رواية عشق والم كامله بقلم مريم سمير جميع الفصول كامله وحصريه في موسوعة القصص والروايات
=نعم؟ اتخطب لمين مش دا إلى بتحبيه
_بحب مين يبنتى احنا اخوات واصحاب بس
=امال كنت لى بحس بلمعة ف عنيكى وانتى بتتكلمى عنه كلامك عنه واحدة بتحبه بتحبه بجد
_ها لاء طبعا هو عشان هو صاحب جدع وصاحبي الوحيد فتلاقينى شيفاه احسن واحد ف الدنيا
=خضتينى كنت فكراكى بتحبيه.. تمم خليه يجى لبابا النهاردة
_ماشي
..
مشيت وانا قلبي متشال منى.. انا مريم والى بتكلم عنه دا أحمد.. صاحبي الوحيد مامته ومامتى أصحاب اوى طول طفولتنا مع بعض انا عمرى محبيت غيره بس هو مش عارف انى بحبه هو فاكر اننا أصحاب واخوات بس
..
_ها قلتلك اى
شوفت لهفته..لامعت عنيه وهو بيتكلم عنها هى هى نفس لمعة عنيا وانا بتكلم عنه.. كان نفسي ابقي مكانها كان نفسي اشوفك ملهوف عليا كد
=هى وافقت.. المهم تروح لباباها النهاردة الف مبروك يا احمد
_بتتكلمى بجد!! شكرا يا مريم انا مش عارف اقولك اى انتى احسن صاحبه ف الدنيا والله
ابتسمت وانا كاتمة دموعى احساس وحش اوى انك عاوزة تعيطى بس مينفعش
=الف مبروك
_الله يبارك فيكى اروح انا بق عشان اقول لأبويا وكده عشان نروحلها بق
=ماشي ربنا يسعدك
مشي ومعرفتش امسك دموعى اكتر من كده.. عيط عيط بكل ما فيها مش بس عيونى إلى كانت بتعيط.. مش كلام والله ولا محن والكلام دا بس انا بجد حبيته بس مش مهم المهم يكون سعيد وبس حتى لو مع غيري
..
روحت قعدت على السرير عيطت تانى.. كان نفسي ابقي انا الى اجهز عشان تجيلى بليل.. عمر محد هيحبك زيي ولا هيخاف عليك ولا... ربنا يسعدك يا احمد يرب
..
صحيت وانا عنيا وارمة ونفسي مش عارفه اخده غير بصعوبه لقيت (ملك) بتتصل
_ازيك يا ملك
=الحمد لله.. بجد يعنى احمد دا قمر يبنتى.. ولا عربيته تجنن.. قرأنا الفاتحة والخطوبه بعد يومين وقالى لازم مريم تكون أول المعازيم وانك مش محتاجة دعوة بس لازم أول واحدة تعرفى
_أ.. الف مبروك يا حبيبتى ربنا يتمم على خير
=ربنا يخليكى عقبالك يرب
_تسلمى
قفلت معاها.. الحمد لله اكيد هو مبسوط اوى دلوقتى وغصب عنى عيطت.. اكيد هو هيطير من الفرحة ربنا يسعدك كمان وكمان يا احمد انت تستاهل كل خير
لقيت احمد بيرن عليا مسحت دموعى بسرعة ورديت
_الف مبروك يعريس
=افتحى فيديو كول دلوقتى
_اشمعنا
=افتحى بس
مسحت عينى جامد وفتحت الفيديو.. لقيته لابس بدلة.. كان حلو اوى حلو بفرحته وضحكته بعيونه بكل حاجة حتى لو صغيرة بالنسباله كنت شيفاها
_اى رايك شكلى حلو؟
=اوى
_بجد يعنى هتعجبها
=اكيد
_مش عارف من غيرك كنتى عملت اى.. على طول جنبي وف ضهرى
=اكيد يعنى انت من غيري ولا حاجة اصلا
_والله حصل.. اى دا انتى عينك وارمة؟
=من قلة النوم
_خضتينى.. بس فيه دموع ف عينك مريم ف اى
=من الفرحة.. وعشان لما تتجوز هتنسانى يعم
_انسي مين انتى هبلة.. دا انتى ليكى ف بيتى اكتر من ملك اصلا.. انا اصلا هخلى جوزك ان شاء الله لما تتخطبي يجى يسكن معايا
=بس يجدع
_ههه.. بتلك بجد وجدانى
=طب اقفل بق عشان توري البدلة لملك
_هخليها مفاجأة مش هى البدلة عجباكى؟
=اه جميلة
_يبقي هتعجبها ان شاء الله
=ان شاء الله.. امشي من وشي بق عشان ماما بتندهلى
_سلمى عليها كتير اه وأمى عوزاكم بكرة ف الشقه عشان تقعدوا معانا وعشان ملك تقعد مع ماما تتعرف عليها شويه
=ماشي.. سلام
"قلبي تمزق من حرمانى منك.. وانت لا تدري فمن عساه ان يدري يا حبيبي"
روحنا لأحمد ومامته مامته بتحبنى اوى وانا كمان بحبها اوى.. مامت احمد صاحبه ماما الوحيدة وعلى طول مع بعض ف كل حاجة.. زيي انا واحمد كده
_ازيك يا احمد.. ازيك يا ملك..
=الحمد لله يحبيبتى انتى اخبارك
_الحمد لله
قعدنا كلنا مع مامت احمد وبدأنا نتكلم وكلهم كانوا بيهزروا.. محدش عارف احساس انها اخدت مكانى جمبه مهى هتاخد مكانى على طول
_يلا يا احمد بق عشان الوقت اتأخر ولازم امشي
=حاضر يحبيبتى استنى اوصلك.. مريم تعالى معانا
*لا يا احمد روحوا انتوا
=لا تعالى عشان انتى لسه مجربتيش العربيه الجديدة
..
نزلنا وقعدت انا ورا وهى قعدت جمبه
_احمد هو انت اتفقت مع بابا على دهب؟
=ايوة هو الى طالب دهب
_لا انا عاوزة خاتم الماظ
*الماظ!!!!
_ايوة فيها اى يعنى يغلى عليا يا احمد
=لا طبعا.. هجبلك إلى انتى عوزاه
_ربنا يخليك ليا يا حبيبي
روحناها وركبت انا جمبه وقولتله متمشيش وطلعت هى بيتهم
_انا عبيط؟
=لى
_الماظ اى إلى تجيبه
=هى مش عاوزة دهب
_هو كل الناس بتجيب دهب وبعدين هتصرف تحوشتك على خاتم مش كفايه العربيه إلى جبتها ولسه مصاريف الجواز ومعرفش اى
=مش عارف بس هى هتزعل
_براحتك يا احمد انا قولتلك وانت حر
=اه هتزعلى بق والكلام دا
_ملكش دعوة
=طب غمضي عينك عشان جيبلك هديه
_مش عاوزة حاجة
=غمضي عينك بق بطلى رخامة
غمضت عينى وانا مش طيقاه اصلا
_فتحى
=الله دا حلو اوى
_حلو؟
=اه جميل.. بس مش انت كنت جيبلى خاتم فضه بردو قريب؟
_قريب اى يبنتى دا من ست شهور وبعدين عادى يعنى منا خيري عليكى
=نينيني.. شكرا يا احمد بجد جميل اوى
_انت لسه لابسه اول خاتم جبته؟ دا بقي باهت اوى ف ايدك
=هبقي ألمعه
_مترميه وإلبسي الجديد
=أ ايه يبا لا مش هرمي حاجة انا هلبس الاتنين عادي
_غريبه بتفرحى بالحاجات البسيطة.. مش عاوزة ألماظ؟
=بص يا أحمد لو انت خطيبي مثلا انا مش عاوزة عشان عارفه انك داخل على مصاريف كتير فمش هاجى اقولك مثلا ألماظ وكد انا مش هكون عاوزة دهب اصلا
_بجد يبخت إلى هيتجوزك
=ههه هو فين دا
_اى حد يتمناكى
=ساعات الواحد بيتمنى حاجات مش هينفع ياخدها.
_مش فاهم
=مهى دى المشكلة انك مش فاهم.. اطلع اطلع عشان منتأخرش
_ماشي لمضه
وصلنا بيت أحمد وروحنا انا وماما
_مريم انا ف المحل ومش عارف انقي خاتم اى
=افتح الكاميرا على الخواتم كد.. شوفت قبل الأخير إلى على الشمال جميل اوى جيبه
_دا
=ايوة
_دا خفيف
=بس يولا.. اسمه رقيق
_ملك هتقول خفيف
=مش كفايه جايب الماظ مش عاوزة اتعفرت عليك
_اهدى خلاص والله هجيبه
=شطور.. يلا سلام عشان هنام
قفلت وعيطت انا مستغربه انا ازاى ثابتة كد.. بكرة خطوبته على واحدة غيري هيبقي معاها على طول.. المهم انك مبسوط يا احمد
جه معاد الخطوبه لبست فستان ازرق طويل فاتح كان شكلى حلو اوى فضلت قدام المرايه ادرب ازاى لما اشوف أحمد هضحك.. اول مرة ف حياتى ادرب على انى اضحك لما اشوف أحمد على طول بضحك تلقائي لما بشوفه
جهزت انا وماما وروحنا القاعة الناس كلها مبسوطة وانا مكسورة كلها فرحانة وانا حزينة..
"لو تعلم مدي محاولاتى لكتمان بكائي ستتعجب من مدي قوتي"
فضلت قاعدة على الطربيزة وفجأة......
يتبع...
#البارت_لثانى
وفجأة لقيت أحمد دخل القاعة كان حلو اوى وكان طالع زي القمر.. فضلت بصاله ايوة هو اليوم إلى كنت بحلم بيه نفس فرحتك نفس ضحكتك نفس لمعة عينك نفس كل حاجة بس الحاجة الوحيدة إلى اختلفت انى مش العروسه مش انا الى هتبقي معايا مش انا
عيطت وجريت على الحمام ومسحت دموعي وبصيت ف المرايا.. كل ذكرياتنا من اصغرها لآكبرها مرت قدامى ف دقايق من واحنا صغيرين وهو كان بيجى مع مامته ونفضل نلعب لحد منام.. خلاص معتش هبقي الوحيدة إلى ف حياتك!! خلاص قومت على الحلم بكابوس كابوس بشع يمكن ابشع مما تصورت.. مش مهم المهم انه مبسوط ودا كفايه
طلعت اسلم عليهم
_اى الحلاوة دي يبت
=حلاوتك انت يعريس انت الى زي القمر النهارده
_إلى رافعة من معنوياتى.. مع ان ملك البدلة مش عجباها اوى
=بقولك اى خلينى ساكته عشان مجبهاش من شعرها إلى فرحانة بيه دا.. مش كفايه الخاتم اوعا من وشي عشان متغباش عليك
_اى دا ف اى.. الراجل لما يقول أصحاب العريس يجوا هنا وأصحاب العروسه يجوا هنا هتقفى فين
=مش هقف يمهزأ.. روح يا اخويا لبسها يلا الخاتم روح ف السن دا ويتنصب عليك.. المهم الف الف مبروك يا احمد والمهم انك مبسوط ودا اهم حاجة
_ربنا يخليكى ليا
=ويخليك يرب ويسعدك
بدأت الزغاريط تعلى ف المكان ايوة جه وقت تلبيس الشبكة.. إلى هو خلاص بواقي قلبي بتتفتفت قدامى وانا مش عارفه اعمل حاجة.. مش عارفه اصرخ وانا محتاجة دا اوى ف الوقت دا.. كنت بصرخ جوايا كان قلبي وجعنى اوة كنت باهته وكنت راسمه ضحكة بكل قوة.. كنت مش مبينة جرام واحد من الصراع إلى بيحصل جوايا.. كنت باصه وانا دموعى نفسها تنزل بس قولت لاء مش هبوظ فرحته
رجعت بعد ما خلصوا الخطوبه ف الوقت دا سمحت لنفسي بالانهيار..
الصبح صحيت راضيه بالواقع ومتفاءلة ان ملك هتسعده عشان هو بيحبها..
21/10 عيد ميلاده.. كل سنة بشتريله هديه وكانت على طول بتعجبه معظم تيشرتاته من اختيارى اى حاجة بيشتريها بياخد رأيي فيها.. خلاص كل دا هيختفى معتش ليا الحق ف كل دا
الساعة 12 بالظبط وف فيديو كول
_كل سنة وانت طيب وبخير يا احسن حد ف الدنيا.. مش عارفه ازاى بقي عندك 26 سنة بس يلا اهو قدر
=ههه كنت عارف انك مش هتنسي وانك على طول اول حد بيقولى كد
_انسي اى يبنى اتقي الله هى عشرة يوم ولا يومين دا عمر بحاله
=ربنا يخليكى ليا وكل سنة وانتى معايا
_هقفل انام بق
=تصبحى على خير
_وانت من اهله
..
جيت أنام لقيت مكالمة جيالى من ملك
_الو ايوة يملك
=معلش عشان باصل ف الوقت دا
_ولا يهمك يبنتى عادى.. عاملة اى
=الحمد لله.. بقولك انتى اكيد عارفه انه عيد ميلاد احمد وكد وعاوزة اجيب هديه تكون مميزة
اخدت نفس طويل
_بصي انا مش عارفه اوى بس تبعدى عن الشوكولاتة عشان أحمد عنده حساسيه منها وبيطلع عنده حبوب بسببها.. مش بيحب الساعات عشان عنده 12 ساعة ومش بيلبس غير اتنين بس كنت جيبهومله والباقي سايبهم.. بيحب البرفان بيحب الحاجات إلى معمولة بحب بيحب التيشيرت البسيط بيحب اى حاجة بسيطة المهم انها تكون معمولة بكل حب.. بيحب الرسايل الكتابيه وتبقي ذكرى عنده حلوة..
=انتى متأكدة انك كد مش عرفاه اوى؟ ما علينا شكرا يا مريم بجد
_العفو مفيش حاجه
=تصبحى على خير
_وانتى من اهله
قفلت وطلعت المذكرة إلى هعطيها لأحمد بكرة الهديه دى انا عملاها بس نقطة حب جوايا.. والتيشيرت إلى عجبه السنة إلى فاتت والكوتش إلى ملقاش مقاسه فيه..
روحت لمامت احمد انا وماما ولقيت ملك هناك
_كل سنة وانت طيب
=وانتى طيبه يمريم.. تعالوا نسيب بق امهاتنا وندخل نقعد ف الأوضة
دخلنا ومسك الهديه بتاعتى وبتاعت ملك.. فتح هديه ملك وابتسم كانت ساعة وطقم
_متحرمش منك يا حبيبتى
بصتلى ملك بإنتصار وردت:ولا منك يا حبيبي
استغربت هى بتبصلي كد لى.. كد كد احمد لابس الساعة بتاعتى
_متقلع الساعة إلى ف ايدك يا حبيبي وتلبس إلى انا جيباها
بصلى احمد ورجع بص لملك
=هبقي البسها لما اجى اخرج على الطقم بق وكد
_ماشي
=حان الان موعد فتح هديه مريومة
فتح الهديه وضحك ضحك ضحكة حلوة اوى
_اي يبنتى دا انتى مش بتنسي ابدا
=مش دا الكوتش إلى كنت هتموت عليه وفضحتنا يومها عشان مفيش مقاسك.. والتيشيرت إلى كنت عاوز تشتريه بس كنت ناسي الفلوس ف البيت
_بجد يعنى شكرا يمريم مش عارف اقول اى والله.. ربنا يخليكى ليا..
=ربنا يخليك ويسعدك مع ملك يرب
فجأة ملك قامت وبكل نرفزة: انا عاوزة امشي هتوصلنى ولا اخد تاكسي؟
_هوصلك طبعا..
طلعنا برا ف الصاله لقيت ماما مش موجودة عشان بابا اتصل بيها وكان عاوزها عشان تحضرله العشا فقالت خلى احمد يوصلها كالعادة مهو بيوصلنى انا وماما لما نكون عندهم
_يبقي اوصلكوا انتوا الاتنين
=ماشي
..
نزلنا وقعدت ورا وهى قعدت جمبه
_أحمد
=نعم
_انا بحبك اوى
=احممم.. وانا كمان
_هنتجوز امتى بقي بجد نفسي تبقي جوزى ونعيش سوا طول العمر
وشه احمر اوى هو كدا لما يتحرج مش متعود يسمع الكلام دا.. كل كلامى انا وهو صاحب لصاحبه انا عارفه وشه لما يبقي عامل كد يبقي محروج يرد عشان انا قاعدة وعاملى احترام
وصلنا بيتها
_هتروح فين دلوقتى؟
=هوصل مريم بقي
_تمم بس انت تقعد مكانك وهى مكانها
*نعم!!!!
_زي مسمعتى كد
*لا مهو انا ممكن انزل اخد تاكسي دلوقتى عادى
نزلت احمد مسك ايدى وغمض عينه وفتحها تانى إلى هو عشان خاطرى
ركبت العربيه وقعدت ورا وهى طلعت بيتهم
ساق احمد العربيه وانا كنت مربعة ايدى وباصه من الشباك.. بصلى من مرايه العربيه
_تصدقي حلوة حتى وانتى مش طايق نفسك كد
=سوق وانت ساكت وعدي ليلتك عدي ليلتك
_الهديه بتاعتك جميلة
=عارفه
_كنتى زى القمر ف الخطوبه
=عارفه
_احسن صاحبه ف الدنيا؟
=عارفه
_لازم اعتذر؟
=هو انت الى غلطان
_لا بس حتى لو مش غلطان فعندى اعتذر ولا اشوفك زعلانة كد
=يولا على الكلام الجامد خلاص مش زعلانة
_يبقي نعمل معاهدة سلام واشتريلك الايس كريم إلى بتحبيه
=موافقه جدا
وقف العربيه وجابلى الايس كريم وفضلت العربيه واقفه
_عاوز تقولى حاجة بس مش عارف تجبهالى ازاى صح؟
=صح
_حاجة تضايقنى صح؟
=صح
_حاجة انت غلطان عشان هتعملها صح؟
=صح
_طب قول عشان اهزقك يلا بسرعة
=ملك عوزانى اجيب عربيه جديدة
_نعم يبا مالك؟
=عوزانى اجيب عربيه جديدة
_منا سمعت وانت هتعمل اى بق
=اجيب؟
_بجد انت اهبل اوى.. ومالها عربيتك دى مش تحمد ربنا غيرها مش لاقي وبيركب مواصلات.. على فكرة من غير زعل هى شكلها ماديه
=انتى بتقولى اى لا طبعا
_خاتم ألماظ ومش عاوزة دهب.. عربيه جديدة كل دا مش فلوس؟
=ها
_يعنى انت هتجهز الشقه ولا هتغير العربيه
=أعمل اى يعنى يمريم
_انت عبيط يا احمد؟؟ لا طبعا قولها الشقه
=انتى شايفه كد
_ولو انت مش شايف كد تبقي أعمى يا مهزأ انت بلا عربيه جديدة قال
=ههه طب اهدى
_حرقتلى دمى والله
وصلنى البيت ونمت وفجأة لقيته بيتصل كنت مش فايقة لقيته بيرن تانى يبقي موضوع مهم ومش هينفع يستنى لبكرة
بصوت نوم:ايوة يا احمد ف اى خضتنى
=ملك قولتلها انى مش هجيب عربيه
_وبعدين
=بعدين عرفت انى بقي قولتلك وانك إلى شورتى عليا بكد
_وبعدين
=وبعدين.....
_ف اى مالك؟
=قالتى يا اما معتش ليا علاقه بيكى يا اما نسيب بعض انا وهى
_أيه!!!!
يتبع......♥️
#البارت الثالث
_أيه!!!!
=....
_هى عندها حق يا أحمد مينفعش نتكلم بعد كد هى من حقها تغير اى واحدة مكانها كانت هتعمل كد.. تصبح على خير ربنا يسعدك
=مريم استنى....
قفلت السكة والفون وعيطت عيطت عياط كتير اوى اهو جه اليوم إلى فعلا احترمت منه هى فعلا عندها حق لو مكانها مكنتش هخليه يكلم حد غيري..
صحيت الصبح فتحت الفون لقيت مكالمات كتير اوى بصيت للفون دلوقتى ملهوش اى قيمة مليش حد غيره ودلوقتي مليش حد خالص
..بليل
_قولتلها انك معتش ليك دعوة بيها
=انتى بتعملى كد لى.. انتى عارفه انها اختى وصحبتى و..
_انت عبيط يا أحمد دى بتحبك وانا خطيبتك اعمل اى انا يعنى؟
=بتحبنى!! لا طبعا
_اسمع منى انا بنت زيها وعارفه سيبك منها هنجيب العربيه الجديدة امتى
=لسه بردو عاوزة عربيه
_أيوة طبعا مش هبقي اقل من صحابي
=مش تحمدى ربنا غيرك ماشي على رجليه ومواصلات
_اه دا مش كلامك دا كلامها هى
=عمرها مقالت كلمة وطلعت غلط على طول بتنصحنى أكنها عقلى باخد رأيها ف كل حاجة كل صغيرة وكبيرة هى عرفاها عنى وجايه انتى بقي تقولى معتش ليك علاقه بيها إلى بينى وبين مريم مش حب دى حاجة اكبر بكتير وانتى مش هتفهميها.. بتحبنى يمكن وانا متأكد لو هى بتحبنى بجد يبقي عشان أحمد مش عشان فلوسه.. يريتك كنتى زيها بجد ياخسارة.. طول الوقت بتحسسنى انى عظيم وانتى إلى يهمك العربيه والخاتم والناس... عمرها مطلبت منى حاجة غير انى ابقي سعيد.. انتى عاوزة ألماظ هى وردة بتفرحها.. انتى عاوزة عربيه هى هتوافق نتمشي سوا.. انا ازاى مكنتش شايف انك ماديه فعلا زى ما هى قالت.. مرايه الحب فعلا عاميه يا ريته حب دا الحب كان طول حياتى قدامى وانا إلى طلعت أعمى.. ازاى ادور على حد ومريم جمبي!!!
=انت بتقول اى يا احمد.. قصدك ايه بالكلام دا
_قصدي انك لما خيرتينى بينك وبينها يبقي كان لازم تعرفي انك هتخسري.. بصي يبت الحلال زى ما دخلنا بالمعروف نخرج بالمعروف وشوفيلك بقي واحد يجبلك العربيه ومعرفش اى عشان والله المرارة يدوبك
=ليك نفس تهزر؟
_هى كانت ف عز زعلها وزعلى بتهزر عشان بس تضحكنى.. بجد انتى مش هتفهمى حاجة.. تشرفت بيكى السلام عليكم
=لا يا احمد متسبنيش
_صدقينى مش انا الشخص المناسب ليكى.. بعد اذنك
سبتها واستغربت انى قولت كل الكلام دا يااااه كل الكلام دا كان مكبوت جوايا وف الوقت دا طلعته.. انا غبي اوى ازاى ماشوفتش حبها إلى كان مغطى عنيها ازاى اعمل فيها كد وأبقي سبب وجعها وهى على طول سبب فرحتى.. انا ازاى اعمل كد.. ازاى ملاحظتش دموعها وكل دا عشان سعادتى انا
مكنتش مستوعب انا هعمل اى فروحتلها البيت لقيتها قاعدة ف الصالة ولابسه هدوم خروج
_اى دا انتى نازلة؟
=لو سمحت يا احمد انت ملكش علاقه بتصرفاتى
_لا يا مريم متقوليش كد.. انا انا سبت ملك
=لي عملت كد يا احمد لي
_عشان عرفت ان انتى الى بحبها
=أسفه يا احمد مش هينفع
_هو اى إلى مش هينفع
=بعد كل دا بعد كل الوجع دا جاى ببساطة تقول بحبك؟ ياااه يرب متتحط دقيقه واحدة في إلى كنت بحسه يا احمد عشان بيوجع بيوجع أوى
_انا اسف يمريم سامحينى عشان خاطرى وحيات ربنا إلى جاى كله خير ان شاء الله.. انا عاوز اتجوزك
=مينفعش يا احمد مينفعش
_لى يمريم
=انا متقدملى عريس وجاى بليل
_نعم يختييي؟؟ ياااه دى ملك فعلا نجحت تبعدنا عن بعض لأول مرة متقوليليش حاجة
=عشان هى عندها حق ف إلى قالته
_بقولك سبتها سبتها عشانك
=مطلبتش منك دا
_غصب عنى حبيت وانتى كمان بتحبينى
=مبحبش حد وبعد اذنك يا احمد امشي دلوقتى
_انتى عبيطة يبنتى امشي عشان يجى واحد يشوفك واكيد هتعجبيه وتتجوزوا بقي وانا ايه؟
=وانا كنت إيه؟ كنت إيه في كل دا
_كنتى كل حاجة يا مريم كل حاجة.. انتى الوحيدة إلى بطمنينى يمريم وبشوف ف عيونك اني واحد مفيش زيه.. انتى أجمل حاجة ف حياتى.. احنا ملناش صحاب انتى صحبتى واختى وصاحبي وكل حاجة
=كان نفسي الكلام دا يجى من بدري كنت بسمعه ف ودنى من زمان وكل يوم كان نفسي تحبنى زى مكنت بحبك
_كنتى؟؟ لا انتى بتهزرى صح
=انا ازاى اتحملت كل دا.. انا أسفه يا احمد مش هينفع
_مريم متسبنيش
جريت على اوضتى وقفلت الباب لأول مرة اعيط بالشكل دا.. المفروض الكلام دا يتقال من زمان.. انا خلاص اتهلكت معتش قادرة اتحمل اكتر من كد..غيرت الطقم وقولت البس فستان رقيق.. طلعت برا لقيت العريس وصل هو وأهله واحمد قاعد مع ماما ف الصالة!!!
شورتله وجه وقف على باب الاوضه
_انت اى إلى مقعدك معاهم
=اولا أبوكى مش موجود وف الشغل ثانيا قاعد بصفتى اخوكى ولا نسيتى
سكتت وفضل باصصلى من فوق لتحت وقال: الفستان جميل عليكى اي حاجة عليكى بتبقي جميلة أصلا
سابنى وراح قعد معاهم وانا واقفة.. اول مرة يبصلى كد.. يا رب قوينى
طلعت وانا ماسكة الشربات وحطيته على الطربيزة.. فضل العريس باصصلى اوى وكان مبتسم بصيت لأحمد لقيته متعصب اوى انا عارفه البصه دى يبقي مضايق..
مامتى ومامت العريس طلعوا ف البلكونة يقعدوا فيها عشان الرؤيه الشرعيه
_هو حضرتك المفروض انا وهى إلى نتقعد لوحدنا بس
=سرو عليتنا إلى تقعد مع عريس لوحدها يبقي مشافتش بربع جنيه تربيه
ضحكت غصب عنى وبصيتله من تحت لتحت كد إلى هو قوم بقي
_ضحكتك حلوة اوى
العريس قال الكلمة من هنا وأحمد اتجنن
أخد العريس على جمب عشان يكلمه
_بص يبنى مبدأيا كد عشان منكونش ظلمينك.. هى ملبوسه
=ايه ملبوسه!!!
_ايوة فيه جن بيحبها.. يعنى تخيل كد تكونوا نايمين اذا فجأة يقوم مموتك عشان نايم جمب حبيبته
=يا ساتر يرب
_ومش بس كد انا بضحى النهارده.. شوفت الطرحة إلى لبساها دى
=مالها
_قرعة معندهاش شعر يعنى هتتحسر ليلة فرحك يعينى
=يا خبتى في اختيارات أمى
=انا بقولك بس عشان شكلك طيب وعلى نياتك
_ربنا يخليك والله
لقيت العريس بينادى على مامته ومرعوب وبيقول اللهم احفظنا وكلام غريب وأخد مامته ومشي وانا مش فاهمة حاجة
_انت عملت اى
=طفشته واى عريس هيجيلك يا مريم هقطع خبره
_انت عاوز منى ايه مش كفايه بقي
=بحبك
_يا احمد انا تعبت
=بحبك وعاوز اتجوزك
_يعنى المفروض اطير من الفرحة واوافق على الجواز وكد
=في اى يعدوة الفرحة
_انت مش فاهم حاجة.. احمد الأحسن انك تنسانى
دخلت أوضتى وقفلت عليا.. لقيت ماما جايه بتقولى:فيه عريس جاى النهارده وهتوافقي عليه يعنى هتوافقي عليه
أول مرة ماما تقولى الجملة دى انا الى على طول بختار.. مين دا إلى ماما شايفه انه ميترفضش!!!!
يتبع.......
#البارت الرابع والاخير
نمت وانا مستغربه من كلام ماما صحيت على مكالمة من أحمد
_ايوة يا أحمد خير
=عاملة اى
_الحمد لله وانت
=انا تمم اوى
_يرب دايما.. اه ابقي تعالى بقي النهارده اصل متقدملى عريس وكلنا موافقين عليه
=نعم يختيي
_زي ماسمعت كد.. هبقي مبسوطة لو جيت عشان تشوف عريس اختك
=مليش اخوات انا.. امى مخلفتش غيري معروفه
_براحتك
=متوافقيش يمريم
_وموفقش لي
=عشان انا بحبك وعاوزك
_المشكلة انك بتتكلم بمنتهى البساطة
=فيها اى لو اتجوزنا وعشنا بسعادة اى حلم معجزة يعنى
_كان زمان بقي دا كان حلم حياتى بس انا فوقت
=انا سبت كل حاجة عشانك
_قصدك ملك يعنى جتك نيلة عليك وعلى اختياراتك إلى شبه وشك
=يبقي اختيار قمرين معروفه
_طب بعد اذنك بقي عشان ماما بتنديلى باين هتكلمنى عن جوزى وكده
=هطفشه عادى يعنى
_ابقي اعملها
=مريم متهزريش
_مش بهزر ومش متجوزة غيره أهلى موافقين ولازم تشوفنى قاعدة ف الكوشه وتبقي اول المعازيم يا احمد.. سلام
قفلت وانا قلبي وجعني أوى.. روحت لماما
_ايوة يماما بتنادى لى
=تعالى.. بصي بقي انتى تعقلى كد عشان عريس ميترفضش ربنا يجعله من نصيبك
_ان شاء الله
دخلت اوضتى قعدت فيها فتحت واتس وكتبت "ارجو ان التغير الجديد يداوى جرج قلبي"
_تغيير اى يروح امك إلى جديد
=اي دا في ايه
_ايوة زى مبقولك احنا هنصيع ولا اى.. يعنى انا جرح؟
=مين قالك ان الكلام عليك اصلا
_باينة.. وباين كمان انك بتعاندينى وبتعاندى نفسك.. عشان تخلينى اشوفك مع غيري زى معملت.. بس انتى كد بتخسري كل حاجة يمريم.. والحقيقه انك عمرك مهتحبي غيري
=احمد بعد اذنك متفتحش الموضوع دا تانى.. هقفل دلوقتى
_ماشي يمريم
خفيت الظهور وفضلت فاتحة الشات بتاعه فضلت اقلب معرفتش أجيب أوله من كتره.. هزارنا وضحكنا المقالب إلى بعملها فيه كل تفصيله صغيرة ف الشات كانت مبهجة.. تفاصيل يومه وأى حاجة بيحبها.. حفظاه اكتر منا حافظة نفسي.. كان نفسي الشات يفضل كد.. الحب ضيع كل حاجة.. كان نفسي يفضل بكل تفاصيله مش يبقي كلمتين ونص لأول مرة..
قفلت وعيطت على كل حاجة يمكن كلام أحمد صح وانا عاوزة اعاند واخليه يشوفنى مع غيره!! يمكن يتوجع زيي ويحس احساسي.. بس انا مش عاوزاه يتوجع مش عوزاه يحس نفس احساسي عشان احساس بشع
فتحت الدولاب لقيت فستان واحد بس ف الدولاب!!!!!
_مااااماااا
=ايوة في اى انتى لسه ملبستيش!
_اى دا مفيش غير دريس واحد
=كلهم بتغسلوا
_حبكت بتغسلوا النهارده
=البسي إلى عندك وخلاص
سابتنى ومشيت.. الفستان دا احمد إلى جيبهولى.. يوووه مش عاوزة ألبسه مع انى لما البسه بفرح أوي
لبست الفستان عشان كنت مضطرة ولبست الخاتم الفضه الجديد بتاع أحمد عشان تحفه الصراحة وطرحة وطلعت
كان العريس ضهره ليا وانا ماسكة صنيه الشربات.. انا عارفه البرفان دا.. دا إلى جبته لأحمد السنة إلى فاتت.. معقول جه عشان يطفشه زى مقال!!!
بصيت ملقتوش بس انا لسه شامة ريحته.. حطيت الصنيه وبصيت لقيت التيشيرت إلى جيباه لأحمد في عيد ميلاده فضلت باصه للتيشرت وبصيت على الوش لقيته أحمد هو بجد طفش العريس هو لحق يقعد اصلا يلا حسبي الله ونعم الوكيل
حطيت الصنيه وجايه ادخل اوضتى احمد مسك ايدى
_اي يما مش تيجى تقعدى افرضي معجبتنيش وقولت لأمى يلا نمشي
=انت عاوز اى
_انا العريس إلى ميترفضش
=تبا لتواضعك
_ههه.. طب يلا رؤيه شرعيه
=انت اهبل؟ ليك خال عبيط يعنى
_هتطول لسانها زى كل مرة بقولك انا العريس
بصيت لماما وهى قاعدة جمب بابا إلى هو كد يماما تسلمينى ؟؟
فلاش بااااك
بعد مادخلت مريم اوضتها وسابت احمد برا
_طنط انا بحب بنتك وعاوز اتجوزها
=طول عمرك قليل الادب زى امك
_هو انا بقولك هتجوزها عرفي ف اى مالك؟
=مش بقولك سافل
_ها قولتى اى
=هو انت يبنى والله امك عاوزة بنتى من وانتوا صغيرين وانا موافقه
_بتتكلمى بجد
=اه والله.. وهقول لباباها وابقي ارد على مامتك
_ماشي يطنط
=طنط اى يولا قولى يا حماتى
_اى دا في اي
=ههه يعنى مامتك هتبقي حمات بنتى بردو ونمارس عليكم جو كيد الحموات
_مفيش كلام من دا.. يلا انا ماشي بقي.. اه وابقي خليها تلبس الفستان إلى كنت جيبهولها
=واعملها ازاى دي
_غرقي هدومها كلها وخلى الفستان بس فتضطر تلبسه
=طول عمرك خبيث زى امك
_لا اله الا الله
..
فجأة لقيت طنط وماما وبابا قاعدين ف البلكونة وسيبنا
_شكلك حلو اوى ف الفستان.. فستانى دا ها بفلوسي يعنى
=التيشيرت دا إلى جيباه بفلوسي بردو
_والخاتم الجميل دا من إلى جايبه
=والبرفان إلى انت حاطته دا مين مشتريه
_والطرحة الحلوة دى مين جايبها مع الفستان
=والكوتش إلى انت لابسه دا مين جايبه
_خلصانة جو معايرة وعايشين على قفا بعض
=ههه
_وحشتنى ضحكتك
=انا كمان وحشنى انى اضحك بقيت حياتى كئيبه اوى
_انا اسف
=على اى
_كل دا بسببي
=عادى اتعودت على كد
_هعوض كل دمعة وكل حزن ف كل مرة زعلتى فيها بسببي
=مش فاهمة
_تتجوزينى؟
=انا مش..
_بحبك
دمعت وابتسمت عيونه كلها كانت مليانة بالحب
_اى هتفضلى ساكتة كد أهلنا ف البلكونة وعندنا سرو بلدنا إلى تقعد مع عريس اكتر من خمس دجايج تبقي مشفتش بربع ج تربيه
=هه.. عاوز اى دلوقتي.
_عاوز اتجوزك يجميل
=لم نفسك
_حاضر.. ممكن حضرتك تتجوزينى لو سمحتى حتى الله يجازيكى خيرا
=بس يجدع
_اه والله
=مش متصورة ان انا ممكن اسامحك بعد كل الوجع دا
_هتسامحى إلى بيحب بيسامح
=للأسف قلبي لسه بيحنلك
_اوعدك مش هتندمى.. بقولك والله بحبك و..
=وأنا كمان
_اي بتقولى اى
=لا متحلمش انى اقولها تانى
_عشان خاطرى
=وانا كمان.
_وانتى كمان جعانة يعنى
=اه هنبدأ استفزاز
_منا مش فاهم
=وانا كمان.. بحبك
_يعمى هات المأذون دلوقتى دلوقتى
"فكيف يا من كنت السبب في كسر قلبي كيف لك الان ان تكون السبب في أن تداويه" ♥️🌍
#النهايه♥️
#بقلم مريم سمير 🎑♥️
تعليقات
إرسال تعليق