حين تقع في الحب 4
رواية حين تقع في الحب الجزء الرابع البارت الثاني بقلم ندى حبيب في موسوعة القصص والروايات جميع الفصول كامله وحصريه
البارت الثاني
الكاتبه /ندي حبيب
قاسم بصدمه :دي ياسمين اختي يا غسان ؟اللي ممسوك شعرها وبتضرب قدام عيني دي اختي ؟ومسك شعره رجعه لورا بجنون قوول ان الكلام دا كذب دي مش اختي يا غسان صح ؟
غسان بصدمه راح لقاسم ومسك ايده بهدوء:اهدي وركز معايا ياسمين ماتت مفيش ياسمين ممكن تشابه اسماء
قاسم بدموع :حتي الصوره تشابه برضو ؟
غسان حضنه بحزن وتوعد :اوعدك وعد راجل لراجل هلاقي اختك والكلب دا موته علي ايدي بس اهدي علشان نعرف نتصرف
محمد بيبحث في الورق لقي ورقه صغيره مطبقه :تعالو كدا في حاجه وفتح الورقه ( يوم الخميس في حفله في الفيلا والحفله دي هيحضرها ناس خطيره )
قاسم بصدمه :مافيا !
غسان بتركيز :يوم الخميس اللي هو بعد بكرا يبقي احنا لازم نعرف مكان الفيلا في اسرع وقت ونهجم فريق يكون مع قاسم يجيبو ياسمين والفريق التاني معايا انا ومحمد نجيب الكلب وشويه الكلاب اللي وراه
محمد طلع فونه:هتصل بأحمد يجي علي المكتب هنا علشان يكون معانا
احمد :ايه يا كبير
محمد بختصار :تعالي علي مكتب غسان وهتعرف كل حاجه
غسان بمقاطعه :لاء اجمع الفريق وتعالي علي مكتب اللواء
احمد بستغراب :تمام 10 دقايق وكل حاجه هتبقي تمام وقفل
(في الوقت دا الكتيبه كلها كانت مقلوبه والكل بدء يجهز نفسه علشان كمان يومين هينزلو يمسكو اكبر ضلع مافيا ودي هتكون حاجه بالنسبه للكل )
...........................
في منزل منير الالفي
عاصي نزل من شقته بهدوء علي شقه جدته :صباح الخير يا جماعه
نور بغضب :وهي فين الجماعه ياسي عاصي ما الكل راح شغله والبيه نايم في السرير وجي الصبح وشلنا ابوك عنك النهارده بعجوبه
عاصي راح قعد علي السفره :خلصتي موال كل يوم اللي بقا روتين عندي هاتي الفطار بقاا علشان اروح اشوف ام الشغل اللي عليا
نور بغضب وجنون :هتموتني بالله يجبلي سكته قلبيه الصبر يارب ودخلت علي المطبخ
عاصي لقي فرحه وزهره وفقين بيضحكو في البلكونه
عاصي بصوت عالي :بت انتي وهي ايه اللي موقفكم في البلكونه يا حيوانه منك ليها
فرحه :احنا وقفين عادي يا عاصي بنشم هوا
عاصي بغضب:والرجاله اللي راحه واللي جايا دي ايه يا بقره ادخلي جوا واتقي شري علشان مش عاوز ازعل حد مني علي الصبح .. يلاا اخلصي واقفلي ام البلكونه
نورهان :اسمعي كلام اخوكي يابت انتي وهي وادخلو
زهره بغضب :بالله حاجه هم نعد فين يعني
عاصي :اعدي جوا يختي محدش هيقولك تلت التلاته كام
نور جابت الفطار وحطيته قدامه :يلا افطر وروح شوف الشغل اللي في الشركة جدك راح النهارده وهو مش قادر علشان سيادتك نايم
عاصي وهو بياكل :حاضر خلي حد من العيال دي يعملي كوبايه شاي الاول
نور :طيب كل وهعملك انا
عاصي بص لزهره :لاء قومي يا زهره هانم اعملي كوبايه شاي
زهره :مش عمله حاجه لحد المطبخ مش بعيد
عاصي :وانا كمان حزامي مش بعيد وبيعلم حلو اووي بيخلي السان مظبوط وعدل
زهره قامت بخوف :انا قايمه بس علشان خاطر بابا قالي اسمعي الكلام مش خوف منك
نسمه اللي قعده جنبها بتقطف الملوخيه :طب ما تقومي من الاول وخلاص لازم السناريو الاول
.........................
في السنتر عند حبيبه
طلعت من السنتر ومعاها صحبتها نيرا
نيرا :بيبو تعالي نروح كافيه نعد شويه وبعديها نروح
حبيبه :لاء اسر مشرط عليا اخلص دروسي واروح علطول وخصوصا ان اتأخرت النهارده برا
نيرا بزهق :يابنتي دا لسه الساعه 3 ونص تعالي بس هنروح اي كافيه نعد شويه وبعديها روحي الدنيا مش هتخرب يعني
حبيبه بعدم اقناع:نص ساعه بس علشان اسر وبابا وماما ميزعلوش
نيرا بضحك :بالله اناي مش خايفه غير من اسر وبس وغمزت ليها وفون حبيبه رن
حبيبه بتوتر :اسكتي متتكلميش دا اسر وفتحت عليه الو ايوا يا روحي
اسر :ايه فينك دلوقتي الساعه 3 ونص طالعه من نص ساعه روحتي ولا لسه
حبيبه بتوتر :انا احم ايوا في الطريق اهو مروحه البيت مش هتأخر
اسر بغموض:يعني انتي دلوقتي راجعه البيت صح ؟
حبيبه بكدب وتوتر :ايوا راجعه البيت خلاص شويه وهوصل
اسر :تمام لما توصلي كلميني يا حبيبه
حبيبه :حاضر سلام يا حبيبي وقفلت
نيرا بضحك:يخرااابي دا عملك رعب ومسكت ايدها واتجهو للكافيه
.......................
في كتيبه اسر
اسر كان واقف بيشوف اللوكيشن بتاع سير حبيبه وعرف منه انها راحه كافيه علي النيل مش راحه البيت
اسر بغضب :تمام يا حبيبيه لما اروحلك بس وبعت ليها رساله تحذير (روحي يا قلبي واستنيني لما ارجع وروحي من الكافيه علي البيت مش عاوز كدب تاني )
كريم صحبه المقرب جدا ايجة من وراه :بقولك يا كبير
اسر بص ليه بغضب :نعم خير انطق انت التاني ؟!
كريم بخوف وضحك :اهدي بس يا عم كدا مالك بتتخانق في دبان وشك ليه ؟
اسر بضيق :انجز يا كريم في ايه
كريم :ايواا عوزين اسلاحه زياده
اسر بستغراب :اسلاحه زياده ليه معقول اللي هنا مش مكفين ولا ازاي
كريم :لاء الدعم اللي طالب مش احنا تقريبا نزلين مهمه ومحتاجين اسلاحه زياده
اسر :تمام بدام الدعم اللي طالب تمام وانا هكلم المقدم غسان اسئله اكتر واعرف منه
كريم :تمام هروح انا اشوف المتطوعين
اسر بغموض :وفي واحد اسمه عرابي احمد ابعته ليا علي مكتبي
كريم :اه الواد الطري دا
اسر :ايوا الواد دا يا خفيف وانجز يلااا
.......................
بعد تخطيط كبير اووي من غسان والفريق اتفقو ازاي هيقدرو يهجمو علي ادهم وانقاذ ياسمين لكن التخطيط فضل لوقت متأخر من اليل
............
في شقة نور
نور راحه جايا في اوضة النوم والقلق مالي قلبها ودا نفس حال يمني ونسمه اللي معاها علي الفون
نور بقلق :يعني التلفونات بتاعتهم التلاته مقفوله والساعه داخله علي 12 بليل ولسه مرجعوش انا قلقانه اووي
نسمه بخوف :خير انشاءالله
يمني :وانا رنيت علي محمد الساعه 7 قفل في وشي وبعدها الخط اتقفل خالص
شويه بعد القلق والرعب والخوف كل واحد نزل من عربيته وطلع علي شقته
نور اول ما غسان دخل الشقه اترمت في حضنه بعياط
غسان بادلها الحضن بهدوء ومسح علي شعرها بمهمس:اهدي علشان حبيبه مفيش حاجه انا كويس وراجع تمام مفيش حاجه تخوف وشالها ودخل علي غرفتهم
نور بعياط :يعني ايه اللي بتعمله دا يا غسان قافل فونك وحتي مبعتش رساله تطمني عليك انت عاوز تموتني من قلقي يعني
غسان قلع قميصه ومسح دموعها وباس خدها :خلاص يا حبيبي حقك عليت بس كنت في اجتماع مهم ولازم اقفل الفون فيه متزعليش مني
نور حضنته بشده :كنت هموت من شدة القلق
غسان وهو بيمسح علي شعرها :بعيد الشر عن قلبك يا روحي وبعدها عنه وبص ليها خليكي صاحيه هاخد شور واجيلك
نور :حاضر متتأخرش
غسان هز راسه ودخل الحمام
.......................
في شقة محمد
يمني بغضب :والله يا محمد لموتك النهارده يعني انت تخليني قلقانه عليك من الساعه 7 لحد دلوقتي وجي تقولي جعان بالله ما في دم
محمد اللي نايم علي الكنبه :طيب روحي زعقي في اي قوضه علشان عليا النعمه يا يمني لو قومت من مكاني ليكي لنزل طقم سنانك
سيف اللي قاعد بيطنطط علي بطن محمد :قوم اضربها يا بابا والنبي انت خايف منها ولا ايه
محمد :حاسب يا بابا هتفقع مرارتي وبطل استفزازك دا علشان مش عاوز اضربك وبص ليمني ايه اللي مصحيه للوقتي
سيف ببرائه :ماما كانت بتكلم عمو في الفون وكنت بتكلم معاها
محمد بستغراب :عمو ؟ عمو مين يا سيف ؟
سيف :مش عارف هو كان بيقولها تعالي عندنا وهي قالت طيب
يمني بصدمه :انا !
محمد بص ليمني :هاتي فونك يا يمني كدا
يمني بصدمه :انت مصدق اللي بيقوله يا محمد ؟
محمد بهدوء عكس اللي جواه :انا تقريبا طلبت طلب هاتي فونك وادخلي نامي يا يمني
يمني بزعل اديته فونها ودخلت علي قوضتها وقفلت علي نفسها
محمد بص لسيف :علي قوضتك واجي ابص عليك الاقيك نمت علشان مكسرش دماغك يلا
سيف :طيب ودخل قوضته ومحمد بدء يدور في فون يمني
.......................
في شقة نسمه
قاسم قاعد علي السرير بحزن ونسمه قاعده في حضنه
نسمه بصت عليه :قاسم مالك يا حبيبي مش علي بعضك ليه كدا حساك زعلان من حاجه خير
قاسم بص ليها وحضنها جامد :احضنيني يا نسمه انا محتاجك حنبي الفتره دي اووي
نسمه حضنته :انا جنبك علطول يا حبيبي بس مالك
قاسم بهمس :مخنوق ومضايف.... فكرة انك توهمي نفسك ان اعز شخص علي قلبك ميت وهو عايش بيتعذب وبس بتوجع اووي
نسمه :مش سامعه علي صوتك يا قاسم
قاسم :بقولك نامي انا عاوز انام وحضنها بشده ونسمه بدلته الحضن ونامو
....................
في فيلا احمد وسلوي
سلوي ماشيه في الاوضه راحه جايا بتحاول تنيم طفلها ذات 4 شهور ولكن بلا جدوي
احمد بضيق :يابنتي عاوز انام ورايا شغل بكرا
سلوي بغيظ:اعمل ايه يا احمد ما هو مش راضي ينام ولا راضي يروح لهند اخته تنيمه
احمد قعد علي السرير وحط ايده علي دماغه :انا ايه اللي خلاني اتجوز اتبسط ربع ساعه فا لازم حاجه تيجي تعكنن عليا العمر كله تقوم تحمل وتيجيب ليا البلوه دي
سلوي :يعني عيالي بقت بلوة طيب خد بقا ابنك اهو نيمه يا خفيف واديته الولد وراحت نامت مكانها
احمد :سلوي بعزر يا روحي دا اناي البركة
سلوي بنووم :اطفي النور يا حبيبي عوزه انام
احمد بغيظ:يابت مقدرش عليه لوحدي يابت انا جوزك خرام عليكي يا سلوووي
سلوي بنوم :وانت من اهله ياغالي
.....................
في شقة نورهان
نورهان :الو ايه يا عمر انت فين لحد دلوقتي بقينا نص اليل
عمر :نامي انتي يا نورهان عندي شغل زياده مس راجع غير لما اخلصهم الاول
نورهان :طيب تعالي كل وغير وارجع تاني
عمر :اكلت وغيرت يا حببتي في المينا هنا المهم خدي بالك من نفسك وانا الصبح الساعه 10 هكون في البيت
نورهان :ماشي يا روحي تصبح علي خير
عمر :وانتي من اهلي وحياتي يا نور عيوني وقفل ونورهان قفلت فونها واتعدلت في السرير ونامت
.......................
في قوضة زهره
زهره بتذاكر بصوت عالي وهي وقفه في البلكونه
عاصي اللي مش عارف ينام من صوتها طلع البلكونه بتاعته ومعاه مقشه ونزل خبط علي البلكونه بتاعتها :انتي يا سواق التوكتوك افصلي شويه يما عاوز اتخمد
زهره :والله انا بذاكر اروح اذاكر فين
عاصي :الناس بتذاكر بصوت هادي مش مربين بقره بتنعر وخلاص
زهره بغيظ:والله مش عاجبك سد ودنك
عاصي بغضب :بتتت عليا النعمه لو نزلت ليكي لخليكي متعرفيش وشك من قفاكي وطي صوتك احسنلك
زهره بلامبالاه :طيب طيب
عاصي دخل اوضته تاني ونام علي السرير :قال بذاكر قال دا انا وانا كنت قدك كدا كنت اقصي حاجه حافظها جدول الضرب وبضرب من ابويا كمان ونام بهدوء
....................
حبيبه نزله رن علي اسر من ساعه ما رجعت من الكافيه بس هو بيكنسل عليها
حبيبه في نفسها بزعل ندم علي كذبها :يا اسر خلاص انا غلطانه ان كدبت عليك بس كلمني انا مش عرفه انام من غير ما اسمع صوتك
اسر بعت رساله :اطلعيلي انا علي السطح
حبيبه بسعاده فتحت الباب براحه وطلعت جري علي السطح لقيته واقف حاطط ايده في جيبه وباصص لشارع ومديها ضهره راحت جري حضنته من ضهره
اسر بهدوء عكس اللي جواه :هااا قوليلي يا حبيبي كذبتي عليا ليه النهارده ؟
حبيبه بعدت عنه وبصت ليه بتوتر:والله يا حبيبي عرفه ان غلطانه وعرفه ان استاهل انك تزعل مني ااه
قطعها اسر ببوسه عنيفه من شفافيفها اوجعتها وبعد عنها بعد فتره
اسر حط ايده علي وسطها وهو بيتنفس بسرعه :اكتر حاجه بكرهها الكدب يا حبيبه وانتي عرفه وان حببتي تكدب عليا دي عندي كبيره وانا بحبك لاء بعشقك يبقا تحترمي حبي وتصرحيني حتي في الغلط
حبيبه حطت ايدها علي رقبته وجبينها علي جبينه بتوهان:امتي اممم امتي اليوم اللي هصحي واكون في حضنك واليوم اللي هيقولو فيه عليا مرات اسر الالفي اممم اليوم دا هيطول انا عوزاك يا اسر
اسر بفقدان سيطره بدء ايده تمشي علي جسمها:حبي ليكي مخليني اعمي مش شايف حد غيرك ولا شاغل تفكيري غيرك المفروض ان جايبك اعاقبك طلعت بعاقب نفسي يا بيبو مش مصدق اليوم اللي هتكوني فيه بين ايديا هيجي امتي وباسها بشغف مره تانيه
فرحه بصدمه كبيره : ....
قد ما حب اسر وحبيبه حقيقي وجميل ولكن الصدمه كانت كبيره اووي وموجعه لفرحه اللي شايفه كل اللي حصل بقهر وحزن حبيب طفولتها ورفيق حلمها بين يدي فتاه اخري والمحزن انه يعشقها كم انكي ظالمه ايها الحياه ؟
( انتظرو القادم )
تعليقات
إرسال تعليق