رواية ملكني حبها البارت الرابع بقلم بسمله صالح جميع الفصول كامله وحصريه في موسوعة القصص والروايات
رواية ملكني حبها البارت الرابع بقلم بسمله صالح جميع الفصول كامله وحصريه في موسوعة القصص والروايات
رواية ملكني حبها البارت الرابع بقلم بسمله صالح جميع الفصول كامله وحصريه في موسوعة القصص والروايات
#روايه_ملكنى_حبها_البارت_4
#بقم_بسمله_صالح
#لا_اله_الا_انت_سبحانك_اني_كنت_من_الظالمين.
ومسحت دموعها بكف ايديها.
وفجأه سمع صوت الباب بيخبط واذنت للي بيخبط انه يدخل ودخلت وكانت سمر وفي يديها الاكل والادويه.
وبتقول : نور يا حبيبتي يلا عشان هتتغدى وتاخذي الدواء.
نور: ما ليش نفس يا سمر.
سمر : لا ازاي يا حبيبتي لازم تاكلي عشان ما يجيلكيش مضاعفات وتتعبي وبعدين واحنا عندنا كم نور عشان نهتم بيها.
ابتسمت نور وبدات تاكل وسمر بتساعدها واديتها سمر ادويتها وقعدت جنبها وحست نور ان هي عايزه تتكل.
نور: سمر انت عايزه تقولي حاجه انا باسمعك.
سمر بتوتر: بصراحه يا نور انا مكسوفه اكلمك في الموضوع ده بس لازم اقول، طبعا انت ماسكه مشروع في اخر فتره قبل ما تعملي الحادثه والمشروع ده مهم جدا وانت عارفه عنه كل التفاصيل ودرستيه وواقف بس على توقيعك وانت قلت ان هو هيبقى مربح جدا للشركه فطبعا انت مش هتقدري تديريه دلوقتي.
وانتهدت بحزن واكملت: واسفه ان انا باقول الكلام ده مش قصدي اجرحك والله بس لازم توقعي عليه وفهميني شويه فيه وانا هامسكه بدالك انا وانتي واحد وما فيش فرق ما بيننا وانت عارفه انا باحبك قد ايه وبعزك وانت اختي ولو ما كانش عندك مانع ممكن امسك بدالك الشغل انت عارفه اللي انا درست برده اداره الاعمال واشتغلت فيها شويه.
وبعد كده لما اتجوزت اخوكي بطلت شغل بس لازم حد يمسك الشركه مع حاتم وبابا وانت كنت ماسكاها معاهم وحاليا مش هتقدري تمسكيها اسفه ثاني مره وما تزعليش مني يا نور بس كان لازم اقول لك كدا
وصدقيني يوم اما هانزل الشغل مكانك وكلنا نشتغل بالشغل عمري ما اهتمامنا هيقل بك انت فرحه البيت انت نور البيت كله وعلشان ما تحسيش بالوحده او اننا نبقى نصف اليوم بره في الشركه هاجيب لك بنوته من سنك تساعدك وتشوف طلباتك انت عارفه ان شاركتنا اكثر من فرع ولازم شغلنا يبقى كويس وما يبقاش ناقص علشان تفضل شركتنا في العالي.
نور بحزن ووجع حاولت تخفيه: موافقه يا سمر لاني خلاص مش هاعرف اشوف ثاني وربنا يوفقكم.
حضنتها سمر.
وقالت: ربنا يخليك يا حبيبتي ويشفيك وتتحسني في اسرع وقت وترجعي تنوري الشركه ثاني يا اجمل نور.
حضنتها نور وقالت: ممكن تسيبيني لوحدي ارتاح شويه يا سمر محتاجه انام لاني تعبانه جدا.
سمر: اكيد يا حبيبتي اقفل لك النور.
نور بألم : ما عدش فارقه تقفليه او تفتحيه في تلك الحالتين انا شايفه سواد قدامي بس ما لهوش لازمه اقفلي الن ور حبه حبه هتعود على الوحده والظلام.
سمر بحزن: ما تقوليش كده يا نور احنا جنبك وهنفضل جنبك المياه جنبك يا حبيبتي ولا احتاجتي حاجه ناديني وهتلاقيني وما تتردديش تصبحي على خير يا حياتي.
نور :وانت من اهل الخير.
وقفلت سمر النور والباب وهي فرحانه جدا انها قدرت تقنع نور واتصلت بحاتم وعرفته انها اقنعت نور و وزعل حاتم لانه عارف ان اكيد اخته اتضايقت وزعلت لما سمر قالت لها الحقيقه انها مش هتقدر تشتغل لانها فقدت بصرها، وهو عارف ان الشغل ده اهم حاجه في حياه نور بتحب الشغل جدا.
اما نور في غطت نفسها بالبطانيه وضمت جسمها في موضع الجنين والدموع نازله من عنيها.
وبتقول : الشغل اللي باحبه وكليتي اللي دخلتها علشان باحب شغلي مش هاقدر اشتغل ثاني مش هاقدر اشوف ولا اراجع البنود الاساسيه في المشاريع خلاص دي هتبقى حياتي ولازم اتعود واتاقلم عليها ولازم اساعد نفسي بنفسي كل الملام ده كانت بتقوله في نفسها.
عقلها : معقوله يا نور، نور العنيد ده هتستسلم بالسرعه دي علشان فقدت بصرها طب انت زعلانه ان انت فقدت بصرك ما فكرتيش ان فقدانك لبصرك ده لعله خير لك ربنا حطك في اختبار وعايز يشوفك هتصبري قد ايه ولازم تصبري ده الصبر مفتاح الفرج عايزه تستسلمي ليه انت تعبتي عشان تقدري تكبري شركتك مع اخوكي وباباكي.
نور بعزيمه وإصرار : علشان ما هقدر اشوف مش معناه اني مش هقدر اشتغلي اللي عايز يعمل حاجه بيعملها بالاصرار والعزيمه انا ممكن اكمل شغلي مش معنى اني فقدت بصري اني هفقد الحاجات اللي بحبها فوقي يا نور انت يا اقوى من كده انت اه من امتى بتستسلمي للمرض، ولعله خير الحمدلله على كل شئ.
ومددت نور جسمها وغمضت عيونها بالألم ونامت.
وفي بيت بدر خرجت كارما وهي بتبص في كل اتجاه وبتتأكد أن مامتها بتعمل الغداء ومشغوله ومهند في المدرسه وبدر في الشركه وخرجت برا البيت من غير ما حد يحس بيها ووقفت في ركن هالي من الناس.
وقالت : الو يا حبيبي سمعني.
المجهول : كدا ي روما ساعه عقبال أما تردي قلقت عليكي وحشتيني اوي.
كارما : اسفه ي حبيبي بس ماما كانت في البيت فخرجت علشان اعرف اكلمك انت عامل ايه.
المجهول : مش قادر اعيش من غيرك وانتي بعيده عني حاسس ان حاجه نقصاني لان حياتي وروحي وعقلي بعيده عني ،عايز اشوفك وحشاني.
كارما بصوت منخفض كي لا يسمعها احد: وانت كمان وحشني ،بس اعمل اي مش بي ايدي مينفعش اقابلك لوحدي والاء دلوقتي انتقلت هي وولدتها لسكن تاني بعد لما صاحبه السكن كرشتهم بسبب انهم بقى لهم ثلاث شهور ما بيدفعوش سكن واخذت الحلقه اللي كانت الاء لابسها في ودنها الذهب وطردتهم وهنا كانت بتيجي معي عشان اشوفك بس انا ما اقدرش اجيء اشوفك لوحدي اسفه يا حبيبي.
المجهول بحزن : يعني انتي مش واثقه فيا يخساره حبنا بجد الموقف دا اثبتلي انك مش بتحبيني ولا بتثقي فيا ،يخساره يا كارما.
كارما بدموع : متقلش كدا انا بحبك وانت عارف كدا كويس ،وعارف اني بثق فيك احنا بقالنا 6شهور بنكلم بعض وخرجنا مع بعض كل دا وبتشكك في حوبي وثقتي فيك.
المجهول : خلاص ياروحي متعيطيش قلبي ميستحملش عياطك اسف مقصدتش بس انتي عارفه اني حوبي ليكي لا يوصف وانتي وحشتيني وبقالي 10 ايام مش عارف اشوفك مشغول في شغلي ،ويدوبك بكلمك وبفضي نفسي علشانك وعلشان اشوفك بس انتي رافضه.
كارما : لان مينفعش نبقى لوحدنا مش حكايه ثقه بس الاء وجودها كان بيطمنى شويه.
المجهول : يعني انتي بتخافي منى، ومش بتطمنيلي.
كارما : لا متفهمنيش غلط بس مش هقدر اوصلك فكرتي ،وبعدين ليه كل البعد دا ليه بنتكلم في السر انا بحبك وانتي بتحبني ليه مش عايز تاخد خطوه خد وتتقدملي.
المجهول : لا طبعا عايز اتقدملك بس أعلى رافضين يا كارما وبحاول اقنعهم وهما عايزين واحده من نفس طبقتنا وانا بعشقك وعمري ما هتخلى عنك بس اديني وقت اقنع أعلى محتاج اشوفك واتكلم معاكي مش كل حاجه هنتكلمها على التلفون.
كارما : سيبها للظروف وانا نفسي اشوفك بس لو حد شم خبر عن علاقتنا انا مش عارفه بدر ممكن يعمل فيا اي انا بكلمك وانا خايفه حد يسمعني أو يشوفني ساعتها هروح في ستين داهيه باي ياحبيبي مضطره اقفل ماما بتنادي بحبك.
المجهول : باي ي حياتي ،اما تفضي كلميني منتظر مكالمتك ،بعشقك.
وقفلت كارما وهي بتحضن التلفون وبتقول هستناك لغيت ما تتقدملى.
ودخلت كارما البيت وقالت : نعم ياماما.
الام: خلي بالك من المكرونه لحسن تنحرق يا ي بنتي
،عقبال اما اصلي.
كارما : حاضر يا ماما.
وبدأت كارما تقلب المكرونه وهي بتفتكر اول لقاء ليها مع المجهول.
Flash back
من 6 شهور كانت كارما ماشيه بتعيط ومش منتبه للطريق والعربيه بتقرب منها وفجأه لاقت ايد بتشدها واصدمت بصدر شخص ورفعت رأسها وشافت شخص بيبص لها بكل غضب.
ولسه هنتكلم قاطعها الشخص وقال : انتي مجنونه انتي ازاي تمشي متخديش بالك من الطريق لا وماشيه تعيطي كمان افردي كنتي عملتى حادثه خودي بالك بعد كدا مش كل مره هنقذك.
بصت لي كارما بصدمه وبعدت أيده عنها الي كانت ماسكه ايديها جامد.
وقالت وهي بتمسح دموعها: اولا شكرا على انقاذك ليا ثانيا ملكش حق تزعق وتقولي مجنونه ،ثالثا ولسه هتكمل.
بس وقفت كلام لما قال الشخص : هششششش انا مش ناقص صداع وقرف على الصبح ،اي محد مكاني كان هيعمل كدا ،ودا واجب انساني ومش عايز رغي كتير.
كارما : انت ...
وسكت لما بص لها بقرف ولبس نظارته واداها ظهره وفتح عربيته وركب ومشى.
كارما وهي بتقبض ايديها : اي القرف دا هو شايف نفسه على ايه واكملت بتريقه قال ايه واجب انساني مش عايز رغي كتير هو يعني علشان عنده عربيه هيدوس هيتغر ولا ايه جتك نيله.
back
فاقت كارما من ذكري اول لقاء يجمعهم وهي بتشم ريحه حاجه بتنحرق وبتبص لاقت المكرونه بتنحرق من تحت.
وقالت : يانهار ابيض معقول انحرقت يلاهوي يلاهوي ماما مش هتسبيني استر يارب استر.
وبدأت تقلب ولكن كانت لحقت المكرونه الشويه الي تحت انحرقوا وشلتهم في طبق ورمتهم قبل ما مامتها تيجي.
وقالت : الحمدلله قدر ولطف قلبي كان هيقف😌.
خرجت سمر وهي فرحانه انها هتشتغل اخيرا في الشركه ، وركبت عربيتها وقررت تنزل المول تشتري لبس جديد للشغل ، وشغلت اغنيه وبدأت تتمايل بجسدها مع حركات الاغنيه وبتقود عربيتها وفجأه خبطت بنت بعربيتها وانصدمت سمر لما نزلت ولاقت.........
استوب ، ولحد هنا خلص البارت ده يا ترى سمر انصدمت لما لاقت ايه ، ويا ترى مين هو المجهول وايه مصيره مع كارما، وايه مصير نور؟؟؟؟؟
تفاعلاتكم وتوقعاتكم ورايكم ايه يهمني جدا ❤️.
عايزه اقولكم ان الاحداث الجاي دما*ر وفي مفاجات جامده جدا ، انتظروا القادم وما تبخلوش عليا بتفاعلكم، دعما لي استمر، وشكرا على كل شخص بيدعمني وبيكتب كلمه حلوه وعايزه اقولكم اني بقرأ كل كومنتاتكم يا اجمل متابعين.
التفاعل على البارت الي فات كان وحش جدا ياريت الي متفعاعلش يتفاعل تشجيعا لي استمر✨♥️
دمتم في رعايه الله🙏.
يتبع......اللي عاوز الروايه كامله يعمل انضمام اضغط هنا
Basmala Salh ✍️
تعليقات
إرسال تعليق