شكرا على التفاعل يابنات❤️ البارت الثالث والرابع
اسكريبت عودة الماضي البارت الثالث والرابع بقلم هاجر العفيفى في موسوعة القصص والروايات جميع الفصول كامله وحصريه
شروق بحزن : اتجوزت امتى ياسيف
سيف بتنهيده : بعد لما انتى اتجوزتى بسنتين بالظبط
شروق : ومقولتش ليه
سيف : الموضوع كله إن كنت مسافر وقابلت ميرهان واتجوزتها هى كانت مصريه بس مجتش معايا مصر كتير
شروق : كنت بتحبها ؟؟
سيف : بحترمها مش دايما الحب كل حاجه احنا كان بينا موده ورحمه وده كفيل ان حياتنا تكمل بس النصيب
شروق : عارفه ان فضوليه بس هو انت حبيت قبل كده
سيف بسخريه : ايوه بس كان بينى وبين نفسي
شروق بفضول : مين هي
سيف برفعة حاجب : ده انتى فضوليه فعلا
شروق بإحراج : ا اسفه بس بس
قاطعها سيف بضحك وقال : خلاص صحيح احسن حاجه عملتيها انك مجبتيش اطفال من عمر كان زمانك مهمومه
شروق بحزن : بس انا حامل
سيف بصدمه : حامل !!! من امتي
شروق بسخريه : يوم خبر الحمل هو كان نفس اليوم ال اتصدمت فى عمر فيه
سيف بحزن : وانتي ناويه تعملى ايه
شروق : هتطلق من عمر وهعيش مع ابنى أو بنتى لما يجو بالسلامه
سيف : وأهلك
شروق : هسأل عليهم من باب البر بس لكن أنا مش هقدر ارجع معاهم زي الاول ممكن طلب ياسيف
سيف : اتفضلى طبعا
شروق بإحراج : كنت عايزه شقه صغيره اقعد فيها انا مش هفضل حياتى كلها فى الشقه عندك
سيف بعتاب : متقوليش كده ياشروق انا هعرف اتصرف لكن انتي لاء انتي هتفضلى فى الشقه دي ها بقا تشربى ايه
شروق بابتسامه : فراوله
سيف ابتسم وطلب المشروبات والنادل جابها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
عمر بغضب : خلاص بقا يانور خلصنا انتي بقيتى نكديه اووى
نور بحده : مش هسكت طول مانت بتدور عليها خلاص خلصنا منها بقا هتفضل ورانا ورانا
عمر مسح وشه بغضب وقال : عايزه ايه يعنى
نور بتحدي : طلقها غيابى وكمان متديهاش اى حاجه من حقوقها
عمر سكت ونور قربت منه وقالت بدلع : ياحبيبى انا خايفه على مصلحة ابنى ومصلحتك خلاص بقا انساها وكأنها مكانتش فى حياتك وانا هعوضك عنها
عمر بحده : بس برضوا مش هسيبها غير لما أكسرها زي ماهربت كده
نور بخبث : طالما هتكسرها يبقا نتفق بقا
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تاني يوم
عمر كان فى الشغل ونور كانت فى الأوضه وسمعت جرس الباب خرجت تفتح واتصدمت لما شافت سيف اخوها ال اول لما دخل ضر"بها بالقلم على وشها
نور بصدمه : سيف انت بتضربنى !!
سيف بغضب : وأكسر دماغك كمان ايه محدش عارف يحكمك ولا ايه بقا بتدمرى حياة بنت عمك وتاخدي جوزها وصلت بيكي الوقاحه لكده
نور زقته وقالت بغضب : اااااه قول بقا ان الهانم جت واشتكيتلك يعني قاعده معاك طول عمرها كده مش لاقيه حد يربيها
سيف ضر"بها تاني وقال : اخرررسي متقوليش عليها كده دى احسن منك مليون مره على الأقل مجتش خربت حياتك
نور حقد : بتدافع عنها طب والله العظيم هدمر حياتكم واحد واحد
سيف زقها وقال بقر"ف : ياخسارة تربيتى ليكي وعمرى ال ضاع عشانك اعتبرى اخوكي ما"ت وخلي زفت عمر ده ينفعك بس خليكي عارفه عمر هيغدر بيكي زى ماغدر بشروق الدنيا دوراه يابنت ابويا
قال كلامه وخرج من البيت
نور بصراخ وغل : هقت"لك ياشروق هقت"لك
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى المساء
عمر رجع البيت ودخل شاف نور بتعيط جرى عليها وقال : مالك يانور
نور بعياط مصطنع وخبث : شوفت شوفت ال حصل ياعمر بسبب ست شروق
عمر بغضب : شروق هي فين وعملتلك ايه
نور بخبث : الهانم من ساعة لما هربت من البيت وهى قاعده مع سيف أخويا فى شقته وياعالم ايه ال حصل وكمان سخنته عليا وجه هنا بهدلنى وضر"بنى فى غيابك شوفت قليلة الربابه عملت ايه
قالت كلامها وهى بتمثل العياط
عمر قبض ايده وعيونه احمرت من الغضب وقال بعصبيه شديده : فين عنوان زفت أخوكى هقت"لهم الاتنين
يتبع
البت نور دي معصبانى وربنا😒😂يلا تفاعل بقا ورأيكم ياحلوين♥️
شكرا على التفاعل يابنات❤️ البارت الرابع
شروق فتحت الباب وهى معتقده إن سيف واتصدمت لما شافت عمر ال قدامها وبيبصلها بشر
شروق رجعت لورا بخوف وقالت : ع عمر
عمر دخل وقفل الباب وقال بغضب : ايوه عمر ال هربتى من بيته وروحتى تعيشى مع راجل غريب مكنتش اعرف انك
قاطعته شروق وقالت بغضب : اخرررس انا اشرف منك مليون مره عايز مني ايه تانى اطلع بره
عمر قرب عليها ومسكها من شعر"ها بغضب وقال : ايه يابت مالك اول لما هيطلعلك صوت هيبقي عليا اقسم بربى اقت"لك
شروق بوجع ودموع : انت كل مره بتندمنى على اختيار واحد حقير زيك بكر"هك ياعمر بكر"هك
عمر اتجنن اكتر وزقها على الأرض بعنف وهى مسكت بطنها من الألم
عمر قرب عليها وعيونه كلها شر وضر"بها بالقلم كذا مره وهى كانت بتصرخ فى ايده وفضل يضر"بها فى بطنها برجله وهى خلاص مبقتش قادره وللاسف نزفت كتير وفقدت الوعى
عمر فاق لنفسه وقرب منها وخبط على وشها بخوف : شروق انتى يابت قومى شروق
بس لاحياة لمن تنادى عمر قرر يهرب عشان لو حصلها حاجه ميتأذيش وسابها مرميه على الأرض وهرب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
والد شروق بغضب : انتى بتقولى ايه يانور يعني ايه البت.......*عايشه مع اخوكي فى بيت واحد
نور بتمثيل : اه يا عمي زي مابقولك كده انا معرفش هى بقت عامله كده ليه بقا دى شروق المحترمه ال الناس كلها كانت بتحلف بأخلاقها
والدها بغضب : هاتى العنوان انا لازم اخلص عليها واخلص من همها
والدتها بشهقه : يامصيبتى هتمو"ت البت
والدها : ملكيش صالح انتى هاتى العنوان يابتى
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
سيف كان جايب طلبات لشروق وطلع عشان يحطها على الباب ويرن الجرس اتفاجئ لما شاف الباب مفتوح وكانت شروق واقعه على الأرض والد"م حواليها
سيف بخضه : شرووق
جرى عليها ورمي الحاجه ال على الأرض ومكانش قدامه حاجه غير أن يشيلها بسرعه ويوديها المستشفى
نزل ركب عربيته ووصل المستشفى وطلب ممرضات ياخدوا شروق على الترولى
ودخل معاهم وهو هيمو"ت من الخوف والقلق على شروق بعد وقت الدكتوره خرجت
سيف بخوف : طمنيني يادكتور هى كويسه
الدكتوره : للأسف لازم تدخل عمليات المدام اتعرضت لضر"ب مبرح وكمان حصل اجها"ض
سيف بصدمه : ضر"ب !!!!!
الدكتوره : عن أذنك لازم نتصرف
الدكتوره سابته ومشيت وهو كان فى حالة ذهول ودموعه نزلت على شروق وال حصلها
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
نور بصدمه مصطنعه : قتل"تها !!!!
عمر بخوف وقلق : م معرفش انا سيبتها وكانت بتنز"ف جامد انا معرفش انا عملت كده ازاى انا
قاطعته نور وقالت : اي راجل مكانك كان عمل كده ماهى لو محترمه مكانش حصل ال حصل
عمر بعصبيه : مش وقته يانوررر انا فى مصيبه دلوقتى
نور بخبث : سهله ياحبيبى اهرب
عمر بصدمه : اهرب ؟؟؟
نور : ايوه اهرب اكيد هي لو لسه عايشه هتبلغ عنك ولو سيف عرف مش هيسكت أخويا وانا عرفاه اصل الصراحه كده شروق دي بالنسباله خط أحمر
عمر بعصبيه : مش وقت كلامك الخايب ده طب يلا أجهزى عشان نمشى
نور بسخريه : اروح معاك فين معلش ؟؟
عمر : نهرب
نور ضحكت وقالت : لاء يابابا دي مصيبتك انت لوحدك انا مليش دعوه انت ال عملت كده أهرب انا ليه
عمر اتصدم من ردها
يتبع
من وجهة نظركم كده نعمل ايه فى البت نور دى🙂😂 توقعاتكم ♥️
متنسوش ذكر الله ❤️
#عودة_الماضى
بقلمى #هاجر_العفيفى
دمتم في حفظ الرحمن 💚
تعليقات
إرسال تعليق