رواية الحب ام الانتقام البارت السادس بقلم اسماء صالح في موسوعة القصص والروايات جميع الفصول كامله وحصريه رواية الحب ام الانتقام الفصل السادس بقلم اسماء صالح في موسوعة القصص والروايات جميع الفصول كامله وحصريه  |
رواية الحب ام الانتقام البارت السادس بقلم اسماء صالح في موسوعة القصص والروايات جميع الفصول كامله وحصريه
#الحب_ام_الانتقام
#بارت6
#بقلم_اسماء_طلعت
دخل سليم وملك الغرفه وقفل سليم الباب ثم تحول وجهه المبتسم الي وجهه عابس استغربت ملك من سليم
ملك:سليم في ايه
سليم:تقدري تنامي على الكرسي وانا هنام على السرير
ملك:مش فاهمه هو في ايه يا سليم ايه اللي انت بتقوله دا
سليم:انتي مراتي على الورق بس مفيش حاجه هتحصل بينا
ملك:وحبك ليا يا سليم كل الوقت اللي فات كل دا كان كدب
سليم:اه كان كدب انا اتجوزتك علشان اخد انتقامي
تضحك ملك بصوت عالي ويستغرب سليم من رد فعلها الغريب ثم تتكلم ملك قائله:شكلك كنت فاكر ان انا غبيه يا سليم بس لا انا عارفه من اول يوم خطتك وان انت قربت مني بس علشان تنتقم مني يعني مش معقول برضوا يا سليم يبقي واحد مهددني امبارح ويجي تاني يوم يعتذروخصوصا لو الواحد دا انت شخص مغرور وشايف نفسه اكيد مش هيعتذر بالسهوله دي شوفت مين فينا اللي غبي يا حبيبي بس انا قولت اسيرك والعب معاك لعبتك لحد ما تحس نفسك انك نجحت في اللي بتخطط ليه وتنصدم بفشل انتقامك في اليوم اللي هتحتفل فيه بنجاحه اوعي تكون كنت مفكران هموت عليك اوهموت لو متجوزتكش فوق دا انت بتحلم
سليم بضحكه سخيفه:علي العموم مش دا السبب الوحيد ل انتقامي يمكن في الاول كان دا سببي بس لما انتي وقفتي جنبي لما تعبت حسيت ان مش تستاهلي تتأذي وان المشاكل اللي حصلت بينا كان مجرد سوء تفاهم مش اكتر بس طلعتي انتي كمان بتلعبي معايا نفس لعبتي وطلعتيني غبي بس مش مشكله ظهر سبب تاني انطقم علشانه
تجلس ملك علي الكرسي وتضع رجل على رجل وتقول ب ابتسامه سخيفه:وايه بقي اسبابك دي سمعني
مسك سليم ملك من شعرها بشده وقال بعصبيه:بس ورحمه امي ل اخليكي تندمي انتي وابوكي علي كل حاجه عملتوها فيا وف امي وابويا هندم ابوكي علي اللي عمله فيهم وكان سبب في موتهم هندمك علي اليوم اللي فكرتي تهنيني فيه وتمدي ايدك عليا هندمك علي اليوم اللي فكرتي تلعبي معايا نفس لعبتي انتي دلوقت هتعرفي مين هو سليم بجد هندمكوا علي اليوم اللي اتولدتوا فيه هخليكوا تشوفوا نجوم الليل في عز الضهر
تشد ملك ايد سليم وتضربه علي صدره الي ان يتركها فتضربه ملك بالقلم ثم تقول:مش انا يا سليم اللي يتعمل معايا كدا انا جايه هنا انتقم منك على انك حاولت تلعب بيا وبمشاعري يعني جايه انتقم زي زيك بالظبط مش جايه زوجه ليك علشان تفكر انك هتمد ايدك عليا واسكت ولا جايب خدامه علشان تتوقع كل يوم تصحي تلاقيني عملت الاكل ونضفت البيت فوق دا في احلامك واخر حاجه انا بابايا يعرفك منين ويعرف اهلك منين وسبب في موتها ازاى انا مش فاهمه حاجه فهمني
سليم: مش شرط تفهمي انا هطلع اغيرفي الحمام اللي برا تقدري تغيري في الحمام اللي في الاوضه
ملك:استني انا بكلمك فهمني
يترك سليم الغرفه ويخرج ولا يرد عليها
تدخل ملك الي الحمام وتنهار من العياط وتقول وهي منهاره : ازاى يعمل فيا كدا انا حبيته ازاى يخدعني ازاي قدر يخدعني الوقت دا كله ازاى يضحك عليا وايه علاقته ب بابا ويعرفه منين وازاى بقي السبب في موت اهل سليم انا هتجنن بس انا ليه فهمته ان كنت عارفه ان هو بيمثل وانا فعلا صدقت لعبته ليه قولتله ان انا كمان جايه انتقم وان مش بحبه بس انا بحبه بس هو كان يستاهل الي عملته كان لازم احسسه ان مش ضعيفه وان مش هسمحله يأذيني
تفوق ملك وتوقف البكاء وتقوم تغسل وجهها وتأخذ دش سريع لتفوق من ضغط الافكار التي تأتي الي رأسها جميعها مره واحده ومن انهيارها وبكائها نسيت ان تأخذ بجامتها معها ف اضطرت ان تلبس البرنس وتخرج الي الغرفه لتحضر بجامتها فتجد سليم يجلس علي الكرسي فيلاحظها سليم ويقول لها:المنظر دا ميتكررش تاني
ملك بسخريه:متقلقش مش هموت انا علشان تشوف المنظر دا وبعدين مش كنت اعرف انك هنا وكمان في حاجه لازم تفهمها ان مش كل الناس هتموت عليك
يسكت سليم ولا يجيب عليها وتحضر ملك بجامتها وتدخل الى الحمام مره اخري وتلبسها وتخرج
عندما تخرج يري سليم في كتفها الايسرحرق كبيرولكنه قديم فيقل لملك: ايه دا من ايه
تنظر ملك الي الجرح وتنزل دمعه من عينها لكن تلحق نفسها وتمسحها كي لا يلاحظ سليم ولكن قد لاحظ سليم هذه القطره ولاحظ هذه العيون التي امتلات بالحزن والالم حين نظرت الي الجرح
لا تجيب ملك علي سؤاله وتذهب الي السرير وتجلس عليه وتقول:تقدر تنام علي الكرسي انت بقي
ثم تغطي جسدها ب اللحاف وتمثل انها نائمه ولكنها كانت تسترجع ذكريات هذا الجرح
فلاش باك ملك وهي صغيره............
ملك تقول وهي تبكي:اسفه والله مكنتش اقصد سيبني....سيبني ....ابعد عني متأذنيش....لا.لا.لا.لا.ااااااااااااااه
ترجع ملك الي الحاضر فتجد نفسها قد امتلأت عينها بالدموع بعد هذا المشهد المألم لها فتمسح دموعها وتنام
نروح لسليم الذي نام علي الكرسي وهو يتذكر والدته في ايامها الاخيره
فلاش باك .........
حنان(والده سليم):اوعدنى يا سليم متدورش عليه انا مش عايزه حقنا ولا عايزه حاجه انا عايزاك انت تكون كويس يا بني
سليم:والله ما هسيبه بعد اللي عمله انا هندمه على اليوم اللي اتولد فيه
حنان:علشان خاطري يا سليم يا بني اوعدني ان تبعد عنه دا بني ادم معندوش قلب وممكن يعمل فيك اي حاجه انا خايفه عليك انت يا بني اسمع كلامي
سليم:مش هسيبه يا امي بعد اللي عمله فينا
حنان:علشان خاطري يا سليم اسمع كلامي واوعدني
سليم:بس يا امي
حنان:لو عملت حاجه يا سليم لا انت ابني ولا اعرفك
سليم:حاضر يا امي خلاص بوعدك بس اهدي انتي انا مش هعمل حاجه بس لو هو قرب مننا تاني انا مش هسكت
حنان:ربنا يحميك ليا يا بني ويبعده عنك
يبوس سليم يد والدته ويقول:ويخليكي ليا يا ست الكل
ويكمل كلامه قائلا:انا نسيت تليفوني في العربيه هنزل اجيبه بسرعه واجي
ينزل سليم ويأتي بهاتفه ويصعد الي والدته ويجد الدكتور امام باب غرفه والدته ويقول الدكتورله: انا اسف يا سليم يا بني البقاء لله شد حيلك (وطبعا احنا عارفين الباقي اللي هو بدايه اول بارت)
يرجع سليم للحاضر..وعيونه كانت قد امتلأت بالدموع علي فراق والدته وما حدث معها فيمسح سليم دموعه وينام
نرجع لبيت منال..........
تفتح منال الباب
منال:انت...انت بتعمل ايه هنا
والد ملك:ازيك يا منال عامله ايه
منال:انت جاي ليه وعايز مننا ايه ليه جاي بعد الوقت دا كله ليه بتدخل حياتنا تاني بعد ما رجعت طبيعيه
والد ملك:انا جاى اتأسف ليكي انتي وملك على كل اللي عملته معاكوا انا ندمان وبتمني تسامحوني معا ان عارف ان صعب
منال:اطلع برا ومتجيش هنا تاني
وبينما كانت منال تغلق الباب يتكلم والد ملك ويقول: انا عندي كانسر في المرحله الاخيره وبموت
تتوقف منال عن غلق الباب لصدمتها مما قاله ويكمل والد ملك كلامه قائلا: انا مش قدامي كتير هما كام شهر وجاي علشان تسمحوني وعايز اشوف ملك وحشتني وعايزها تصدق ان ندمان انا كدا خلصت كل الكلام اللي عايز اقوله همشي علشان الوقت اتأخر ودا رقمي هسيبك تفكري انتي وملك واتمني من قلبي تسمحوني
يمشي والد ملك ويترك منال تفكر في كلامه الي ان جاء الصباح
في الصباح......
في منزل سليم.....
تستيقظ ملك من النوم قبل سليم وتظل تنظر اليه وتفكر في كيف دمر علاقتهم وما الشئ الذي فعله والدها ل والدي سليم ثم تفوق من افكارها وتأخذ ملابسهم وتدخل الحمام لتغير ثيابها
بعد ان انتهت ملك من تغير ملابسها تخرج لتعمل فطار لنفسها ف تجد الثلاجه فارغه فتتذكر ان سليم قال لها عندما جائت الي منزله انه يشتري طعام من الخارج ولا يوجد شئ في المنزل لتحضير الطعام
تغلق ملك الثلاجه وتغادر المطبخ وتدخل ملك الي غرفه النوم
ملك:سليم ..سليم..سليم اصحي
سليم:في ايه علي الصبح
ملك: عايزه افطر ومفيش حاجه اعمل بيها فطار
سليم:اعملك ايه يعني يا ملك انتي بتصحيني علشان كدا ما تطلبي اي حاجه اطلعي يا ملك انا عايز انام
ملك:لا مش بصحيك علشان كدا بس انت هتنزل معايا نجيب طلبات للبيت علشان ماما هتيجي النهارده وهنحطلها ايه والبيت فاضي مفيش حاجه فيه للاكل
سليم:لاا انتي بتحلمي مش هنزل خدي نفسك وروحي هاتي اللي تجبيه انا مش هقوم
ملك:هتقوم يا سليم
سليم:مش هقوم يا ملك ووريني هقوم ازاى
تحضر ملك هاتفها وتوصله ب سماعات كانت موجوده بالمنزل وتعلي الصوت وتشغل اغاني وتذهب الي الريسيبشن وتشغل التلفاز وتعلي الصوت
ثم تذهب الي سليم وتقول بصوت مرتفع ليسمعها: قدامك حل من الاتنين يا تقوم معايا يا هنفضل علي الوضع دا لحد ما حد من الجيران يشتكينا للشرطه بتهمه تسبيب ازعاج ونتسجن ونقضي اليوم في السجن انت ايه رأيك
سليم:اوووووووووووف حاضر يا ملك افصلي ام التليفزيون وافصلي ام الاغاني دي انا هقوم البس
تبتسم ملك ابتسامه انتصار فقد انتصرت عليه منذ اول يوم ثم تفصلهم
ذهب سليم لتغير ملابسه وخرج الي الريسبشن حيث تجلس ملك
سليم:يلا
ترد ملك وتقول:حاضروفي عينيها نظره انتصار
تخرج ملك ويخرج سليم خلفها بعد ان اخذ مفاتيح سيارته وركب كلاهما السياره ولم يتكلم احد منهم حتي وصلوا الي السوبرماركت
سليم:انزلي انا هستناكي هنا ولما تخلصي اتصلي وانا هاجي احاسب واخد الحاجه
ملك:وانت هتخسر ايه لو نزلت
سليم: انا قولت اللي عندي انا مش هنزل لو مش عجبك نرجع البيت تاني
ملك: ماشي يا سليم هروح انا
تنزل ملك من السياره وتدخل الي السوبرماركت وتحضر كل الاشياء التي تحتاجها وتذهب للكاشير لكي تحاسب فتفتح ملك حقيبتها لكي تأخذ هاتفها وتتصل بسليم ليأتي فتجد انها نسيت هاتفها في السياره فتخرج لكي تنادي لسليم
تخرج ملك من السوبرماركت واثناء ذهابها لسليم يوقفها شاب ويضايقها وتحاول ملك ان تتركه وتذهب فيمنعها
نسيب ملك ثواني ونروح لسليم في السياره.......
يري سليم هاتف ملك في السياره فيعرف انها نسته فيخرج ليذهب لها وهو يتجهه للسوبرماركت يري شخص يضايق ملك فيجري سليم ليلحقها فتراه ملك
ملك:سليم...سليم الحقني
وتذهب وتختبأ خلف سليم وهي تبكي فيتركها سليم ويذهب لضرب الشاب الذي ضايقها وبعد ان انتهي وذهب الشاب بعد ضرب سليم له
يمسك سليم يد ملك بشده ويقول بعصبيه:واقفه معاه تعملى ايه ولما ضايقك مش حاولتي تدخلي السوبرماركت تاني ليه وساعتها كنتي هتاخدي تليفون حد وتتصلي عليا ونسيت ام التليفون في العربيه ليه مش قولتلك تخديه معاكي ولا هو مفيش مخ
ملك بعصبيه وعياط:انت تلوم نفسك مش تلومني انا قولتلك تعالي معايا وانتي اللي مش جيت وحبيت تعاند وخلاص ولو انت كنت جيت مكنش دا كله حصل
وتتركه ملك وتذهب الي السياره ويأتي سليم بعدها بعد ان دخل الي السوبرماركت واحضر الطلبات وحاسب عليها ويغادروا الي المنزل ايضا بدون اي كلام بينهم
يصلوا الي المنزل ف يدخل سليم الي المطبخ ليضع الاغراض التى احضرها من السوبرماركت ثم يذهب الي الريسيبشن ويشغل التلفاز وتذهب ملك الي المطبخ لتحضير الاكل لان ما هي الا 3 ساعات وتصل والدتها اليهم
وبعد3 ساعات..........
انتهت ملك من تحضير الاكل والسفره وتذهب ل سليم وتقول: ماما مش هتعرف حاجه عن الي بيحصل بينا يا سليم وهنتعامل قدامها زي اي اتنين بيحبوا بعض
سليم: ان شاء الله
يرن جرس المنزل فتذهب ملك لتفتح
ملك:ماما وحشتيني اوي اوي
منال: وانتي كمان يا قلب ماما
ويحتضنوا بعضهم
ملك:ادخلي يلا سليم قاعد في الريسبشن
تدخل ملك ومنال الي عند سليم
فيقوم سليم من علي الكرسي ويحتضن منال
سليم:ازيك يا طنط عامله ايه
منال: الحمد لله يا حبيبي انت عامل ايه وملك عامله معاك ايه
سليم: ملك مدوخاني يا طنط والله
منال :ليه يا بني
سليم: بهزر يا طنط هو فيه زي ملك
منال:ربنا يخليكوا لبعض يا حبيبي وتفضلوا كويسين
ملك:حبيبتي يا ماما ويخليكي لينا طيب يلا بقي ناكل الاكل على السفره
يقوموا جميعا الي السفره ويأكلوا ويضحكوا ويحاولوا ان لا يشعروا منال بأي شي حدث بينهم
ملك:سليم يا حبيبي ممكن تجيب السلطه من المطبخ علشان نسيتها
سليم:حاضر يا حياتي
يذهب سليم ويحضر السلطه ثم يجلس على السفره ويرجعوا يضحكوا ويهزروا معا بعض تاني ثم يرن هاتف سليم فيقول : بعد اذنكم هقوم ارد علي التليفون واجي
يدخل سليم للغرفه ويجيب على الهاتف ويقول : حاضر انا شويه وجاي هبقي ابعتلك اللوكيشن وينهي الاتصال وعندما كان يخرج يلاحظ سليم ان ملك كانت تستمع الي كلامه في الهاتف فيمثل انه لا يراها وتذهب ملك الي والدتها
منال: حبيبتي في موضوع عايزه اكلمك فيه بس مش هينفع هنا ابقي تعالي البيت في اقرب فرصه
ملك: خير يا ماما قلقتيني
منال: متقلقيش يا حبيبتي خير مفيش حاجه
ملك: حاضر هقول لسليم واجيلك بكرا يا حبيبتي
منال: طيب يا حبيبتي فين سليم اما اسلم عليه قبل ما امشي
ملك: افضلي قاعده شويه يا ماما
منال: لا يا حبيبتي مره تانيه
ملك:سليم.. يا سليم
سليم: نعم
ملك:تعالي سلم علي ماما علشان هتمشي
يأتي سليم ويقول: ما تقعدي شويه يا طنط
منال: مره تانيه يا حبيبي
سليم: طيب استني اجي اوصلك
منال: مش مشكله يا حبيبي هاخد تاكسي متتعبش نفسك وافضل معا مراتك متسبهاش لوحدها
ثم تغادر منال ويدخل سليم الي الغرفه ويخرج لابس ملابس شيك جدا وواضع برفانه رائحته نفاذه وجميله وهو يفعل كل هذا عنادا بها انصدمت ملك لما شافته كدا وقالت في عقلها :هو اكيد رايح يخوني هو مش هيلبس كدا علشان يقابل صاحبه وكمان سليم ملهوش صحاب هنا ثم تفوق ملك من تفكيرها وتكلم سليم وتقول: سليم انت رايح فين
سليم: هو احنا مش اتفقنا جواز علي ورق ولا انتي صدقت انك مراتي بجد
ملك: لا بس كنت بسألك علشان انا كمان كنت هنزل
سليم:نعم مش سامع بتقولي ايه انتي قولتي تنزلى انا سمعت صح
ملك:اه صح زي ما سمعت
سليم:انت بتقولي ايه تنزلي فين دلوقت لوحدك الوقت اتأخر وتروحي فين
ملك:هو انت نسيت ان مش مراتك غير علي الورق بس ف مش ليك الحق تسألني حاجه زي ما انا مش ليا الحق اسألك
سليم بعصبيه: ملك اتعدلي مفيش خرج ولو جيت من برا لقيتك طلعتي هتزعلي
ويخرج بدون ان يسمع رد ملك
ملك:طيب يا سليم انا هورك انا قولتلك انا محدش يأمرني
وتدخل غرفتها وتخرج احلي طقم عندها وتضع ميك اب وتخرج وتذهب الي كافيه فقط عنادا في سليم
يتبع...................
يا ترااا سليم هيعمل ايه في ملك لما يعرف انها خرجت ومش
سمعت كلامه ؟؟
يا ترااا والد ملك عملها ايه هى ووالدتها وهل هو ندم فعلا؟؟
يا ترااا مين والد ملك وايه اللي عمله لسليم واهله؟؟
يا ترااا ايه قصه الحرق اللي في ايد ملك ؟؟
يا ترااا سليم راح يقابل مين؟؟
نعرف معا بعض البارت الجاي سلام
يتبع؛؛ انضم لجروب التليجرام ( هينزل فيه الرواية كاملة ) اضغط هنا
مجمع الروايات الكامله والحصريه اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هنا
تكملة الروايه اضغط هناااااااا
تعليقات
إرسال تعليق