مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الصقر الجريح 💔 16

صقر انت شايف ده وقت الكلام ده..وفريده ومحمد مكملوش شهر على وفاتهم.

((عمرحزين على وفاته اخته وطفلها لكنه .ايضا يعلم جيدا بان عائلته لن تدع هذا الزواج يستمر طويلا ..ولن يدعو صقر وشأنه..ويعلم ان صقر او عليا اذا علما بما فعلت عائلته لن يستمر هذا الزواج لذلك قرر اخذ عليا والسفر بعيدا عن كل هذه المشاكل والمشاحنات ليبدأ معها حياة مليئة بالحب والاسقرار والامان ))

عمر وانا ماقولتش نعمل فرح دلوقتي ياصقر انا جاي اخد رائيك ونتفق..

صقر بضيق ماشي ياعمر هانسه ده .. بس ليه عاوز تاخدها وتبعدوا ..وانت مش بحاجه شغل ماشاء الله عندك اللي مكفيك..

عمر لا .. انا مش عايز اعيش على فلوس بابا انا عاوز ابدا من الصفر واكون شغلي الخاص..والشغل ده فرصه مش هتتكرر تاني ..

صقر باعجاب ماشي هفكر واستشير عليا ياعمر وهشوف..ولو اني مش حابب عليا تبعد عني وتروح بلد تانيه..

عمر ياصقر كلنا عارفين ان عليا حلمها تستقر ببلاد براا من صغرها ..والله مش هتندم ياصقر وانا هحطها بعنيا..ولك عليا  اول ماتطلب تشوفها هننزل البلد تاني.

صقر ربنا يقدم اللي فيه الخير..

عمر يارب بعد اذنك ..

نهض عمر وودعه صقر ليذهب الى مكتبه..

اما فتون وعليا اسرعن الى غرفة عليا لكي لا يراهن صقر..

عليا بحماس ابتسمت عندما وصلتها رساله من عمر

محتواها ..((حبيبتي حاولي تقنعي صقر عشان خاطري.. انا تعبت عاوزك جنبي بتوحشيني دايما بحبك وقلب احمر.❤))

عليا بعثت له قلوب واحتضنت هاتفها بسعاده

فتون بتضكي علي ايه ..

عليا بابتسامه واسعه مفيش بس عمر باعتلي حاجه ..

فتون اممممم وانا بقول ضحكتك بقت من هنا لهنا اتاريه سي عمر..

عليا بحرج خلاص يافتون متكسفنيش وخليكي بجوزك ..

فتون انزلت نظرها بحرج وهي تتذكر صقر..

عليا مالك يا فوفا احمريتي كده وقلب وشك لتقترب منها وتقول بمكر هو في حاجه ماعرفهاش ..

فتون ادارت وجهها بحرج لتقول بارتباك حاجه زي ايه..يعني مافيش حاجه..

عليا بخبث انتي متأكده..

فتون متاكده متاكده يا علياه…

عليا بخبث ماشي بس خودي بالك من جوزك..

فتون توترت واقتربت منها قصدك ايه. 

عليا قصدي..ابيه صقر شب وحاوليه البنات كتير..وكلهم عينهم عليه..فمتخليلهمش مجال يخطفوه منك..

فتون لا لا يا لوله سي صقر مش كده هو مش بتاع نسوان..

عليا مفيش راجل مش بصيص..

فتون شردة وهي تتذكر كلامه عن لمى لتهدر بصوت مرتفع وهي تقف لا مستحيل..

عليا بخوف..يخرببيتك خضيتيني مالك..

فتون بقلق هو ممكن صقر يبص لحد غيري..

عليا بتحريض اه طبعا..

فتون باندفاع ودون تفكير والبوسه النهارده ايه...يعني اخوكي بيضحك عليا....وضعت فتون يدها لتغلق فمها بسرعه.

ضحكت عليا علييها لانه نطقت ماكانت تخفيه اههه بوست ايه بقى..

فتون بارتباك بوسه مين قال بوسه انا قولت بوسه واللا انتي قولتي..

عليا تؤ انتي اللي قولتي..

فتون هزت راسها يمينا ويسارا لا انا ماقولتش حاجه..

عليا لا قولتي وتعالي احكيلي بدل مالراجل يتشقط منك..

فتون هو ممكن يتشقط بجد .

عليا بتسخين اه يافتون انتي فاكراني بهزر..والا ايه

_______________

وقف يراقبها وهي تتشاجر مع احد الشباب..

فرح اقسم بالله يا كريم لو مبعتش عن منال لاندمك ع الساعه اللي ولدت فيها.

كريم بسخريه وهو يقترب منها يعني هتعملي ايه ياقطه.

فرحه صفعت بقوة لتهدر هخربشك يا*****.

كريم بغضب بتضربيني يا****والله لا ربيكي..رفع يده يريد صفعها اغمضت عينيها لتفتح عينها بعد ان شعرت بيد تجذبها ..لتجد كريم ملقا على الارض ممسكا انفه ويتألم..وبهاء يجرها خلفه..صمتت من الصدمه حتى خرج من الملهى لتنفض يدها منه بغضب..

فرح انت بتجرجرني كده ليه فاكرني ايه..

بهاء مسح وجهه بغضب اتكتمي يابنت الناس لحسن اكتمك بطريقتي..

فرح لا اصحى على نفسك فاكرني زي البنات اللي بتشقطها من هنا..

بهاء بسخريه واستفزاز اهاا اومال بتعملي ايه هنا  بالوقت ده ..

فرح مالكش دعوه وهمت بالمغادرة ليجذبها من يدها هادرا على فين..

فرح اوعى كده هرواح..

بهاء هتروحي لوحدك بالشارع ده اللي مليان رجاله سكرانه وبتتعاطى امشي قدام..

فرح بحد مالكش دعوه بيا ..وسيبني..لحسن والله لاندمك.

بهاء بتحدي مش هسيبك وريني هتعملي ايه…

فرح هعمل كده ركلته فرح بقدمها على ساقه ليصرخ ممسكا ساقه بيده لتضحك وهي تهرب ..

اما الاخر بقي يتوعد لها…

_______________

احدى الخادمات صقر بيه بيسال عليكي ياهانم..

فتون بتوتر ماشي هحصلك كمان شويه..لتنظر الى عليا انا هعمل ايه دلوقتي..

عليا متتكسفيش ده جوزك انتي فاهمه ..

فتون والله مش بايدي ياعليا انا ببقي بترعش وقلبي يفظل يضرب كده كل مايقرب مني..

عليا بابتسامه حانيه بتحبيه يافتون..

فتون مش عارفه ..هو الحب بيبقى كده..

عليا مش انا اللي هقولك يافتون انتي اللي هتعرفي لوحدك..

فتون نهضت بارتباك تريد المغادره لتوقفها عليا..

عليا فتون بالله عليكي حاولي تقنعي ابيه صقر عشاني انا وعمر ...عشان خاطري..

فتون بتردد انتي تعرفي سي صقر مابيحبش اتدخل ياعليا بس اوعدك هحاول .

عليا ربنا يخليكى.

__________

كان يقف امام المرآة شارد الذهن ولم يشعر بدخولها 

شردت فتون به وهو يجفف شعره وحبات الماء تتناثر بعشوائيه على وجهه ولحيته ..

افاقت من شرودها عندما راته يستدير اليها..

صقر بابتسامه جذابه تعالي يافتون واقفه عالباب ليه..

فتون هاااا مفيش بس ..بس.

صقر بس ايه ..

فتون هو مين اللي كان مستنيك تحت ده. وعايز ايهه.

ضحك صقر بسخريه ليه هو انتي وعليا مكنتوش بتشوفوا وبتسمعو كل حاجه..

فتون هو احنا كنا مكشوفين لدرجادي.

صقر بضحك واكتر كمان شويه كان الراجل شافكم عالدرج كمان..ليردف بتنبيه بس المره دي سماح يافتون بس المره الجايه انا مابحبش حد يتجسس عليا كده اتفقنا..

فتون حاضر ياخويا والله مش هتتكرر تاني ...لتردف طيب وقررت ايه..

صقر بأيه..

فتون هتخليهم يتجوزو ويسافروا.

صقر مش عارف..لسه بفكر..

فتون برجاء  وبعيون القطط الساحره متسيبهم ياخويا ومتكسرش بخاطرهم..

صقر بانجذاب اقترب منها ليهدر وهو يجذبها اليه تفتكري كده..

فتون بارتباك من قربه وهي تشعر بقلبها سيتوقف..حاولة ابعاده لتقول بتوتر اااهه ..

صقر بانجذاب اليها انت عملتي فيا ايه ..

فتون بخوف والله ماعملتش حاجه..

صقر بتوهان  وتكلم امام شفتيها انا بحس بحاجات عمري ماحسيتها مع حد..

فتون……….

يتبع......

الصقر الجريح💔17

فتون ليه كده ياخويا..

صقر وهو مركز بنظره عليها بانجذاب ايه..

فتون رافعت يديها وامسكت المنشفه على كتفيه .. شعرك مبلول ياسي صقر وكده هتاخد برد وتتعب..وقفت على رؤوس اصابعها ومدت يدها تريد تجفيف شعره لكن اطول منها ..

صقر بتوهان وهو يمسك يدها بيد وباليد الاخرى يجذبها من خصرها اليه سيبك من شعري وخلينا في المهم ليقترب منها ويقبل يدها ..انا..

قاطعته هي بتوتر..لا لا مينفعش كده لتمسك يده وتجذبه خلفها تجلسه اما المرأة وبدأت بتجفيف شعره .وهي تقول.لازم تاخد بالك من روحك ياسي صقر عشان متعياش..وتخضنا عليك..

صقر امسك يدها واجلسها بحجره ..انت بجد بتخافي عليا..

فتون  بتوتر من قربه مينفعش كده عيب ياسي صقر وهي تنهض لكنه اعادها مرة اخرى ليقول بس انا عايزك وانتي قريبه مني كده ..احمرت وجنتيها وشعرت بالحرج..شعر صقر بانه زادها على فتون وهو يراها مرتبكه من قربه ..ابعد خصلات شعرها بحنو ليقول انت ايمتا هتبطلي ..تتكسفي مني ..

فتون ولم ترفع نظرها اليه.لما تبطل تكسفني بحركاتك كده انا مش حملك..ياخويا

صقر بضحك انتي ليه محسساني اني واحد غريب عنك..انا جوزك على فكره..

فتون ……

صقر همس بحب فتون..

فتون هااا

احتضن صقر وجنتيها ..ليقول انا...وهو يقترب منها اكثر..

فتون بتوتر ابتعدت وهي تنهض بسرعة انا عاوزه اروح الحمام وغادرت بسرعه ..وهي تضع يدها على قبلها الذي يخفق بشده…فتون لنفسها.اهدي يافتون اهدي

اغمض عينيه صقر وهي يبتسم سعيد لانها منذ لحظات كانت بين احضانه..

____________

عليا ياحبيبي ان شاء الله هيوافق وهنبقا مع بعض..

عمر بس انا عايزك جنبي بسرعه ياعليا انتي ليه مش حاسه بيا..

عليا اخص عليك ياعمر انا مش حاسه بيك..

عمر متزعليش ياروحي بس انا عاوزك معايا.. محتاجلك..عايز اصحى من النوم الاقيكي جنبي..مش عايز حاجه من الدنيا دي غيرك 

عليا بسعاده بجد ياعمر انت بتحبني كل ده..

عمر واكتر ياروح قلبي ..انا بموت فيكي..

عليا ان شاؤ الله خير وابيه صقر هيوافق..

عمر يارب يا لوله عشان انا معتش استحمل بعادك عني..

____________

فرح انتي مش هتردي عليه تاني انتي فاهمه..

منال بس يا..

فرح بغضب مبسش لا اقسم بالله لاقول لامك واخليها تتصرف معاكي ..انتي فاهمه ..

منال بدموع فاهمه يافرح ..بس كريم مش هيسيبني فحالي..

فرح بحده اعلا مافي خيله يركبه والله لاربيهولك ابن ال*****ده..بس انتي اعملي زي ماقولتلك..

منال بقلق حاضر ..

___________

فتون انت بتعمل ايه هنا في الشرفه الجو برد قوي..

صقر متقلقيش انا هدخل كمان شويه.. انتي خشي نامي ..

دخلت الغرفه وعادت بعد لحظات ليشعر بها تضع معطفه على كتفيه..

فتون البسه ياسي صقر كده هتتعيا وانا مبحبش اشوفك عيان..

صقر وهو يتأمل الليل ماشي ياستى تعالي قربي عشان ادفى بيكي وهو يضع يده على كتفها يجذبها اليه وهو شارد بالليل ..وفتون تتأمل ملامحه على ضوء القمر….

فتون بتردد سي صقر..

صقر اممممم.

فتون بقلق هو انت يعني ممكن يعني تتشقط مني ..

صقر اطلق ضحكت عاليه لينظر اليه ااتشقط منك  مين اللي قالك كده..

فتون بطل ضحك عليا وقولي الحقيقه..

صقر وهو يكتم ضحكته اقولك ايه..

فتو ن بتذمر متضحكش ياسي صقر لاوالله اخصمك وازعل منك..

صقر طب اهو مش هضحك بس قوليلي من اللي قالك كده..

فتون بكدب محدش انا عقلي قالي كده..

صقر فتون عارفاني مبحبش الكدب..

فتون وانا مكدبتش ..

صقر فتون..

فتون يووووه اهو عرفتها وخلاص واللا انت عاوز تهرب من سؤالي..

صقر سؤال ايه هو سؤالك ده سؤال..

فتون اه..بعدين تعالى هنا بص فعيني كده..

صقر بابتسامه اقترب منها وهو ينظر لعينيها بعشق..اهو ياستي..

فتون ارتبكت وهو تشعر بانفاسه قريبة منها لتبتعد.قليلا..وتهتف.انت مش قولتلي ..لمى عجباك..يعني ممكن تروحلها وتسبني

صقر اروحلها  انتي شايفاني عيل ..وبعدين مش عايز اسمع ااكلمه دي على لسانك تاني..فاهمه

فتون بتذمر..لا مش فاهمه..ومش هسيبك تتخطف مني وانا اتفرج..عليك. كده عادي مش هسمحلك ياسي صقر..

صقر بخبث وقد لمعت براسه فكره ..هو انتي لو عايزاني مبصش لغيرك لازم تعملي حجات كتير..مش هتقدري عليها

فتون بتسرع لا هقدر انت بس قولي اي هيا وانا اعملها..

صقر وقد اقترب منها اكثر لا انتي هترفضي اكيد..

فتون لا لامش هرفض انت قولي وانا هعملك كل اللي انت عايزه..صقر جذبها اليه وهمس لها ببعض الكلمات لتتورد وجنتيها وتنهض ببسرعه وتدفعه عننها ..وتهتف يامصيبتي..انت...انت...سافل...وتسرع الى الغرف وتغطي راسها بالملائة..اما الاخر فقد ضحك عليها وهو يتنهد بحب..لينهض ويتبعها هادر وهو يجلس بجانبها على السرير فتون..

فتون……

صقر قومي يافتون…

فتون…

استلقى بجانبها واخذها بحضنه فتون نهضت بسرعه ياخرابي عايز ايه ياسي صقر روح من هنا متقربش مني  والنبي ياخويا..

صقر اتهدي يابنتي انا عاوز انام وانتي بحضني بس مش اكتر من كده ..

فتون بس ..

صقر جذبها اليه ينفع تسكتي لحد منام دفن رأسه بشعرها فقد ادمن رائحتها واغمض عينيه ونام وكذلك فتون غلبها النوم ونامت.

__________________

في الصباح الباكر 

خرج صقر من الحمام ليجد فتون تجهز لتذهب معه الى العمل..

احتضنها واستنشق عبيرها..

صقر صباح الخير..

فتون بحرج صباح النور ياخويا وابتعدت لتقول ..وحده من الشغالات قالت في واحد اسمه بهاء عاوزك ضروري..

صقر ماشي هلبس وانزله..

فتون بس انت مفطرتش لسه..

صقر هشوف بهاء عاوز ايه الاول انت مش عارفه ده زنان قوي وهو يدخل غرفة تبديل الملابس.

فتون ماشي ياخويا انا كمان شويه  هخلص وانزل احضرلك الفطار..

___________________

بعد فتره في مكتب صقر..

بهاء دي مناقصات مهمه قوي لازم ترسى علينا.

صقر قول ان شاء الله يابهاء ..احنا هنشتغل عليها وان شاء الله خير..

دخلت الخادمه بيدها القهوه

وضعتها امام صقر والاخرى امام بهاء وغادرت

بهاء ان شاء الله  بس مينفعش نسيبها لغ..قاطعهم دخول فتون بسرعه وهي تصرخ مشتربش القهوة ياسي صقر والنبي..لترمي قهوته من يده ارضا وهي تبكي..وتصرخ هادرة بدموع قولي مشربتهاش والنبي ياخويا..

صقر….

يتبع.....

الصقر الجريح💔18

صقر اهدي يافتون محصلش حاجه وهو يضم رأسها الى صدره..

فتون بارتعاش وخوف ...ك.ك..كنت هتموت . يياسسي صقرر

صقر بحنو واهو انا قدامك زي الفل اهدي ياروحي انتي بتترعشي كده ليه. 

دخل بهاء بسرعة ليبتعد صقر .بحرج...

بهاء احم..اتفضل يا صقر اديها ميه يمكن تهدى ونفهم منها.حاجه..ارتشفت فتون القليل من الماء..

بهاء بجديه مدام فتون ممكن تفهمين ايه اللي جرى.

صقر بضيق ايه يا بهاء انت مش شايفها خايفه ..ده وقته..

نظر اليه بهاء بجدية احنا عايزين نفهم ياصقر والله ايه..

صقر مي..

قاطعته فتون وهي تمسك يده ..ياسي صقر بهاء بيه معاه حق لازم تعرفوها قبل ماتهرب..تنهد صقر بقلة حيله

التفت بهاء الى فتون اتفضلي يامدام..

فتون كنت رايحه المطبخ اعمل فطار...وانا داخله سمعت الشغاله تتكلم بالتلفون وتقول انه لتكمل بغصه ..سي صقر اول مايشرب القهوه هيموت..اتجننت معرفتش اعمل حاجة وجريت عشان الحقه.

بهاء وانتي تعرفي الشغاله دي..

فتون اه اعرفها..المسلفعه الطويلة دي..وشعرها اسود ومنكوش كده…اسمها اسماء..

بهاء اخرج هاتفه .ليهدر شكرا يامدام واعذريني على طريقتي ..وغادر.

__________

صقر بحنو انتي كويسه..

فتون اه ياخويا كويسه.. مين دول يا سي صقر وعايزين منك ايه..

تنهد صقر متشغلش بالك وانتي ارتاحي دلوقتي..وانا هروح الشغل. عشان عندي شغل مستعجل.

فتون بسرعه لا طبعا..هروح معاك

صقر انا عايزك ترتاحي..النهارده.

فتون وهي تنهض بسرعة انا كويسه وااللهي.

صقر فتون..انا قولت ايه..

فتون بعيون القطط الجذابه والنبي ياسي صقر انا عاوزه اروح معاك والنبي والنبي عشان خاطري..تنهد صقر بقلة حيله ماشي ياستي هنروح مع بعض بس سيبيني اشوف بهاء وراجعلك..

فتون بسعادة ظاهرة عليها حاضر ياخويا…

___________

بهاء مفيش جديد البنت متعرفش حاجه كانت تجيها الأوامر من التلفون بارقام مختلفه...ويحولوا الفلوس لحسابها..

صقر يعني معرفتش حاجه تانيه ..

بهاء بضيق ابدا حتى الرقم اللي اتصل فيها اخر مره حاولنا نتصل فيه لقينه مفصول.

صقر بغضب يعني هنفضل كده ندور حولين نفسينا..

بهاء انا بفكر فى حاجه..اكيد بعدها هنعرف مين اللي عمل كده.

صقر ايه هيا ..

في تلك الاثناء اتاه اتصال هاتفيا..صقر استنى شويه واجاب .

صقر ايوا يااحمد

احمد في انسه برا عاوزه تقابل مدام فتون..

صقر مين مقالتش اسمها..

احمد الانسه فرح..

صقر طيب خليها تدخل..

بهاء في ايه.

صقرالانسه فرح عاوزه تشوف فتون..

بهاء بسعاده حاول اخفائه طيب هروح انا بعد اذنك

صقر على فين..مش هتقول الخطه

بهاء عند شغل سلام اشوفك بالشركه.ونتفق.

صقر باستغراب ماشي..

ليلتقي بهاء بها امام الباب..

بهاء ياصباح الجمال..

فرح ...اكملت طريقها وتجاهلته..

بهاء ايه بنصبح ياجميل..

فرح عادت خطوتين لتهدر متحترم نفسك ياود انتا ..واد قليلا الربايه صحيح..لتمشي من امامه..ليوقفها ممسكا يدها انتي مش هتبطلي طولة لسانك دي..

فرح بتحدي لما تبطل سفالتك..ان شاء الله

بهاء بنت انتي عارفه بتكلمي مين…بهاء علي القاسم عارفه يعني مين يعني صاحب شركات القاسم كلها والا مسعتيش عنها..

فرح باستفزاز وبرود حصلنا القرف ..لتغادر من امامه وتتركه بغيظه.

بهاء لا البنت دي لازم تتأدب انا مش هسيبها كده..

__________

فتون احتضنتها بسعاده وحشتيني قوي قوي قوي يافرح..

فرح والله وانت كمان..

فتون عشان كده مجيتيش تزورينا ولا مره..

فرحه معلش قلبك ابيض اصلي مشغوله بالمذاكره..

قتون ربنا معاكي..تعالي اقعدي هنا..

صقر اهلا نورتي ياانسه فرح.ازيك

فرح تسلم ياصقر بيه.. الحمد لله

صقر ماشي اسيبكم انا واروح الشغل..عاوزه حاجه يافتون.

فتون ربنا يخليك عاوزه سلامتك

صقر الله يسلمك وغادر

فتون رجعالك ياحبيبتي .وتبعته..

فتون ربنا معاك ياخويا ويحفظك.

صقر اممممم بقالك ساعه تتحايلي عشان تروحي معايا ودلوقتي بعتيني يافتون..ليردف بغيره ولا واخده فراح هانم بالحضن وانا جوزك مينفعش ياسي صقر ..

فتون بحرج معلش ياسي صقر دي من ريحت الحبايب..

صقر وهويحاصرها امام الباب وانا ايه..مش من الحبايب

فتون بشهقه سيبني ياسي صقر حد يشوفنا ..

صقر تؤ مش هسيبك الا لما تقوليلي انا ايه..وهو يدفن رأسه بعنقها يستنشق عبيرها ..

فتون بتوهان..ممينفعش كده والنبي ياخويا سيبني..

رفع رأسه لينظر اليها بحب ماشي اما اشوف اخرت صبري ايه.

فتون افلتت نفسها لتسرع الى غرفتها بحرج…

صقر بضحك يارب صبرني..

₩₩₩₩₩₩₩₩₩

فرح مالك يافتون وشك قالب الون كده ليه..

فتون بحرج مفيش..قوليلي اخبارك ايه وخالتي عامله ايه ومنال..

فرح كلنا كويسين بس انا جيالك النهارده عشان ..عمك قالي اجيلك عشان الورث..

فتون بضيق ورث ايه...

فرح هو صقر بيه مقالش حاجه..

فتون لا ابدا

فرح عمك تقريبا كلم صقر بيه ..وقاله يقولك..بس مممكن يكون نسي..

فتون جايز..انتي قوليلي اخبارك وعامله ايه..

فرح يابنتي بقولك لازم تنزلي البلد عشان تاخدي حقك وانت وولا انتي هنا..

فتون وانا هعمل ايه يعني هشوف سي صقر واساله وهو يقرر..

فرح وانت ايه مش عايزه حقك يافتون..

فتون لو ليا حق هيجيلي لحد.عندي..

فرح بقوه مفيش حقك يجي ...الحق يتاخذ بس..

فتون انتي بتقولي ايه..

فرح ياحبيبتي كلنا عارفين عمك … بكرى هياكل عليكي حقك ويديه لولاده..

فتون لا عمي ميعملش كده متظلمهوش يافرح..

فرح ماشي ياستي اما نشوف.

فتون انسى وقوليلي عامله ايه…

فرح.كويسه..جدا اهو بدرس واخر سنه ليا الحمد لله..

فتون ربنا يكملك على خير..والواد اللي هيخطبك حصل معاه ايه..

فرح ببرود تركته..

فتون يامصيبتي تركتيه ليه ليه كده هو مش كان رايدك وبيحبك.

فرح ايوا بس انا مش عايزه..

ليه ياحبيبتي عملك حاجه..

فرح بحده وهو يقدر ...سيبك منه وقوليلي عامله ايه مع جوزك..

فتون كويسه..

فرح ومالك بتقوليها كده هو زعلك بحاجه..

فتون لا ده سي صقر يتقل بالدهب ..ده مفيش منه تنين ..بس يعني انا يعني..

فرح مش فاهمه حاجه متقولي يافتون..

فتون بحرج مش قادره اخليه يقرب مني..

فرح ليه يافتون هو مش كويس معاكي

فتون لا منا قولتلك سي صقر مفيش منه ..بس العله فيا انا..

فرح مينفعش كده يافتون ده جوزك وانت مش عارفه متجوز.مين ده صقر الشرقاوي..كل الناس عارفاه وكل البنات بتتمناه..

فتون بغيره وانا اعمل ايه يعني مش بايدي..وهو يفضل يقرب مني..بس انا ببقى مش قادره اتكسف قوي يافرح مش عارفه اعمل ايه..وخايفه زي ماقولتي تاخده وحده تانيه ..

فرح متخفيش ياحبيبتي صقر بيه مش بتاع ستات ومش من النوع ده اطمن..

فتون بسعاده بجد يافرح 

فرح ايوا متخفيش انتي ممكن تكوني مكسوفه..منه مش اكتر قوليله اديني وقت عبال متعود عليك وكمان قوليله انك مش رفضاه ..عشان ميفهمكيش غلط..وانا متاكده مع الوقت هتتعودي عليه

فتون ربنا يخليكي ليا مش عارفه اعمل ايه بدونك..بس انت تعرفي سي صقر منين يافرح..

فرح بارتباك انت بتتكلمي على صقر الشرقاوي اشهر من نار على علم كل البلد.بتعرفوا..يلاا بقى انا لازم اروح دلوقتي..

فتون على فين يافرح انتي مالحقتيش تيجي..

فرح هعدي على صقر بيه الشركه عشان اتكلم معاه بخصوص ورثك..مهو انا متكلمتش معاه عشان فكرته قالك بس الظاهر مش زي مانا متوقعه. فلازم اتكلم معاه..

فتون طب خودينا معاكي..والنبي..

فرح ماشي اجهزي .

فتون بحماس ا جاهزه بس احط الطرحه اهيه وجيه معاكي.

فرح بابتسامه ماشي ياستي..كل ده عشان هتروح عنده ده كان من شويه هنا لحق يوحشك..

فتون بحرج بطلي بقى ويلاا..

₩₩₩₩₩₩₩₩₩₩

في الشركه بعد فتره .

فتون بابتسامه ازيك يا لمى..

لمى بضيق كويسه..لترمق فرح بقرف..

فتون سي صقر جوه..

لمى ايوا جوه..

فتون طب انا هخوشله..

لمى بحده استني هنا رايحه فين.هي وكاله من غير بواب والله ايه.

فرح متتكلمي عدل يابنت انتي ..

لمى باستفزاز وانتي مال اهلك..

فرح لاا مالهم ومالهم وانتي لو عاوزه تتربي هربيكي..

فتون استني يافرح متعمليش مشاكل والنبي..

فرح بغضب سيبيني عليها اربيها الحربايه دي..

لمى انت يابنت انتي متحترمي نفسك..مين الحربايه

فتون معلش يالمى امسحيها فيه..

فرح بغيظ انت ايه يابنتي دي منعاكي تخشي لجوزك وانت تعتذرلها..

لمى بصدمه ججوزها..

صقر بحده في ايه يالمي ..ليخرج خلفه بهاء مبتسم بسخريه اهي ام المشاكل جات..

صقر رمق فتون بغضب وعيناه تحولتا للون الاحمر مما جعلها تختبئ خلف فرح التي بدأء شجارها كالعاده مع بهاء..

فرح مين ام المشاكل ديه هاااا .

بهاء بسخريه اهي عرفت روحها وبتسأل..كمان..

فرح بغيظ متحترم نفسك ياولا ..

بهاء بغيظ وله مين الولاه يا**

صقر صرخ عليهم بااااااس ليصمت الجميع وفتون ارتعشت من الخوف بسبب نظراته..

لمى بخوف والله يافندم مكنتش اعرف انها المدام انا اسفه واالله..

صقر كان متركز بنظره على فتون وهو بقمة غضبه..ليهدر قدامي عالبيت…

فتون بخوف اسرعت امامه لتقف امام المصعد دون التفوه بكلمه وهي لاتعلم ماهو ذنبها ولاول مرة تراه هكذا لتبدأ دموعها بالهطول بصمت..

فرح صقر بيه عاوزه اتكلم معاك ..ضروري

صقر دون النظر اليها ببرود لوالكلام ميتتاجلش قولي لبهاء...ليغادر وشياطين الجن والانس امام عينيه..

بهاء بسخريه اتفضلي 

₩₩₩₩₩

فتون بخوف انا ععملت ححاجه ياخويا زعلتك..

صقر…..

فتون بدموع سي صقر..واالله مش انا اللي اتخنقت مع لمى والله دي فرح.

صقر بتهديد ولاول مرة تراه هكذا مش عايز اسمع صوتك لحد منوصل البيت..انتي فاهمه..

فتون …...

يتبع.....يتبع ...انضم لجروب التليجرام ( هينزل فيه الرواية كاملة )اضغط هنا 

مجمع الروايات الكامله والحصريه  اضغط هناااااااا 

تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هناااااااا 

تكملة الروايه من هنااااااا