أدم بابتسامه على فرحتها : بجد والله ده طبعا بعد تقديم الأدله ال معاها ساعدها أن هى تخرج منها على خير
سعاد : الف حمد وشكر ليك يارب الحمد لله
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد مرور سنتين
زين بطفوله : خالتوا ندى روكا بتضيبنى (بتضر"بنى)
ندى بضحك : بتضر"بيه ليه ياروكا
روكا بصتلها بعدم فهم لأنها طفله تجاوزت السنه فقط
أدم دخل وشال زين من هدومه زي حر"امى الغسيل قال : مزعل بنتى ليه يلا
زين بغضب طفولى : هى ال بتضيبنى نزلناااااى يااااامااامااااا
مريم دخلت وقالت بدراما : بتعمل ايه فى ابنى يا أدم ياختااى
أدم بضحك : الواد ه مش سالك والله
سليم من خلفهم : بتقول على ابنى مش سالك يا سى أدم لو سيبته عليك متزعلش بقا
(نسيت اقولكم أن سليم اتقدم لمريم بعد لما عرف كل حكايتها طبعا وقرر يتجوزها وعوضها عن كل تعب شافته مع خالد وطبعا بيعامل زين زى ابنه بالظبط وقرووا محدش يقوله حاجه على ال حصل لما يكبر غير كل خير على خالد عشان ميكر"هوش)
أدم : يلا يابابا انت وهى خدوا ابنكم وياريت تاخدوا روكا معاكم عايزه اقول حاجه لندى
سليم بغمزه : ايوه بقا الله يسهلك
ندى اتكسفت ومريم كانت بتضحك
سليم أخدهم وخرج وادم قعد جمب ندى وقال بحب : حبيبتى عامله ايه النهارده
ندى بابتسامه : كل يوم بتكون معايا فيه اجمل يوم فى حياتى
أدم بغمزه : ايه الكلام الجميل زى صاحبته ده
ندى نظرت فى عيونه وقالت بحب : ده كلام حقيقى فعلا يا أدم انت عوض ربنا ليا
أدم حضنها بحب وقال : والله يابنتي انتى ال عوض ربنا ليا وكل حاجه حلوه فى حياتى انتى ورقيه
ندى وهى فى حضنه : بحبك♥️
أدم بمشاكسه : بعشقك♥️
سعاد من الخارج : يلا ياولاد الغدا جاهز
كلهم اجتمعوا على سفره واحده وتناولوا الغدا وكان جو أسرى رائع ليهم
تمت بحمد الله ❤️
حقيقى كنت محتاره فى النهايه جدا واول مره يحصل معايا كده بس ياريت تكون عادله للكل خالد كان مريض نفسى وكمان كان عنده سواد داخلى نصيبه أن يمو"ت بس طبعا مريم قررت انها تجمل صورته قدام زين ويعرف أن أبوه كان طيب جدا
رغم ال عمله فيها بس خايفه على ابنها لما يكبر وطبعا كل واحد كان يستاهل عوض فى الاخر وفعلا كل واحد اخد نصيبه يارب تكون نهايه عجبتكم دمتم بخير ♥️
متنسوش ذكر الله ❤️
#زواج_إجبارى
#بقلمى_هاجر_العفيفى
دمتم في حفظ الرحمن 💚
تعليقات
إرسال تعليق