رواية عودة القط الضال بقلم محمد محمود في موسوعة القصص والروايات جميع الفصول كامله وحصريه رواية عودة القط الضال بقلم محمد محمود في موسوعة القصص والروايات جميع الفصول كامله وحصريه  |
رواية عودة القط الضال بقلم محمد محمود في موسوعة القصص والروايات جميع الفصول كامله وحصريه
ابني الصغير بيحب القطه بتاعته جدا
في ليلة وانا نايم ..سمعت صوت صراخه
جريت بسرعه على أوضته
مالك يا حبيب بابي
كان بيعيط وهو بيقول
القطة بتاعتي جريت مني ونطت من الشباك
طيب يا حبيبي اهدى وانا هشوفها راحت فين
انا عايز قطتي ..عايز قطتي
بصيت من الشباك المطل على المنور لقيت القطه
واقفه على حافة الحيط ..ندهت عليها
لكنها مرجعتش وكملت مشي وراحت عند شباك
الشقة المقابلة لينا ..الغريبة أن الشباك كان مفتوح
ليلتها رغم انه دايما مقفول
لأنه أصحاب الشقة مهاجرين من سنين
القطه نطت ودخلت جوه الشقة
الولد لسه بيعيط وانا عارفه مش هيسكت
الا لو القطه رجعت له
مامته حاولت تهديه ولكن مفيش فايدة
مش هيرتاح الا لو قطته نامت في حضنه
مراتي قالت
طب وبعدين الولد عيان والدكتور قال الزعل
وحش على صحته واحنا ما صدقنا ابتدا يتحسن
عايزاني أعمل أيه
أتصرف وحاول ترجع له القطه
بصيت لساعتي واللي كانت عدت واحده بعد نص الليل
احنا كنا دور ارضي ..ومفيش قدامي
الا اني أروح ورا القطه وادخل من الشباك اللي دخلت منه
نطيت جوه المنور ومشيت بهدوء ناحية الشقة المقابلة
وانا بدعي انه مفيش حد من الجيران اللي فوقنا
يشوفني والا هتبقى مشكله
وصلت للشباك ودخلت منه ..
الشقة كانت ضلمه وفي ريحة عفن مش عارف ايه مصدرها
شغلت كشاف الموبايل عشان اشوف قدامي
دا كان شباك أوضة الأطفال ..كان في سرير ودولاب صغيرين
ولكن متغطيين ...دورت ع القطه ولكن ملقتهاش
باب الأوضة كان مفتوح ..اكيد خرجت منه
مشيت بهدوء وخرجت في الصالة ..
كان في صالون وترابيزه سفره على جنب حوليها 6 كراسي
وكان في تليفزيون في نص الصالة
القطة كانت فوق ترابيزة السفرة..لكن لما جه نور الكشاف عليها ..جريت بسرعه ناحية المطبخ ..جريت وراها
تعالي هنا نشفتي ريقي ..ولسه همسكها
جريت من بين رجليا ..وهربت ع الحمام
دخلت وراها كان في بانيو وعليه ستارة
اكيد نطت جوه البانيو ..شديت الستارة
واتفزعت لما لقيت ست مدبوحه ..رقبتها بتنزف دم
وعيونها جاحظة وباين عليها علامات الفزع
قربت منها وبأيد مرتعشة عشان أجس النبض
لقيتها مسكت في رقبتي فجأة و ...
يتبع ...
عودة القط الضال
عودة القط الضال الجزء الثاني
وقالت بصوت مخيف
انت داخل شقتي ليه في الوقت دا
انت أكيد حرامي
فلت منها بصعوبه وجريت وانا بقول سلام قول من رب رحيم
انا ايه اللي جابني هنا بس
وانا في الصالة وبدور ع اللقطه المعلونه
سمعت صوت أبني جاية من أوضة الأطفال
جريت عليها ولما دخلت لقيته نايم ع السرير
ومعاه القطة
خلاص لقيتها يا بابا
خالد !! انت جيت هنا أزاي
بص لي بأستغراب وقال
يعني ايه ..دي أوضتي يا بابا
قولتله لأ مش اوضتك ويلا من هنا بسرعه
نرجع على بيتنا ..لسه هشيله وهخرج بيه
من شباك المنور
لقيته بيقول الحق يا ماما عاوز يخطفني
بصيت ورايا لقيت الست المدبوحه
بتبص لي بغضب والدم نازل من رقبتها
وقالت
انت جاي تخطف ابني كمان ..انا مش هسيبك
قولتلها لا ..لا دا ابني أنا
سمعت صوت الولد أتغير وقال
اوعى نزلني انت مش بابا
بصيت لأبني لقيت ملامحه أتبدلت
وبقى مسخ مخيف ..سبته من إيدي
وقع ع الأرض أتكسر زي ما يكون مصنوع من زجاج
الست صرخت وهي بتلم في الزجاج المتناثر
وانا جريت بره الأوضة وهي بتتوعدني بالأنتقام
حاولت أفتح باب الشقة كان مقفول
دخلت على الأوضة التانية
وهناك لقيت مراتي
ها لقيت القطة ولا لسه يا أشرف
أنتي جيتي هنا أزاي ؟..هو ايه اللي بيحصل
مالك بس يا حبيبي ..انا سبت الولد نام في أوضته
بعد ما هدي واطمن انك هترجعله القطه
وفضلت مستنياك في اوضتنا
دي مش أوضتنا ولا شقتنا أساسا
يعني ايه انت بتهزر
لا مش بهزر ..وهثبتلك أهو
فتحت الدولاب وانا بقولها فين بقى هدومي ؟
حاسب يا أشرف
قبل ما تكمل تحذيرها الست المدبوحه
كانت واقفه جوه الدولاب وشدتني
بسرعه وقفلت علينا الدولاب
حسيت الدنيا لفت بيا ونفسي ابتدا يتخنق مع ضربات قلبي المتسارعه
صرخت بصوت عالي وانا بقول ألحقوووونااااي
حبيبي ..حبيبي أصحي ..اصحى يا أشرف
فتحت عيوني ولقيتني نايم في أوضتي
ومراتي جنبي
مالك في ايه
كابوس ..كابوس مخيف أوي....
يتبع ...
عودة القط الضال الجزء الثالث والاخير
طيب أهدى يا حبيبي
ثواني هجبلك مايه من التلاجه
خرجت وفضلت مستنيها ترجع
لكنها اتأخرت ..قلقت عليها
خرجت وروحت أشوفها ملقتهاش
فتحت التلاجة عشان أشرب واتصدمت
لما لقيت دماغ الست المدبوحه جوه التلاجه
قفلت التلاجه بسرعه
ومراتي ورايا بتقولي انا جبت لك المايه أهو
لسه بلتفت وبقولها كنتي فين
لقيتها واقفة من غير دماغ
لساني أتشل ومقدرتش أنطق
قالت بصوت معرفش ايه مصدره
مالك ؟
شاورت ليها وانا خايف
ااااه قصدك دماغي يعني !؟ لا انا شيلتها في التلاجه متقلقش
عرفت اني لسه في الشقة وانه مكنش كابوس ولا حاجه
جريت بسرعه من قدامها
وسمعتها بتقول
لو رجعت مرة تانية مش هتخرج منها حي
دخلت الأوضة التانية
لقيت القطه قدامي أخدتها وجريت
ونطيت من المنور وبسرعه رجعت شقتي
أبني شافني وفرح لما شاف قطته
مراتي أبتسمت وقالت
حمدلله على سلامتك ..انت اتأخرت ليه كدا
أكتر من ساعة عشان تجيب القطه
ساعة بس!! انا اللي شوفته في الشقة المهجورة
دي عدا عليا كأنه سنين
تمت
تعليقات
إرسال تعليق