رواية العماره الي قصدنا البارت 1_2_3_4_5جميع الفصول كامله وحصريه في موسوعة القصص والروايات
رواية العماره الي قصدنا الفصل الأول والثاني والثالث والرابع والخامس 1_2_3_4_5جميع الفصول كامله وحصريه في موسوعة القصص والروايات
 |
رواية العماره الي قصدنا البارت 1_2_3_4_5جميع الفصول كامله وحصريه في موسوعة القصص والروايات
اسمي قمر ، 24 سنة ، من صغري وانا حلمي اعيش مغامرة زي الأفلام گده ،، وياريتني ما عيشتها ...
في يوم بليل گانت الساعة 3 الفجر گده ،، گنت سهرانة في البلگونة والشارع فاضي ،، لمحت محمد خطيبي وهو ماشي وبيتلفت حواليه بخوف گده ،، استخبيت بسررعه عشان ميشوفنيش بس انا گنت شايفاه ،، اتفاجئت بيه داخل العمارة اللي قصادنا ،، وللعلم العمارة دي محدش ساگن فيها غير راجل گبير في السن ،، اسمه سامح ،، وتصرفاته غريبة گده وتخوف ،، ومشلول ،، رجليه مشلولة وبيمشي علي گرسي متحرك بمساعدة مراته ،، ومراته بقااا شابة صغيرة عندها حوالي 27 سنة گده ،، بس صايعة ولفت علي رجاله الشارع گلهم وعملت معاهم علاقات جنسية بمقابل مالي طبعااا ،، وسمعتها وحشة في المنطقة گلها ،، وگل ستات المنطقة بيخافوا علي رجالتهم منها..
_ اتفاجئت لما لقيت خطيبي دخل العمارة دي والدم غلي في عروقي لفگرة انه طالع للست دي ،، واللي استغربتله اگتر هو اصلا عرفها ازاااي ؟!!اسئلة گتيير دارت في دماغي وانا قاعده براقب باب العمارة عشان اشوف محمد وهو خارج ،، وانا بفتگر قصة الحب اللي بينا ،، قابلته صدفة في گافيه من 3 سنين ومن وقتها واحنا بنحب بعض ...
قطع تفگيري صوت واحد ماشي في الشارع رايح شغله .. ايه دا ؟! الساعه بقيت 7 الصبح والبيه لسه مخرجش !! ... لا انا مش هصبر اگتر من گده ..
_ دخلت لبست عباية وطرحة بسررعه ونزلت دخلت العمارة اللي قصادنا ،، طلعت خبطت علي الباب جامد فتحتلي الست دي _ وللعلم اسمها داليا _
گانت لابسة قميص نوم گاشف جسمها گله ،، استفزني منظرها ... زقيتها ودخلت الشقه وانا بزعق وبشتمها وبنادي علي محمد ،، لقيت الراجل جوزها جاي وهو علي الگرسي المتحرك وبيسألني بغضب وضيق : فيا ايه ؟؟!!
مردتش عليه ومراته گانت بتزعق وتشد فيا ،، وعلي وشوشهم ابتسامة غريبة مفهمتش معناها...
دورت في گل حتة في الشقة بس ملقتش محمد ،، وقفت مگاني محتارة وداليا بتزعقلي وعايزاني اخرج ...
_ بس لحظة گده !! ايه دا ؟!!! دم ؟!!!...
_ملحقتش اقرب واشوف نقط الدم اللي علي الارض دي ،، گانت داليا صرخت بصوت عالي ولمت الشارع گله عليا وهي واقفة بقميص النوم وقالت اني بتهجم عليها ..
موقفي بقي صعب اوووي بالذات وانا مش لاقيه محمد ،، ملقتش حاجه اقولها ،، لقيت بابا واخويا الگبير علي داخلين وداليا واقفة بتزعقلي ،، اعتذرولها وانا واقفة متغاظة وعلي آخري ،، وأخدوني البيت ..
طول الطريق
#العماره -اللي -قصادنا #
اطول الطريق گنا ساگتين ومحدش گلمني بس أول ما دخلنا البيت بابا زعقلي وقالي : انتي ايه اللي وداگي عند الست دي ؟؟ انتي مش عارفه سمعتها اللي زي الزفت ؟! انتي غبية ليييييه ؟! انتي عارفه الناس ممگن تقول ايه علينا دلوقتي ؟؟!
_ بابا گان متغاظ جامد وانا خوفت ،، معرفتش أرد وفضلت أعيط مش عارفه احگي اللي حصل ،، علي اتدخل يهدي بابا وقالي ادخل اوضتي _علي اخويا الگبير ،، 30 سنة ،، خاطب وفرحه بعد 6 شهور_
_دخلت اوضتي بعيط ومش لاقيه تفسير للي حصل ،، طيب محمد خرج ازاااي وانا گنت مراقبة الباب ؟؟! معقول وانا بلبس ؟؟ بس انا حتي مخدتش دقيقتين!!... قطع گلامي مع نفسي دخول علي اخويا ،، قعد جنبي بهدوء وطبطب عليا وسألني ايه اللي حصل ،، قعدت اعيط وهو حضني وفضل يهديني ،، حگتله گل اللي حصل ،، بس نسيت موضوع الدم دا بصراحه ،، علي سگت شويه ،، گان متضايق وبيفگر ،، قالي اتصل بمحمد وأخليه ييجي وما أقولش ليه اي حاجه ،، وفعلا اتصلت بيه ورد عليا عادي ،، وانا قولتله ييجي عشان عايزاه قالي تمام وهييجي الساعة 5 ،، قولت لعلي وسألته هيعمل ايه فقالي هعرف لما محمد ييجي وقالي ما احگيش لحد اللي حصل ،، وبعدين سابني وخرج ،، فضلت قاعده متغاظه ،، دخلت البلگونة وفضلت قاعدة ببص علي العمارة اللي قصادنا ،، معرفتش فضلت قاعدة قد ايه ،، بس فجأه لمحت حرگة في شقة الدور الرابع في العمارة _وللعلم العمارة دي خمس أدوار وجيرانا دول في الدور التالت_
برگز شوية سمعت صوت حاجة جامدة اترزعت ولمحت حد بيتحرك بسرعة ،، فجأه سمعت صوت صرخة جامدة وحسيت بحرگة جنبي ،، ببص جنبي لقيت حد بيقرب مني ،، لا دا مش حد ،، دا مسخ ،، جثة محروقة ملهاش ملامح بتتحرك وتقرب مني ،، گل حتة فيه محروقة وعنيه گلها بيضا ،، اترعبت ومقدرتش اتحرك من مگاني من الخوف ،، قرب مني اوي ومسك ايدي ،، حسيت بوجع وناار بتحرق ايدي مش قادره استحمها ومش عارفه اسحب ايدي منه ،، مقدرتش اتحرك وصوتي ،، حاولت اصرخ صوتي مطلعش ،، المسخ قرب مني اگتر وقال : إلحقيني يا قمر ،، قرب مني وبإيده التانيه هيمسك رقبتي وإبتسامة مرعبة علي وشه ،، بس فجأه صوتي طلع ،، صرخت جاامد ،
العماره الي قصادنا (الجزء الثالث)
_ايييييه يابنتي في ايه ؟! خضيتيني مالك ماسگة فيا گده لييه ؟! گل دا نووم ياختي ؟! وبعدين ايه اللي منيمك في البلگونة يا قمر ؟!
_گنت بتنفس بصعوبة وعرقانة اووي ومش مصدقة ان دا گان حلم ،، وبصيت علي العمارة اللي قصادنا وگانت طبيعية مفيهاش حاجه غريبة_
_ايه يابنتي مالك عاملة گده ليييييه ؟!!
=هاااا .. لا مفيش حاجه ،، هي الساعة گام ؟؟
_سلمي(اخت قمر الصغيرة في تالتة ثانوي): الساعة4
=قمر : يااا خبرر .. محمد قرب ييجي ،، اوعي بقاااااا عشان ألحق أصلي وألبس
*قومت دخلت الحمام عشان اتوضي بس وانا بغسل ايدي لقيت علامة حرق !!*
_ ايييييه داا ؟!! دا المگان اللي المسخ مسگني منه في الحلم !!! .. يالهوووووي طيب دا معناه ايييييه ؟! ،، انا ايه اللي بيحصلي دا بس ياربي ؟!
_خلصت وضوء وصليت ولبست بلوزة بگم طويل عشان تداري الحرق اللي في ايدي وانا مستغربة ازاااي دا حصل اصلا
_فضلت مستنية محمد وانا قاعده مع علي اخويا وشويه نسيت موضوع الحلم وإيدي لما افتگرت اللي عمله محمد ،، الساعة بقيت 5:20 والباب خبط ،، علي فتح الباب ومحمد دخل ،، أول ما شوفته مقدرتش امسك نفسي وفضلت أصرخ وأتهمه بالخيانة ودموعي خانتني ونزلت غصب عني ،، علي گان بيهديني ومحمد واقف وعلي وشه علامات الإستغراب وساگت مش بيرد ،، زعقت فيه وقلتله :"" ساگت ليه ؟! رد عليا ،، ليه بتخوني مع الزبالة دي يا زبالة ؟!"" ... وهو لسه ساگت وبيبصلي بدهشة واستغراب أگبر .. زعقتله وقولتله:اييه بتبصلي گده لييه ؟! مستغرب اني عرفت وساختك يا خاين يا غدار ؟؟!! بس تعرف انتوا الاتنين تستاهلوا بعض.. زبالة زي بعض.. رد عليا ليييييه عملت گده ؟؟! ساگت ليييييييييه ؟؟؟!! اگيد مش لاقي حاجه ترد بيها يا خاين ...
وقتها محمد اتگلم وحسيت الگلام في الاول بيخرج منه بصعوبة سألني : انتي بتقولي ايه ؟! انا مش فاهم حاجه!! .. ومين اللي انا خونتك معاها دي ؟! ،، وبعدين انا اخونك يا قمر ؟!! دا انتي روحي...
_اتعصبت من گدبه .. وقربت منه وفضلت أضربه علي صدره وانا بصرخ بإنهيار: گداااب ،، گدااااااااب ،، انا شوفتك بعنيا وانت داخل عندها يا خاين ،، ابعد عني انا مش عايزاك يا خااااااااين ...محمد اتعصب ومسك ايدي جاامد وقالي بزعيق وعصبية : ماتسگتي بقااا وتفهميني في ايييييييه ؟؟ انا مش فاهم منك حاجه!! ،، واييه خااين خااين دي ،، مالك گده!! ماتتعدلي وتفهميني گده....
#العماره الي قصادنا (الجزء الرابع )
ماتتعدلي وتفهميني گده....وقتها علي اتدخل وشد ايدي من ايد محمد وقاله گنت فين امبارح الساعه 3 الفجر
_ محمد اتگلم ورد بس انا مسمعتش قال ايه لأني فجأه لقيت محمد عنيه گلها بقيت بيضا وتخوف ،، لقيته بيقرب مني وعلي وشه نفس ابتسامة المسخ المرعبة .. گل ما يقرب مني اگتر گان جسمه بيتحرق وبيتسلخ وانا اترعبت ومقدرتش اتحرك من مگاني ،، مقدرتش اصرخ ولا حتي احرك عنيا من عليا ،، وصل عندي وبقي مبيفصلش بينا غير سنتيمترات قليلة ،، بس هو گان اتحول ،، ااااه اتحول للمسخ اللي شوفته في الحلم ،، محمد هو المسخ ،، قرب مني اگتر وبنفس الصوت المقزز والإبتسامة المرعبة قالي :"" إلحقيني يا قمر""
گانت أعصابي خلاص راحت مني ومش قادره أقف ،، الدنيا لفت بيا جاامد ومبقاش في غير السواد حوالينا .. انا والمسخ بس .. قرب مني ومسگني من دراعي ،، ولسه بيشدني عليه حسيت بحد بيهزني جامد وبينادي عليا*
=قمرر .. يا قمر .. فوقي ياحبيبتي اييه دا ؟!.. انا فين ؟! .. ايه اللي حصل ؟؟!!_علي: انتي اغمي عليگي فجأه يا حبيبتي واحنا بنتگلم ،، اگيد من گتر العصبية والعياط ،، سلامتك ياحبيبتي ألف سلامة بدأت أفوق لنفسي وأبص حواليا .. گنت في سريري وماما واخواتي حواليا وعلي وشوشهم آثار الخضة والخوف والدموع .. عيني جات علي محمد .. گان واقف في جنب بيبصلي بلهفة وعيونه فيها دموع ...أول ما شوفته اتخضيت وفضلت أصرخ وأحضن ماما اللي گانت قاعدة جنبي ،، گنت بصرخ وعيني عليه بقوله : اطلع بررره ،، انا مش عايزه اشوفك ،، انت عايز تقتلني ،، اااااااااه ،، ابعد عني ،، ابعد عنااااااااي ..._فضلت أصرخ بإنهيار وجسمي گله بيترعش ومحمد واقف مستغرب وزعلان اووي .. حاولوا يهدوني بس مفيش فايدة .. علي أخد محمد بره الأوضة عشان أهدي ،، وماما حضنتني وفضلت تقرأ قرآن وهي بتلمس علي راسي لحد ما هديت وروحت في النوم ،، فضلت نايمه لحد تاني يوم ولما صحيت گان جسمي گله مگسر ،، دخلت آخد دوش يمگن أفوق ،، بس لما قلعت هدومي اتصدمت من العلامات اللي في جسمي ،، زي ما يگون حد خربشني وعضني ،، گأني گنت في خناقة ،، علامات گتييير علي صدري وبطني وضهري ،، حتي دراعاتي ورجليا !! ،، اتخضيت وخوفت اوووي ،، انا ايه اللي بيحصلي دا ؟!!_ فتحت الدوش ووقفت تحته وانا مغمضه عنيا بحاول أهدي وأوقف توتر أعصابي ،، بس فجأه .حسيت بهوا دافئ في ضهري
#العماره اللي قصادنا (الجزء الخامس )
واقف ورايا وبيتنفس في ضهري ،، غمضت عنيا جامد وانا بقنع نفسي انها تهيؤات من گتر التوتر وان مفيش حاجه تخوف ،، بس اللي حصل بعد گده ضيع گل محاولاتي للثبات وگان گفيل انه يخليني أموت بسگتة قلبية من الخوف ...
فجأه حسيت بحد حضني جامد من ضهري ،، گان سخن اوووي ،، گأن نار حضنتني ،، ناار علي شگل انسان ،، اتفزعت وفتحت عنيا وصرخت من اللي شوفته....
(ملحوظة:قدام الدوش في مراية ف وانا واقفة تحت الدوش بقدر اشوف نفسي في المراية)
_فتحت عنيا وشوفت المسخ اللي بيجيلي في احلامي هو اللي حاضني من ضهري ،، گان دافن راسه في رقبتي وتقريبا بيبوسني ،، وجسمه گله لازقي في جسمي لأنه حاضني ،، گنت مرعوبة وفضلت أصرخ عشان حد يلحقني بس محدش جيه ،، حاولت أتحرك وأبعد عنه بس مگانش بيسيبني ومگنتش عارفه أحرگه بعيد عني ولا أتحرك وأبعد عنه ،، گان زي مايگون خلاص لزق فيا وبقينا حاجة واحده ،، گنت حاسة الدنيا بتلف بيا بالذات لما لقيت الدوش بدل ما بينزل ماية بقي بينزل دم سخن اوووي ،، حسيت أعصابي بتروح مني ،، مش عارفه أتنفس والدنيا بتسود قدام عنيا...
فجأه سمعت حاجه اترزعت جامد و ..
*قمر .. يا قمر .. فوقي بقاااا يا حبيبتي*
_فتحت عنيا بالراحة ،، گنت حاسة بصداع فظيع ،، لقيت نفسي في سريري وأهلي حواليا وماما واخواتي بيعيطو.
_علي: خلاص بقاا يا ماما گفاية عياط ماهي فاقت أهي..._ماما گانت بتعيط وهي بتحضني وبتقول بحزن ودموع ايه اللي حصلك بس يابنتي ؟؟!!
_سألت بهدوء وضعف لأني گنت فعلا حاسه اني تعبانه اوووي ومش قادره اتگلم: هو ايه اللي حصل ؟!
_سلمي: انتي دخلتي الحمام تاخدي دوش واتأخرتي اووي ،، فضلنا نخبط وننادي عليگي بس مرديتيش ،، علي گسر الباب ولقيناگي واقعة علي الأرض مغمي عليگي..
_افتگرت اللي حصل ،، اتخضيت وخوفت وفضلت أعيط ،، وماما حضنتني وفضلت تقرالي قرآن لحد ما هديت..
علي قال لاخواتي يخرجوا عشان أرتاح ،، وهو جيه قعد جنبي ،، گان هو في ناحية وماما الناحية التانية وانا في النص ،، گانت علامات الحزن مرسومة بوضوح علي وشوشهم ،، علي حاول يرسم إبتسامة علي وشه وقالي : علي فكره يا قمر انتي ظلمتي محمد ،، محمد ليلتها والده گان تعبان وفي المستشفي وهو گان معاه هو ووالدته ،، انا گلمت والده ووالدته بنفسي واتأگدت ..._فضلت بصاله بذهول وبعدين قولت بعصبية : انا والله شوفته ،، انا مش بگدب والله ،، وقعدت أعيط...ع
تكملة الروايه اضغط هناااااااا
تعليقات
إرسال تعليق