 |
رواية ساعات العذاب البارت الاول بقلم غاده سعيد في موسوعة القصص والروايات جميع الفصول كامله وحصريه
ساعات العذاب
الجزء الاول
بقلم / غادة سعيد
انا اسمي ندي وعندي حاليا ٣٥ سنه .....
حكايتي بدأت من حوالي ١٥ سنة وانا فالجامعه ايام الشباب بقي....
كنت جميلة جدا اي واحد يتمني اني ابصله لحد ما قابلت كريم بصراحه لفت نظري جدا لانه خجول ومش بجح زي باقي الشباب وطلب بكل ادب انه عاوز يرتبط بيا وانا بصراحه ممانعتش عشان انا كمان كنت معجبة بيه وبالفعل عشان مطولش عليكم جه عندنا البيت واتقدملي وعملنا خطوبة لحد ماتخرجنا احنا الاتنين واتفقنا علي ميعاد الفرح.....
كنت مبسوطه جدا ويوم الفرح كان يوم جميل وكل اصحابي حواليا وعيلتي وعيشت اول ٣ سنين جواز في سعادة وبعد التلت سنين حياتي كلها اتقلبت .....
كريم مبقاش طايق يعد فالبيت ولا يبص في وشي ولا وش بنته وعلي طول في خناق ومشاكل من غير اي سبب.....
شكيت ان فيه واحده في حياته مغيراه من ناحيتي .....
ومبقتش عارفه اعمل ايه بقي يتلكك علي اي حاجه ويخليني امشي من البيت اروح ل اهلي عشان يقعد لوحده .....
وفيوم حصلت مشكله وضربني رحت غضبت عند اهلي....
_ مالك بس ياندي ايه الي حصلكم يابنتي انتو اتحسدتوا ولا ايه كل يوم مشكله ....
_ انا خلاص يا ماما زهقت وتعبت من العيشه دي وبفكر اتطلق عشان جبت اخري ....
_ تطلقي ايه بس ايه الي بتقوليه دا كريم بيحبك هو تلاقيه مضغوط من الشغل بس وهيرجع كويس....
فجأه التليفون رن.....
_ ايوة ياسارة ازيك وحشتيني كنتي لسه في بالي والله
_ ازيك ياندي فينك بقالك كام يوم مش بتتصلي
_ انا عند ماما يا سارة تعالي اقعدي معايا عشان مخنوقه اوي ....
_ ماشي ياحبيبتي ساعه وهكون عندك ....
سارة دي تبقي اقرب صديقه ليا وهي الي دايما بتنصحني اعمل ايه فالمشاكل وبتهون عليا كتير ....
جت سارة تقعد معايا .....
_ مالك بس ياندي كل شوية مشكلة كده ....
_ انا تعبت ياسارة البيت والع حريقه وكل ما نتصالح نتخانق تاني ووصلت انه يمد ايده عليا....
_ معلش ياحبيبتي تلاقيه مخنوق من الشغل انا لو منك اروح اصالحه واعرف ايه الي مدايقه ...
بصي سيبي آسيل معايا وروحي اعمليله مفجأه وروحيله البيت صالحيه .....
بصراحه عجبتني الفكرة وقولت اسيب البنت معاها هي وماما واروح نتكلم بهدوء .....
ويارتني ما روحت اول ما فتحت باب الشقه لقيت........
يتبع ...يتبع ؛ انضم لجروب التليجرام ( هينزل فيه الرواية كاملة ) اضغط هنا
مجمع الروايات الكامله والحصريه اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هنا
تعليقات
إرسال تعليق