 |
رواية وانقلب السحر على الساحر البارت الرابع بقلم زهرة عصام في موسوعة القصص والروايات جميع الفصول كامله وحصريه
و انقلب السحر على الساحر ٤
نهلة: انتي شرفتي يا حيليتها ادخلي ارمي البت دي في أي داهية و اعمليلي كوباية شاي مصدعة
تاج في نفسها: بعيد الشر عن بينتي إن شالله انتي و هي لا يا بنت كوم الشكاير و كملت بصوت عالي: حاضر يا حماتي و ابتسمت ابتسامه خبيثة و هي بتقول: دا كدا احلوت أوي
دخلت عملت الشاي و حطت فيه الحبوب حطت حباية و بصت على نهاية و قالت بغيظ :- يلا مش خسارة فيكي و حطت حبايتين كمان
تاج أدت الشاي لـ نهلة و قالت: انا هروق و همسح السلم يا حماتي و كيان جمبك أهي على ما اخلص
تاج دخلت المطبخ و بقت تراقب نهلة اللي بعد ما خلصت الكوباية بقت تقول: بس بقي يا حاج عيب كدا اهيهيهيهي
تاج مقدرتش تمسك نفسها و ضحكت جامد و هي بتقول: والله لو كان عايش كان زمانه مات تاني
نهلة اللي كل خمس دقايق بحالة شوية تقول أنا هنا يا حاج انا هنا
و شوية تقول منزعلش يا حاج طب اية يرضيك :- اية ارقصلك حاضر يخويا
تاج بصت ليها و بقت فطسانة على نفسها من الضحك و خدت الأوراق و هي بتقول: اذيك يا نهولة
نهلة بحب: بخير يا حاج انت عامل اية ليك وحشة يخويا
تاج بصت لـ نفسها و قالت:- انا حاج و كملت حاج حاج المهم تمضي
تاج : انا بخير يا نهلة و مش باجي من عمايلك السودة خدي امضي هنا
نهلة مسكت القلم بدروخة: عنيا يا حاج عنيا بس متتاخرش عليا تاني انت عارف مقدرش أعيش من غيرك
تاج : عنيا ليكي يا نهلة امضي هنا كمان أيوة آخر ورقة بقي أيوة كدا يا حبيبي تعالى معايا بقي
نهلة: على فين يا حاج هيهيهيهي
تاج : سفلة من يومك يا نهلة الكلب و قالت: هدخلك تنامي شوية أصل شكلك تعبان أوي
نهلة: حاضر يا حاج هعمل كل اللي تقول علية بس بلاش تسيبني يخويا انا استحمل أي حاجة إلا إنك تتجوز عليا
تاج :- مهو لازم يتجوز عليكي من عمايلك دي كتك الهم
نهلة دخلت و نامت بس بتهلوس و تاج أخدت كيان و نزلت لـ سماح
تاج : سماح خدي يختي الورق دا عنية عندك انا صورته هاخد صوره منه و انتي خدي الأصل عنيهم عندك انا مضمنهومش ولاد المضايقة دول
سماح:- عيوني ليكي يا أم كيان بس رسيني هتعملي معاهم اية
تاج بخبث : هلاعبهم على الشناكل يا سماح عشان يفكروا يجوا عليا في يوم تاني أنا قرفت و زهقت من كتر اللي بيعملوه فيا كل شوية إهانة و تلكيك و الولية القادرة مبتسبوش لازم تبخ سمها بحاجات محصلتش و التاني بتكهرب و ينزل فوقي ضرب لكن من النهارده محدش يقدر يفتح بوقه بكلمة معايا عاوز يتجوز يتجوز بس ميلومش غير نفسة
----
سليم رجع من الشغل دخل لقي تاج محضرة الأكل و كيان بتلعب بالعابها
سليم : غريبة أمي علطول بطلع تستقبلتي اشمعنا النهارده مطلعتش
تاج : أصلها كانت مصدعة فعملتلها كوباية شاي شربتها و قالت هتستريح شوية كيان كانت بتعيط قولت اطلع يدل ما تصحيها و اسيبها تستريح
سليم بسخرية: لا و إنتي فيكي الخير أوي الحب بينكم مقطع بعضة
تاج : طبعاً دا الست أم سليم دي على رأسي بحبها حب القطط للفيران
سليم برق ليها و سألها و دخل الاوضة يفكر هيعمل معاها اية لما يتجوز
تاج بابتسامة: بحبها أوي لدرجة متتخيلهاش يا سليم عشان كدا حقي هاخد منها و بزيادة كمان
---
تاني يوم سليم كان واخد إجازة عشان يروح يشوف العروسة نزل من الصبح عند نهلة و قعدوا يدردشوا مع بعض
سليم : بقول أنزل تاج تقعد معاكي من دلوقتي عشان الشقة تبقي للعروسة الجديدة
نهلة : لا يا واد خليك ناصح و زيد من قهرتها قولها يوم الفرح أدخل عليها بعروستك و اكرشها بره البيت
سليم شرب بق من الشاي و قال:- عين العقل يا اما عين العقل هنزلها تخدمك
نهلة : و هي هتخدمني أنا لوحدي دا هتخدمك انت و مراتك و الشارع كله هي أصلاً مكانها في الشارع هي و بنتها
سليم : البت متنسوش الفولو لا يا اما البت لا دي بنتي
نهلة : بس بنتها هي كمان عشان تكون عارف أنا مش هاكلها تاكل بقي ماتكولش مليش فيه يخويا
سليم : تولع بجاز مش مهمة عندي و بعدين افتكري لينا حاجة عدلة دا انا حتي عريس
----
عدي أسبوع و تاج طول الاسبوع دا عادي جداً و مهدية اللعب على الأخر سليم اتجوز و أخد عروسته و طلع شقتة و نهلة وراهم
سليم فتح الشقة و دخل و قال:- تعالي يا شوشو
شيماء دخلت و كانت مكسوفة طلعتلهم تاج و هي لابسة عباية بيتي و طرحة و متزوقة كانها مستنياهمو قفت قدام سليم و بصت لـ شيماء من فوق لتحت
سليم :- ....
يتبع
يتبع ...انضم لجروب التليجرام ( هينزل فيه الرواية كاملة )اضغط هنا
مجمع الروايات الكامله والحصريه اضغط هناااااااا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هناااااااا
مجمع الروايات الكامله والحصريه اضغط هناااااااا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هناااااااا
تكملة الروايه اضغط هناااااااا
Zährä Ęssäm
همسات ليله
حكايات آخر الليل
وانقلب السحر على الساحر
بقلم زهرة عصام
تعليقات
إرسال تعليق