رواية إعادة حب البارت الاول والثاني بقلم هاجر العفيفى في موسوعة القصص والروايات جميع الفصول كامله وحصريه رواية إعادة حب البارت الاول والثاني بقلم هاجر العفيفى في موسوعة القصص والروايات جميع الفصول كامله وحصريه  |
رواية إعادة حب البارت الاول والثاني بقلم هاجر العفيفى في موسوعة القصص والروايات جميع الفصول كامله وحصريه
انت عايزنى اعيش معاك بعد لما قررت تتجوز عليا
قالتها فرح بصراخ وعصبيه
زين بتوتر : قولتلك ال هيحصل ده غصب عنى وانتى عارفه انا بحبك ازاى
فرح ربعت أيديها بسخريه وقالت : اممم غصب عنك فعلا مشيت ورا كلام مامى وتقولى غصب عنك براڤو عليك
زين بعصبيه : فرح بلاش السخريه بتاعتك دى والزمى حدودك انا مقدر حالتك
فرح بصتله بوجع وقالت : ياخساره يازين كان نفسى متخذلنيش انت كمان
زين بحزن : انا
قاطعته فرح وقالت بجمود : طلقنى
زين بصدمه : نعمممم !!!!
فرح ببرود : ال سمعته مش هعيش معاك تانى خلاص كده
زين مسرع : فرح حبيبتى انا عارف ان اعصابك تعبانه بس متتسرعيش عشان خاطرى احنا بينا طفل
فرح : والطفل لسه مجاش على وش الدنيا ولما يجي أن شاء الله ليك الحق تشوفه انما انا خلاص مش عايزاك
قالت كلامها ودخلت الأوضه وقفلت الباب وقعدت على السرير واعلنت انهيارها
فرح بحزن ودموع : اااااه ياوجع قلبى منك يازين آخرة حبى ليك تعمل فيا كده بس اناهندمك وهندمكم كلكم على وجع قلبى
قالت اخر كلامها بإصرار
عند زين غمض عيونه بحزن وهو بيلعن نفسه أن وافق على كلام أمه بسببه هيخسر اكتر واحده حبيته فى الدنيا خرج من البيت وركب عربيته وفضل يلف بيها وهو حزين
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
هانم بخبث : شوفتى هيكون ليكي ازاى عشان لما اقولك اسمعى كلام عمتك متصدقنيش
منار بتوتر : بس ده مش طايقنى خالص ياعمتي
هانم : انتى وشطارتك بقا ياختي زي مالمحروسه خليته يكسبها كده انتى اعملى كده واكسبيه وخليه ميشوفش غيرك
منار : تفتكرى هيحبنى زى ما يحبه
هانم : ايوه طبعا ده انتي بدر منور
منار : ربنا يستر
هانم : اعملى ال بقولك عليه ومتخافيش وصدقيني زين هيكون ليكي ولوحدك كمان ويطلق ال اسمها فرح دي
منار بابتسامه وفرحه : ياريت ياعمتي ياريت
هانم : بصى بقا
وابتدت تحكي عليها بعض النصائح
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
كريم بغضب : نعمممم تتجوز منار ده ازاى إن شاء الله
زين بشرود : اهو ال حصل بقا
كريم : انت اتجننت صح
زين بعصبيه : مالك ياكريم ماتظبط كده متنساش أن اخوك الكبير
كريم بسخريه : كبير ايه بقا بعد لما طار عقلك رايح تتجوز منار ال سابتك زمان وفضحتك وسط الناس وهربت يوم الفرح وهتخسر مراتك ال بتحبك
زين بعصبيه : يوووه قولتلك بطل سخافتك وكلامك ده
كريم : للأسف يازين دي الحقيقه انت دلوقتي مش فى وعيك ومش هتفوق غير لما تلاقى نفسك خسرت كل حاجه وانا شايف أن فرح مش غلطانه
زين بغضب : بقولك طالبه الطلاق وتقولى مش غلطانه انت مجنون
كريم : حقها وانت لازم تشوف رغبتها زي لما هتشوف نفسك وتكون انانى فوق يازين قبل فوات الاوان
قفل التلفون وزين فضل يفكر لحد لما حس أن دماغه هتنفجر من التفكير والحيره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
زين دخل بليل البيت وشاف أوضة فرح مفتوحه دخل عندها وهو متوتر بس اتصدم لما شافها واقفه قدام المرايه وبتقيس فستان وبتلف حوالين نفسها
زين بلع ريقه بتوتر وخوف من حالتها وقال : فرح بتعملى ايه ياحبيبتى
فرح ببرود وهى بتشوف بطنها البارزه من الحمل مظبوطه على الفستان ولا لاء قالت : بشوف فستان هيليق بيك وبفرحك ياجوزى
زين بصدمه : فرح
فرح أكملت كلامها وقالت : حلو مش كده ايه رأيك فستان كتب الكتاب يكون واسع احسن صح
زين قرب منها ومسك أيدها وقال بعصبيه : انتى بتعملى ليه كده فوقى بقا
فرح بصتله بنظره طويله كلها عتاب وحزن وكره وقالت : عشان بقيت بكر"هك يازين ومبقاش فارق معايا
زين كلامها نزل عليه زى الصاعقه واتصدم
يتبع
يارب تكون بدايه عجبتكم تفاعل يابنات♥️
ومتنسوش ذكر الله ❤️
#إعادة_حب
بقلمى #هاجر_العفيفى
دمتم في حفظ الرحمن 💚
شكرا على التفاعل يابنات❤️ البارت الثاني
زين مسك دراعها بغضب وقال: ليه بتعملى كده فوقى بقا
فرح بصتله بنظره طويله كلها عتاب وحزن وكره وقالت : عشان بقيت بكر"هك يازين ومبقاش فارق معايا
زين كلامها نزل عليه زى الصاعقه واتصدم
فرح بعدت ايده عنها وقالت ببرود : مقولتليش بقا الفستان هيليق مش كده
زين وقف قدامها وقال بعدم استيعاب : فرح اكيد انتى اعصابك تعبانه عشان كده قولتى انك بتكر"هيني صح
فرح بسخريه : لاء أنا اعصابى كويسه جدا وبجهز عشان فرحك كمان اهو
زين بوجع : فرح صدقيني انا محبتش فى حياتى غيرك
فرح بحده : انت كداب وانانى وانا كنت هبله لما صدقت كلامك قبل كده روح ياعريس اجهز عشان عروستك وعشان مامى متزعلش منك
ضحكت بسخريه وبعدين أكملت : يابتاع مامى
قالت كلامها ودخلت الحمام ورزعت الباب ووقفت وراه وغمضت عيونها ودموعها نزلت غصب عنها وهى مش قادره تستوعب ال بيحصل
عند زين وقف مكانه حاسس فعلا أن هو تايهه وكل حاجه بتضيع منه بس هو مضطر يكمل خرج من الأوضه ومن الشقه بأكملها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
هانم بفرحه : كريم ياحبيبي انت جيت وحشتنى اووى يابنى حمد الله على السلامه
كريم بجمود : انتى صحيح قررتى تجوزى منار لزين
هانم : ايوه
كريم : ومراته
هانم بغضب : وانا اعمل ايه لست مراته يعني مش فاهمه
كريم حاول يكون هادى لانها أمه وقال : امى انتى عارفه إن فرح وزين بيحبوا بعض ليه عايزه تفرقى بينهم
هانم : هو راجل وحقه يتجوز تانى
كريم : ده لما يكون ليه اسباب لكن هو بيحب فرح وعايش معاها وكمان حامل فى طفل منه ايه ال ناقصه بقا
هانم بغضب : انت جاى من السفر مخصوص عشان تعاتبنى ولا ايه زين وافق خلاص ملكش انت دعوه
كريم : لاء ليا دعوه لما اشوف بيت أخويا بيتخرب بسبب أمى لازم أتدخل ملاقتيش غير منار ال هربت يوم الفرح لما ابنك قرر يتجوزها عايزه تقررى نفس الغلطه
هانم بتوتر : كانت طايشه وغلطت وخلاص هي رجعت لعقلها
كريم : وفرح ذنبها ايه
هانم بعصبيه : يووووه يادى فرح انت مالك بست ز"فته المهم اخوك وبس
كريم : لو عندك بنت ترضيها عليها
هانم بجمود : ايوه أرضاها اطلع منها انت بقا بدل ما أغضب عليك
كريم بصلها بقلة حيله ودخل أوضته بدون كلام
هانم بضيق : جاى تبوظ كل ال عملته
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فرح بهدوء : زين
زين بلهفه : نعم يافرح محتاجه حاجه
فرح : لاء بس عايزه طلب منك
زين بحب : انتى تؤمرى
فرح : انا مش هسيب شقتى النهارده يعني انتوا لو كتبتوا الكتاب ممكن تروحوا اي فندق
زين بدهشه : مين قال انك هتسيبى شقتك
فرح رفعت تلفونها فى وشه وقالت : الرساله دى
زين قرأ الرساله وكانت من أمه وكان محتواها (يلا بقا فضى الشقه عشان العروسه الجديده لازم تكون فيها على الأقل اسبوع)
زين بغضب مكتوم من أمه قال : الكلام ده مش هيحصل ده بيتك ودى شقتك وهى هتيجي هنا زي الضيفه
فرح قالت بهدوء : شكرا
كانت لسه هتمشى وقفها صوت زين ال قال : فرح
فرح : مش قادره اتكلم يازين معلش
دخلت اوضتها وقفلت الباب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى المساء
: بارك الله لكما وبارك عليكما وجمع بينكما في خير
زين بعد الجمله دي قلبه اتقبض وألقى نظره على فرح ال صممت تيجي وكانت واقفه بس ملامحها كانت خاليه من كل التعابير وهو مقدرش يحدد نظرتها ليه كانت ايه
منار بفرحه مسكت ايده وقالت : مبارك يازينوو
زين شال ايدها بهدوء وقال : الله يبارك فيكي
هانم قربت من زين وقالت بغضب : ايه ال جاب مراتك معاك يازين
زين : أمى ملكيش دعوه بفرح خالص بعد أذنك
هانم بسخريه : معرفش عملالك عمل ولا ايه
كريم وقف جمب فرح وهو بيبص على زين وبيقول : صدقيني فى حاجه ورا الموضوع
فرح بدهشه : قصدك ايه ؟؟
كريم : زين بيحبك يافرح
فرح بسخريه : واضح جدا اهو بالأماره اتجوز عليا
كريم : صدقيني هكشف كل حاجه وهعرفك بس المهم دلوقتي متضيعهوش من ايدك وتسبيه للعقربه دي
فرح بتسارل : قصدك اعمل ايه
كريم بخبث : تخليه يبات معاكي النهارده
فرح بصدمه : وانت فاكر عروسة المولد ال معاه دي هتسيبه
كريم : انتى وشطارتك بقا شوفى رد فعله قدامهم لو وافق يبقا هو ماصدق يخلص منها وعايزك لو موافقش وراح معاها بمزاجه صدقيني انا بنفسى هطلقك منه
فرح بقلق : متأكد
كريم بابتسامه : توكلى على الله
كريم قال كلامه وسابها ومشى وزين قرب عليها وقال بحده : عجبتك الوقفه مع كريم اووى شايف الكلام اخدكم
فرح ببرود : كريم زي أخويا وانت واقف مع عروستك افضل واقفه لوحدي يعني
زين مسح على وشه بعصبيه وقال : فرح متختبريش صبرى
فرح كانت هترد بس منار قربت عليهم بدلع : يلا يازينو عشان نروح
فرح مسكت دراعه تانى وقالت بدلع هى الأخرى : لاء معلش بقا ياعروسه اصل عايزه زين معايا النهارده انتي عارفه بقا ان حامل وكده وممكن اتعب صح يازينو
زين اتصدم من كلامها وتغيرها المفاجئ
منار بغيظ : انت هتروح معاها يازين
فرح بصتله وقالت : ها يازين قولت ايه ياحبيبى
زين كان واقف مش عارف ينطق ولا يقول رد فعل من الصدمه
فرح بصتله بخذلان مره اخرى واتأكدت أن هو هيحرجها وهيخذلها كالعاده
تكملة الروايه اضغط هناااااااا
يتبع؛ انضم لجروب التليجرام ( هينزل فيه الرواية كاملة ) اضغط هنا
مجمع الروايات الكامله والحصريه اضغط هنا
تابعى صفحتنا على الفيسبوك عشان تبقى اول واحدة تقرأ البارت اول ما ينزل
صفحتنا على الفيسبوك اضغط هنا
ياترى زين هيوافق على كلام مين فيهم توقعاتكم♥️
تعليقات
إرسال تعليق