 |
رواية تزوجتها البارت الثالث والرابع بقلم مريم سمير جميع الفصول كامله وحصريه في موسوعة القصص والروايات
#البارت الثالث
تزوجتها
_اطلع برا يا احمد
=اييي؟
_زي مسمعت اطلع برا، ارجوك
=في اي يمريم، مش اسلوب يجدع
_انا مش بهزر
كنت بعيط ومش عارفه اقوله اي ولا اتصرف ازايي
=متعيطيش طيب، عارفه ان لو عيطي في الحمام هتتلبسي؟
_كداب!
=من الجن العاشق
_اهو المهم عاشق
=اييي!!
_اي؟
=خلي بالك يمريم
خرجت بسرعه وحضنته من الخضه وهو فضل يضحك ف خرجت من حضنه وضربته على صدره ضربه خفيفه
_ظريف أويي حضرتك!
=طلعتي بتخافي بسرعه وعامله فيها شبح
_مش بخاف بس العياط في الحمام فعلا غلط
=ولما انتي عارفه بتعيطي لي؟
_مفيش مفيش
=بصي لما تحبي تتكلمي انا موجود وزي مبيقولوا كده بقيت جوزك ف لازم استحملك مش عشان دا واجب لا دا غصب واقتدار
ضحكت _يسلام!! ، طب انا عاوزه انام
=طب متتفضلي!
_لا انت الي هتتفضل عشان انام!!
قعد على السرير وبصلي
=كان نفسي اسمع كلامك، والله كان على عيني بس انا هنام هنا
_امال انا هنام فين؟
=تخيلي هنا!!
_دا اي العشم الي واخدك فرنسا دا!!
=متطلعي انتي لو عاوزه
_الي يعرف يطلعني يفرجني وبعدين دي اوضتي!
=اوضتنا ها اوضتنا، ولو عوزاني اطلع ف انا هطلع على اوضه الحاج اقوله بنتك عاوزه تطرد عريسها من الاوضه و..
حطيت ايدي على بوقه _اسكت خلاص
=تعرفي ان عينك حلوه؟
بعدت عنه ووقفت مكاني تاني _مش بحب الكلام دا
=ولا انا والله بس بقول الي شايفه يعني
_ادخل غير هدومك طيب
=مدام هدومي هنا، عوزاني اطلع برا لي يعني
خد بيجامه ودخل الحمام وانا قعدت وباصه قدامي وساكته، انا لي انانيه كده ومعترضش على الجوازه دي هو مش ذنبه حاجه!
طلع وانا اخدت هدومي ودخلت اغير وطلعت
_انتي الشتا جه عندك بدري ولا اي؟
=اشمعنا
ضحك _اشمعنا اي؟ انتي شبه الدبه وانتي منفوخه بالهدوم كده، جاوبيني بصراحه انتي لابسه الدولاب كله؟
بصتله وسكت وقعدت على الكرسي
_بصي عاوز ان الجواز جه بسرعه جامد دا مخدتش ساعات، بس يمكن دا النصيب، وأن شاء الله هتتعالجي وتبقى كويسه و..
=صحيح أتعالج! انت حلو جامد لي كده؟
_نعم!!
=طب كويس اني اتجوز واحد حلو كده كنت هزعل اوي لو اتجوز واحد مش ولابد
_الله يخليكي
غمرت= طب اي؟
_انا هنام تصبحي على خير
شد الباطنيه عليه وانا كتمت الضحك بالعافيه، عدي وقت ونمت على الكرسي من غير محس
صحيت علي خبط على كتفي فضربت الي قدامي في بطنه وبدأت أصوت
_اااااه، منك لله، انا الي غلطان اني بصحيكي
=انا، انا اسفه والله مش قصدي
_يخربيت ايدك انا بطني مش حاسس بيها
=خلصت ؟ قولنا مكنش قصدي اي هنغنيها!!
_!!
=فطرت؟
_باباكي قال اني اصحيكي عشان ننزل نتغدي، وخبط عليكي ب ايدي، هي دي هي دي الي خبطت عليكي
ضحكت =طب تعالي ننزل يلا
_غيري طيب الأول إلى انتي لبساه دا
بصيت على شكلي وبعدين بصتله
=ايوه مينفعش انزل كده فعلا، ثانيه واحده
دخلت لبست برموده البنطلون بتاعها فوق الركبه بشويه وسرحت شعري وطلعت
_شكلك حلو، جامد الصراحه
ابتسمت= شكرا يا احمد
نزلنا وفطرنا وهو طلع وانا فضلت قاعده مع بابا شويه، كأني مش عاوزه اشوفه عشان محسش ب تقل على قلبي!
طلعت ملقتوش في الاوضه ف رفعت حاجبي
_احمد انت فين!!
خرج وهو بينشف راسه بالفوطه ولابس بنطلون البيجامه
=بتستعجليني لي يبنتي!
_ها!! معتش تخرج كده تاني
=نعم!!
_قصدي ابقى البس جوا
=منتي الي ندهتي!
_ايوه صح معاك حق
خدت فوطه ودخلت استحمي انا كمان وطلعت
_مريم!!
=ها؟
_نديلي مريم من جوا لو سمحتي
=بس يجدع يا روش يا اجمد حد في العالم انت!
_انتي مريم؟ طب والله احلى من غير مكياج معتيش تحطي بقي
=بجد؟
قرب خطوه _ وربنا
=طيب، ممكن تحاسب اسرح شعري
_ما بدري
=هنهزر بقى!
_منهزر عادي يبنتي في اي هو احنا حرام نهزر!
=مش هتبعد يعني؟
قرب خطوه كمان _لا مش هبعد
بصتله وبعدين ابتسمت ب خباثه
=انا اصلا مش عوزاك تبعد وانت حلو كده
_لا يمريم هبعد خلاص
=تعالي بس
_خلاص يامريم انا غلطان وربنا
=يعم اسمعني بس
_وربنا مسامع خلاص سرحي
خرج من الاوضه وانا ضحكت وسرحت شعري وقرات الروايه الي كنت مكملتش نهايتها
(ومهما حدث انا احبك)
ابتسمت لنهايه الروايه بالجمله دي وشيلت الروايه من قدامي فلقيته
_مش تكح حتى؟
=خلصتيها ؟ تعالي كلي بقي
قعدنا احنا الاتنين على السرير
_انت الي عماله مش كده؟
=ايدا عرفتي منين؟
_مش شايف شكله يا احمد!
=حسبي الله ونعم الوكيل
ضحكت _مخلتش الطباخه ابي تطبخ لي؟
=ومواهبي اوديها فين يهانم! دوقي دا انتي هتبهري
خدت معلقه من الاكل وبصتله
=ها اي رايك؟
_هي المكرونه مستوتش اوي، الصلصه طعمها باين اوي في الطعم، بس تسلم ايدك المره الجايه هتبقي اجمد ان شاء الله
ابتسم =لو امي كانت رمت الطبق في وشي
_انت حاول بس محاولاتك متكترش عشان معملش غسيل معده او ميجيليش تسمم
=اهو اجبلك اي حاجه
ضحكت _اي؟
=ايي! بصي بصراحه
_ايوه اعرف عملت اي
=المطبخ تحت مقلوب الي هو منتهي الأحيه على التلوث والقرف
ضحكت _اكيد هينظفوه متقلقش
=بس انا الي عامل كده ف لازم انا الي انضف
بصتله ب استغراب _انت متعود على كده؟
=ايوه ولما معملتش كده كنت بلاقي القلم على وشي قد كده
ضحكت _طب انا هنزل اساعدك في التنضيف
نزلنا وانا وقفت قدام المطبخ
=متهزرش قول فين مطبخنا؟
_اختلاف بسيط وهنصلحه
=كل دا عشان مكرونه! احمد متفكرش تاني
_دا انا كنت ناوي اعمل فراخ مشويه بكره
=متنويش تاني بقى
ضحكنا وبدأنا ننضف وقولت للشغاله متعملش معانا حاجه، كان لطيف اوي وطيب قريب من القلب بشكل! وبرئ والنوع دا معتش موجود كتير
طلعنا الاوضه بعد مخلصنا
_برافو عليك
=حاف كده؟
_امال عاوزاها ازاي!!
=امي كانت بتديني حضن كده لما اخلص اي حاجه
_ونجيب مامتك منين دلوقت؟
قرب مني= متستهبليش
كان بيقرب مني وانا ارجع خطوه لغايه موصلت للحيطه
_احمد هصوت ألم عليك الدنيا
حط ايده على بوقي= اخرسي هتفضحينا
كان باصصلي في عيني ومبتسم
_احيه عليا في الرومانسيه والله
=نعم!!
_اسكتي متبوظيش اللحظه
=احمد عاوزه اقولك حاجه
_دلوقت!!
زقيته = ايوه دلوقت
_في اي!
=انا، انا مش بنت
#تزوجتها💙
#مريم سمير 💙
البارت الرابع
_انا، انا مش بنت
=افندم! ولد يعني ولا اي؟
_احمد انا مش بهزر، عارفه اني انانيه بس والله غصب عني، انت عملتلي اكبر خدمه بجوازك ليا، اطلب اي مبلغ وهتدهولك حالا، وممكن تطلقني كمان لو عاوز، بس ارجوك دا أكبر سر في حياتي ارجوك متفضحنيش
=ودا حصل ازايي؟
_..
=مكنتش متوقع انك تبقى كده، ذنبه اي باباكي؟
_ذنبه اني بنته واتخطبت ل ابن صاحبه الي عمل فيا كده بعد مخدرني وفسخ الخطوبه بعدها وكأني كلبه، عرفت ذنبه اي؟
من غير ميكلم حضني وطبطب عليا وقعدني على السرير وقعد قدامي
_ممكن افهم؟
=لما كان عندي عشرين سنه بابا خطبني ل ابن صاحبه، مكنتش حباه في الأول بس اتعود على وجوده، في يوم اتصل بيا قال انه تعبان وفي شقته الي المفروض كنا نتجوز فيها، روحت ب حكم اننا مخطوبين، كان حاططلي منوم في العصير محستش ب اي حاجه غير وانا مرميه قدامه وضحك ومشي، قعدت استوعب الي حصل وروحت بعدها قولتله نستعجل في الجواز قالي مبتجوزش واحده غلطت معاها، انا مش ذنبي يا احمد والله مش ذنبي
ضحك _ عشان كده عملتي انك بتحبي كل الرجاله والشويتين دول؟ وانتي تلاقيكي مش طايقه الصنف ولا طيقاني
=اه
_ايي؟
=اي!!
مسح دموعي _طب معتيش تعيطي عارف انه مش ذنبك، لو قدامي والله كنت جبت حقك وزياده
=مش هتطلقني؟
_هاتيلي المؤخر والشقه وانا هطلقك حالا
ضحكت وبصتله = انت طيب اوي يا احمد
_واي كمان؟
=وحنين
_واي كمان؟
=وقليل الأدب
_تصحيح ليكي بس انا متربتش اصلا لما تيجي تهزقيني هزقيني صح
مسحت الباقي من دموعي وفضلنا نتكلم، اتكلمنا كتير اوي مش عارفه نمنا ازاي اصلا!! صحيت لقتني في حضنه ف زقيته ف وقع على الارض
_هي دي صباح الخير، ربنا ينتقم منك
ضحكت =صباح الخير
_!!
=متبلمش ورد عليا
_صباح الخير، هنزل اعمل فطار
=احيه لا والله ابدا متهزرش
_خلصتي؟ هنزل اعمل فطار
نزلنا سوا وبدأنا نعمل فطار سوا، لحظات معشتهاش وبعيشها معاه هو، بطيبته وخفه دمه وجدعنته انا عمري مهنسي الي عمله معايا بجد و..
_احمد انت حرقت البيض؟
=لا دا بيستوي
يجماعه منه لله انا مش طيقاه بجد
_طب شيله من البوتجاز يلا مستني اي
=لسه معملش وش
_هو قهوه، منك لله شيله
شيلته من البوتجاز بسرعه وكان بيطلع دخان فبصتله ف ابتسملي ابتسامه ساذجه
=بيض مسلوق؟
بصتله ب نفاذ صبر وهزيت راسي ب الموافقه وطلعت احط الاكل على الطربيزه وقعدت استناه يجي لكن مجاش! دخلت لقيت البيض بتحرق وهو حاطته تحت الميا
_ايدا مريم اهلا
غمضت عيني كمحاوله اني امسك اعصابي
=متجوزه ابن اختي؟
_على فكره البيض كان حلو بس النار علت فجأه و..
=احمد اطلع برا معلش
_حاضر مستنيكي على السفره بقي
طلع وانا بصيت على الفوضى الي قدامي وخرجت
_بيض مقلي وحرقته بيض مسلوق وحرقته لا وكمان فاكر نفسك شيف ودا الي مجنني
=معكم ل اي استفسار وهفتح قناه على اليوتيوب
ضحكت وكلنا وجه بابا كل معانا
*احمد انت خريج تجاره مش كده؟
_ايوه يعمي
*حلو تيجي تمسكلي حسابات الشركه
_بسهوله كده؟
*هلاقي مين غير جوز بنتي آمن له على فلوسي! يلا انا نازل دلوقت ممكن تبدأ شغل من بكره لو حبيت
بابا مشي ولاحظت انه ساكت ومستغرب
_في اي يا احمد؟
=باباكي هيمسكني حسابات شركته من غير ميعرفني حتى!
_مفيش احسن منك تعمل كده
=ولا حتى انتي عرفاني
_بس قلبك طيب و..
=وعرفتي منين!!
_كفايه الي عملته معايا، اي حد مكانك مكنش قبل بالوضع دا
=عمرك سألتي انا اتقدمتلك لي؟
_احمد انا مش فاهمه حاجه
=خلاص مفيش مفيش
_متأكد؟
=يلا كيكه؟
_والله منتا داخل المطبخ ، كوثر اعملي كيكه انجديني يكوثر بالله عليكي
ضحكنا وقعدنا في الصاله اتكلمنا وعرفته اكتر، عرفت ان خريج تجاره، ان عنده 26 سنه ان معندوش اخوات انه شايل المسؤوليه من صغره، كان لطيف جدا ويتحب والله يتحب
كلنا الكيكه وبصلي وبعدين بص للطبق
_كيكتي احلى
=ايوه انت هتقولي
_منتي لو تسبيني اجرب
=يا احمد بقولك اي ابدا شغل من بكره وخلصني بجد
_على فكره انتي بتحبطي مواهبي
=يشيخ يخربيت دي مواهب يعم انا قادره يعم
اليوم مر وطبعا كان عاوز يعمل الغدا بس الحمد لله وقفته والله يجماعه المطبخ غالي جدا
قعدنا نتكلم بليل ونمنا تاني من غير منحس، صحيت على خبط على الباب ف صحيت وفتحته لقيتها مامته، سلمت عليها وحضنتها
_اتفضلي يطنط، احمد احمد
*لا سبهولي انا بعرف اصحيه
مسكت كوبايه الميا ورمتها عليه وهي بتضحك، صحي مفزوع ف ضحكت
=ايدا ماما، الف مبروك
*ايي؟
=قصدي نورتي
_انا هنزل اعمل لحضرتك فطار
قفلت الباب ف لقيتها بتتكلم ف وقفت ورا الباب
*ها عملت اي؟
=الحمد لله انتي عامله اي؟
*يواد قصدي كله تمام؟
=اه تمم تمم
*طب وابوها حبك؟
=قال اني هبدأ شغل معاه
*ايوه كده بكره يطمنلك اكتر وخليها تحبك عشان تعملك توكيل لحسابها ويبقى ليك نصيب في الهلومه دي كلها
=ربنا يسهل يماما ربنا يسهل
ابتسامتي اختفت من على وشي وفضلت واقفه مصدومه، الباب اتفتح واول مشافني وقف مكانه وهو مبرق
_انت متجوزني عشان الفلوس!!
#تزوجتها💙
#مريم سمير💙
تعليقات
إرسال تعليق