 |
رواية طفلة هزت كيان فرعون الجزء الثاني البارت العشرون 20 بقلم مروه موسى جميع الفصول كامله وحصريه في موسوعة القصص والروايات
طفلة هزت كيان فرعون
البارت العشرون من الجزء الثاني
اللهم صلي وسلم وبارك على سيدنا ونبينا محمد ❤️
عز: لاء مش جعان وتسمحيلي بالرقصة دي
نور بتوتر: طبعا
عز وقف علي رجله ومد ايده: عيونك جميلة اوي فيها سحر
نور: ميرسي
عز : مبتعرفيش ترقصي
نور: بعرف بس متوترة شويتين ورجعت لعقلها تاني وانسحب لورا بسرعه
نور بصدمه: انت انت ازاي كدا
عز بابتسامه: ازاي اي
نور بدهشة وذهول : انت وقفت علي رجلك
عز: ايوا فيها أي مفاجأة حلوة صح
نور : انا اكيد في حلم صح
عز : تعالي وهفهمك كل حاجة
نور بدموع: كنت بتضحك عليا الفترة االي فاتت كلها انك عاجز
عز : كان لازم كدا عشان اعرف اجيب حقي واخلص حياتي لازم اتظاهر بضعغي شوية عشان صفاء ومعتصم يظهروا اكتر وبعدين كنت هعرفك الحقيقة لكن ظهرت جوري
نور: طب انا لو كنت عرفت مكنتش هتبقي في مشكلة
عز : كنت لازم اختبر صبرك
نور بزعل: لسه مش واثق فيا لحد حالا
عز وهو بيدفن راسه في رقبتها: مبقاش حد يستاهل الثقة غيرك انتي وبس
نور: أمال ليه عاوز تختبر صبري
عز : هشش االي فات مات اهم حاجة حالا نقضب اليوم حلو
ورقص معاها علي اغاني هادية
عز: مسمحاني؟
نور؛ علي قد قلبي الأبيض الصغير سمحتك
عز بحب: حبيبتي قبل كدا
نور: لاء بحكم ان اهلي كانوا مشددين عليا وبحكم ان انا عارفه انه حرام مكنش في فرص تانية
عز: يعني انا اول راجل في حياتك عموما
نور: ايوا اول حد اتعامل معاه انت لكن انا عارفة انك مش انا اول حد ولا مراتك الاولي اول حد
عز: مش هكدب واقولك اني معرفتش حد ودا انتي شفتيه بعينك
لكن انا عرفت بنات بعدد شعر راسك لكن هي واحدة اللي معلمة لحد فترة في بالي اسمها ملك
نور: اشمعنا هي
عز: عشان كان اول حب حقيقي فعلا وكانت بتاخد بإيدي وساعدتني في امور كتير
نور بغيرة هادية: لو لقيتها حالا هترجع ليها
عز : لو لقيت ميت واحدة شبها مستحيل اسيبك ي نور انتي العوض الحقيقي في المسلسل اللي عايش فيه دا
نور؛ اتمني عينك متبصش برا تاني
عز: وعد مني ليكي هتفضلي حبي وبس
نور؛ حبك
عز: ايوا انا ي نور انا بحبك
نور قلبها رفرف من السعاده ساعتها : شكرا
عز وهو بيقرب من شفايفها: نفسي قلبك يتفتح ليا زي ما بقيتي انتي كل قلبي
نور وهي بتبص علي مكان عيونه: ان شاء الله مع الوقت
عز مال علي شفايفها لكن نور بعدت
عز شدها من وسطها وبقت لزقة فيه جدا
عز: مش عاوزك تتوتري ولا تنكسفي مني فاهمه
نور: هحاول مش من اول مرة
عز: وليه لما بتبوسيني من خدي مش بتتكسفي
نور: يمكن عشان بتكون بإرادتي
عز بفرحة: بجد ي نور
نور: ايوا ي عز واترمت في حضنه وهو طبطب عليها بحنيه
ملك سرحت في ذكريات عز معاها
عز: بقولك ي ملك خلاص انا هاجي واتقدم
ملك: بجد ي عز
عز: اللي فات عدي وهتبقي بتاعتي
ملك :ايوا ي عز وحبنا هيتكب في كل مكان
عز: كفاية انك هتتكبي علي اسمي
تعالي اجبلك ورد
ملك بابتسامه: يلا ي ورد انت
فاقت علي صوت آدم
آدم: مالك ي مامي
ملك: مفيش ي حبيبي
آدم: سرحانه في اي
ملك: بفكر أعرض الشقة للبيع
آدم: بس هي ممتازة وكمان الجيران حلوة
ملك؛ مش مهم هتشوف مكان احسن
ادهم: لاء انا بحب نور ومش عاوز اسيبها
ملك : معلش ي أدهم
آدم وادهم: لاء مش عاوزين نسيب هنا
ملك :يب يلا بس عشان نخرج شوية روحوا البسوا
عادل نقل كل حاجة من الأساس فوق ملك وجاب أسرته معاه بما إن أسرته ملهاش دور ومش عاوزة ادخلهم في رواياتنا مش هجيب سيرتهم اهم حاجة نركز بقي علي أبطالنا ونفوق ليهم شوية
عز في منتصف الليل : اليوم كان حلو
نور: احلي حاجة فيه انك واقف علي رجلك من ساعتها والفرحة مش سيعاني
عز: لو كنت اعرف انك هتنبسطي كدا كنت عرفتك
نور: اكيد لما عادل ودادة سمية يعرفوا هيطيروا من الفرحة
عز: كلهم عرفوا كنت سايبك للآخر عشان تفرحي لوحدك اشوف فرحتك في عيونك
نور: انت جبان عشان معرفتنيش
عز: اممم جبان بقي عز الحفناوي يتقاله جبان
نور: خلاص متزعلش
عز : خلاص زعلت اوي
نور: طب اعمل اي عشان متزعلش
عز بخبث: بوسه من هنا والتانية من الخد التاني والتالته من هنا وكان بيشاور علي شفايفه
نور: لا دا دلع مش زعل
عز : خلاص انا ارجع عاجز تاني بقي
نور: انت قنعت الدكتور ازاي انك تبقي عاجز وكل التحاليل تبقي بتقول كدا والأشعة
عز : لما لقيت الدنيا فيها خطر بحب اصطاد في الماية العكرة عشان كدا اتفقت مع الدكتور علي انه يقول اني عاجز وعارف أن انا خديتكوا بس الحمد لله وقت وعدي
نور: كنت دايما بقلق من صوت في الاوضة حد بيمشي واقول مين دا
عز: وانتي نايمة كنت بصحي براحة واقوم ادخل الحمام او اشرب او أقف في البلكونه شوية
نور: دا انا طلعت هبلة اوي
عز: علي قلبي زي العسل يووه انا نسيت اني زعلان
نور ::خلاص خلاص خلاص اهو وباسته من خده
عز : لسه زعلان
نور: وانا مش هعمل ....وقطعها شفتيه علي فمها وقربها منه اكتر واكتر وبقي متمكن منها حس بخوفها تحت ايده بعد براحة
عز: يلا نتعشي ودخل يجيب الاكل
نور مكانها بتبص علي شفايفها في المرايه وضحكت
نور بدأت ترتب الاكل وبداوا ياكلوا وقضوا وقت جميل وروحوا الصبح بدري
سمية: مين اللي بيخبط بدري كدا
عز: افتحي ي دادة انا عز
سمية : ادخلوا تعالوا
عز: كملي نومك واحنا هندخل ننام ودخلوا وغيروا وفرعون نام علي السرير ونور غيرت هدومها ونامت جمبه وشوية ودخلت في حضنه عز حس بيها باس دماغها وخدها في حضنه وناموا
العصر اذن ي دادة والغدا متحطش
سمية : يبني هناكل من غير عز ونور
عادل: انا هخبط عليهم
سمية: تعرف عز راجل علي رجله
عادل: عز قالها الحقيقة ايوا كدا الواحد روحه رجعت له ربنا يرزقه بالذرية الصالحة
آدم بعياط: مامي تاني تعبتي
أدهم جري يخبط وعز ونور صحيوا
نور : في اي ي أدهم
أدهم بعياط: ماما ماما فوق تعبانه
الكل طلع وأول ما عز دخل
عز: ملك
نور بصت له وعرفت انها حبه الاول
عادل: استنوا انا هفوقها وبدأ يفوقها
ملك اول ما صحيت لقت عز قدامها: عز
عز : انتي كويسة
ملك : الحمد الله
ادهم: انتي كل شوية تتعبي
عادل: عندك اي
ملك : مطلوب مني عملية عشان صدري
عز : ألف سلامه ونزل وسابهم فوق
نور: طب ليه معملتيش العملية دي
ملك: الحال يدبر وهعملها وشكرا ي نور علي الهدية دفعتي كتير فيها ولازم تاخديهم
نور وهي بتسكتها عشان الاولاد واقفين: دا كله آدم وادهم جبوا
ملك: شكرا ليكوا بجد وشوية ونزلوا
نور دخلت الاوضة لقت عز واقف: نزلت بسرعه ليه
عز: واقف فوق كتير ليه
نور: هي دي ملك صح
عز: ايوا
نور: موقفك اي لما شوفتها ي عز
عز : معلش ي نور بلاش الموضوع دا
نور بعصبية: لسه بتحبها صح
عز: كنت بقول لاء ولما شوفتها رجعت ليا كل حاجة كنت نسيتها
نور: طب يلا هي مطلقة والشرع محلل اربعه
عز باستغراب: انت بتقولي اي
نور بغيرة وعصبية: بقولك انك لسه بتحبها وهي كمان من كلامها بتحبك اي المانع من جوازكوا
عز: نوووور اسكتي خالص
نور: حاضر بس متزهقش من سكوتي
سمية: عز ونور صوتهم طالع بيتخانقوا
عادل: اكيد عز لما شاف ملك افتكر حبه ليها
سمية: ياتري ي بنتي موقفك اي وانتي لازم تظهري حالا في حياتنا ي ملك
عادل: اكيد عز هيلاقي حل
الكل اتجمع علي الغدا وخالد وشمس
خالد: البت اختي فين
عز: جوا بتقول مش جعانه
شمس: انا هدخل ليها واجيبها
عز: اتفضلي
خالد : هتاكل وتسيب مراتك
سمية: لاء هو هيجيبها
نور: مش عاوزة ي شمس أكل خالص
عز وهو بيفتح الباب: الاكل اتحط قومي من غير ولا كلمه
نور طلعت وقعدت
خالد: مالك ي نوارة
نور: مفيش ي حبيبي
خالد: أمال مطلعتيش ليه
نور: كنت بغير بس وطلعت
عز: اتفضلي كلي
خالد: هأكلها من ايدي انا
نور بحب: يسلمولي ايدينك
عز بغيرة: انا كلت وقام وخرج من باب البيت وقفله
جميلة جدا وجذابة جدا وجذابة جدا وجذابة جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا
ردحذف