رواية من أجلها البارت الثالث والرابع بقلم امل صالح في موسوعة القصص والروايات جميع الفصول كامله وحصريه
رواية من أجلها البارت الثالث والرابع بقلم امل صالح في موسوعة القصص والروايات جميع الفصول كامله وحصريه
رواية من أجلها البارت الثالث والرابع بقلم امل صالح في موسوعة القصص والروايات جميع الفصول كامله وحصريه
#من_أجلها3
- نطلع لما نبقى في بيت غريب لكن سوري يا حبيب أمك، Here's my house، مش عاجبك بيت أمك أولى بيك، عارف أمك ولا مش عارفها!؟
بصلها بتركيز وقال بنبرة تهديد - لو مخدتيش أمك يا رهف وطلعتي برة هيحصل حاجة مش لطيفة خالص، ولا هتعجبك برضو.
ردت بتحدي - مش طالعة، وأعلى ما في خيلك اركبه، لو مش عاجبك وجودي هنا تقدر تغور في داهية لكن كون إنك تغلط فيا أو في أمي فدا مش هيحصل.
اتكلمت نجاح وهي بتشد رهف بالقوة لأوضة من الأوض - اسكتي وتعالي معايا بقى!
دخلت الأوضة وهي عينها ثابتة عليه بنظرات كلها كُره، قفلت نجاح الباب ورهف اتكلمت بعصبية - نعم! عايزاني أسكت واسيبه يبرطم ويقل أدبه! أفضل ساكتة المفروض وهو بيغلط فيكي.
- يا رهف مش كدا يا رهف! أنا همشي وأنتِ اتكلمي معاه اكيد أنا ضايقته في حاجة عشان يقول كدا.
- أتكلم معاه! مَـ يولع يا ماما، بعدين أنتِ مش راحة في حتة أنتِ هتفضلي هنا عِندًا فيه.
اتنهدت نجاح بيأس - يا رهف، يابنتي اسمعي الكلمة بقى، مينفعش كلامك معاه بالشكل دا وأنا زي ما بقولك أكيد أنا عملت حاجة ضايقته فقال كدا، حاولي تفهمي منه واعتذري بالنيابة عني.
إبتسمت رهف بتريقة - دا عند امه الكلام دا، أنا ولا هتكلم معاه ولا هعتذرله، مش عاجبه يخبط دماغه في الحيطة.
راحت نجاح ناحية باب الأوضة - أنا نازلة، وعشان خاطري اعملي زي ما قولت.
فتحت نجاح الباب ونزلت ورهف قفلت باب الأوضة عليها كويس ومسكت تلفونها، شوية ورفعته على ودنها بإنتظار رد اللي اتصلت عليه على أحر من الجمر...
- كمال أنت هتنزل البلد امتى؟
رد كمال من الطرف التاني بإستغراب - استغفر الله! هو مفيش مثلًا سلام عليكم؟ أو ألو ازيك يا اخويا يا حبيبي.
- كمال لو سمحت رد عليا.
صوتها اتخنق في آخر كلمة وهي مش عارفة تكتم في نفسها أكتر من كدا، أي نعم كانت قوية وثابتة قصاد علاء لكن كان جواها خوف كبير منه...
مهما الأنثى تصنعت أو تظاهرت بالقوة فَـ هي أولًا آخر "أنثى"، يعني بطبيعتها رقيقة المشاعر ومش أي موقف تعرف تتصداله..
لكن رهف رغم دا وقفت قصاد جوزها وهي عارفة قوته وممكن يعمل إي فيها، عشان كدا قفلت الباب عليها بالترباص كويس!
رد كمال عليها بجدية - في إي يا رهف.
اتفتحت في العياط - في إني محتاجة أعمل حاجات كتير أوي ومش هينفع أعملها غير بوجود سند ليا يا كمال، ارجع لو سمحت.
- حاضر حاضر، اهدي والله أنا أصلًا راجع، بس اهدي وفهميني في إي!؟
-علاء.
- علاء جوزك؟ ماله؟
- مدمـ.ـن يا كمال، علاء مدمـ.ـن....
يتبع...♥️
(الثالث)
#من_أجلها4
- علاء مدمـ.ـن يا كمال....
- أنا مش فاهم حاجة يا رهف، اقفلي دلوقتي ولما انزل إبقي فهميني براحة.
قفلت معاه ووقفت قصاد باب الأوضة مش عارفة تعمل إي، تطلع ولا تفضل حابسة نفسها جوة لحد ما يمشي هو...
قررت خلاص فأخدت نفس طويل وهي بتمسح عينها مكان الدموع بعدين فتحت الباب وطلعت بعد ما رسمت البرود ببراعة على ملامح وشها..
كان قاعد على الكنبة ماسك تلفونه بإيد وبالتانية ماسك كوباية شاي وبمجرد ما لاحظ خروجها رفع راسه وقال - خير! ما سحبتيش نفسك مع أمك ليه! ولا أنتِ غاوية تهزيق بقى.
- ابقى اتغطى وأنت نايم لأحسن بدأت تخرف يا لولي، بعدين أنا ما شاء الله شايفة بجاحة، يعني مش مثلًا تحط لسانك في بُقك وتحمد ربك إني مفضحتكش لأ بتقل أدبك.
وقف - أصلي مَـ تربتش بقى.
مِشىٰ ناحية باب البيت ولف بصلها وقال وهو بيبتسم بسمة ونظرة مريحوهاش - رهف .. افتكري إن العِند بيجيب عِند، وأنا عِندي دايمًا مخلوط بصدمة..
فتح الباب ونزل وهي لسة واقفة بتبص لمكانه بسرحان وهي بتفكر في كلامه، بتحاول تفهم قصده لكن موصلتش لنتيجة..
رجعت الأوضة تاني وعقلها بيفكر في معنى كلامه بخوف مَلَى قلبها، نبرة التهديد في صوته مكنتش تطمن أبدًا..
الساعة ٨ بليل، كان عدَّى حوالي ٣ ساعات على خروج علاء، الباب خبط كانت رهف بتقلب في التلفون بسرحان..
قفلته بإستغراب وهي بتحاول تخمن هوية اللي بيخبط، أكيد مش علاء لأنه معاه مفتاح البيت!
وقفت فتحت الباب بسرعة بعد ما شافت اللي كان بيخبط واللي مكنش غير "كمال" أخوها، بمجرد ما فتحت الباب رمت نفسها في حضنه وبدأت تعيط..
اتفاجئ من فعلتها لكن ما أظهرش دا وبادلها وهو بيمسح على ضهرها بقلق، دخلوا وهي بتمسح وشها ولسة بتشهق..
قعد جنبها ومسك إيدها بإيد وبالإيد التانية بيطبطب عليها، واتكلم وهو بيحرك راسه لفوق وتحت - اهدي .. اهدي يا رهف، أنا أهو موجود!
نفت براسها وهي بترد عليه بعياط - مكنتش موجود قبل كدا يا كمال، مكنتش موجود.
إبتسم وهو بيحاول يطمنها - وجيت، جيت ومش همشي تاني وعد..
بدأ يهدي فيها لحد ما هدت تمامًا فقال وهو بيتنهد - في إي بقى! علاء مدمـ.ـن ازاي ولا مدمـ.ـن إي!
- مدمـ.ـن يا كمال ... هي محتاجة تفسير!
أخد نفس طويل - طيب امتى، عرفتي ازاي ولا اتصرفتي ازاي.
- بعد ٤ شهور من الجواز، كنت نازلة لماما يومها ورجعت تاني عشان نسيت المحفظة بتاعتي فشوفته.
- وسكتي ليه يا رهف! سكتي ليه من أول يوم.؟
عينها دمعت - عشان خوفت منه، يومها مكنش طبيعي لما شافني وعرف إني عرفت، إتهجـ.ـم عليا وكان هيضربـ.ـني، كل دا وهو مش في وعيه..
مسحت عينها وكملت - لما فاق اعتذرلي كتير وقالي إنه مكنش قصده يعمل كدا، ولما اصريت وقولت إني لازم اسيبه أخد مني التلفون عشان متكلمش مع حد، هو ميعرفش إني معايا واحد زراير فميعرفش إني كلمتك.
- أنا مش عارف احدد هو إي دلوقتي؟
- علاء مش وحش كشخصية يا كمال، أنا عارفة إنه عمره ما يضـ.ـربني وإنه فعلًا مكنش في وعيه، بس أنا مقبلش أعيش مع واحد مدمـ.ـن أو واحد هان أمي..
- هان أمك؟ قصدك إي؟!
حكلته اللي حصل الصبح وهو بيسمعها بغضب بيزيد مع كل كلمة، لاحظت مع نهاية كلامها سنانه اللي جازز عليها وإيده اللي ضغط عليها بقوة..
وقبل ما يعمل أي حاجة كان جرس الباب بيرن، وقفت وهو وراها بيبص بترقب لحد ما فتحت وشافت علاء واللي معاه..
إبتسم بسمة صفرا قاصد يضايقها وقال وهو بيشاور على اللي معاه وهو مش شايف كمال اللي جوة - زينب، مراتي...
تكملة الروايه اضغط هناااااااا
تعليقات
إرسال تعليق