 |
#البارت السابع
#احببته اعمى ،،
عشق بخوف وتوتر : اتفضلى يا دكتورة انا مع حضرتك
الدكتورة : بصراحة يا مدام عشق أدهم باشا حالته اتأخرت جدا بسبب اهماله للعلاج الفترة اللى فاتت و حالته النفسية اللى مكنتش كويسة كانت سبب فى كدا بردو
عشق بصدمة : ايه طايب والعمل يا دكتورة يعنى مش هيقدر يعمل العملية و يرجع زى الاول ولا اى
الدكتورة : يقدر يعملها بس نسبة نجاحها هتكون ثلاثين فى الميه نسبة مش عالية للأسف وممكن متنجحش لقدر الله
عشق بقلق : يعنى مفيش امل يا دكتورة انه يتحسن
الدكتورة : لا طبعا فى امل بس لازم ينتظم على العلاج ويتحسن نفسيا عشان يكون جاهز للعملية ودى اهم حاجة انه يكون مستعد نفسيا عشان نسبة نجاح العملية تزيد
عشق : تمم يا دكتورة شكرا استأذن انا
الدكتورة بابتسامه : اتفضلى ودا الكارت بتاعى لو احتاجتى اى مساعدة انا تحت امرك فى اى وقت
عشق : تمام يا دكتورة شكرا ليكى
خرجت عشق وكانت بتفكر فى كلام الدكتورة وقد اى المرحلة اللى وصل ليها أدهم كانت صعبة وبعد برهة من التفكير
لقت أدهم واقف مستنيها
عشق مسكت ايديه وقالت بابتسامة : يلا نمشى احنا كدا خلصنا
أدهم : انتى اتأخرتى كدا ليه بتتكلموا فى اى كل دا
عشق بتوتر : هنتكلم فى اى يعنى كانت بتعرفنى نظام العلاج وكدا عشان تتحسن ونقدر نحدد ميعاد العملية
أدهم بشك : تمام يلا بينا
عشق ومازالت ماسكة فى ايده كالطفلة الفاقدة والدها : بلاش نروح القصر ممكن
أدهم بابتسامه : ممكن بس متسبيش ايدى ممكن انتى
انتبهت عشق وقالت بحمحمة وخجل شديد يعشقه ذلك الادهم : اسفه مكنتش اقصد
أدهم بخبث : عادى انا زى جوزك بردو
ولكن كسى الخجل تلك العشق مما جعلها لم تنطق حرفا واحدا
أدهم بابتسامه : خلاص خلاص يلا بينا بدل م تموتى من الخجل اللى انتى فيه دا
أدهم : طايب عاوزة تروحى فين
عشق ببراءة : اى حته بس بلاش نرجع القصر دلوقتى
أدهم : طايب اى رأيك نروح الشركه وتشوفى نظام الشغل اللى انتى هتمسكيه و تتعرفى على مكتبك وكدا
عشق بحماس كالاطفال : ماشى يلا بينا انا متحمسة اصلا اشوف شركتك
أدهم بابتسامه : متجوز طفلة والله
عشق بتذمر : انا مش طفلة عفكرة
أدهم بمشاكسة: اها مهو واضح جدا بتصرفاتك دى انك مش طفلة خالص
****************
فى قصر المنشاوي
كريم وهو بيتكلم فى الفون : انا راجع عشان اخد كل حاجة بس أدهم هيرجع زى الاول وهيكون الكل فى الكل تانى واول م أدهم يقف على رجله هكون اول حد ينتقم منه
المجهول : كان نفسى ارجع من تانى عشان اساعدك بس ظهورى دلوقتى مش هيعمل حاجة بالعكس هيخلى أدهم يتحدى كل حاجة عشان ينتقم منك ومني
كريم بخبث : لا لا احنا لازم نصبر فى الوقت المناسب عشان تكون الضر*بة قاضية المرة دى
المجهول هههه: صح وكدا يكون أدهم الأنصاري انتهى نهائى
***************
امينه : حاتم انت ازاى تسكت على حاجة زى دى وتقعد تتفرج كدا
حاتم : فى اى يا امينه ايه اللى حصل لكل دا
امينه : انت مش شايف أدهم بيعمل ايه أدهم عايز يدير الشركه ومع مين مع ست عشق اللى أهلها بعوها بالفلوس يعنى طمعانه فى فلوس أدهم
وممكن تد*مر تعب السنين اللى عملتوه عشان تبنوا الشركة دى
حاتم : اى يا امينه انا عمرى م شوفتك ببتكلمى كدا وليه حاطة عشق فى دماغك انتى عارفة ان اخوها اللى اجبرها على كدا وان كانت عليها فهى كانت رافضة الجوازة دى اصلا
امينه بتوتر : وانا احطها فى دماغى ليه كل م فى الموضوع انه ......
وقاطعا حاتم بعصبيه
حاتم : خلاص يا امينه اقفلى الموضوع ومعنتيش تفتحى سيرة الموضوع بتاع الفلوس دا عشان أدهم مش هيسكت لو سمع الكلام دا مش هيكون خير انتى فاهمة
كريم وهو نازل : اى يا جماعة صوتكم عالى كدا ليه
حاتم ولم ينظر له : انا رايح الشركة
كريم بتعجب : اى يا ماما فى ايه
امينه بعصبيه : كل دا عشان بقوله ازاى أدهم يخلى البنت اللى اسمها عشق دى اللى تشرف على شغل الشركة
كريم بخبث : ليه يعنى مش مراته
امينه بغضب : دى بنت رخيصة اشتروها واجبروه عليها وعايزين يمسكوها الشغل
كريم فى نفسه : دى ولعت خالص يا أدهم باشا
كريم بخبث: خلاص يا ماما اهدى وانا هحاول أقنعه متقلقيش
امينه : كريم بلاش عند وابعد عن أدهم انا خايفة عليك يابنى منه انت عارف باللى عملته معاه مش هيعديها على خير معاك
كريم بضحك : لا لا انا بحب اللعب اوى وخاصة مع اخويا الكبير أدهم المنشاوى
***********
فى الشركة
دخل أدهم الشركة برفقة عشق ومسك ايديها كى يثبت للجميع انها حرم أدهم المنشاوى ودخل بغروره وهيبته المعتادة
السكرتيرة بدلع : اهلا فهد بيه نورت الشركة يا فندم
ضغطت عشق على يد أدهم ولم تنطق كلمة
ابتسم أدهم ابتسامه خفيفة وفهم انها غيرانه
أدهم بجمود : هاتى عصير فرش للمدام وهاتى ليا قهوتى
السكرتيرة بتأفف : تمام يا فندم
دخل أدهم وعشق المكتب الذى يوجد فى جناح خاص به
أدهم بخبث : اى يا عشق كنتى عاوزة حاجة ولا اى
عشق بغضب طفولى : لا مش عاوزة حاجة شكرا
أدهم اكمل بخبث : اصل كنتى بتدوسى على ايدى فقولت يمكن محتاجة حاجة
عشق ولسه هتتكلم ....
السكرتيرة بتدق الباب بشدة : أدهم باشا حسام باشا عاوز حضرتك ضرورى
أدهم بتعجب : خليه يدخل
دخل حسام
حسام بتوتر : ازيك يا أدهم
أدهم باستغراب: مالك يا حسام فى ايه انطق
حسام بتوتر: بصراحة يا أدهم.......
أدهم : ايه اللى انت بتقوله دا وازاى يحصل كدا .....
يتبع ....
ياترى حسام قال ايه لادهم ؟!
ومين المجهول دا ؟!
وياترى ايه اللى هيحصل فى الجاى
دمتم بخير يا احبابى ♥️
#بقلمى / نور ابراهيم ،،
#البارت الثامن
#احببته اعمى
حسام بتوتر : ازيك يا أدهم
أدهم باستغراب : مالك يا حسام فى ايه انطق
حسام بتوتر : بصراحة يا أدهم كانت فى صفقة المفروض تتم كمان يومين وكانت كل حاجة ماشية تمام بس .....
أدهم بغضب : انطق يا حسام بس اى
حسام : بس اكتشفنا ان فى تلاعب فى الحسابات وكدا و الشركة ممكن تتعرض لخسارة جامدة وممكن كمان تعلن افلاسها بسبب اللى حصل
أدهم بعصبيه: ايه اللى انت بتقوله دا و ازاى يحصل كدا فين حاتم بيه وازاى محدش يتابع الحسابات
دخل حاتم على الصوت أدهم العالى
حاتم : فى اى يا أدهم يابنى ليه صوتك عالى كدا
أدهم بغضب : دى الامانه اللى انت استلمتها هتخلى كل تعب السنين دا يروح بخطوة غبية وصفقة فاشلة انت عقدتها مع شركة مش مضمونه انت فاهم انت عملت أى وازاى محدش يتابع الحسابات
حاتم : اهدى بس يابنى فى اى انا مش فاهم حاجة انا متابع الشغل وكل حاجة كانت ماشية تمم
حسام : حاتم باشا حصل لعب جامد فى الحسابات وممكن نخسر كل حاجة فى الصفقة دى وساعتها الشركة هتعلن افلاسها
حاتم : ازاى دا يحصل انا شوفت كل أوراق وحسابات الصفقة و مراجعها كويس
أدهم بعصبيه : حضرتك بتسألنى ايه اللى بيحصل
واكمل ادهم : حسام طايب مين مدير الشركة اللى انتم عقدتوا معاهم الصفقة
حسام : هو مجهول الاسم يا أدهم بس اللى بيشتغلوا معاه هما اللى بيقبلونا وهما اللى بنتفق معاهم فى كل العقود
أدهم:بعصبيه : يعنى ورا الستارة ازاى مجاش فى بالكم ان دا نصب وكمان دى مقصودة من شخص معين بس والله مش هتعدى للى عمل كدا
عشق : اهدى يا أدهم ممكن بس اشوف ورق الحسابات الخاص بالصفقة دى
أدهم : وانتى هتفهمى فيه اى انتى كمان
عشق : هفهم ان شاء الله بس ممكن أطلع عليه الاول
حسام : حاضر يا فندم هجيبه لحضرتك
حاتم : والله يا بنى .....
أدهم بمقاطعة : خلاص الموضوع انتهى وبعد كدا انا اللى هشرف على شغلى شكرا يا حاتم بيه على الامانه اللى اتحملتها
خرج حاتم من المكتب بضيق مما حدث
عشق : أدهم مينفعش اللى بتعمله دا
أدهم بعصبيه : عشق مش وقت نصايح دلوقتى خليها لنفسك انا مش عايز قر*ف
اكتفت عشق بنظرة عتاب تملأها الدموع
دخل حسام : الأوراق اهى يا أدهم
عشق اخدت الأوراق وفضلت تقرأ فيها
وبعد مرور اربع ساعات من العمل الشاق
عشق بارهاق : كدا كل الحسابات اتعدلت والصفقة دى هيكون مكسبها أعلى للشركة
حسام بانبهار : انتى موهوبة جدا يا عشق
أدهم بانفعال : حسام الزم حدودك اسمها مدام أدهم المنشاوى انت فاهم متنساش نفسك
حسام بزعل : اسف يا أدهم استأذن انا وخرج حسام من المكتب
عشق : أدهم مكنش له لزوم اللى حصل دا يا أدهم هو مقلش حاجة
مسكها أدهم من دراعها جامد : ايه عجبك ولا اى شايفك بتدافعى عنه يعنى
عشق بغضب : ايه اللى بتقوله دا يا أدهم الزم حدودك وبعدين انا مغلطش عشان تكلمني كدا
أدهم وهو بيشدد على دراعها بقو*ة: انتى نسيتى نفسك ولا اى يا ر*خيصة انتى فاهمة انتى بتكلمى مين
عشق وهى بتبكى : سيب ايدى بقى حرام عليك انا زهقت من المعاملة دى بتاعملنى كأنى عبد عندك انت ايه يا اخى حس بقى شوية هتفضل طول عمرك وحيد انت بتكره الشفقة من الناس اللى حواليك بس انا فعلا بشفق عليك بس مش عشان اللى حصل انا بشفق عليك عشان انت مريض فى نفسك بعد اللى حصل ليك ولسه غرورك مستمر بتفرح اما تكسر اللى قدامك انا من يوم م دخلت قصر المنشاوى اقصد سجن المنشاوى وانا مستحملة تصرفاتك اللى بتتغير بين دقيقة والتانية بس انت ايه دايما بتجر*حنى وتهينى بحاجة انا مليش ذنب فيها مليش ذنب ان اخويا رمانى لواحد زيك مغرور معندوش قلب انا حاولت اغيرك عشان تبدأ تعيش حياتك من جديد بس انت عمرك م هتتغير وهتشوفنى دايما انى واحدة اشتريتها بفلوسك و هنا انهارت عشق من البكاء
ولكن وقعت كلماتها على أذنيه كالصاعقة
أدهم وهو بيقرب منها : عشق خلاص اهدى انا مكنتش اقصد صدقينى انا كنت متعصب من الشغل وانى مش فى ايدى حاجة اعملها بسبب اللى انا فيه دا وبعدين حسام زودها بردو ازاى يقول اسمك من غير مدام وانا وقفته عند حده
عشق بعصبيه : ودا ليه يعنى ليه مش عايز حد ينطق أسمى ولا اكلم حد ولا اتعامل مع حد انا حاسة انى فى سجن ليه بتعمل كدا
أدهم بإندفاع : عشان ........
ولكن سكت لبرهة ...
عشق : عشان ايه يا أدهم بيه انطق عشان تذلنى وتشوفني مكسورة صح
أدهم بعصبيه : عشق خلاص اسكتى مش عايز اسمع صوتك انتى فاهمة وقومى يلا عشان نمشى
عشق وهى تمسح دموعها وحاولت ان تتظاهر بالجمود : يلا يا أدهم باشا
أدهم : عشق متتكلميش بالاسلوب دا
عشق ببرود : م انا بتكلم كويس اهو
أدهم بغضب : طايب اطلعى برا وخلى السكرتيرة تبعت حسام
عشق : تمام
وبالفعل خرجت عشق ولكن كانت تفكر على معاملة ذلك الادهم لها ف احيانا ترى الأمان و الحنية معه وأحيانا القسوة والجمود قاطع تفكيرها صوت حسام
حسام : مدام عشق انا اسف جدا لو سببت لحضرتك مشكلة بس انا قولت اسمك قدام أدهم لانى اعتبرتك اختى
عشق بابتسامه باهته : ولا يهمك بس أدهم عايز حضرتك جوا
حسام : تمام انا هدخله وبعتذر لتانى مرة
جلست عشق تنتظره ولكن يخطر فى بالها الف سؤال وسؤال تجمعت دموعها على حالها الذى كان اخوها سببا فيه
*************
فى قصر المنشاوي ،،
كريم : ايه عملتى اللى قولتلك عليه
السكرتيرة : ايوة يافندم وكله تمم
كريم : لو عرفتى اى جديد عرفينى علطول
السكرتيرة : ماشى يا باشا بس حصلت لخبطة انهاردة كدا بس مقدرتش افهم حاجة من اللى حصل
كريم : لا لا انا عاوزك تعرفى كل حاجة وكل متجيبى اخبار تعجبني المبلغ هيزيد
السكرتيرة بطمع : حاضر يا باشا
كريم : لازم اللى خططت له ميروحش على الفاضى انتى فاهمة
حاتم : كريم !!!
كريم بخضة .......
ملحوظة دى سكرتيرة أدهم فى الشركة
يتبع .....
دمتم بخير يا احبابى♥️ + عاوزة رأيكم
#بقلمى/ نور ابراهيم
حلوه قوي
ردحذفكملي حلوة قوى
ردحذف