 |
رواية حين تقع في الحب الجزء الرابع البارت التاسع بقلم ندي علي حبيب في موسوعة القصص والروايات جميع الفصول كامله وحصريه
حين تقع في الحب 4
البارت التاسع
الكاتبه / ندي حبيب
نور بصدمه وهي مسكه بطنها :غسااان الحق ومسكت ايده وحطتها علي بطنها شووف بيتحرك ازاي
غسان بيتنفس بسرعه بغضب:انسي ان هخلف تاني
نور بستغراب:ليه ؟!
غسان بغضب:صرخت قطعتني الخلف انا قولت حد جي يموتك منك لله
نور بضحك :ما دي اول حركة ليه في بطني ولازم اعرفك ولا اي يا حضرت المقدم
غسان بعشق :حصل يا حرمي المصون وباس خدها نركز في الطريق شويه بقاا علشان نلحق نوصل
نور نامت علي الكرسي :خلاص ركز وانا هنام
...........................
بعد وقت كبيرررر وصل الكل عند الجبل وكان هناك الجو برد بطريقة رهيبه والبيوت هناك عباره عن طابق واحد لكن البيت كبيرر جدا والهو كفيل انه يطير الانسان
ندي اول مانزلت :لالالا رجعوني تاني يا ستي ايه القطب الشمالي اللي انا جيت فيه دا
حبيبه وسنانها بتخبط في بعض ومربعه ايدها اووي:سقعااااانه همووووت بجد اي دا
نيرا وهي نفس حال حبيبه :روحووووني مقدرش اعد ساعه كمان
اسر :طيب يلااا ادخلو علي البيت علشان البرد فعلا لا يطاق واحنا هنجيب الشنط وفعلا مسكو ايد بعض ودخلو وعاصي مركز مع ندي اووي
اسر وهو بيشيل الشنط:اللي واخد عقلك يا باشا
عاصي ببتسامه:مش عارف بس مختلفه عن الكل بتضحك وبتهزر بس حاسس انها مش كدا بس حتي لو مش كدا هي متقنه اووي في الدور اللي رسماه
اسر بص ليه شويه ورجع قفل العربيه :بص مش هشجعك واقولك فعلا هي كدا بس اعرف دي مين وجايا ليه قبل ما تاخد خطوة تخليك تندم سنين قدام
عاصي بلخبطه : اول مره اكون خايف انا مش عارفها غير من يومين تلاته وقلبي اتعلق بيها انت متخيل
غسان نزل وهو ضامم نور لحضنه :اي يا بشوات وقفين في البرد دا ليه
قاسم وهو ضامم ياسمين :معجابين بالجو لانه فعلا تحفه برد شويه بس جامد
نسمه اللي بتترعش وضامه زهره :البيت بعيد كدا ليه انا شويه وهتجمد اي البرد دا بجد
يمني :انا حاسه ان احنا جينا مكان غلط
عمر اللي شايل نورهان :يلااا ياض الواحد حاسس نفسه 190 كيلو
نورهان ضربته في ضهره :تقصد اي يا عمر ان انا تقيله يعني
عمر :لاء يا حبيبي لا سمح الله دا انتي خاسه اووي اليومين دول مبتكليش حلو يا روحي
الكل ضحك ودخلو علي البيت لقو ندي وحبيبه ونيرا قعدين قدام الدفايه وبيرتعشو نور ويمني ونسمه ونورهان وفرحه وزهره جريو يعدو قدام الدفايه يدفو
ندي بصوت عالي ومرح:بالله اللي هيقرب مني لحطه جوا الدفايه انا مصدقت ادفيت شويه
عاصي بعمزه :هو حضن مني هتحسي انك في جهنم علطول
غسان ضربه برجله :اتلم يا غالي علشان مش عاوز اقل منك واحذر ان قولت الكلمه دي كتير اللهم ما قد بلغت
عاص رفع ايده :اللهم ما اشهد بس بعرفها ان الدفايه دي مبتعملش حاجه مش اكتر
قاسم :الصلاة علي النبي بقااا عوزين نعرف هنعيش ازاي في الجو دا
عمر :مكنتش متخيل ان الجو هيكون برد اووي كدا السنه اللي فاتت كان الجو تحفه السنه دي برد بطريقه زفت
محمد مربع ايده وقاعد علي المجلس الارضي :هو فعلا الجو برد بس حلو يعني استجمام كدا
سيف برتعاش:بس انا متجمد ايدي مش راضيه تعمل حاجه خالص
يمني اخدته في حضنها قدام الدفايه :تعالي في حضني ادفيك يا قلب ماما
غسان :انا بقول اللي عاوز حاجه يعملها بس في الحدود وبص لأسر وعاصي
عاصي وقف بسرعه :انا هروح العين اعوم شويه
حبيبه ونيرا وزهره :معاااااااك
غسان :احنا جاين نتبسط عوزين الرحله تبقي هزار وضحك مش عاوز ازعل حد البنات لبسكم يكون محتشم واظن كلامي واضح
البنات :حاضر
عاصي : طيب انا رايح دلوقتي العين اللي عاوز يجي يجي وبص لندي اللي فهمت
ندي بخوف :متبصش ليا كدا انا ماليش في البحر ولا المايه بخاف منها
عاصي بستغراب :ازاي بس دي عين يعني كبير جدا وكمان المايه بتاعتها سخنه وتخلي عضلات جسمك يفك
حبيبه برجاء:والله هتتبسطي اووي يلا بقا تعالي
نيرا :مش هتندمي لما تجربي يلا
ندي بقلة حيله :معاكو وامري لله وراحو يغيرو
الرجاله بصت لحريمهم
نور بسرعه لغسان :اوعاااا حد يطلب مننا اكل احنا جاين نتفسح مش جاين نعد في المطلخ مش هيبقي هناك وهنا
يمني اللي حضنه سيف اللي نام علي رجلها :انا مع نور في الكلام دا اللي هيطلب مني كوباية مايه حتي هولع فيه وهو حي
ياسمين بمرح :انا كدا كدا تعبانه مش قادره اقوم
نسمه بصت لقاسم :امين يا باشا
نورهان لسه هتتكلم
عمر بضحك:بس انتي كدا كدا قعده هناك قاعده وهنا قاعده الكل ضحك عليها
غسان بص لنور بعدم فهم :يعني مين اللي هيأكلنا يعني احنا هنا اسبوع واكيد مش هنعيش من غير اكل !
نور بلا مبالاه :لاء يا حبيبي اكيد مش هنعيش من غير اكل عندك المطبخ اهو ادخل واعمل اللي نفسك فيه وانا حالياً هطلع اغير علشان تخدني تسهرني في مكان
غسان : بغض النظر عن موضوع الاكل دلوقتي مكان اي بقا يا ست هانم اللي عوزه تسهري فيه
نور بحماس :قعدة بدويه وعوزه اكل لحمه خروف وطماطم مشويه علي الفحم
غسان بص للرجاله :طيب يا رجاله جاين ولا قعدين
نسمه ويمني ونورهان وياسمين :ودي عوزه كلام جاين اكيد
عمر وقاسم ومحمد :الرجاله ردو اهو ياعم
قاسم :وماشاء الله ياسمين اختي انضمت للحزب بدري اووي
ياسمين :بتقول حاجه يا قاسم
قاسم :ولا فتحت بوقي ياقلب قاسم
نسمه جواها غيره من كلام قاسم واهتمامه بياسمين بس بتحاول تنكر دا
غسان بص في ساعته :يبقي خلال نص ساعة من دلوقتي الكل يكون جاهز
الحريم كل وحده دخلت اوضتها بشنطتها وبدأت تجهز
غسان :سيبي الشنطه يا نور هدخلها انا علشان تقيله
نور ابتسمت ليه وهو اخد الشنطه دخلها قوضتهم اللي عباره عن قوضه كبيره فيها حمام كبير وسرير كبير ومكان للقعده والجدران فيها شبابيك زجاج مغطيه بستاير تقيله ومع الجو البرد دا والمتظر الخارجي كانت القعده مريحه جدا للأعصاب
فرحه اللي قعده قدام الدفايه لوحدها بسرحان في كل حاجه في حياتها
عمر قعد جنبها وحط ايده علي كتفها :مش بقولك وضعك مش عاجبني احكي في اي
فرحه بصت لعمر :انا كويسه يا بابا بس زي اي حد مرهق وتعبان
عمر بهتمام :ومرهقه وتعبانه من اي
فرحه بتنهيده كدابه :من الدراسه ومن وو
عمر بمقاطعه :مش عاوز كذب يا فرحه انا طول عمري بتعامل معاكي كاصديقه وعمري ما حولت امد ايدي عليكي يبقي خليكي صريحه معايا
فرحه بمرح :عشه جنيه وهقول كل حاجه
عمر بضحك :مضيعيش الموضوع طيب مرحتيش مع ولاد عمك ليه العين
فرحه بتهرب :الجو برد والمايه سخنه ولو نزلت هاخد برد وانا عوزه اتبسط في الرحله دي
عمر بتنهيده :مش هضغط عليكي في الكلام بس لما نحبي تكلمي انا عمر بس مش ابوكي تمام
فرحه :ماشي يا ابو فرحه
........................
عن العين
ندي بتبص لعاصي اللي عريان الصدر :ما تستر نفسك يا جدع انت في اي مفيش احترام
عاصي ابتسم ليها وعلي وشها الاحمر و نط في المايه
اسر وهو مركز اووي في غوط المايه:عاصي متبعدش المايه غويطه اووي ولو بعدت هيبقي حوار تاني احنا في غني عنه
عاصي وهو بيعوم بمهاره :متقلقش
اسر مسك ايد حبيبه ونزلها وزهره ونيرا نزلت
حبيبه بفرحه :واو المايه جميله اوووي دافيه كدا يا حب...احم يا اسر ... ندي يلا تعالي
ندي بخوف :بصي انا اصلا مبعرفش اعوم يعني عوم كلابي كدا لازمتها اي انزل انا هفضل اشوفكم من هنا
عاصي طلع من المايه وفضل يقرب عليها بنظره صقريه وهي بترجع ورا
ندي بخوف :في اي بتعمل ايي اااااااه ونزلت المايه
عاصي نزل وراها ومسكها وثبتها في المايه :حركي رجلك وثبتي نفسك علشان متغرقيش
ندي بتكح وبتبعد عنه :يا متخلف كنت هغرق منك الله
اسر شد عاصي وهمس:متلمسش البت واتأدب علشان ابوك خلقه ضيق
عاصي بغيظ :انت بتعايرني يعني ان ليا اب ولا اي
ندي شويه طلعت قعدت علي الشط وجسمها متلج وبتترعش اوووي غير خوفها من المايه
وحبيبه ونيرا وزهره مبسوطين اووي بالمايه وحبيبه بتلعب مع اسر وهو يغرقها ويرجع يجبها تاني ويضحك عليها اووي
عاصي لمح ندي بتبعد عن الشط ورجليها زرقه راح طلع من الميه وراح وراها
ندي قعدت علي شازلونج برتعاش وبتحاول تدفي نفسها
عاصي ايجة من وراها :ندي انتي كويسه مشيتي ليه؟!
ندي بصت ليه وسنانها بتخبط في بعض :غطيني بسرعه بردانه اووي
عاصي جاب كام فوطه وغطاها ومسك فوطه بينشف شعرها ورجليها ببعض الخوف: ندي انتي عندك حساسيه من القعده في المايه صح ؟
ندي برتعاش :المايه دواء لكل حاجه الا انا بتتعبني ومبحبش اعد فيها ولما كنت بروح مصيف اخري العب في الرمل او اتصور عمري ما فكرت انزل البحر او حمام سباحه حتي وكملت بغيظ وانت زقتني في الميه شبه الطوبه
عاصي ببتسامه:طيب بصي انتي لازم تغيري هدومك دي علشان طول ما هي مبلوله وانتي هتفضلي بردانه روحي غيري وانا هجيب ليكي حاجه تدفيكي يلا
ندي قامت وهي لفه الفوط عليها وراحت لبست بنطلون اسود وجاكت طويل اسود بامب (منفوخ ) ونشفت شعرها ورجعت مكانها
عاصي كان جاب كوباية شاي سخنه تشربها
عاصي ناولها الكوبايه :امسكي اشربي الكوبايه دي هتساعدك علشان تدفي شويه
ندي بصت ليه برتباك :متشكره عرفه تعبتك معايا .... بس انت اللي خليتني انزل المايه يعني الغلط عليك من الاول اصلا بص انا بسحب الشكر بتاعي
عاصي بضحك :التغيييييير في ثواني ابدعتي يابنتي والله المهم احكيلي شويه عنك بقا يا ست ندووش
ندي بستغراب وارتباك اكتر :احكيلك اي عني يعني ؟
عاصي :اممم نبدء بجيتي القاهره ليه اصلا ؟ علي ما اظن كنتي عايشه في قاريه صح؟
ندي بتنهيده :صح الدقهليه بس اختي الصغيره تعبانه كانسر وجايا هنا علشان هتاخد اشعاع ذاتي علي المخ وانا وماما لازم نكون معاها
عاصي بحزن :ربنا يشفيها يارب وهتفضلو علطول علي ما اظن بقاا
ندي رجعت راسها لورا وبصت لسما :مش عرفه لسه يعني جدي مش موافق اننا نفضل هنا وعاوز يرجعنا ويفضل هو مع عزه بس هي رافضه وعوزه ماما يعني احنا ممكن لما نخلص الجلاسات و نمشي علطول
عاصي بصدمه :اي دا تمشي لييه ؟
ندي برتباك :هو اي اللي ليه يا اغبي اخواتك ما هو هيبقي لازمة القعده هنا اي وخصوصا ان جدي تحسني عدوته مش بنت ابنه خالص واعمامي ناس صعبه اصلا في البلد وبص حورات
عاصي بتركيز :وولدك فين بقا
ندي بكسره :بابا متوفي من وانا عندي 6 سنين بابا وماما كانت قصة حب كبيره علي فكره
عاصي ببتسامه مرتبكه :احم و وانتي بقاا عندك علاقة بحد يعني مخطوبه او مرتبطه او حاجه يعني
ندي بتنهيدة حزن :وان رجع بيا الزمن لسنه بس كان كتير اووي في حياتي هيتغير كنت هعيش سني زي اي طفله وبلا مسؤليه وبلا حاجه تزعلي بس المشكله ان الزمن مستحيل يرجع تاني
عاصي برتباك وخوف :بس مرداتيش علي سؤالي برضو ؟
ندي بصت ليه بهتمام :لاء مش مرتبطه ولا علي حبيبت ولا هحبك ولا بحب ولا جاهزه ان ارتبط يا عاصي وقامت سابته وراحت عن حبيبه
عاصي بص عليها :نفس توقعاتي يا ندووش الداخل غير الخارج شرسه اووي من برا بس غريبه من جوه وضحك عليها وقام يتمشي شويه
ندي مشيت شويه وحطت ايدها علي قلبها بوجع :بلاش تدق ليه انت اتألمت اووي وانا اللي بدفع التمن لالالا مستحيل احب تاني انا دمرت طفولتي بإيدي ومستحيل هدمر مستقبلي كمان
حبيبه ايجة ليها :غيرتي ليه يا بنتي كنا عوزين نفضل شويه كمان
ندي :والله يا حبيبه القعده في المايه بتتعبني علشان كدا طلعت المهم العبي انتي وانا هستناكو هنا
حبيبه :لاء اصلا البنات راحو يغيرو وهنروح نكمل قعده في البيت يلا تعالي نروح ليهم
ندي لقت اسر بيبص علي حبيبه ومبتسم
ندي بخبث: اوبااا دا باين في عاشق ولهان هنا
حبيبه بخجل بصت علي اسر :انتي مفيش حاجه مش بتخدي بالك منها ابدا
ندي بضحك :ما انتو وضحين اووي بس اي احكي ليا بقاا
حبيبه شدتها :بليل في السهره هحكيلك الحكايه كلها يلا بقا نروح ليهم
ندي راحت معاها تشوف البنات واسر راح يشوف عاصي فين
........................
الرجاله كل واحد نزل بمراته قدام خيمه كبيرره اوووي في وسط الجبل والكل في المكان لبسين لبس زي الخليج وفي ناس بتشوي وناس بتاكل والكل مبسوط اووي والقعدات هناك ارضيه
غسان لشيخ القبيله :السلام عليك يا شيخنا معاك المقدم غسان الالفي
الشيخ :يا هلاااا يا هلاااا نورت مكانك با سيادة المقدم والله ليك وحشه كبيره اتفضل اتفضل وسلم علي محمد وقاسم وعمر
غسان حاوط خصر نور ودخل علي جوا قعدو
قاسم :نطلب اكل دلوقتي ولا ايه يا جماعه
عمر بص لنورهان :هااا نطلب ولا شبعانه
نورهان :اطلب ياعمر في اي انا جعانه علطول مش موضوع تاخد رأيي فيه خالص
نور بصت لغسان ببرائه :غسان خلي الراجل يكتر الطماطم علشان بحبها اووي
غسان بحب :حاضر يا عيون غسان هجيب اللي انتي عوزاه وقام هو ومحمد وفعلا طلبو اكل
ياسمين قربت من البنات :بنات بصو كدا علي اليمين بسرعه
كلهم بصو ورجعو بصو ليها تاني
نور بضحك:مين الراجل الحلو دا يبنات
يمني :مش حلو ولا حاجه هو زي القمر بس
نورهان :تحسي حاطط روج شفايفه حلوه عن شفايفي
نسمه :ولا شعره ايه الحلوه دي يا ابا الحج مش عيب علينا كدا
ياسمين بضحك :الراجل عليه ضحكه تجيبك من قسم شارع الهرم
البنات ضحكو اووي ودا خلي رجالتهم تستغرب
قاسم بص لشباب:هما مبلمين كدا ليه في اي وبيضحكو كدا ؟
عمر وهو بيشرب شيشه :علمي علمك يا اخويا والله
محمد وهو بيمسح لسيف بوقه :يجدعااان اسكتو احنا نتقي شرهم ونسكت ونعيش اخنا
غسان بص ليه بضحك:انت عامل شبه المرضعه ليه كدا شايل مناديل وشنطة بيبي في اي
محمد بغيظ:يا راجل قول كلام غير دا في حد قال مره حكم القوي علي الضعيف وانا الضعيف هعمل اي
عمر :لاء وانت الصادق زي احند جوز سلوي اهتي رحت ليهم في يوم لقيته بنشر الهدوم المهم يقولي اي اقلع الجزمه برا يا عمر والنبي لسه ماسح وقتها انا مسحت البلاط من الضحك
محمد :صحيح اسكت مش البيت بتاعهم ولع وامه راحت العنايه وكان يوم
عمر :الحمدالله انها جت علي قد كدا بس خالتي سعاد طلعت وكويسه يعني وانا كلمت احمد
الكل بص ليهم بصدمه
غسان بص لقاسم :هو كلامهم دا عادي الوليه كانت هتموت واحنا نسايب وحتي مقالوش زمان الراجل بيقول علينا اي الوقتي
قاسم بص ليهم :حتي لو هنتصل هنا مفيش شبكه لعنت الله عليكم يابعده
غسان :لما نرجع ناخد بعضنا ونروح ليه هناك بقا وخلاص
نور راحت لغسان وقعدت جنبه براحه :غسان
غسان :عيونه
نور بخجل وهمس ليه : عوزه ارقص
غسان مسك ايدها بحب باسها لقاها برده حطها في جيب الجاكت بتاعه يدفيها :طيب يا حبيبي لما نروح ارقصي زي ما انتي عوزه
نور بصت ليه بعبوث:بس انا عوزه ارقص هنا وانت تشوفني ما الكل بيرقص اهو عادي
غسان بينفخ في ايدها بهدوء علشان يدفيها ليها :بصي يا حببتي انا مليش دعوه باللي برقص واللي بيبوس واللي بيعمل وبيسوي انا ليا دعوه بمراتي وبس وان اللي بيرقصو دول لو اجوازهم كانو موافقين علي رقصهم فا انا مش هوافق علي ان مراتي ترقص والناس تتفرج وانا قاعد هنا مبسوط لما نروح وعوزه ترقصي هنرقص لصبح لكن هنا لاء
نور بصت ليه بهتمام وقربت منه اووي وهو حضنها :انا بحبك اووي ...يمكن اكتر من نفسي ...اهتمامك ..حنيتك ..خوفك ..حبك ..غيرتك كل الحجات دي انا بحبها منك اووي
غسان بحب وهو بيضمها علشان يدفيها :ولو انا مهتمتش وحبيت وغيرت وخوفت عليكي هعمل كل دا لمين انتي نفس كنت خايف اخده بس لما اخدته طلعت ان كنت من غيرة ميت من الاخر انتي ادمان صعب العلاج منه
......................
نسمه :قاسم مش عوزه اكذب عليك بس انا غيرانه اووي
قاسم بص ليها بستغراب :غيرانه من اي ؟
نسمه :من علاقتك بياسمين يعني بتحميها وتخاف عليه وسندها انا كنت اتكني يكون ليا اخ زيك بجد يعني انتو حاجه حلوه اووي كنت اتمني يكون عندي زيها
قاسم حضنها :وانا اخوكي وابوكي وحوزك وكل حاجه يا نسووم ولا اناي عندك رأيي تاني
نسمه بضحك:فشرررر
......................
نورهان :ياعمر الاكل اتأخر والله بقاله ساعه
عمر :انتي بتعدي الدقايق
نورهان :علشان اتأخر يمكن الراجل نسي قوم فكره تاني
عمر بضحك :يا حببتي افهمي الخاروف لما بيخلص من الشوي هيجيبوه ويبدؤ يوزعم طلبات الامل بقاا
نورهان :هصدقك بس لو اتأخر ربع ساعه كمان هتقوم تشوف ماشي
عمر بضحك :نوري انتي شايفه الناس بتحب في بعض ازاي وقعدين في رومانسيه ازاي جربي يا روحي تبقي زيهم
نورهان بلوي بوظ:ايه محن الكلاب دا يا عمر احنا ناس متطوره يا حبيبي دور علي الاهم
عمر :واي الاهم دا علشان ادور عليه
نورهان وهي بتبل شفايفها بلسانها :الامل يا روحي مفيش احسن منه
عمر بص ليها شويه واتفتح في الضحك :اسكتي يا حبيبي مش عاوز افكر في حاجه خالص
.....................
محمد شايل سيف علي رجله وسيف بيلعب بفون ابوه ويمني تحت دراعه :محمد انا بنام
محمد بضحك :والله وانا كمان شويه وهتلاقيني نمت علي نفسي
يمني :الجو ساقع وجميل ومع البروده دي حاسس انك هتموت وتنام
محمد :امممم بس ناكل الاول وبعدها نمشي علطول
يمني :ايوا الاهم ناكل
سيف بص لابوه :بابا انت كنت بتكلم مين الصبح وبتقوله حبيبي
محمد بص ليمني:فيلم جديد والله انا مكلمتش حد اصلا النهارده
يمني بضحك :انت بتجيب الكلام دا منين يا سيف
سيف ببرائه :من عاصي
محمد :منك لله يا عاصي الكلب الواد ماشي ينشر فيروسه بين العيال
ياسمين بصه ليهم ولكل واخد ومراته وقلبها واحعها وقالت في نفسها :كنت احلي واجمل قصة حب بس كل حاجه ليها وقت وتنتهي حتي عمري وقته اتنهي وبقيت عايشه علي حلم كداب بس الحلم حلو علشان انت معايا يا ادهم بس ادهم جوزي الحنين حبيبي اللي معايا مش القاسي البارد وقطع تفكيرها نورهان
نورهان :يلاااا يا سوسو الكل اتحط يلاااا
ياسمين بضحكة حزينه :بتحبي الكل اووي ومش باين عليكي حتي
الكل قعد وفضلو يكلو ومبسوطين اووي غسان بيقطع لنور اللحمه وبيخط في طبقها علشان تعرف تاكلها ونور عماله تاكل طماطم كتيرر وغسان اداها بتوعه كمان وفضلو يكلو في جو مرح وضحك وحب
( نكمل بكرا يا بنات واسفه علي التأخير اوووي )
"اوعي تفكرو ان الانسان اللي بيضحك دا مبسوط ، بالعكس دا بقا اكتر انسان جواه حرب وصراع ملوش نهايه ، بس احنا بشر يعني لازم نضحك في اصعب الاوقات علشان نهون علي نفسنا وعلي غيرنا ، بنحتاج حنينه وكلمه حلوه علشان نعرف نمشي يومنا ، بس محدش بيفكر كدا ، يعني انا بحب الشخص اللي بيهتم لحاجه بحبها بحبه اووي ، وبلاقي نفسي من غير مقدمات بتكلم معاه وبحكي اللي جوايا ، وفي النهايه محتاجين حد حنين في حقنا علشان لما نزعل نكون عرفين انه هيجي يطيب خاطرنا"✨🖤
تعليقات
إرسال تعليق