 |
#طفلة_هزت_كيان_فرعون_الثامن_عشر_الجزء_الثاني
لا حول ولا قوة الا بالله العلي العظيم واتوب اليه عدد خلقه ورضا نفسه وزنة عرشه ومداد كلماته
فرعون بابتسامه: بحب فيكي قلبك الأبيض االي بتسامح اي حد علي طول
نور: انا هتكلم بصراحة علي اللي حساه
يمكن صعبان عليا نفسي اللي اتهانت عشان كدا اللي كان بيحصل الاول وعاوزة اخرج من حياتك عشان احس بانتصار
ولا عشان صعبان عليا حالك ودايما معتمد عليا
وبرجع اقول عشان اتعودت علي وجودي جمبكم ومعاكوا اتعودت علي انكوا جمبي وانا في حياتكوا
برجع اقول خوفي عليك دا اسميه اي وببرر دا ان اي حد طبيعي معاشر شخص مهما كان حلو او وحش مع الوقت هيخاف عليه
بقول نظراتك ليا بدل علي حاجات كتير ومبعرفش احدد معناها
فرعون: منا قولت مش هقدر اغصبك علي حاجة
نور: مش حكاية غصب حكاية اللي هو انا هقدر اكمل في حاجة انا مكنتش راضية عليها
فرعون وهو بيولع سجارة : الحل اي
نور: عاوزة ابعد يومين واروح بيتنا القديم يمكن ساعتها اعرف اقرر انا عاوزة اي
فرعون: علي راحتك لمي اللي يلزمك وخالد هيوصلك وطلب من خالد انه يوصلها
خالد : بالمرة هوديها ونقعد معاها اليومين دول عشان اكون مطمن عليها
شمس: طيب يبقي احسن وتبقي قدام عيونا
فرعون بارتياح: يبقي احسن غشان المنطقة دي كلها قلق مش امان
نور : طول عمري كنت فيها والناس هناك كويسين
فرعون: الوضع اتغير بقي حالك مش زي الاول حالا العين عليكي والناس تطمع اكتر فيكي
نور: خالد هيكون معايا وكلها يومين وبس
فرعون: انا واثق فيكي ومشيوا واتجهوا للمنزل
سمية : نور في موقف صعب وعلي راحتها ي ابني
عادل : فرعون عاوزك في موضوع
فرعون: مش حالا ي عادل
عادل : اللي تشوفه
خالد وشمس ونور وصلوا البيت
نور: انا هدخل اوضة ماما وبابا
خالد: وانا هكون في الاوضة دي اي حاجة تحتاجيها عرفيني رغم انه بيتك وانه مكانك وانتي تعرفي حاجات اكتر مني فيه
نور: البيت بيتك ي حبيبي وانتي كمان ي شمس ودخلت الاوضة
نور واقفة قدام صورة ابوها وأمها : وحشتني اوي ي بابا يمكن فرعون عوضني عنك نسبة صغيرة من اللي انا محتاجاها هو حنين وبيخاف عليا وانا واثقة من دا
وانتي كمان ي ماما مفتقداكي اوي يمكن روحك الحلوة وحشتني دادة سمية في مقامك بس عمر ما في حاجة تعوض الام وحنان الام وخوفها وجت عيونها علي صورة عصام اخوها
انت بقي ي عصام مش هقول غير ربنا يرحمك ربنا عوضني بخالد فعلا دا العوض الصح
خالد : اهلي كانوا هنا ي شمس اللي اتحرمت منهم
شمس:ربنا يخليك انت ونور لبعض وتملي عيالك البيت حواليك ويعمر بالمحبة
خالد: ويخليكي ليا ويكرم اختي نور وافرح بيها وبعيالها
شمس: يارب ي حبيبتي تعالي ارتاحي
عادل : ملك طلعت هي حب فرعون الاول
سمية : انت شوفتها
عادل: ايوا شوفتها وكمان كلمتها
سمية: معقول تكون لسه بتحبه
عادل: دا واضح من كلامها
سمية : يالله هو احنا نخلص من حاجة تطلع حاجة تانية
عادل : دا الموضوع اللي عاوز افتحه مع فرعون عاوز اعرف رد فعله اي
سمية : ربنا يسترها بقي
ملك : أدهم انت ي ولد
ادهم: ايوا ي ماما
ملك : تعالي عشان تتغدي
أدهم: انتي كدا بتعطليني عن اللعب
آدم: يعني بحسبك هتقول بتعطليني عن المذاكرة
أدهم: مامي مامي بص ليا كدا انا هبقي مهندس من غير ما اذاكر
آدم: ازاي بقي لازم تذاكر عشان تبقي اشطر مهندس
أدهم: خلاص هخالي نور تذاكر معايا
ملك : يعني هي نور موريهاش غيرك
أدهم: انا بحبها ي مامي اوي
آدم: بس اللي بيحب حد مش بيضايقه كتير كدا
ادهم: انا مش بضايقها هي بتحبني وجري يروح يلعب تاني
ملك : انا مش عارفه اعمل اي تاني بجد
آدم: سبيه ي مامي هو مهووس باللعب لما يكبر شوية هيفهم يعني اي مذاكرة دروسه
ملك : ربنا يكرمكوا ويعوضني بيكوا
فرعون حس بألم شديد في كتفه طلب من عادل يجي
عادل دخل عليه انصدم لكن طلب منه انه يقفل الباب تاني عشان ينضف الجرح له
ياتري انصدم ليه ؟؟هستني تعليقاتكم في الكومنتات
تاني يوم جه بالسعادة علي الكل ماعدا نور وفرعون
فرعون اول ما صحي اتصل علي نور
نور بنوم : الو
فرعون : صباح الجمال
نور وهي بتقعد : صباح النور
فرعون: انتي كويسة وبخير
نور : ايوا انت كويس
فرعون : بصراحة لاء
نور ؛ ليه مالك
فرعون: عشان وحشتيني وكمان دراعي وجعني اوي امبارح وكنت متعود انك اللي بتهتمي بيه
نور: عادل عندك ودادة
فرعون: وانا بقولك اني اتعودت منك انتي علي الاهتمام دا
نور: يعالم الاهتمام دا هيكمل ولا لاء
فرعون: ارجوكي ي نور الفترة اللي فاتت كانت كلها ضغط ومشاكل وصراعات بيني وبين اهلي وشغلي وكل دا خلص كان لازم ابقي جبروت قدام الكل عشان اوصل للي انا فيه دا لكن الحال اتبدل وحياتي بقت خالية من كل دا تقومي تسيبيني كدا وتقرري تمشي ويعالم متكمليش حياتك معايا
نور: وانا اتظلمت معاك خايفة اكمل حياتي كلها كدا .
فرعون: مش هتخسري حاجة لو اديتي لنفسك فرصة وليا فرصة تبدأ حياتنا من جديد
نور: هحاول سلام عشان خالد بينادي عليا
فرعون : متقربيش منه كتير وكمان متهزريش كتير
نور ابتسمت وقفلت
بقلم مروة موسي
خالد : الفطار جهز
نور وهي قاعدة بتاكل: مكنتيش تعبتي نفسك ي شمس والله
شمس وهي بتضحك : كلي بس براحة وبعدين اتكلمي
واتلموا علي الفطار وكلوا
سمية : انا هروح اصحي فرعون ياكل
عادل : اصبري هروح انا
سمية : اشمعنا انت يعني انا هروح
عادل : طيب بس خالي بالك من قلبك اللي هيقف من الفرحة
سمية : مش فاهمه
عادل: ادخلي وشوفي ودخلت وانصدمت
سمية : أي دا ازاي
فرعون بضحكة : اهو بقي ي دادة
سمية : لووووووووووووووووووووووووووووووووووولي انا قلبي هيقف من الصدمه والله تعالي فهمي كل حاجة
عادل وفرعون فضلوا يفهموها
نور : رايك اي يخالد عن حياتي مع فرعون
خالد : بعد إذنك ي شمس ممكن
شمس وهي قايمة: حاضر ي حبيبي
خالد : من رأي فرعون كويس متستغربيش
فرعون راجل بمعني الكلمة هيعرف يحميكي ويعيشك كويس جدا وكمان هيبقي مكانك الاجتماعية كويسة ومرموقة بين الناس
غير دة كله هو كان مجنون لما كنتي غبتي عن البيت لما جوري خطفتك كان خايف عليكي جدا وعرف يوصل ليكي بسرعه يعني مأمن حياتك كويس مش حياة عشوائية كفاية هبقي جمبك وسمية وعادل ودول ناس كويسة ومحترمة
وبعدين انتي زعلانه عشان اللي كان بيعمله فيكي انتي مشوفتيش نص العذاب اللي كان القصر عايش فيه فرعون ترك ليكي حريتك غير الكل كان الأمر والنهي له هو وبس فدا شئ كويس وكمان هو ي بنت الحلال شريكي هو يمكن عاجز بس مش في الجسم لاء فرعون عاجز عن ظهور مشاعره مش عارف يبينها لدرجة انه ممكن ينهيكي علي حاجة خطر عليكي بس بصيغة أمر بس كويس ويقدر يصونك وخودي فرصة كمان معاه مبقتش حياته زي الاول
نور: كلامك كله حلو وانا بصراحة كدا عاوزة ابقي معاه خصوصا لما عرفت الحقيقة بتاعتي
خالد : يعني آخر قرار فكري
نور بضحك: فكرت انا هقف جمبه وهسيب فرصة لقلبي بس لازم اهزه وانا أد وعدي
خالد بهزار: بقولك اي مش كل شوية هتنزلي ليا انا عاوز اعيش حياتي بقي
نور : مكنش العشم يخويا قوم قوم نشوف حاجة ناكلها
خالد : انتي عايشة عشان تاكلي بس
نور : عندك مانع فين جوزي بيجيب ليا كل حاجة اتنين
خالد : امشي ي بت من قدامي
فرعون : ياتري ي نور قررتي اي
سمية : نور جدعه ومش هتسيبك في تعبك وضحكت
عادل : موقف نور اي لما تعرف حقيقتك كدا
فرعون : لازم اشوف صبرها اي ولقوا الجرس بيرن
التفاعل ي شوووبااااب
#Marwa mosa ✌ ❤
تعليقات
إرسال تعليق