 |
اسكريبت زواج لهدف اخر البارت الخامس والسادس بقلم هاجر العفيفى في موسوعة القصص والروايات جميع الفصول كامله وحصريه |
شكرا على التفاعل يابنات❤️ البارت الخامس
رائف بصدمه : انتى عارفه !!!!
حنين بابتسامه وهدوء : من زمان يارائف
رائف وهو على نفس صدمته : ا انتي مستوعبه انتي بتقولى ايه عارفه انك تعبانه وحتى محاولتيش تتعالجى
حنين اتنهدت بحزن وقالت بدموع محبوسه : عشان معنديش دافع أن اتعالج انا عارفه أن ده نصيبى وخلاص محدش هيزعل عليا ابويا باعني واختى بتكر"هني ومحدش يهمه مصلحتي
رائف بحده وخوف : تبقي غبيه ياحنين انا محتاج وجودك
حنين بسخريه : حتى وجودى جمبك كان لهدف معين انا محدش بيحبنى طول عمرى
رائف شدها وضمها وقال : بس بس اسكتى متقوليش الكلام الاهبل ده تاني انتي كلك على بعضك كده تهميني وانا مش هسيبك غير لما تتعالجى وتبقى احسن من الاول
حنين بدموع : بتعمل معايا كده ليه يارائف
رائف غمض عيونه وقال : صدقيني والله هتعرفى كل حاجه فى وقتها بس عشان خاطرى نبدا الجلسات من النهارده
حنين رفعت وشها ليه وقالت : بس انا خايفه
رائف مسك أيدها وقال : وانا جمبك وهطمنك والله بس خلى عندك أمل فى ربنا كبير
حنين نامت على كتفه وحست براحه غريبه اول مره تشعر بيها ورائف دمعه نزلت منه ومسحها بسرعه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
نيره بغضب : انتي بتضحكي على ايه بقولك طردني وطلقنى بسبب بنت الشوارع دي
ريتال : والله انتي ال روحتي وعملتى كده فى نفسك كنتي لعبيها من بعيد لبعيد كده
نيره : دي واحده عارفه هي بتعمل ايه كويس وداخله دور المسكينه المنكسره ال ملهاش حد بقا وتمثيل عشان تتمكن
ريتال بخبث : طب ماتحاولى تكسبيها فى صفك وتشككيها فى رائف وتثبتى أن بيخونها
نيره بتفكير : ازاى مش فاهمه
ريتال : انا هقولك اسمعي
وقصت عليها خطتها كامله
نيره عيونها لمعت بخبث وقالت : يابنت الذينه افكارك دي س"م
ريتال : اومال انتي فاكره ايه يابنتي
نيره : هنفذ النهارده
ريتال : تمام
نيره قامت مشيت وريتال اتكلمت بمكر وقالت : كده هخلص منك انتي وست حنين مره واحده والجو يفضالي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى المساء
حنين دخلت البيت بتعب بعد جلسة العلاج وطبعا رائف كان مسندها
حنين بدموع : صعبه اووى
رائف بحماس : معلش استحملى صدقيني ده فى مصلحتك انتي يلا بقا ارتاحى وانا هعمل ال انتي عايزاه كله
حنين : هساعدك حتي فى الاكل
رائف باعتراض : لاء خليكي مكانك يلا وانا هعمل كل حاجه هدخل اغير هدومي الاول واجي
سابها ودخل وهي غمضت عيونها بوجع وفجأه الباب خبط وهي قامت تفتح بتعب وشافت والدها ومعاه اختها رنا
حنين بتعب : اتفضلوا
والدها : فين جوزك ياحنين
حنين باستغراب : رائف جوه بس هي دي كلمة ازيك يابنتي
محمد : بعدين المهم اشوف البيه الاول
رنا بطيبه مزيفه : ازيك ياحنين وحشانى البيت وحش من غيرك
حنين بسخريه : ده بجد ده
قاطعهم خروج رائف ال قال : اهلا وسهلا نورتوا
محمد بحده : بقا انا مديلك حنين امانه تقوم تعمل معاها كده
رائف بدهشه : عملت ايه
حنين بصدمه : ايه يابابا ال بتقوله ده
محمد : مش هي دي الحقيقه مش انتي روحتي اشتكيتى لأختك وقولتي أن بيعاملك وحش وكمان جاب مراته الاولى عشان تذلك
حنين اتصدمت ورائف بصلها بعتاب ومتكلمش
حنين مسرعه : محصلش انا مقولتش حاجه من دي خالص لرنا
رنا بكدب : لاء انتي ناسيه ولا ايه لما كلمتينى وقولتي انا مستحيل اكمل معاه وخلتيني اقول لبابا عشان يجي ياخدك ويطلقك منه فى اسرع وقت
حنين كانت مصدومه من كدب اختها وقالت : محصلش محصلش والله العظيم ماحصل انا مستحيل أخرج اسرار بيتي بره وبعدين انا كنت فاهمه رائف فى الاول غلط لكن لما اتفاهمت معاه عرفت أن هو احن شخص عليا وهو ال بيعطيني الامل ال انت حرمتني منه يابابا
رائف فرح لكلامها وكان مبتسم
حنين بدموع : بعد اذنكم انا مش عايزه حد يدمرلى باقى حياتى من زمان ومحدش بيهتم أمرة متجوش دلوقتي وتخربوا عليا اول لما احس بالامان
والدها بصلها بحزن ومشي بدون كلام ورنا بصتلها بحقد ومشيت هى الأخرى
رائف قرب من حنين وحضنها بحنان
حنين بدموع : متصدقش رنا والله انا ماشتكيت ابدا والكلام ده كله كدب يارائف
رائف بابتسامه : مصدقك ياحنين والله متقلقيش هدخل بقا اعملك الاكل عشان تاخدى العلاج
قال كلامه وسندها وقعدها على الكرسى ودخل المطبخ
بعد وقت حنين اخدت تلفونه عشان تفتح نت شويه وفتحت اليوتيوب وهي بتتفرج قاطعها صوت ماسدج من على الواتساب متسجله (بحبيبتى) وكان محتوى الرساله (حبيبى هتيجي امتي متتأخرش بقا يعني حاول تخلص من ال عندك دي وخليها تتخمد بدرى)
حنين شافت الرساله وكانت مصدومه ورائف خرج شافها ماسكه التلفون ومصدومه
رائف بقلق : مالك ياحنين
حنين بدموع : بتخو"ني يارائف طب ليه بتضحك عليا بكلامك
رائف بصدمه : بخو"نك !!!!!
يتبع
ياترى ايه توقعاتكم فى ال جاى تفاعل كتير عشان انزل بدرى♥️
شكرا على التفاعل يابنات❤️ البارت السادس
رائف بصدمه : بخو"نك ؟؟؟
حنين كانت بتعيط بس وريته التلفون وهو اول لما شافه اتصدم من الرساله
حنين بدموع : مسجلها بأسم حبيبتى وشايف الرساله عامله ازاى
رائف اتنهد وحاول يكون هادى عشان عارف انها تعبانه
رائف بهدوء : ياحنين انا معرفش حاجه عن الرساله دى ولا صاحبتها والله ولو عايزه تتأكدى انت التلفون اتهكر وده حد بيوقع بينا خدي شوفى الرساله دي كده
وراها رساله بتدل أن فعلا التلفون اتهكر
حنين بإحراج : انا اسفه بس فعلا انا اكتر حاجه بخاف منها الخيا"نه
رائف قعد جنبها وقال بابتسامه : وانا عارف ان غصب عنك كل ده وانا مش زعلان بس عايزك تخلى بالك إن الفتره ال جايه فى كتير اووى هيحاول يوقع بينا مش عايزين من اول مشكله نشك فى بعض ونزعل صح
حنين هزات راسها وقالت : حاضر
رائف : خدتى العلاج
حنين بكسوف : لاء
رائف بغيظ : والهانم ماخدتوش ليه
حنين : هاخده دلوقتي انا اسفه
رائف بحزم : متتكررش تمام
حنين بصتله وقالت بحب من اهتمامه : حاضر
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
محمد والد حنين ورنا : طلعتى بتكدبى عليا يارنا وعايزه تخربى على أختك
رنا بتوتر : انا قولت الحقيقه هي تلاقيها خايفه تقول قدامه حاجه عشان ميأذيهاش
محمد : بس هو باين أن هو بيحبها وهى برضوا أبتدت تحبه
رنا بغيظ وحقد : لاء طبعا هي مش بتحبه وهو برضوا بيحب مراته الاولى ومستحيل يحبها
محمد بدهشه : طب وانتي يخصك بايه يحبها ولا ميحبهاش
رنا بتوتر : مفيش انا خايفه على مصلحتها
محمد : لاء متخافيش انا فاهم اكتر منك اختك مرتاحه دلوقتي وانا مبسوط انها كويسه
قال كلامه ودخل الأوضه
رنا بحقد : والله العظيم مش هسكت وهعرفك ياحنين أصلك كويس
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
نيره بضحك : زمانها دلوقتي طلبت الطلاق وخلصت منها
ريتال : متبقيش واثقه كده خلى عندك احتمال أن هو ممكن ياكل عقلها بكلمتين
نيره بقلق : قصدك ايه
ريتال : قصدي إنها واحده هبله وكلمتين منه هيخليها تقتنع
نيره : انتي بتخوفيني ليه بقا
ريتال بخبث : لاء انا عايزاكى تاخدى بالك بس
نيره : طيب والحل
ريتال : انك تبعتيلها اتنين ستات كده يعلموها الإدب
نيره بخوف : بس ممكن رائف يعرف وتبقى مشكله
ريتال : لاء متخافيش وقتها انكرى واختفى خالص وقوليله انا مكنتش موجوده هنا
نيره بتفكير : تمام هعمل كده
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
رائف : حنين انا خارج لحد بره ومش هتأخر خلى بالك من نفسك
حنين بتعب : ماشى يارائف
رائف بقلق : شكلك تعبانه تيجي نروح المستشفى
حنين : لاء لاء انا بس تعبانه من الجلسات متقلقش
رائف : مش هتأخر مسافة السكه وهكون هنا يلا مع السلامه
حنين : فى حفظ الله
رائف خرج وحنين مسكت المصحف وقعدت تقرأ القرآن ولاقت الباب بيخبط
حنين باستغراب : هو رائف رجع تاني وهو مش معاه مفتاح قامت تفتح واتفاجأت لما لقت اختها رنا
حنين بقلق : خير يارنا فى حاجه بابا كويس
رنا دخلت ومسكت حنين من دراعها وقالت بغضب : لو مبعدتيش عن رائف ياحنين متلوميش غير نفسك
حنين كانت مصدومه من اختها وقت أيدها وقالت : انتي مجنونه ايه ال بتقوليه ده انتي مالك ومال رائف
رنا بغضب : انتي واحده بنت ملاجئ ويوم ماتتجوزى تتجوزى ال زيك متجيش بقا تبصى لفوق اووى كده
حنين بصدمه ومسكت دماغها بتعب وقالت : ا انتي كدابه انا
قاطعتها رنا بسخريه : لاء مش كدابه الحقيقه ان بابا هو ال لمك من الشارع ولازم تعرفى حدودك كويس يا ياحنين هانم
حنين كانت ساكته ومبتردش والدنيا كلها بتلف بيها
يتبعيتبع ...انضم لجروب التليجرام ( هينزل فيه الرواية كاملة )اضغط هنا
مجمع الروايات الكامله والحصريه اضغط هناااااااا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هناااااااا
تكملة الروايه اضغط هناااااااا
ياترى ايه رد فعل حنين وهتعمل اي توقعاتكم♥️
متنسوش ذكر الله ❤️
#زواج_لهدف_أخر
بقلمى #هاجر_العفيفى
دمتم في حفظ الرحمن 💚
تعليقات
إرسال تعليق