مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

اسكريبت جوازة الندامة البارت الثالث والرابع الأخير بقلم سولييه نصار في موسوعة القصص والروايات جميع الفصول كامله وحصريه 

اسكريبت جوازة الندامة البارت الثالث والرابع الأخير بقلم سولييه نصار في موسوعة القصص والروايات جميع الفصول كامله وحصريه 

الجزء التالت♥️شكرا علي تفاعلكم السكر♥️بقلم سولييه نصار ♥️

-بطل ص*ياح ...

قولتها وانا بتغدي ببرود لعمار اللي عمال يص*يح زي الديك ...

كان عمار شغال يلف حوالين نفسه وهو حاسس أنه هيتج*نن ...كان خلاص برج من دماغه هيطير ...مكانش مصدق أن أبوه هيحطه في الموقف ده ...

فجأة قعد جمبي وبصلي وانا بأكل وقال :

-هو انتي معندكيش د*م ...معندكيش احساس ....

بصتله وانا بمضغ الاكل وقولت :

-من شهرين تقريبا كنت بقط*ع السلطة والس*كينة جر*حتني ونزلت د*م ...فلا... عندي د*م متقلقش...

حس عمار بنغزة في قلبه وحط ايديه علي قلبه وقال؛

-انتي ناوية تجلطيني صح ....

مسك وشي وانا باكل وقال:

-خلاص بطلي لغ واسمعيني ...ابويا عايز حفيد...انتي عارفة الكلام ده معناه ايه ؟!

زقيت أيده وكملت اكل وقولت :

-ايوة عارفة ...وانا هتصرف خلاص استني بس شهرين كده ..

حط أيده علي بوقه وقال بتوتر:

-اسيا انتي اكيد مش قصدك اننا نخلي جوازنا حقيقي ...أنا ...

هزيت كتفي وقولت:

-لا انت دماغك راحت لبعيد ...متقلقش أنا صح مجن*ونة شوية بس مش لدرجة اني ادبس فيك طول حياتي ...يالا يا راجل كل شكلك هفتان المكرونة بالبشاميل دي فظيعة ...

مسك عمار الشوكة وقال:

-طيب ...

.......

جه الليل ...

-ايه ده انت هتعمل ايه ؟!!

قولتها وانا شايفة عمار ماسك المخدة بتاعته ...

بصلي بحيرة وقال:

-ايه هنام عندك مانع؟!

شديت اللحاف عليا وقولت:

-هتنام جمبي ...

هز كتفه وقالت:

-لو حابة تنامي علي الأرض معنديش مشكلة 

-هتنوم مراتك علي الأرض يا عمار ؟!هي دي الرجولة 

هز رأسه وقال:

-ايوة بالضبط كده ...وعندك كذا خيار ..انك تنامي جمبي من سكات او تنامي علي الأرض وفيه حل لطيف غيره ...عندك انتريه برة اتخ*مدي عليه ...

وبعدها نام علي السرير وطفا نور الاباجورة ...

-اخ*ص علي الرجالة ...

قولتها بصدمة وبعدين جيبت مخدة وحشرتها في النص بيننا وقولت:

-هو ده النص بتاعك من السرير ...لو جيت علي النص بتاعي هبلعك ...

مردش عليا ونام ....

...

مرت الايام بيني وبين عمار وعرفنا ننسجم مع بعض ...اللي يشوف ازاي في البداية كنا بنكره بعض ميشوفش أن بعد اسبوع بس من جوازنا بقينا أصحاب ...صحيح بننكش في بعض دايما ...ونتخا*نق زي القطط بس بنتصالح بسرعة ..

مر الشهرين بسرعة وجهزت خطتي ...

.....

كنت قاعدة بع*يط جمب  عمار وأبوه وابويا قاعدين سوا ...كنت بقول بصوت مخ*نوق:

-كان نفسي اجيبلكم البيبي اللي نفسكم فيه بس مقدرتش ...

اديتلهم الورقة اللي زو*رتها واللي فيها اني عق*يمة ...

بصوا للورقة بش*ك فكملت أنا عياطي  وقولت:

-انا خلاص مبقاش ليا اي عازة يا بابا ...خلاص كده اكيد عمار هيطلقني أو هيتجوز عليا وانا مش هلومه ابدا. ...

مسحت دموعي وانا ببصلهم بحزن مصطنع بمهارة وقولت:

-للاسف مش هيبقي فيه طفل عشان تدوله ثروتكم ...

بص ابو عمار وابويا لبعض ...فجأة اتكلم ابويا وقال:

-انا عارف اني اجب*رتكم علي الجواز عشان الثروة ...بس حسينا انكم مع مرور الأيام هتحبوا بعض ...خلاص متقلقوش الثروة هتبقي ليكم بس بشرط تاني خالص ...

-ايه هو ؟!

قولناه بف*زع احنا الاتنين فرد حمايا وقال:

-انكم تفضلوا مع بعض لمدة سنة وبعدين لما تتطلقوا هتاخدوا الفلوس !!!

يتبع

#جوازة_الندامة

#سولييه_نصار

فيه كمان بارت♥️

الجزء الاخير♥️شكرا علي تفاعلكم السكر ♥️بقلم سولييه نصار♥️

-سنة ...سنة هقعد معاك سنة ؟!!!

كنت بقولها وانا بعيط ...كان عمار بيلف حوالين نفسه وبيضرب كف علي كف وبيقول:

-قدروا يخد*عونا ...قدروا يبقوا اذكي مننا ...

بصيتله وقولت:

-اكيد دي فكرة ابويا ...

هزيت كتفي بتكبر وقال:

-الافكار العبقرية دي متطلعش الا من حد شايل جيناتي ...

بصلي عمار بقر*ف وقال:

-مستحيل حد يكون عنده نفس جينات غب*ائك ومنتح*رش لسه ...

بصتله وانا متعصبة وقومت وانا حاطة ايدي علي وسطي ؛

-نعم يا اخويا ؟!!مين اللي جاب فكرة اني أوهم اني عقي*مة ...

ضحك وقال:

-ايوة ..صح ....طيب ممكن تقولي نتيجة فكرتك العبقرية يا آسيا ...اهو لبسنا أنا وانتي وهعيش معاكي سنة بحالها ...الله واعلم كام جل*طة هتجيلي السنة دي بسببك ...

وبعدين سابني ومشي ..

-جاتك ن*يلة وانت بتبقي زي القمر وانت متعصب ...

قولتها وبعدين حسيت بنفسي وضر*بت وشي قلم وقولت:

-مالك يا آسيا ...اتضبطي كده !!

.....

خلص النهار وجه الليل ..

-لا مش هخليك تنام جمبي تاني ...واعمل حسابك لحد ما تخلص السنة دي انت هتت*لقح علي الكنبة اللي برا. ..ووريني ازاي هتعترض ...

وبعدين اخدت السرير كله لصالحي  وابتسمت ببرود وانا بغمض عيني ...

فجأة صرخت وانا بحس بيه بيرفعني ويشيلني ....

فتحت عيني لقيته شايلني وطالع بيا برة الاوضة ...

-انت يا مجن*ون بتعمل ايه ؟؟؟!

بصلي ببرود ومردتش ...بصتله وقولت:

-تخيل  بقالي حبة حلوين اعرفك اول مرة الاحظ أن عيونك عسلي ...

حسيته ارتبك للحظات ...ع*ضيت لساني اللي متبري  مني ده ...بس هو فجأة لق*حني علي الكنبة وقال؛

-اعتقد الكنبة هتكون مناسبة ليكي النهاردة ...ده عقا*ب طولة لسانك ...مش هتنامي جمبي علي السرير ...

وبعدين دخل الاوضة وسابني..

-يا ابن المج*نونة ...

قولتها بغيظ...فطلع فجأة ورما مخدة ولحاف وقال :

-مشي امورك بدول ...أنا قلبي طيب في النهاية وجنتل ومستحيل اخلي مراتي تنام علي كده .. 

وبعدين دخل ...

فرشت الكنبة وقولت بتريقة:

-ما هو واضح ....

....

حاولت انام بس مقدرتش .فتحت التلفزيون ولقيت فيلم رع*ب...ورغم اني بتر*عب من خيالي الا اني قررت اشوفه ...

....

كان مغطية وشي الا جزء بسيط من عيني بشوف الأحداث الر*عب منها ...كان قلبي بيدق جامد وحسيت اني هتجيلي سكتة قلبية فجأة ...

مقدرتش استحمل اكتر من كده وطفيت التلفزيون بسرعة ...حاولت انام بس كنت كل لما اغمض عيني اشوف حاجات م*رعبة ...

بسرعة قومت وروحت علي الاوضة ... فتحت النور لقيت عمار محتل السرير ...فضلت اهز فيه:

-عمار ...اصحي يا عمار ابوس ايديك ..

فتح عينيه وهو مخضوض وقال:

-مالك فيه ايه ؟!

بلعت ريقي وقولت:

-ممكن بعد اذن سيادتك يا كريم يا ابن الناس الطيبين ربنا يكرمك ويوقف دايما في طريقك ولاد الحلال ...تنومني جنبك ...ربنا يسترك و...

-خلاص ...خلاص انتي هت*شحتي...

وسع شوية وقال:

-نامي يا اختي ...

نومت بسرعة فطفي النور ...خو*فت اكتر ومسكت فيه !

-ايه يا ست ايه يا ست ماسكة فيا كده ليه ...انتي ايه معندكيش اخوات ولاد ولا ايه ...

-انا خاي*فة ..

بصلي بحيرة في الضلمة وقال:

-خ*ايفة من ايه ؟!

بلعت ريقي وقولت:

-شوفت فيلم رع*ب وهمو*ت من الخوف  يا عمار...

فجأة سكت ...القمر كان منور الاوضة ...ابتسامته وسعت وقال؛

-ومين قالك اني عمار ...مش يمكن عمار مش موجود دلوقتي اصلا ...يمكن ...

فجأة بدأت اعيط وقولت:

-انت عفري*ت صح ...يالهووووي هم*وت ...

صوتي علي ...

عمار كتم بوقي. وفتح النور وفضل يضحك وقال:

-بس يا عبي*طة بهزر معاكي ...

مسح دموعي وقال:

-رغم اني مبحبش انام في النور بس هفتح النور عشان متخا*فيش ..

-ربنا يسترك ..

قولتها وانا بترعش وبعدين  مسكت فيه ونومت ...

.....

-تاني يوم ...

فتحت عيني لقيت نفسي مقربة منه جامد ...ابتسمت وانا سرحانة فجأة فتح عيونه ...عيونه اتوسعت ورجع كأنه مفزوع وقال:

-شعرك اللي بيتنكش لما تصحي من النوم ده هيجيب اجلي في يوم ...ابوس ايديكي لميه بحاجة ...

ضحكت فضحك هو ...فجأة بقينا احنا الاتنين بنضحك بصوت عالي ...

....

مرت الايام والأسابيع والشهور حتي وانا وعمار ارتبطنا ببعض اكتر ....كانت علاقتنا غير مفهومة تماما ...بس لقيت نفسي بحكيله كل أسراري ...كل أفكاري  وكل احلامي ...كنت زي كتاب مفتوح قدامه.زي ما هو كان كتاب مفتوح قدامي ...

خلصت السنة بسرعة ...خلصت بأسرع مما اتخيل...

......

-السنة خلصت خلاص وانتوا ممكن تتطلقوا دلوقتي وتاخدوا حقوقكم ...

قالها ابويا لما جه هو وحمايا للبيت وكان معاهم المأذون ...

بصيت لعمار بت*وتر ...هو كمان كان مت*وتر ...بصلنا حمايا بخ*بث وقال:

-جرا ايه يا ولاد ...ليه مترددين كده ..افرحوا السنة خلصت خلاص والمأذون اهو هيطلقكم ...

مسك حمايا عمار وقعده جمب المأذون ..وشدني ابويا وقعدني جمب المأذون وقال :

-ابدا يا شيخنا ...الاتنين مستعدين يتطلقوا ...

عينيا بدأت تدمع ...معرفش في الوقت ده حسيت اني مخن*وقة ...واكتشفت اني حبيته ...حصل اللي مكنتش متوقعة أنه هيحصل ...

بصيت علي الأرض ودموعي نزلت ...حاولت مبينش اني مقه*ورة ...

-يالا يا شيخنا ابدا

قالها ابويا . .

ولسه المأذون بيقول بسم الله وقف عمار وقال:

-انا مش هطلق ...

قلبي دق بع*نف ..كمل عمار وهو بيبص لابوه ..:

-انت جوزتني بالع*افية وجاي تطلقني بالعاف*ية. ..

بصله أبوه بصدمة مصطنعة وقال:

- أنا اجبرتك!!!انت اللي عايز تطلق...

-وانا مش عايز أطلقها مش عايز. ..ولو عايز تحر*مني من الورث احرمني ...

ضحك ابويا وأبوه وقال ابويا للمأذون:

-خلاص يا شيخ ولادنا رجعوا لعقلهم ...

مشي المأذون فورا فقال عمار:

-دي خطة منكم ...

ضحك بابا وقال:

-عرفنا انكم لما تعرفوا بعض كويس هتحبوا بعض وده اللي باين من عصيبتك دي وعياط  اسيا ...

وشي احمر من الكسوف ...

ابتسم حمايا وقال ؛

-نسيبكم دلوقتي لوحدكم ...

وطلعوا الاتنين من البيت ...

توترت اكتر وقمت اه*رب لاوضتي مسكني عمار وحضني من ورا وقال:

-رايحة فين يا ج*بانة ..

-انا ..أنا جعانة ...

زقني وقال:

-بت انتي فصيلة ومفجوعة كمان ...

نسيت كسوفي منه وزقيته وقولت:

-وانت قليل الذوق ولسا...

-وبحبك كمان ♥️...

قالها وهو بيقرب ...بعدت شوية فمسك أيدي وقال:

-بتحبيني ؟!

معرفتش اتكلم ...لساني اتربط محستش بنفسي الا وانا بحضنه من الكسوف...ضحك وقال:

-خلاص اجابتك وصلت يا منكوشة♥️ بتحبيني♥️

....

كنا قاعدين قدام التلفزيون بناكل فشار ...جاب عمار فيلم رعب ...مسكت فيه وقولت:

-ابوس ايديك اقفل مش كفاية اللي حصل بسببه ...

ضحك وقال:

-بصراحة دي حجة عشان لما تنامي جمبي تمسكي فيا جامد ..

شدني ليه وبدأنا نتفرج علي الفيلم وانا حاسة أن خلاص هتجيلي سكتة قلبية ...

.....

-خلاص يا آسيا خن*قتيني. .

قالها عمار وهو بيكح وانا ماسكة في رقبته جامد ...فكمل:

-مينفعش انام للصبح كده هتخ*نق ...ابعدي شوية السرير واسع ...

هزيت راسي بخوف وقولت:

-والله ابدا ...أنا مرع*وبة يا عمار  ..

ابتسامته زادت وقال؛

-مين قالك اني عمار مش يمكن ...اه ..

صرخ بألم لما عضيته من دراعه:

-بهزر يا بنت العض*اضة !!منك لله أنا ايه اللي خلاني احبك بس ...أنا استاهل وشكلي هشوف ايام عنب معاكي ..

قالها وضحكنا احنا الاتنين ♥️مكنتش اتخيل ابدا اني هحب بالسهولة دي بس حصل ...حصل مع اكتر شخص مجن*ون قابلته ...بس انا كمان مجن*ونة واحنا لايقين علي بعض 

تمت

يتبع ...انضم لجروب التليجرام ( هينزل فيه الرواية كاملة )اضغط هنا 

مجمع الروايات الكامله والحصريه  اضغط هناااااااا 

تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هناااااااا 

#جوازة_الندامة

#سولييه_نصار