مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية عم مدبولي كامله وحصريه في موسوعة القصص والروايات جميع الفصول كامله وحصريه 

رواية عم مدبولي كامله وحصريه في موسوعة القصص والروايات جميع الفصول كامله وحصريه 

رواية عم مدبولي كامله وحصريه في موسوعة القصص والروايات جميع الفصول كامله وحصريه 

رواية عم مدبولي كامله وحصريه في موسوعة القصص والروايات جميع الفصول كامله وحصريه 

#قصه رعب #

البداية كانت مع شخص "تربي"  اسمه عم مدبولي،  مدبولي كان زيه زي العشرات من اللي شغالين حراس للمقابر،  يدفن ميت،  يزرع صبار،  يقعد بالليل حراسة للمقابر،  وغيره وغيره.. 

 بس طبعا المال بيغير النفوس،  وواحدة وواحدة بيخليك تبيع مبادئك وحتى دينك،  عشان كدا النار ليها سكان كتير،  وسكانها هما الناس اللي باعوا اوامر الله بالمال.. 

وطبعا كان يوميا بيجي ناس للمقابر،  منهم اللي جاي يدفن عمل،  يسرق هيكل عظمي،  وشوية حشاشين جايين يشربوا مخدرات.. 

ومع الضغط بقا مدبولي له ثمن،  بل وتسعيرة كمان، كان اللي يجي يدفن عمل كان بيدفع متين جنيه،  اللي هينبش القبور عشان ياخد عظم كان بيدفع الفين جنيه،  اما اللي جاي يسكر فكان بيراضي مدبولي بحتت حشيش،  او زجاجة خمر.. 

وبدأ مدبولي يدنس القبور ويجيب فتيات وعاهرات من شخص اخر اسمه زينهم،  عاهرات بيسهر معاهم كل ليلة وسط الخمر والحشيش والذي منه،  عشان كدا الفلوس مكانتش بتقضيه،  وبقا شره اوي لأي حد يجي يعمل اي مصيبة في المقابر،  المهم يدفع.. 

لحد ما في ليلة شيطانية اقترح عليه زينهم انه يعمل شغل كبير،  شغل نجس،  قذر.. 

نيكروفيليا "مضاجعة الأموات"  بدأ يفهمه ان فيه ناس بتحب تعاشر الاموات اللي ماتوا من يوم واحد بس في مقابل انهم هيدفعوا كتير اوي.. 

اندهش مدبولي اوي،  خاصة ان عقله بسيط ميستوعبش الشذوذ ده كله،  بل وكان عنده بواقي ضمير خلته يرفض بتاتا،  بس لما عرف ان الساعة بتقف بعشر الاف جنيه ويمكن اكتر اتذبذب،  وحاول يعافر بس زينهم كان مثال للشيطان،  السمسار اللي يعرف يبيع الفضلات بتمن،  وتمن كبير كمان.. 

وبدأ الشغل يبدأ،  شغل قذر من نوع جديد،  اي بنت تيجي تدفن بالنهار يتم التواصل مع احد الناس اللي هتدفع،  وبالفعل بيتم استخراج جسم البنت بالليل وتروح لاوضة الحارس،  وبيتم اغتضاب الجثة بكل الطرق الشاذة اللي ممكن تتخيلها،  بعدها ترجع الجثة تدفن ويتقاضى مدبولي مبلغ وقدره،  وطبعا زينهم بياخد من الحب جانب.. 

واستمر الحال،  نبش القبور كان بيحصل يوميا،  بين انتهاك،  دفن اعمال،  سرقة عظام..  وغيره وغيره.. 

بس ابن أدم طماع،  طماع أوي،  ميملاش عينه غير التراب.. 

في مرة من المرات سأل زينهم شخص ما ليه بياخد جمجمة الميت،  هل الموضوع ليه علاقة بكليات الطب ولا حاجة تانية.. 

وكان الجواب،  الجواب المريب

"دي بتروح يتعمل عليها سحر أموات" 

استغرب مدبولي

قصه رعب #

عم مدبولي #

قاستغرب مدبولي من الكلمه واستغرب أكتر لما عرف أن الساحر اللي طالب الجمجمه هيدفع عليها خمس آلاف جنيه أمال بيكسب منها كام 

وخطرت فكرة جهنمية في راس مدبولي،  فكرة شيطانية من الدرجة الأولى،  الجثث موجودة،  والمقابر موجودة،  ليه ميتعلمش السحر ويعمل هو سحر الأموات بنفسه.. 

زينهم يومها قاله،  كل اللي بنعمل حاجة،  واللي جاي حاجة تاني خالص،  انت كدا بتلعب باللهب اللي بيحرق.. 

بس مدبولي كان قرر،  قرر يجري ورا المال،  واشترى كتاب قديم بيتكلم عن سحر الأموات،  وجاب اللي يقرأ له كل حاجة بالتفصيل.. 

بس اللي متعرفوش ان زينهم ده كان داهية،  زينهم جاب كتاب شبه مستحيل انك تقدر توصله،  كتاب اسمه "العهود السبعة والطلاسم النافعة" 

الكتاب ده حرفيا كارثي،  كتاب بيخليك تعرف كل شيء عن سحر الاموات،  حتى تسخير الجن الموكل بيه بيكون من النوع الترابي السفلي،  حاجة كدا من الأرض الثالثة تقريبا.. 

يعني جحيم بكل المقاييس،  وبدأ مدبولي رحلة جديدة،  رحلة جهنمية،  وبدأ زينهم يدلل عليه،  الشيخ مدبولي اللي بيصحي الأموات وبيعمل كل حاجة تقريبا،  اعمال،  حجاب،  فك الأسحار،  وغيره وغيره.. 

حتى انه كان بيجيله اعمال يدفنها ويعرف معمولة لمين ويبعتلهم ييجوا يدفعوا ويعالجهم..

واستمر في التعلم من الكتاب لحد ما بقى عنده القرناء السفلية اللي قادرين يخدموه،  وبقا الناس بتجيله من كل مكان تقريبا.. 

المثير في سحر الأموات انه كان سهل جدا،  تقريبا تلت طرق وبس، نفع،  ضر،  رفع أذى.. 

وكلهم بيتعملوا على عظام الأموات،  اللي تقريبا مفيش اكتر منها عند مدبولي،  واللي خلاه يتميز عن أي ساحر تاني صعب انه يجيب عظام بالسهولة دي.. 

طبعا غير نشاطه القذر في اخراج جثث النساء لاغتصابها،  وتدفق المال في جيبه وبقا معاه مال كتير اوي.. 

بل وان الشيطان بدأ يلعب في راسه لحد ما خلاه شاذ زي غيره،  بقا بينتهك اجساد الجثث زي غيره،  بل وبيستمتع بده اكتر من الاحياء.. 

يوميا،  ناس بتيجي تعمل سحر،  تدفن سحر،  تشتري عظام،  تضاجع أموات،  حتى ان مدبولي كان عمال يفكر يعمل ايه اكتر من كدا كمان.. 

وزينهم كان معاه في كل خطوة تقريبا. ومشي الحال زي الفل،  كل شيء كان تقريبا بيجبلهم فلوس.. 

بس علمونا من زمان "دوام الحال من المحال" 

وان لكل ظالم نهاية،  وبعد تلت سنين تقريبا،  جت جثة لبنت وطلب اهلها من مدبولي يدفنها،  طبعا مدبولي كان

قصه رعب #

عم مدبولي #

انه يستمتع بيها لنفسه وبعدها يتصل بغيره يستمتع بيها،  بنت تستحق يكسب من وراها كتيرررر اوي.. بس في مكان تاني، وفي حتة تانية، وخاصة في مشرحة زينهم كان فيه ناس بتسجد على الأرض، بتسجد شكر لله ان الجثة دي خرجت وخدت لعنتها معاها، ان الكيان الشيطاني ده أخيرا غادر المشرحة

أخيرا غادر المشرحة للمقابر وان التراب أولى بيه، وياريت كان حد بلغ مدبولي، مدبولي اللي بدأ ينبش عشان ينتهك جسمها.. بس والله اعلم البنت مكانتش موافقة،  بدليل انها صحيت،  صحيت عشان تخلي الارض تشتعل بالجحيم،  جحيم القدماء،  لان يقال والله أعلم ان البنت دي كان لها قصة مهولة خلت احد القدماء يحتل جسمها،  واللي عايزك بس تعرفه حاليا ان الجن بالنسبة للقدماء شوية حشرات لا تضر..وارتفع على الأرض جحيم من نوع خاص جحيم اسمه القدماء 

كلنا عارفين ان نبش القبور بيكون لأسباب ما, سحر, سرقة, دفن أعمال, إنما انك تنبش قبر عشان تنتهك حرمة جسد فتاة فده شيء غريب, بس الأغرب انك بتنبش في قبر فتاة مسكونة بكيان قديم وكانت متسببة في عشرات الكوارث قبل موتها, بس كما قالوا  "اللهم اضرب الظالمين بالظالمين"

 ومدبولي كان ساحر طاغية, نيكروفيلي, ومن سوء قدره انه قرب من البنت دي، ومن هنا كانت الكارثة.

بدأ مدبولي ينبش قبر البنت وهو بيمني نفسه بليلة من ألف ليلة وليلة, لسة فاكر ملامحها الجميلة وجسدها الفاتن, جسمها اللي كان ابيض من القطن الحرير, بس الغريب ان مدبولي شعر ان كل خدامه من الجن الترابي مش موجودين, وده شعور بيحس بيه أي ساحر, بيستشعر خدامه حوليه طول الوقت, ليه الخدام مش موجودين دلوقتي  ؟؟

كان أمر يستحق التفكير, بس الشهوة كانت متمكنة منه لأبعد مدى, خاصة ان فتح القبر كان مرهق وشاق, بس مدبولي كان عارف ان على قدر العمل بتيجي النتيجة, واتفتح القبر, قبر البنت..

وقتها تليفونه رن, كان زينهم السمسار, زينهم سأله عن أخبار البنت وانه اتصل باتنين هيدفعوا مقابل انهم ينتهكوا جسد البنت, مدبولي غضب اوي وطلب منه يستنا, يستنا لما هو ياخد غرضه كامل, وقتها شعر مدبولي برجة بسيطة في الأرض من تحته, تعجب من الأمر وبص حوليه بس ملقاش حاجة..

#قصه رعب # عم مدبولي #

الفطرة السليمة ممكن تقولك ان ده تحذير عشان متكملش, بس شهوة ابن أدم مهلكة بتحب توديه في قلب الجحيم قبل ما تسيبه, ورفع مدبولي الغطاء الخشبي, وظهرت البنت وسط التراب بالكفن الأبيض ناصع البياض.. 

وسال لعاب مدبولي على البنت, البنت اللي جسدها كان ظاهر من خلال الكفن, نزل بشويش جوة الحفرة الضيقة وشال الغطا من على الوجه, وجه ملائكي نايم في سلام تام, كانت كأنها نايمة مش ميتة, خاصة لما تحسس وجهها بصوابعه, كان وكأن الدم لسة بيجري جوة عروقها, وكأن صدرها بيعلو ويهبط, بتتنفس..

كل ده خلى مدبولي في حالة غريبة من الشهوة تجاه البنت, قرب منها وحط كف ايده على كف ايدها و...

وفجأة الكف قبض على كف ايده, كف وكأنه مصنوع من الحديد القاسي, قلبه شبه توقف من المفاجأة وحاول يتحرر من قبضة الكف, بس البنت فتحت عينيها, فتحت عينيها وابتسمت..

وضلمت الدنيا تماما, ضلمت وكأن النور لسة متخلقش في الكون, وفكت الايد من على ايد مدبولي..

مدبولي اللي وقف لقى نفسه في مكان واسع جدا, مفيش قبر, خاصة لما بدأت الرؤية تتضح نوعا ما..

المكان شبيه بالمغارة, ايوة مغارة ضخمة, قديمة جدا, عليها نقوش غريبة في كل مكان, ومشي مدبولي بخوف وحذر ناحية الأمام, كان فيه ضوء ضخم لنار كبيرة في أخر المغارة..

خطوة ورا خطوة ومدبولي قلبه هيتوقف من غرابة اللي بيشوفه, كل اللي فاكره انه كان بيقرب من جسم البنت الميتة لحد ما فتحت عنيها, وفجأة لقى نفسه في المكان ده, وقرب اكتر من الناس, وبدأ الممر ياخد انحناء بسيط تجاه الشمال, لحد ما وصل للنهاية, وكان الهول في انتظار مدبولي, مدبولي اللي عقله خف ونظره ضعف وشعره شاب من المشهد..

كان فيه حفرة مشتعلة بنار عظيمة, وكأنها جهنم, جحيم الرب, وحولين الحفرة كان فيه كيانات مخيفة, وكأنهم زبانية جهنم, كل كيان فيهم ضخم, طويل جدا, جسمه ضخم جدا وله اكتر من ذراعين, وجوههم كانت مشتعلة فيها النار ومخيفة, وكأنك بتبص في وجه تنين اسطوري, عيونهم مشقوقة طوليا ولهم قرون عظيمة بطول نصف جسمهم تقريبا..

كانوا وكأنهم بيستجموا في حفرة الجحيم دي, وشهق مدبولي شهقة عمره لما شاف البنت اللي كان بيحفر عشانها, كانت معاهم, وتقريبا على الجانب التاني من الحفرة, وبالأخص كانت بصاله بنفس الابتسامة الملائكية, بس مستحيل تبث في نفسك الابتسامة دي غير الفزع المطلق, خاصة انها كانت وكأنها ملكة وسط الكائنات دي, وسمع صوتها بتهمس

#قصه رعب #عم مدبولي #

وسمع  صوتها بتهمس في ودنه "هجيلك" وقبل ما يستوعب الكلمة حصل الأتي..

فجأة صرخ كائن منهم تجاه مدبولي واخرج من النار سوط ناري وراح ضاربه بكل قوته, السوط نزل على صدر مدبولي زي اللهب خلاه يشعر وكأنه جسمه اتقسم نصين من شدة الألم, وصرخ مدبولي , صرخ بقهر وألم وذل, صرخ عشان يلاقي نفسه رجع للقبر من تاني, بس  الألم كان لسة مشتعل في صدره,

نار ملتهبة بتاكل في جسمه, اترمى في تراب القبر وراح يمسح بجسمه بكل عنف فيه عشان الألم يهدى شوية..

قلع الجلبية اللي كان لابسها عشان يفاجئ بخيط ناري واكل جلد صدره بعضلات الصدر كمان, وقبل ما يصرخ من المشهد بص قدامه, بص عشان يعرف ان المصيبة بقت أعظم وأعظم, الجثة مش موجودة نهائيا في أي مكان..

وخرج من القبر يصرخ زي المجانين لحد ما وصل الاوضة بتاعته, اتصل بزينهم وهو بيبكي من الألم وقاله تعالى ليا حالا وهات معاك دكتور..

وجه زينهم بعد نصف ساعة بس ومعاه دكتور, الدكتور اللي تعجب من قوة النار اللي خط بسيط منها ياكل الجزء ده كله من الصدر, وحكى مدبولي لزينهم كل حاجة وطلب منه يروح يعرف تفاصيل حياة البنت دي, ومين هي البنت دي من الأساس, ولما تسائل زينهم عن الخدام وانهم هيعرفوا لطم مدبولي على وجهه وقاله ان مفيش خدام, حتى انه حاول يستدعي منهم اي حد بس مفيش, حتى الكتاب مبقاش له اي لازمة, وكأنها لعنة نزلت عليه من السما..

وخرج زينهم فورا من المكان عشان يتقصى بعض المعلومات عن البنت دي, ونام مدبولي على سريره وهو بيتألم بشدة, عمال يصرخ من النار اللي عمالة تاكل في صدره, حتى بعد ما غير على الجرح الملتهب ده..

وبدأ مدبولي يهلوس, وكأن شياطين العالم كله واقفين على دماغه, ورن جرس التلفون, وسمع صوت لهاث زينهم وهو بيقول احنا وقعنا في كارثة, كارثة  واتقبض قلب مدبولي وهو بيسمع."عرف ان البنت دي سكنها كيان قديم من القدماء, والقدماء هم كائنات وجدوا على الأرض قبل الجن كمان, موطنهم الأرض السادسة والسابعة, اخر ذكر لكيان منهم خرج على الأرض كان من الاف السنين تقريبا, ومحدش قدر يفسر ازاي الكيان ده خرج وازاي سكن جسم البنت دي بالذات,واحد من اهلها قال في محضر الشرطة بعد ما ماتت منتحرة انها نزلت مقبرة أثرية من تلت سنين وخدت نقوش من على الجدار..

قصه رعب #عم مدبولي #الجزء الاخير #

وخدت  نقوش من على الجدار..ومن يومها البنت حالها اتغير,  تسببت في موت كل اهلها الا واحد او اتنين بس, تسببت في حرائق في كل مكان راحته لدرجة ان البلد اللي كانت ساكنة فيها اتحرقت عن بكرة ابيها بنار عظيمة, حتى لما انتحرت ورمت نفسها من مكان عالي, محدش قدر يلاقي فيها خدش واحد, وكأنها خلقت من حديد صلب..

وراحت المشرحة عشان تتسبب في أهوال فظيعة, حرائق, الاموات يصحوا بالليل, الثلاجات تتكسر, حتى انها تسببت في ان اجسام الجثث تتحلل جوة التلاجات, واللي فسر كل ده عالم استعانت بيه الشرطة في القضية الغريبة دي, واللي نصح بسرعة دفنها فورا..

وكانت المصيبة انه يكون محظوظ وينبش قبرها عشان يخرجها, عشان يخرج كيان خلى الجن الترابي القوي اللي معاه يهرب, يفر من المكان كله, حتى سحر الأموات تعطل في حضرتها..وربط مدبولي اللي شافه باللي سمعه, وعرف ان ايامه في الدنيا معدودة, بس مكنش يعرف انها اقرب مما يتوقع لما سمع صوت انثوي بيقول

"قولتلك هرجعلك"وبص برعب قدام السرير عشان يشوفها واقفة, وقبل ما ينطق كملت كلامها وقالت

"مش كنت بتشتهيني من شوية"وسقط مدبولي على الأرض مغمى عليه من الرعب..

المباحث وصلت لقبر مفتوح بعد ما زينهم قدم بلاغ في اختفاء مدبولي, وبالفعل عثرت المباحث على مدبولي في قبر البنت, كانت تقريبا فوقها, وكان جسمه كله متفحم وعنده تهتك كامل في اسفل ظهره وتفتت في العضو الذكري..

 وقررت المباحث تردم عليهم بدون اي تحقيقات اخذا بنصيحة العالم اللي فسر القضية قبل كدا, والغريب ان زينهم انتحر بعدها بأيام هو وكام شخص من اللي بييجوا لمدبولي عشان يضاجعوا الموتى..

وتحفظت المباحث على المقابر كلها ومنعت اي حد يروح يدفن هناك خاصة بعد حدوث عشرات جرايم القتل البشعة فيها, حتى انك لو روحت حاليا هتلاقيها مقفولة بسور حديد بالكامل, ولا حد يقدر يدخل ولا حد يعرف يخرج منها..

............. متنسوش تقولولي رأيكم في القصه 

علشان في بعض الناس بتقولي  القصه وحشه 

تمت بحمد الله  "بها بعض الأحداث الواقعية"

...انضم لجروب التليجرام ( هينزل فيه الرواية كاملة )اضغط هنا 

مجمع الروايات الكامله والحصريه  اضغط هناااااااا 

تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هناااااااا