مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

🍁الفصل الاول 🍁

في أجمل محافظات مصر 

محافظه البحر الأحمر حيث التنقيب عن البترول 

"يا بشمهندس ليل يا بشمهندس"

بصوت عالي من بعيد وسط العمال في الصحراء

"ايوه يا عامر في ايه؟" 

عامر

"نتيجه العينه اللي بعتنها المعمل في مصر طلعت مفيهاش بترول" 

ليل قلع الخوذه وهو بيمسح عرقه و باستغراب

:"مش ممكن اكيد ف حاجه غلط يا عامر انا متأكد و بعدين نسبه الجاز اللي في الأرض دي مش معقوله"

عامر بجديه وهو بيحط ايديه في جيبه 

" عندك حق بس ممكن تكون اي حاجه تانيه مش بترول الشركه في مصر هتوقف الحفر "

ليل بسرعه

" مين قال كدا؟ انت قابلت حد من روئساء مجلس الاداره"

عامر

" انا قابلت واحد من المديرين وسمعت ان قرار وقف الحفر هيجي بكرا او بعده بالكتير" 

ليل وهو بيبص في ساعته 

"طب بص انا عايزك تاخد عينه تانيه و تروح اي معمل و تحللها بعيد عن معمل الشركه

عامر

"انت شاكك في حاجه" 

ليل بتفكير وعقد ما بين حاجبيه بشك

"مش بالظبط بس انا مش مرتاح للمدير التنفيذي الجديد و مش هنخسر حاجه لو عيدنا تحليل العينه" 

عامر بيحط ايديه على بطنه وهو بيتنهد 

"هو فاضل اد ايه على أذان المغرب؟" 

ليل "ساعه يدوب الحق انزل سفاجا قبل الفطار ياله سلام"

عامر بسرعه

"استنى يا جدع الشيخ مسالم عازمنا على الفطار انا وكل المهندسين و العمال في نجع العرب وقال اننا ضيوفهم النهارده ولازم نفطر سوا" 

ليل بجديه تليق به وهو يمرر يديه بين خصلات شعره الأسود الناعم

"مش هينفع والله انت عارف امي بتاخد دواء و لازم اكون معها لو تعبت او حصل حاجه و بعدين هي كلمتني خمس مرات واكدت عليا هنفطر سوا اعتذرلي من الشيخ مسالم وأكد عليه اني هعمله زياره مخصوصه له وللنجع بس النهارد مش هقدر و انا هكلمه اعتذرله هدخل اغير و يدوب الحق انزل المدينه ياله سلام "

عامر بابتسامه

" سلام يا كبير مع ان هيفوتك ليله جامده "

ليل وهو داخل الخيمه 

" يا عم مش خساره فيك و بعدين انا نفسي تبطل سرمحه و تطلب ايد البدويه اياها البنت كويسه وانت مش هتفضل عازب طول عمرك"

عامر بنبره سخريه

يا عم أنجز انت الاول و اللحق نفسك واتجوز فرح وانا عارف انك ماخر الشغل في الشقه مخصوص و عمال تاخر في الفرح و هي مع ذلك مستحملك والله فرح دي اجدع منك بت بميت راجل و كل يوم مترمطه في أقسام البوليس و حوادث القت"ل عشان تاخد معلومه تفيد الجرنال 

اوعدك في خلال كم سنه هتكون افضل و أشهر صحفيه في مصر كلها مش البحر الأحمر بس

بس اقولك انا عايز افرح امي وابويا و ارجعلهم بعروسه و الصراحه البدويه مفيش أجمل منها و متربيه هنا لا ومش بس كدا في نجع العرب يعني الرجاله اللي بحق هتوكل على الله واطلب ايديها من شيخ مسالم "

ليل وهو بياخد البليزر بيحطه في العربيه و بيركب يدور العربيه بتاعته

" الف مبروك مقدما وان شاء الله يوافق بلغه سلامي "

عامر" ماشي بس خلي خالتي ام ليل تشيلي طبق الرز بالبن بتاعي هخلص مع شيخ مسالم وهعدي عليك على السحور ياله كل سنه وانت طيب"

ليل كان بيسوق عربيته و في طريقه لبيته مع والدته وهو بيفكر ازاي العينه متكنش فيها بترول هم وصلوا لمرحله كبيره في الحفر و كان منتظر الشركه تبعت باقي المعدات عشان يتعمقوا في الحفر 

***************..........................

في احد جرائد الاخبار في البحر الاحمر

تجلس تلك الفتاه "فرح" وهي تكتب اخر سطور من مقالتها تنهد براحه ما ان انتهت تركت المقاله علي المكتب وهي تتوجه ناحيه بلكونه مكتبها تنظر للبحر وهي تاخذ نفس عميق لتستعيد نشاطها

قاطع هدوء المكان صوت عالي مرح 

مرام (صديقه فرح) بصخب :فرح فروحه

فرح بابتسامه :ايوه يا اختي في ايه؟ 

مرام بمشاكسه وخبث:

خلصتي شغل الأول بس؟ 

فرح:اه اخيرا خلصت هودي المقاله لرئيس التحرير لانه عمال يزن عليا عشان تنزل في عدد بكرا بس اشمعني

مرام:رئيس التحرير بنفسه عايزك في مكتبه اكيد هيكلفك بحاجه جديده 

فرح بضيق:يا بوي انا تعبت ايه دا عايزه اخداجازه استفرد بالواد اللي عامل فيها تقيل دا بقى بذمتك في واحده فرحها كمان شهر ونص تبقى مطحونه كدا 

نفسي اقعد مع ليل عشان نشوف هنعمل ايه في الشقه و هو عمال يتأخر في التجهيزات وانا اللي واقفه للعمال

مرام بابتسامه :معلش يا فرح استحملي ليل دا من النوع التقيل و ان شاء الله بكرا تتجوزوا بس انتي مش حاسه انك مدلوقه عليه مش خايفه يجي يوم يكسرك

فرح بكبرياء:لا يا مرام انا بحبه اه لكن لو هيجرح كرامتي في يوم لايمكن افضل لحظه معه بس عارفه بالرغم اي حاجه انا فعلا بحبه اوي يا مرام من وانا صغيره جدا و بحكم انه ابن خالتي اتخطبنا

مرام بابتسامه :ربنا يسعدك يا رب يا فروحه ياله شوفي رئيس التحرير بدل ما نترفد على الرغي دا

فرح بغرور :يا حبيبتي ميقدرش يرفدنا هو عارف انه مش هيلقى صحفيه زي كفايه قضيه سليم مهران

اللي كنت اول واحده جايبه عنها معلومات وهو عارف دا كويس لا يمكن يتخل عننا و بعدين الصحافه لازم تكون شغف مش مجرد شغلانه 

و انا مؤمنه بنفسي

=========================

دخلت فرح مكتب رئيس التحرير بابتسامه مشرقه كعادته و حماس مش موجود عند أي بنت

فرح بابتسامه :حضرتك طلبتني يا استاذ مراد

مراد بسرعه:اقعدي يا فرح

فرح بضحك وهي بتقعد :شكله موضوع مهم جدا و شكلي كدا مش

هعرف اخد اجازه عشان تجهيزات فرحي

مراد بابتسامه ابويه:متخافيش هتاخدي اجازتك بس دلوقتي في موضوع مهم لازم اتكلم معاكي فيه لان مفيش غيرك يقدر يجيب معلومات عنه

فرح بجدبه:موضوع ايه؟

مراد وهو بيحط صوره شخص ادامها

:رائف الدويري سمعتي الاسم دا قبل كدا

فرح بجديه تليق بها :

عيلة الدويري طبعا معروفه كل العالم و الابن الكبير للعيله 

راجح الدويري

اتكرم من رئيس الجمهوريه السنه اللي فاتت على مجهودات شركات الدويري الجروب للتنميه السياحيه 

العيله دي اكتر من ساهم في تنشيط السياحه مش بس في البحر الأحمر لا لكل محافظات مصر

لكن على حسب معلوماتي ان قصر الدويري هنا في البحر الأحمر في سهل حش'يش او على ما اعتقد دا قصر راجح و رائف الدويري و طبعا بعض نساء العيله

مراد :كويس جدا انك عندك خلفيه تعرفي حاجه عن راجح الدويري

فرح : اسمع عنه انه شخصيه قويه و انه له نفوذ كتير جدا لكن عمري ما شفته 

مراد:فرح رائف اتقبض عليه بتهمه الاتجار بالمخد.رات وفعلا وجدوا معه كميه كبيره جدا من الهير.وين في مصنع الغزل و النسيج

و دلوقتي مقبوض على رائف و محدش يعرف السبب وليه رائف مش بيجاد مدام راجح هو الابن الأكبر يبقى هو المفروض بتقبض عليه

فرح بتفكير:بس كدا دي مصيبه الموضوع مش هياثر بس على الدويري جروب لا... دا هياثر على السياحه لو طلع حقيقي و لو لا برضو هيسيب علامات استفهام كتير في معلومات تانيه

مراد:مفيش اي معلومات عن الموضوع عشان كدا انتي هنا دلوقتي عايزك تعرفي كل حاجه عن اللي حصل باساليبك بس خالي في علمك راجح الدويري مبيرحمش و لو وقعتي تحت ايديه هيفر.مك

فرح سرحت في الاسم حست انه قريب للقلب 

:متقلقش عليا بعد اذن حضرتك عشان اللحق اطلع على القسم

مراد:مش هتروحي تفطري فاضل نص ساعه على الاذان

فرح:لا افطر ايه مش وقته هفطر في الطريق بعد اذن حضرتك 

كل الطرق تاخذني اليك

كل الطرق تنزع مني روحي لتاخذني اليك

ما ذلك السحر الذي القي عليا حين رددت اسمك لوهله هل شخصيتك طاغيه لهذه الدرجة

لم تكن صدفه ابدا انها ترانيم القلب انه القدر

======(((((كبرياء حبيبتي)))======

دعاء احمد

تكملة الروايه من هنااااااا