مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

اسكريبت الصغيره والأربعيني البارت العشرون 20 الأخير بقلم الاء محمد في موسوعة القصص والروايات جميع الفصول كامله وحصريه 

اسكريبت الصغيره والأربعيني الفصل العشرون 20 الأخير بقلم الاء محمد في موسوعة القصص والروايات جميع الفصول كامله وحصريه 

اسكريبت الصغيره والأربعيني البارت العشرون 20 الأخير بقلم الاء محمد في موسوعة القصص والروايات جميع الفصول كامله وحصريه 

سكريبت 

#الصغيره_والاربعيني_20_والاخير 

بقلم الاء محمد

"و بعضُ الحُروفِ تُبكيك .. ليس وجعاً بل لأنّها تلمس شيئاً إستوطن روحك"،،!! 🕯💔

عدت الايام و لين كانت طول الوقت محسسه سفيان بالذنب بالي عمله فيها و سفيان بقا حاسس ان هو تايه و روحه بتروح منه في حاجه ناقصه في حياته ومش عارف اي هيا و في يوم كان نايم و كان بيحلم بالحدثه و كل التفصيل اللي حصلت قبل الحدثه كان نايم وهو عرقان و ملامح وشه مخضوضه و كلها خوف ونفسه مكتوم و جيه عند العربيه اول ما انقلبت راح قايم وهو خايف و قلبه بيدق اووي و اول كلمه قالها اول ما قام 

سفيان بخوف و وجع قلب ..  لا فيروووووز 

سفيان قام و بقا يتلفت حوليه زي المجنون و هو بيدور علي فيروز وكان صوت نفسه عالي اوي و بياخده بالعافيه بقا حاسس بروحه بتروح منه وهو مش لاقي فيروز جنبه زي ما كانت ديما معا 

سفيان بجنون و هستيريا .. فيروز فيروز لا لا لا

سفيان راح قاعد مره واحده في الأرض وهو بيردد اسم فيروز بهستريا و بيدور عليها في كل مكان وبقا يفتكر كل حاجه حصلت في الأيام اللي فاتت ومع كل موقف كان قلبه يوجعه علي فيروز اللي فضلت متمسكه بيه لحد ما افتكر اخر موقف بينهم و اللي عمله معاها و ضرب فيروز ليه و بقا يسمع صوت فيروز وهو بيتردد في ودنه 

( فيروز وهي بتمسح دموعها .. ماشي يا سفيان همشي بس خليك فاكر انك انت اللي بعتني عنك )

سفيان بقا يضرب رأسه في الحيطه اللي وراه و يضرب أيده في الأرض 

سفيان بغضب .. غبي غبي  انا عملت ايه عملت ايه عملت ايه 

سفيان مع كل كلمه كان بيخبط رأسه في الحيطه راح قام مره واحده من مكانه و بقا يلبس اللي يقبله قدام عينه لحد ما جهز و راح نزل من الشقه و ركب الموتسكل وبقا يسوق بسرعه جنونيه و عيونه شايفه عيون فيروز وهي مليانه دموع دموعها اللي هو كان محرمها تنزل لا اي سبب بقت دلوقتي بتنزل بسببه هو راح بقا يزود السرعه اكتر لحد ما وقف قدام بيت زين وراح طالع بسرعه وبقا يخبط جاامد 

زين من جوا .. ايوا يلي بتخبط

زين اول ما فتح الباب ولقي سفيان قدامه راح سابه واقف علي الباب وراح داخل وهو ساكت

سفيان بندم و حزن .. زين فيروز فين 

زين اول ما سمع اسم فيروز راح واقف و لف ليه 

زين بسخريه .. عاوز تعرف مكانها لي في حاجه لسه معملتهاش ولا قولتها ليها 

سفيان بجنون .. زين انت عارف اني مكنتش فاكر مش انا اللي اعمل كدا في فيروز يا زين 

زين بضيقه  .. قصدك انت مسبتش حاجه معملتهاش فيها 

سفيان بندم .. قولي هي فين وانا هروح ليها و اخليها تسامحني هي بتحبني زي ما انا بحبها و هتسامحني اكيد 

زين بغضب .. هي فعلا هتسامحك عشان مش فاكر بس معتقدش أن في واحده تسامح في الخيانه ولا ايه يا سفيان 

سفيان راح ساكت و بقا مش عارف يتكلم يقول ايه هو فعلا مجرحش فيروز و بس لا ده كمان خانها و لمس غيرها بعد ما بعد عن كل بتات حواء عشان اكتفا بيها 

زين .. مين اللي كانت عندك يا سفيان 

سفيان فضل ساكت ميردش راح زين قرب منه 

زين بغضب .. مين اللي كانت في اوضة نومك يا صاحبي 

سفيان بندم .. لين 

زين بصدمه .. لين مين لين بنت عمك هي وساختك و صلت انك تنام مع بنت عمك يا سفيان

سفيان بجنون .. انا مش عارف حصل ازاي ولا انا عملت كدا ازاي اصلا بس كل اللي فكره ان كان عندي صداع وهي ادتني برشامه اخدتها و معرفش حصل ايه بعد كدا صحيت لقيت 

سفيان راح ساكت في الاخر و سط نظرات زين اللي كان مركزه مع تحركات سفيان اللي كانت واضحه أن هو مش بيكدب و بقا عنده احساس أن في حاجه غلط 

زين .. لمستها 

سفيان بعدم تذكر .. مش عارف بس هي كانت منهاره و قعدة تعيط و تقولي لي عملت كدا 

زين .. المهم دلوقتي قبل ما تروح تدور علي فيروز لازم تشوف هتعمل ايه مع لين 

سفيان .. انا مش هيفرق معايا لين المهم عندي فيروز انا وجعتها اوي يا زين 

زين بضيقه منه .. عشان غبي يا سفيان بس معذور ولازم تصلح الدنيا هنا الاول قبل ما تروح ل فيروز 

سفيان راح قاعد علي الكرسي و بقا يفكر يتصرف ازاي و يعمل ايه 

صباح يوم جديد لقيت لين رساله من سفيان بيطلب منها أن هو يقابلها برا و سايب ليها عنوان كافيه راحت سابت الفون و بقت تضحك بخبث و بعد كدا راحت قامت عشان تجهز و تروح و فعلا بعد وقت كانت قاعده مستنيا سفيان في الكافيه راحت ماسكه الفون و طلبت رقم 

لين .. لازم اقبلك عشان اخلص اللي طلبته منك

الشخص .. 

لين .. ماشي خلص و نتقابل عشان ننهي كل حاجه

الشخص .. 

لين .. ماشي هخلص مشوار و اقبلك عند *****

لين قفلت الفون و بقت تبتسم بسعاده أن هي هتحقك اللي كانت بتتمنا طول الفتره اللي فاتت مخدتش بالها من سفيان اللي وصل في الاخر و سمع اسم المكان و بقا واقف مستغرب ايه هيوديها مكان زي ده راح انسحب بسرعه و بعت رساله ليها أن هو مش هيقدر يجي راحت هي قامت من مكانها و ماسكه الفون وراحت عملت مكالمه 

لين .. اشوفك دلوقتي انا فاضيه 

الشخص .. 

لين .. جدا معندكش فكره 

وراحت طالعه و واقفة تاكسي و ركبت و قالت ليه علي العنوان و مخدتش بالها من سفيان اللي ساب الموتسكل بتاعه وراح راكب تاكسي وبقا يمشي وراها لحد ما وصل المكان اللي هي قالت عليه لقاها نزلت و راحت دخلت راح فضل واقف بره لحد ما طلعت من المكان و علي وشها ابتسامه بس اختفت اول ما شافت سفيان واقف قدامها 

لين بصدمه .. سـ سـ سفيان 

سفيان بسخرية .. ايوا سفيان بتعملي ايه عند المأذون يا عروسه 

لين بتوتر و خوف .. دا دا دا 

سفيان قرب منها وراح ماسكها من اديها جامد 

سفيان بغضب .. قدامي 

وراح راكب تاكسي وهي فضلت قاعده بتفرك في اديها بتوتر و خوف وبعد شويا كان سفيان داخل الشقه و راح زقها جامد واقعت علي الارض 

سفيان بغضب .. انطقي كنتي بتعملي ايه عند المأذون

لين بخوف و دموع .. كنت كنت 

سفيان راح ماسكها من شعرها جامد وبقا يتكلم 

سفيان بغضب .. مش مهم كنتي بتعملي ايه انطقي

لين بوجع و خوف .. كنت بطلق 

سفيان  بصدمه .. ايه هو انتي متجوزه

لين بدموع .. ايوا بس دلوقتي أطلقت 

سفيان .. اطلقتي ليه بقا 

لين .. عشانك عشان

سفيان بسخرية .. اه وانتي فاكره اني هتجوزك 

لين بترقب .. ايوا انت ناسي اللي حصل 

سفيان .. وانتي فاكره ان سفيان الدالي ممكن يتجوزك حتي لو اطلقتي ولا تكوني فاكره اني مختوم علي قفايا و هصدق الفيلم الحمضان اللي عملتي عليا

لين .. قصدك ايه اني بكدب 

سفيان وهو بيطلع حاجه من جيبه .. عارفه اي ده ولا نسيتي 

لين بصدمه و تهرب .. معرفش اي ده 

سفيان .. ده البرشام بتاع الصداع اقصد المنوم اللي انتي ادتيني منه اليوم ايه

لين بخوف وبقت ترجع وراء .. سفيان 

سفيان راح ماسكها من شعرها .. انتي فاكره انك هتقدري تضحكي عليا 

لين بوجع .. سيب شعري يا سفيان اااه

سفيان .. هسئل سؤال واحد انا لمستك 

لين بقت تهز راسها بخوف بمعني لا راح سفيان سايب شعرها 

سفيان .. مشفش و شك تاني عشان لو شفتك بعد كدا هدوس عليكي برجلي 

وراح زق لين في الأرض و راح اتكلم بصوت عالي

سفيان .. برااااا يا ****

لين طلعت بسرعه من شكل سفيان اللي اول مره تشوفه بالشكل ده راح سفيان فصل واقف مكانه 

عاهدتني ألا تميل عن الهوى

وحلفت لي يا غصن ألا تنثني

هبّ النسيم ومال غصن مثله

أين الزمان وأين ما عاهدتني

جاد الزمان وأنت ما واصلتني

يا باخلاَ بالوصل أنت قتلتني

واصلتني حتى ملكت حشاشتي

ورجعت من بعد الوصال هجرتني

لما ملكت قياد سري بالهوى

وعلمت أني عاشق لك خنتني

ولأقعدن على الطريق فأشتكي

فأقول مظلوم وأنت ظلمتني

ولأشكينك عند سلطان الهوى

ليعذبنك مثل ما عذبتني

ولأدعين عليك في جنح الدجى

فعساك تبلى مثل ما أبليتني

وصلت فيروز الشركه وراحت طالعه الدور اللي فيه مكتبها راحت اول ما فتحت باب الكتب لقيت المكتب كله متزين بالورد راحت دخلت وهي مبهوره بشكل المكتب اللي مكنش فيه مكان فاضي من الورد راحت واقفه في النص و عيونها علي الورد و ابتسامه زينت وشها وعلي طول جيه في بالها سفيان راحت سامعه صوت خطوات وراها لفت بسرعه وهي بتبتسم لقيت جيكاب واقف 

فيروز .. انت اللي جبت الورد ده 

جيكاب راح مقرب منها وماسك ادها بايسها 

جيكاب .. دي اقل حاجه ليكي يا فيروز و كفايه اني رجعت شفت الضحكه دي تاني 

فيروز بقت واقفه مرتبكه من قرب جيكاب و ماسكه لـ ادها بقت تهرب من نظرت عيونه ليها راح جيكاب مقرب منها 

جيكاب بترقب .. فيروز اديني فرصه واحده بس اني اقرب منك وانتي كمان تقربي مني انا عارف اني تصرفاتي في الاول كانت بتخوف بس غصب عني 

فيروز بتوتر .. سبق و قولت ليك اني موافقه في المطعم 

جيكاب .. اوعدك انك مش هتندمي يا فيروز 

عند سفيان كان بيتكلم في الفون مع امير 

سفيان .. عاوزك تعرف كل تحركات فيروز لحد ما اجي انا بكره بالكتير هكون عندك يا أمير عاوز اعرف كل حاجه مهما كانت صغيره 

امير .. حاضر يا سفيان بس انت ناوي علي ايه 

سفيان .. ناوي اصلح كل حاجه وارجع فيروز ليا تاني 

امير .. قصدك انك 

سفيان بمقاطعة .. ايوا يا امير انا افتكرت كل حاجه انا مش عارف ازاي اقدر انسا فيروز 

امير  .. انت لو نسيت فيروز قلبك عمره ما ينساها 

سفيان بتذكر لكلام فيروز .. انا فعلا قلبي عمره ما قدر ينسا فيروز حتي لما الذاكره خانتني قلبي لا 

سفيان خلص كلامه وراح طالع علي المطار و سافر عشان يرجع فيروز تاني لحضنه

وصل سفيان عند الفندق اللي موجوده فيه فيروز و قبل ما يدخل لقي اللي بينده عليه 

.. سفيان 

سفيان بستغراب .. امير ايه جابك في حاجه 

امير بقلق .. بلاش تدخل يا سفيان 

سفيان برفعة حاجب .. لي ايه السبب 

امير بتهرب .. ها لا ابدا بس 

سفيان فضل واقف شويا مستني امير يتكلم بس امير كان ملامح وشه كلها متوتره راح سفيان حس بنغزه في قلبه راح بقا يتحرك من مكانه ودخل وبقا عيونه تدور علي فيروز لحد ما وصل للمكان اللي هي موجوده فيه و اول ما دخل لقا فيروز واقفه قصاده و واقف جنبها جيكاب اللي علي وشه ابتسامه سعيده و ماسك ايد فيروز و كان ماسك في أيده خاتم و قبل ما يلبسه ل فيروز اللي كانت واقفه مكانها و هي تفكيرها كله مع سفيان اللي جرحها راحت عيونها شافت سفيان من بعيد و قلبها بقا يدق جامد بس افتكرت أن هو طلب منها أن هي تبعد عنه بقت توهم نفسها أن هو مش هنا مفا قتش غير علي جيكاب اللي كان بيبوس ادها من بعد ما لبسها الخاتم وكل الموجودين بقو يسقفو ليهم راحت عيونها جت تاني علي نفس المكان اللي سفيان كان واقف فيه وعيونهم اتقبلو مبقتش مصدقه نفسها أن هو هنا بجد راحت انسحبت من وسط التهاني لمكان بعيد هادي 

سفيان كان واقف مكانه مصدوم من اللي شايفه مكنش مصدق أن يوم ما ترجع لي الذاكره يكون هو اليوم اللي يخسر فيه فيروز مفقش غير علي تحرك فيروز اللي كان بالنسبه ليه اشاره أن هو يتحرك وراها وفعلا سفيان راح ورا فيروز اللي كانت واقفه بتحاول تاخد نفسها و هي بتشجع نفسها بالي حصل بس كل ده راح اول ما سمعت

سفيان بعدم تصديق و صدمه .. فيروز 

فيروز قلبها بقا يدق جامد من مجرد ما سمعت صوت سفيان اللي كان سبب في نزول دموعها راح سفيان قرب منها وراح ماسك درعها عشان يلفها

سفيان .. فيروز بداري عيونك عني لي يا حبيبتي

فيروز اول ما سمعت اخر كلمه راحت غمضت عيونها ودموعها بقت تنزل 

فيروز بدموع .. جي لي يا سفيان في حاجه لسه مقولتهاش ولا عملتها جي تعملها

سفيان بندم .. فيروز انا اسف انتي عارفه اني مكنتش فاكر

فيروز بوجع من كلامه .. كان ممكن اقول كده لو كنت مش فاكر بس لكن انت شفتني واحده رخيصه بتنقل من حضن لتاني يا سفيان فاكر 

سفيان بندم .. انا اسف يا فيروز عقبيني باي طريقة تانيه الا دي يا فيروز الا انك تكوني لغيري 

فيروز بجمود .. ده مش عقاب يا سفيان ده قرار احنا من الاول وجودنا مع بعض كان غلط انت مش شبهي ولا أنا شبهك 

سفيان بجنون و غيره .. مش شبهك بقا بعد كل ده وانا مش شبهك لا ورايحه تتخطبي لواحد **** هو السبب في كل اللي احنا وصلنا ليه 

فيروز بجمود .. جيكاب عمل كل ده عشاني عشان يوصل ليا وابقا معا وانا اديته فرصه محدش بيتولد ملاك ومبيغلطش يا سفيان 

سفيان بسخرية .. رايحه تدي فرصه لواحد قاتل لا وكمان بتبرري لي اللي عمله وانا مش قبله حتي كلامي 

فيروز بوجع .. سفيان كفايه لحد كدا

سفيان بصوت عالي وغضب .. مش كفايه يا فيروز 

فيروز بنهيار .. لا كفايه لما تجرحني يبقا حقي اقول كفايه لما تخوني يبقا لازم اقول كفايه 

سفيان بصوت عالي .. انا مش خنتك يا فيروز 

فيروز بدموع .. كفايه بقا كفايه كدب كفايه انا سمعتها وهي بتنده عليك في شقتك وكنت عارفه إن عندك وحده 

سفيان بندم و صدق .. فيروز انا مخنتكيش صدقيني

فيروز راحت لفت و بقت تمسح دموعها بتعب راح سفيان لسه هيقرب منها لقي جيكاب دخل المكان 

جيكاب بقلق .. فيروز الناس بتسئل عنك بتعملي ايه هنا 

قبل ما فيروز تتكلم كان سفيان سابقها

سفيان بغيره .. لو فاكر ان فيروز هتكون ليك يبقا بتحلم عشان انا مبسبش حاجه بتاعتي 

فيروز راحت مقربه من جيكاب قدام عيون سفيان اللي كان واقف وجوا قلبه نار راحت ماسكه أيده وسط غيرة سفيان راح جيكاب مسك ادها جامد وراح بص علي سفيان و ابتسم علي ملامح وشه

فيروز بصوت واطي .. خلينا نطلع للناس يا جيك

فيروز قالت كلامها راحت ماشيه من قدام سفيان هي و جيكاب اللي لو كانت نظرات سفيان بتقتل كان زمانه ميت من وقت ما دخل 

عدت الايام بين محولات سفيان مع فيروز اللي كانت بتضعف مع كل مره تشوف فيها سفيان بس كانت تفتكر كلامه ليها قلبها يوجعها هي عارفه أن هو كان غصب عنه بس وجع قلبها من اللي عمله فيها كان كبير و كلامه اللي قاله ليها كان بيوجعها كل ما تفتكرو وكمان تغير جيكاب اللي بقا واضح وكل ده عشان يكسب قلبها وبقا يعمل اي حاجه لمجرد أن هي تضحك غير المفاجأة و الهدايه اللي طول الوقت كان مغرقها بيها بس رغم كل ده مفيش حاجه تقدر تنسيها سفيان اللي ساكن جواها

عند لين رجعت تاني لنفس المكان اللي سابته بس المره دي وهي ندمانه علي كل اللي حصل واللي هي عملته راحت واقفه قدام نفس الباب اللي طلعت منه وراحت رنت الجرس وبعد وقت لقيت واحده بتفتح ليها الباب 

.. مين 

لين بستغراب .. انتي اللي مين ده بيتي 

.. بيتك حضرتك مين 

لين بعصبيه .. انا لين مرات عماد انتي مين يا حلوه

.. انا شهد مرات عماد 

شهد قالت كلمتها وسط صدمة لين اللي كانت واقفه مش مستوعبه اللي بيحصل وان عماد قدر ينساها و يتجوز عليها راح عماد طالع من الاوضه لما لقي شهد اتاخرت برا 

عماد بحب .. مالك يا حبيبتي واقفه كدا لي 

شهد لفت لـ عماد بارتباك راح هو قرب منها بسرعه 

عماد بستغراب .. مالك يا شهد 

لين بصدمه .. انت اتجوزت عليا يا عماد 

عماد بسخريه .. لي فكراني هعيش علي ذكرياتك 

لين بعدم تصديق .. طب وحبك ليا راح فين 

عماد بنفس السخريه .. مطلعش حب طلع وهم 

وبعدين راح بص علي شهد .. انا معرفتش الحب غير لما هي دخلت حياتي عرفت وقتها يعني ايه حب وعيله و احتواء حاجات كتير كنت بدور عليها ملقتهاش غير معاها 

شهد مع كل كلمه عماد كان بيقولها كان قلبها بيدق جاامد و بتقع في حبه من اول وجديد عكس لين اللي كانت واقفه ندمانه علي تهورها اللي بسببه ضيعت بيه جوزها و بيتها و ابنها لين اول ما افتكرت ابنها راحت بقت تتكلم 

لين .. انا عوزه ابني عوزه يوسف يا عماد ابني مش هيعيش مع مرات اب

شهد اول ما سمعت اسم يوسف واللي لين بتقوله راحت بصت علي عماد اللي كان عارف تفكير لين هيوصل ل ليه راح اتكلم 

عماد .. يوسف كويس انك افتكرتي إن عندك ابن زي ما بتقولي مش ده اللي كنتي عوزه تنزليه ومش عوزه وانا غصبت عليكي أن يجي الدنيا 

لين بندم و حزن .. كنت غبيه يا عماد عوزه ابني كفايه انت ضعت مني بسبب الغباء ده متحرمنيش من ابني كمان 

عماد بجمود .. افكرك بحاجه عشان شكلك نسيتي لما طلبتي تطلقي كان عندي شرط عشان اطلقك و قتها انتي مضيتي علي الورقه من غير حتي ما تبصي فيها اخب اقولك أن اللي مضيتي عليها دي تبقا تنازل عن حضانة يوسف ليا 

لين بصدمه و ندم .. قصدك ايه اني مش هشوف يوسف تاني يا عماد 

عماد .. انا مش زيك يا لين مش ناسي أن انتي أمه عشان كدا مش هحرمك منه ليكي يوم وقت ما تحبي تشوفيه تقدري تيجي و شهد هتكون معاكي 

لين دموعها بقت تنزل بندم علي حياتها اللي انقلبت بسبب انانيتها و طمعها خسرت جوزها اللي نسي حبها وقدر يحب واحده تانيه و حتي ابنها هتتحرم من أن هي تربيه وتكبره زي اي ام بسبب تهورها خسرت راحت ماسحه دموعها و مسكت شانطتها وبقت تتحرك من مكانها راح عماد دخل وقفل الباب وراح بص علي شهد اللي كانت واقفه بعيد بس سمعه كل حاجه راح مقرب منها وفرد اديه ليها راحت هي دخلت في حضنه بسرعه

شهد بحب و خوف .. انا بحبك اوي يا عماد اوع تبعد عني 

عماد بعشق وراحه .. عماد ما يقدرش يعيش من غيرك يا شهد انا مش بس بحبك انا بعشقك ❤️

عدت الايام و سفيان مبقاش عارف يعمل ايه مسبش حاجه معملهاش عشان فيروز ترجع لي بقا طول الوقت حابس نفسه في الكتب وبقا يحاول يشغل فكره عن اللي ممكن يحصل بعد كدا راح مره واحده الباب خبط ودخلت السكرتيرة سابت ظرف و راحت طالعه من سكات راح سفيان ساند ضهرو علي الكرسي وبعد وقت راح ماسك الظرف و اول ما فتحه لقي دعوة فرح اول ما شاف الاسامي راح قائم بقا يكسر في كل حاجه قدامه راح دخل امير بسرعه وهو مستغرب 

امير بقلق .. في ايه اهدا يا سفيان 

سفيان بجنون .. اعمل ايه تاني عشان تسامحني بعد كل ده وهي برضو مصممه أن هي تتحوزه

امير .. هي فيروز

سفيان بغيره .. ايوا هتتجوز مش اي حد لا دي هتتجوز اللي هو سبب في كل اللي احنا فيه 

امير .. اهدا يا سفيان اكيد في حل 

سفيان مسمعش امير وراح طالع برا الشركه و راح رايح علي البيت بتاع فيروز هو عارف ان هي فيه النهارده ومطلعتش برا بسبب الحرس اللي حاطه ليها من غير ما هي تعرف و اول ما وصل راح زن الجرس وبعد شويا كان واقف في قلب البيت

سفيان بصوت عالي .. فيروووووز 

فيروز كانت فوق اول ما سمعت صوت سفيان راحت قامت مره واحده من مكانها راح المج اللي كان في ادها راح واقع اتكسر راحت فاقت من صدمتها وبقت تنزل تحت وهي قلقانه علي قد ما هو وحشها علي قد ما هي متعرفش رد فعله لو عرف أن فرحها اخر الاسبوع بس من صوته شكله عرف راحت بقت تنزل بخوف و قلق 

سفيان وهو بيقرب منها .. انت لسه مصممه علي اللي فدماغك يا فيروز

فيروز بخوف .. قصدك ايه 

سفيان بجنون و غيره .. قصدي انك هتتجوزي واحد غيري هتقدري 

فيروز بقت دموعها تنزل راح سفيان مقرب منها وراح ماسكها من كتافها وراح ساند رأسه علي رأسها وبقا يتكلم بصوت واطي كله وجع 

سفيان .. هتقدري تخليه يلمسك و يقرب منك هتكوني ميسوطه معا 

فيروز مع كل كلمه سفيان كان بيقولها كانت دموعها بتنزل بصمت و سفيان هو اللي بيتكلم 

سفيان .. اعمل ايه تاني عشان تفضلي فحضني و متبعديش عني انا اسف يا فيروز متسبنيش انا من غيرك هموت 

فيروز راحت بعدة عن سفيان بوجع و بقت تمسح دموعها بضهر ادها و مقدرتش تفضل واقفه راحت سايبه سفيان واقف مكانه وبقت تجري علي السلم لحد ما وصلت عند الاوضه بتاعتها ودخلت وقفلت الباب عليها وبقت تعيط جامد

سفيان كان قلبه بيوجعه وهو شايفها بتبعد عنه بقا قلبه يوجعه مع كل خطوه هي بتاخدها بعيد عنه راحت دموع عينه نزلت بصمت وراح طالع برا البيت و هو حاسس ان روحه انسحبت منه 

في اوضه من افخم الفنادق كانت واقفه فيروز بفستان فرح كانت واقفه عكس أي عروسه بدل الفرحه كانت الدموع محبوسه و بتفرك في اديها راح دخل جيكاب اللي اول ما شفها انبهر بجمالها 

جيكاب بهدوء .. فيروز جاهزه 

فيروز بخضه و دقات قلب عاليه راحت لفت لـ جيكاب وبقت تاخد نفسها بالعافيه و اول ما غمضت عيونها دموعها نزلت 

حيكاب .. فيروز لو مش 

فيروز بدموع .. انا اسفه يا جيكاب اسفه مش هقدر انا بحبه انا اسفه

فيروز قالت اخر كلمه وراحت رافعه الفستان وبقت تجري بسرعه علي برا لحد ما وصلت عند الاستقبال وسط نظرات الناس بس هي مكنش يهمها كل ده علي قد ما يهمها أن هي تشوف سفيان قبل ما تطلع برا الفندق لقيت امير 

امير بستغراب .. فيروز رايحه فين 

فيروز وهي بتاخد نفسها .. هو فين سفيان فين 

امير بحماس .. راح المطار تعالي انا هوصلك 

راحت ركبت العربيه مع امير اللي بقا يسوق بسرعه هو مش متعود عليها و فيروز كانت قاعده جنبه 

عند سفيان كان قاعد في المطار من بعد ما خلص الإجراءات راح اول مسمع النداء بتاع الطياره بتاعته راح قام من مكانه في الوقت ده وصلت فيروز المطار وبقت تجري وعيونها بدور عليه لحد ما راحت قاعده مره واحده في الأرض و دموعها نزله 

فيروز بدموع .. ملحقتوش سافر و سابني 

سفيان حس بقلبه بيدق جامد مره واحده قبل ما يطلع الطياره راح لف ورجع وهو مش قادر يبعد عن فيروز صغيرته و حبيبته و كل حاجه حلوه في حياته راح بقا يمشي لحد ما لفت نظره واحده قاعده في الأرض وشها مش باين بس دقات قلبه عرفتها راح بقا يقرب لحد ما ملامحها المحفوره جوا قلبه ظهرت راح وقف قدامها 

فيروز اول ما شافت خيال واقف قدامها راحت رافعه راسها لقيت سفيان قدامها راحت قامت و بقت تقرب منه 

فيروز .. مسفرتش لي يا سفيان 

سفيان بعيون بتلمع بدموع .. مقدرتش مقدرش اعيش من غيرك يا فيروز 

سفيان خلص كلامه راح بقا يقرب من فيروز اللي بقت تعيط و تضحك و راحت دخله جوا حضنه بسرعه حضنه اللي هي متقدرش تبعد عنه راح سفيان رافعها من علي الارض جوا حضنه وبقا يدفن رأسه في رقبتها يشم رحتها اللي هو اصلا مدمنها 

فيروز بحب .. بحبك يا سفيان ❤️

سفيان بعشق .. بعشقك يا صغيرتي ♥️

"الجو مناسب للوقوع في حبك مره اخري."❤️

تمت 

كدا توته توته خلصت الحدوته ويارب النهايه تكون عجبتكم و يكون كل واحد خد حقه في الأحداث واخيرا في الاخر حب سفيان و فيروز انتصر رغم كل حاجه مرو بيها بس قلوبهم فضلت متعلقه ببعض من اول دقه 

 انضم لجروب التليجرام ( هينزل فيه الرواية كاملة ) اضغط هنا

مجمع الروايات الكامله والحصريه  اضغط هنا

تابعى صفحتنا على الفيسبوك عشان تبقى اول واحدة تقرأ البارت اول ما ينزل

صفحتنا على الفيسبوك اضغط هنا