رواية اجبرتني على عشقها البارت التاسع عشر والعشرون الأخير 19_20الاخير بقلم ضحى خالد في موسوعة القصص والروايات جميع الفصول كامله وحصريه
رواية اجبرتني على عشقها البارت التاسع عشر والعشرون الأخير 19_20الاخير بقلم ضحى خالد في موسوعة القصص والروايات جميع الفصول كامله وحصريه
رواية اجبرتني على عشقها البارت التاسع عشر والعشرون الأخير 19_20الاخير بقلم ضحى خالد في موسوعة القصص والروايات جميع الفصول كامله وحصريه
#اجبرتنى_على_عشقها
التاسع عشر ...... العشرون
فى القسم بعد ما خلصو حبيبه منه بالعافيه وضرب النار العشوائي اللى كان هيقتل ياسين ....
الظابط: اقوالك ايه يا هشام على التهمه النسوبه ليك
هشام بثبات: محدش بيخطف مراتو
الظابط: بس الشهود بتقول أن بنكم مشاكل وصله للطلاق
هشام: بس انا روحت رضيت حبيبه وخلاص بقا مافيش طلاق
الظابط: بس اقوال مدام حبيبه بتقول انك خطفها من بيت صحبتها وشريط الكاميرا وضح ده إن فعلا خاطفها ..وهدتتها بالقتل
هشام: دى جبل متكون مرتى دى بت عمى يعنى مش هأذيها
الظابط: يا استاذ هشام انت خطفت وكمان هددت بالقتل وكمان كنت هتقتل الدكتور ياسين
هشام بعصبية: اللى زيو لازم يموت ده عايز ياخد مرتى منى
الظابط: يعنى اسجل اعترافك رسمى بمحاولة قتل
هشام.......
الظابط: حاول تسهل على نفسك مدام حبيبه كل اللى طلباه أنك طلقها
هشام: تتنازل عن جضية خلع
الظابط :وهتطلق
هشام بعند: لا
الظابط: يبقا هتشرف معنى على زمة التحقيق ...
ندى على العساكر كلبشة هشام واخدو طلعو
بره كان واقف امو واختو ياسين قاسم ورامى وصالح ...حبيبه مفاصلها سابت من الخوف فروحت على طول ...
حافظه بنحيب: ليه يابنى تعمل فى نفسك كده هو اللى خلجلها مخلجش غيرها تضيع نفسك ليه
منى بغل: متطلجها وترميها بجا
بص هشام ناحية ياسين: بعينك انى اسبها
ياسين لسه هيمسك صالح ضربوا .
صالح: كان لازم تاخد الجلم ده من بدرى اول مره مديت يدك عليها
قاسم بشماته: يلا يابا...
فى البيت عند حبيبه .. قاعده سرحانه مش عارفه هى هتوصل لحد فين ..
كريستين قعده بتلاعب مالك: ياروحى على القمر ياروحى على الحلو انت جميل خالص يا مالوك
مهره قاعده تعبانه بطنها ممغصه
حبيبه: مالك يا مهره
مهره: شوية تعب وهيروح لحالو
حبيبه: متاكده
مهره: ايوه شوية مغص وهيروح ...
دخلت الرجاله ...
امنه: طمنى يا خويا عملتو ايه
صالح بعصبية: الواد دماغو ناشفه مش راضى يطلج بالذوج
قاسم: سيبو يابا هيتروج فى السجن وهيجول حجى برجبتى ..
رامى: اما فين حبيبه
امنه: مع البنات فوج
صالح: انى هروح لحافظه واخليها تجول لابنها المحروس يطلج بالسكات من غير فضايح اكتر من أجده ....
فوق عند البنات......
هدى: لا اله الا الله يابتى ما تدخلى تعملى الاختبار هتخسرى ايه
مهره برفض: لا لا مش هعمل وانى عارفه النتيجه
كرستين: حبيبتى والله مهتخسرى حاجه اتاكدى مش انت بتقولى أن الشهر ده فى حاجات اتغيرت
مهره: ايوه بس عادى يعنى
حبيبه: يلا مهره علشان خاطرى امسكى بجا
اخدتو منهم من دون أى اهتمام لأنها متاكده من النتيجه .....
بعد شويه .....
رفعت الاختبار وعلى ملامحها عندم الاهتمام بس ثانيه قلبها اتقبض من الخضه
مهره برعشه: ازاى ازاى
حبيبه: مهره خلصى بجا صدجينى ربنا لسه ماردش
خرجت مهره وشها اصفر
هدى بخضه: يامرى مالك يابت
رفعت الاختبار فى وشهم ....
التلاته فى نفس واحده: اازاى
مهره بتوهان: ممش عارفه اكيد بايظ
كرسين بهزار: مسمحلكيش انا بجيب حجات غاليه
هدى: يعنى يا هى حب**له
كريستين: ايوه
حضنتها حبيبه بفرحه ومهره عيطت
مهره: مش مصدجه
حبيبه: رحمة ربنا وسعت كل شيء
مهره: بس لازم اتاكد لازم اروح للحكيم
هدى: طب هنجولهم ايه
مهره: مش عارفه الوجت مكهرب وكلو على آخره
كرستين: طب متقولى انك رايحه تكشفى
مهره: فرضا طلع بايظ اعلجو وخلاص
كرستين: مافيش فايده فيك
هدى: طب ايه رايك اروح اندهلك ام كمال
كرستين: مين دى دكتوره
حبيبه: لا دى واحده دايه بجلها اكتر من ٣٠سنه
كرستين: ماشى لا بسرعه
نزلت هدى فعلا ونادية على الست من غير ما حد ياخد بالو كلو مشغول .....
مرت ثانيتين ....
ام كمال بدهشة: سبحان الله يعطى من يشئ انت حب*له يا مهره
بدأت مهره تعيط دموع نازله زى الشلال حرمان دام كتير وكل الدكاتره قالو مافيش امل مافيش خلفه ولا عيال
ام كمال: الف مبروك براحه على نفسك خالص أنت لسه فى الاول وتريحى ولما تولدى بالسلامه انا هاخد اول طبق رز بلبن
ضحكت مهره من وسط دموعها: ده انت ليك حله لوحدك
دخلو البنات ...
حبيبه: الف مبروك
هدى: بركة دعائى
كرستين: يابنتى مش قولك انا دكتوره مش اى كلام ...
ام كمال: وانت ياختى هتعملى ايه فى الواد ده
مهره باستغراب: مالك مالو
ام كمال: مش هدورو على أهله ولا تحطيه فى دار ما ربنا كرمك
مهره بانفعال: مالك ده ابنى انا مش ابن حد غيرى ولو ربنا كرمنى فده علشانو هو
ام كمال: ياختى مكنش جصدى يتربوا فى عزك هم الاثنين يلا فتكم يعافيه ...
مع خروج ام كمال كانت دخلت قاسم الشقه
قاسم: اهلا ازيك يا خاله
ام كمال: ازيك انت يا ولدى
قاسم: الحمدلله يعنى انت هنا
ام كمال: اصل مرتك حب**له
قاسم بصدمه: مين
ام كمال بضحك: مرتك يا ولدى
قاسم من فرحة وصدمة جرى على جوه وحضنها وسط اللى والوقفين
حبيبه بحرج: طب يلا احنا يا جماعه .. طلعو وسبوهم ..
قاسم بفرحه: هو الكلام اللى جلتو بره ده صح
مهره بعياط: صح الصح
قاسم :انى مش مصدجه يا ما انت كريم يارب الصبح هيكون مدبوح عجل
مهره بترقب: انى مش هتخلى عن مالك
ابتسم قاسم وباس راسها:احنا مش هنتخلى عنو ابدا مهما حصل ده ربنا كرمنا علشانو مالك ده رحمه فى البيت
ابتسمت اوى وحضنتو .. ..
البيت كلو عرف ومحدش كان مصدق واخيرا ربنا جبر بخاطرهم ......
عدى اليوم وكان صعب عليهم كرستين مشيت وياسين عايز يطمان على حبيبه مش عارف...
اليوم التانى جات زياره لهشام .....
هشام باستغراب:رحاب
رحاب: عامل ايه
هشام بعصبية: شمتانه فى يا بت ممدوح
رحاب: صدجنى انى زعلانه عليك
هشام بسخرية: زعلانه عليه بجا يا ست رحاب
رحاب: لانك انت السبب فى كل ده انت السبب فى خراب حياتك مع حبيبه عارفه لو كنت راجل ومسلمتش ودنك لامك واختك كان حياتك هتبجى احسن وعيالك الاتنين عايشين وانى مكنتش دخلت حياتك ... أنى كمان حياتى مكنتش هتخرب كان زمان اتجوز حد يحبنى حد يتعامل معى بحنان بهدوء حد ياخد جراره من نفسه محدش يحركه .. لو الحج احمد كان عايش مكنتش عملت كده فى حبيبه ولا انا كانت فى حياتك ولا ابويا هيجبرنى عليك .. اتنهدت : انت استغليت كل حاجه فى حبيبه وجسيت عليها واصل متستغربش نفورها منك وكرهها ليك انا عشت معاك اربع شهور وكرهتك أما حبيبه بجا طلجها يا هشام طلجها وسبها تختار حياتها .. انت اذيتها بكل الاشكال حتى بتها موتهالها ؛خطفتها ؛هدتها بالجتل ؛مش راضى تطلجها وذللها معاك ؛ كفايه يا هشام كفايه العمر بجا مش حمل بهدله ..
هشام كلام رحاب اثر فيه لدرجة عينه دمعت فعلا ضربها واهنها وعيالو ماتو بسببوا خطفها وهددها بالقتل وذللها على ابسط حقوقها .. غمض عيونه ورجع بص لرحاب: غريبه انت اوى يا رحاب
رحاب: علشان بدافع عن حبيبه ده لانى حاسه بيها جوى انى عشت معاك اربع شهور وكرهتك اش حال هى ...
قامت وقفت: طلجها يا هشام طلجها ومش هتخسر حاجه ... لانك أجده خسران ..وأجده خسران ...
خرجت وسبتو مسح دموعه العسكرى جيه اخدو .....
عدى اليوم لحد ما الظابط حمدان رن على قاسم ...
قاسم: يلا يا يابا يلا يا حبيبه
صالح: هنروح فين يا ولدى
قاسم: مش عارف حمدان عايزنا وجال هات حبيبه والحج صالح .....
وصلت القسم ودخلو تحديدا مكتب حمدان ..
دخلو لقوا المأذون وهشام ورحاب
الظابط حمدان: اجعدو هشام عجل وهيطلج
دق قلب حبيبه بفرحه واخيرا كل العناء انتهى
المأذون: ممكن البطايج
قاسم بفرحه: اتفضل يا سيدنا
المأذون: البطاجه يا استاذ هشام
هشام بنبره كلها اسى لما شاف فرحة حبيبه بطلقها: اتفضل
ممدوح: وادى بطاجتى انى التانى ..
المأذون: رجعو نفسكم يا ولاد أن أبغض الحلال عند الله الطلاج بلاش تهدو بيتكم بالسرعه
هشام بص لحبيبه بترجى انها ترجع عن قرارها بس قاسم تدخل بسرعه: يلا يا عمنا خلينا نخلص
المأذون: أمرى الله..
بدا فى الإجراءات وخلصت بالطلاق حبيبه ورحاب ..
حمدان: أن شاء الله تجدرو تستلمو الجسايم بكره ...
حبيبه وشوشت قاسم فى ودنه بصلها بدهشه وقال: متاكده
هزت راسها ...
قاسم: واحنا كمان هنتنازل عن المحضر
حمدان: متأكدين
صالح: ايوه يا ولدى اللى عيزينو حصل
حمدان: حاضر ...
بعد مرور أسبوع ...
حبيبه حست انها بتتنفس خلاص كل حاجه انتهت كابوس وراح لحالو ومش هيرجع تانى ابدا ابدا .. كانت قاعده فى الحوش بتلاعب مالك ..
ياسين بهدوء: ممكن افهم مش بتردى على ليه
حبيبه: ياسين اجعد
ياسين: ادينى قعدت مش بتدرى على ليه انا عايز اجى اتقدملك
حبيبه: تتجدملى ازاى واخوك الكبير كرهنى
ياسين بصدمه: انت عرفتى ازاى
حبيبه: كنت بكلم ماما سناء وهو عرف انى اللى على الخط وجعد يزعج فعرفتو انى مرفوضه منه
ياسين: مش مهم المهم أنى بحبك والمهم أن عايزيك
حبيبه: وانى مش هغلط نفس الغلطه تانى
ياسين: مش فاهم
حبيبه: يعنى مش هدخل بيت وفى حد مش عايزينى مش هدخل بيتكم اللى لما كلكم تكونو عايزينى
ياسين: افهم من كده انك هتوفقى الجوازه لحد ما رائف يتقبلك
حبيبه: اه مش عايزه اعيش فى مشاكل تانى مش عايزه انى تعبت جوى
ياسين اتنهد وسكت
حبيبه : ياسين انى عندى جرار
ياسين ابتسامه : قرار ايه ياست حبيبه
حبيبه بتوتر:ايه احنا لازم نبعد عن بعض
ياسين: نعم
حبيبه: أهدى أرجوك ياسين افهمنى انى محتاجه وقت اشوف اذا كنت هجدر اكمل حياتى مع راجل تانى فعلا انى محتاجه وجت كبير علشان أجدر انسى حاجات كتير مش هينفع ادخل علاجه وانى عندى عجد وبلاوى كتير
ياسين بحنيه: انا معاك وهنقدر نعدى كل حاجه سوى
حبيبه: انى محتاجه وجت لوحدى مش هينفع اظلمك معى ارجوك محتاجه وجت لوحدى
ياسين بحينه: اللى يريحك خدى الوقت اللى يريحك اسبوع شهر سنه فى الاخر هكون مستنى بس ممكن تبقى تردى على علشان اطمأن عليك ..
حبيبه بابتسامه: حاضر
ياسين : مع السلامه يا حبيبه ..
#يتبع
#اجبرتنى_على_عشقها
العشرون .....
مر ست شهور اتغيرت فيهم حياة حبيبه بالكامل بقا عندما محل للتفاصيل وبقت مشهوره جدا بسبب ذوقها وشاطرتها فى التصميمات البس .... ياسين مسبهاش معها خطوه بخطوه رغم عتراض حبيبه بس هو كان مصمم أنه يبقا جانبها فى كل حاجه .. رائف لاحظ تغير ياسين من ناحيه مبقاش بيقعد معاه زى الاول ولا بيقعد معاهم اصلا حتى عز بعد عنه وبقا مشغول فى دراستو .. بعد ما رجعو ينزل دروس تانى .. حتى منال زعلانه من اخر مره بسبب عصبيتو المفرطه عليها .. راىف رغم أنه عصبى وصعب الطباع ..بس ولا مره من ساعة ما اتجوز اتعصب عليها لانه بيحبها جدا وبيعاملها وعامله خاص هى ومامتو ........ مهره اكتشفت انها حامل فى توام بنت وولد وفقررت أنها هتسمى مليك وملوك ... قاسم كان فرحان اوى مهتم بمالك لانه شايف أن وجود مالك رحمه ربنا بعتها لهم ووشو حلو عليه وعلى حبيبه .. كل زباين حبيبه بيحبو جدا بسبب وشه الملائكى ...بقا عندى ست شهور .........
ورحاب اتجوزت والمفاجأة اللى صدمة الكل أنها اتجوزت ومحمود بعد ما العده خلصت على طول وبتعامل احمد كأنها امو بتحب انعام اوى واخوات محمود كمان .. شافت فى محمود مثال للراجل الحنين الطيب ومحمود اتشد لرحاب علشان عقله اوى ... منى كانت بتموت كل يوم .. بسبب انها نفسها تشوف ابنها بس محمود مش راضى .....
الظابط حامد اتقدم لحبيبه بس هى رفضت لان قلبها مع ياسين وهو تفهم ده ... صالح وأمنه اتغيرو اوى وبقو حرصين على حبيبه ومحوطين عليها اكتر وخايفين عليها لأنها طيبه اوى .....
هشام واه من هشام اللى بقا ماشى على الصراط المستقيم أخذ بيت بعيد عن امو لانو شايف انها سبب خراب حياتو هى واختو لو كانو نصحو يقرب من حبيبه ويحتويها مكنش حصل كل ده حاول مع حبيبه كتير بس رافضه رفض تام ......
_كانت قاعده مشغوله فى تخيط فستان ومركزه اوى دخل حد ورمى السلام وهى مش غير متبص ردت عليه .. لامش ياسين ده هشام رفعت راسها لقتو هشام اتخضت لدرجة أن المكنه الخياطه عورتها ...
_بصلها هشام بحزن : ازيك يا حبيبه
حبيبه بتوتر رغم الوقت اللى عدى وتغير هشام اللى كل لحظه الا لسه هى بتخاف منه: الحمد لله كيفك انت
هشام: مش بخير حبيبه بالله عليك بالله ارجعيلى والله انى اتغيرت كتير عن الاول وعرفت غلطى والله عمرى ما هزعلك تانى ولا همد ايدى عليك تانى انى بجا ماليش حد حتى رحاب طلعت بتكرهنى واتجوزت محمود طليج خيتى منى انى جاطعت منى وامى هم السبب فى اللى انى فيه محدش نصحنى كانو بيسعدونى على اذيتك بالله عليك ارجعى معى وانى اوعدك أن عمرى ما هرجع زى الاول
اتنهدت حبيبه بقلة حيلة صعبان عليها هشام أوى هى قلبها طيب مش بيعرف يكره
حبيبه: مبجاش ينفع نرجع مع بعض تانى يا واد عمى مش هينفع نبجا مع بعض خلاص كل حاجه انتهت
هشام: مع بعض هنجدر نرجع كل حاجه بس مش زى الاول لا احسن بصى هتجدملك من اول وجديد وهنعمل فترة خطوبه وكتب كتاب وجايمه جديده وفرح وفستان وكل اللى انت عايزه
حبيبه: مش هينفع خلاص اللى هيربطنا ببعض انى عيال عم ودم واحد اكتر من أجده صعب بس والله انى مسمحاك على كل اللى حصل ..
اتنهد هشام بحزن كل محاولاتو فاشله: خلاص اللى يريحك يا حبيبه انى بتمنالك السعاده مع الانسان اللى يستهال جلبك ..عن اذنك ...
_خرج هشام وسرحت حبيبه فضلت باصه لنقطه وهميه .. لحد مسمعت صوت مليان غيره
_ياسين بغيره: كان بيعمل ايه الجدع ده هنا قاعده معاه لوحدك ليه يا هانم
رفعت راسها لقتو ياسين ابتسمت على طول
ياسمين بغيظ: بتبتسمى ليه أن شاء الله
حبيبه حبت تغيظه: وه مالك عاد ده حتى البسمه فى وجه اخيك صدقه
ياسين بغيظ: نعم اخيك مين لا يا ماما انا مش اخوكى
_ضحك حبيبه عليه
ياسين: استغفر الله العظيم يابنت الناس متعصبنيش كان بيعمل ايه الواد ده
حبيبه: واد عمى يا ياسين وكان بيطمان على
ياسين: بيطمان عليك ولا جى يرجعك ليه اسمعى يا بنت الناس انا الكلام ده مينفعش انا هروح لابوكى واطلبك
حبيبه بانفعال: ولما ابويا يجولك مستنينك وانت واهلك هتجولو ايه
ياسين سكت .....
حبيبه : روح يا ياسين انى لسه عند جرارى مش موافجه عليك غير لما اخوك يوافج ..
ياسين ابتسمت بحزن: انا فهمتك انت لو عيزانى كنت موافقتى ومهتمتيش لرائف بس انت مش قبلانى علشان كده بعتينى عنك ٦ شهور ... براحتك يا حبيبه مش هقدر افرض نفسى عليك اكتر من كده .
خرج ياسين من غير ما يسمع حبيبه ..
هل حبيبه فعلا بتتحجج ولا هى مستنيه موافقة رائف ... نفسها اتسدت قفلت وروحت بدرى ....
_فوق عند قاسم ...
قاسم: يعنى افهم مش أجده انك موجفه
جوازتكم بسبب خوفك
_حبيبه هزت راسها ...
قاسم : طيب انت خايفه ليه وانت متاكده أن ياسين مش شبه هشام فى اى حاجه
حبيبه : مش عارفه بس أنى خايفه مش عارفه ليه برضوا انى تايه يا قاسم
قاسم: بصى يا حبيبه مش عايز الماضى ياثر عليك بالشكل ده انت عارفه متاكده أن ياسين بيحبك ومش شبه هشام فى اى حاجه صح
حبيبه: صح
قاسم: مستحمل دلعك عليه ٦ شهور من غير ما يزهج
حبيبه بحزن: اهو زهج ومشى
قاسم: اللى بيحب مش بيمشى يمكن ادايج منك وهيرجعلك
حبيبه:طب ورائف
قاسم: انى متاكد لما رائف يعرفك هيحبك واصل .. يلا علشان نتغدى وسبيها على ربنا ...
_رجع ياسين وهو زعلان اوي من حبيبه يعنى هى اللى مش عايزه هو عزرها لأن اللى شافتو مكنش سهل عليها بس هو مش زى حد هو قطع وعد على نفسو أنه يحبها ويفرحها طول ما فى النفس ...دخل رمى السلام واختصر على اوضته.....
سناء: هو مالو
منال: مش عارفه شكلو مدايق اوى
رائف: سبو انا هدخلو
سناء: لا بلاش انت
رائف: مالك يا ماما انا هدخلو اشوف مالو
سناء: ربنا يستر ...
_دخل رائف لاقى ياسين قاعد سرحان ...
رائف بهدوء: عامل ايه
ياسين: تمام
رائف: كنت فين
ياسين : مش مهم
رائف: بس انا عايز اعرف كنت عند حبيبه صح
ياسين: ايوه
رائف: وبعيدين
ياسين بسخرية: ولا قبلين خلاص
رائف: خلاص ازاى
ياسين: يعنى شكل الحكايه هتخصل قبل ما تبدأ
رائف: ليه
ياسين: فى الاول كانت موقفه الجوازه على موافقتك
رائف: طب وحصل ايه
ياسين: طلعت مجرد حجه علشان تخلينى بعيد عنها شويه ... طلعت مش بتحبنى
رائف بتنهيده: بص خلينا دلوقتى نتكلم من منظور أنها خايفه نركن حوار الحب ده
ياسين: خايفه منى انا
رائف: بص يابنى مش سهل على الست أنها تخوض تجربة الجواز تانى مش سهل أنها تبقا مع راجل تانى حتى لو مش بتحب جوزها الاولانى ...
ياسين: يعنى اعمل ايه ابعد وانسها ولا اعمل ايه
رائف: انت عايز ايه
ياسين: عايز ابقا معها باى طريقه انا فعلا بحبها اوى
رائف اتنهد:هات رقم حد من اهلها ناخد معاد نروح نطلبها
ياسين بصدمه: بتقول ايه
رائف: مالك مش رغبتك واختيارك انا مالى بس اتمنى تستهال كل الحب اللى جواك
ياسين بلهفه: تستهال الدنيا كلها
رائف بضحك: ماشى يا حنين هات رقم اى حد بقا
_دخل عليهم وهو بيقول بضحك
عز: طول عمرى بقولك مافيش اطيب من رائف فى دنيا
رائف بعصبية: رائف حاف كده يابن الك**لب
عز بضحك: خليك رويح بقا
رائف: ماشى يا خويا الرقم بقا
ياسين بفرحه: امسك يا حبيب اخوك
_بص رائف لفرحة ياسين وابتسم .... اخد الرقم ورن على صالح ...
رائف بثبات: السلام عليكم
صالح: وعليكم السلام
رائف: ازيك يا حج صالح
صالح: زين مين معى
رائف: انا اخو الدكتور ياسين الكبير
صالح: اهلا وسهلا يابنى خير
رائف: خير ان شاء الله انا طلب ايد حبيبه لياسين
صالح بفرحه: ده شرف لينا يابنى
رائف: ده شرف لينا احنا اننا نناسب ناس محترمه زيكم
صالح: يكرم اصلك يابنى
رائف: ادينا معاك نيجى فيه
صالح: يابنى المعاد اللى يناسبكم
رائف: أن شاء الله بكره بعد العصر حضرتك عارف الطريق والمسافه
صالح: تنورو فى اى وقت
رائف: فى رعاة الله
_وقفل
رائف: مبسوط
ياسين بفرحه: هطير من الفرحه
_دخلت سناء ومنال وهم فرحانين لياسين اوى واخيرا رائف وافق .......
_ حبيبه مصدومه اخو وافق يعنى هيجى يتجوزنى يعنى ممكن ادبس نفسى تانى اعمل اهرب ولا اعمل ايه انا محتاجه وقت لسه
قاسم عارف هو بيدور جواها ايه
قاسم بهدوء: متخافيش وصلى صلاة استخاره
هزت راسها بهدوء ..
البيت كلو عندها عامل يرتب ويجهز للضيوف بكره .....
فوق فى شقة قاسم ....قعدت جنبه مهره سندها قاسم وحط مخده ورايا ظهرها ..
مهره: حاسه ان حبيبه تايه
قاسم:حاسس بيها بس اتمنى تحكم عجلها كويس ياسين ابن ناس مش هيتعوض انى شاف أنه مش وحش
مهره: وهى كمان شايفه كده بس انت عارفه بجا طالعه من تجربه صعبه واصل
قاسم: وربنا عوضها اهو
مهره: متجلجش انى بكره هكلمها وافهمها
_حط ايدو على بطنها وقال بحنيه
قاسم: امتى يجو بجا وملهوف جوى عليهم
مهره بابتسامة: وانى حبايب جلبى
قاسم: لا لا انى أجده ابدا اغير منهم
_ضحكت وسندت راسها على كتفه
قاسم: مالك نام
مهره: ايوه اكلتو وغيرت خلاجاتو ونام
قاسم: يلا احنا كمان ننام ونشوف بكره مخبى ايه
مهره: كل خير ان شاء الله .......
_فى اليوم التانى وتحديدا بعد المغرب بعد ما وصل أهل ياسين وقعدين بيتقفو ....
حبيبه مستخبيه فى المطبخ وخايفه
حبيبه: احسن حل انى أهرب
مهره: تهربى ايه بطلى جنان هو انت صليتى
حبيبه: ايه وحاجه براحه
مهره بتعب: يابنتى حرام عليك هتولدينى جبل أوانى ليه أما انت ترتاحه عايزه تهربى ليه
حبيبه: مش عارفه ملخبطه
هدى: امسكى واطلعى جدمى بس اوعى تتجلبى توجعى الحاجه
_مسكت الصينيه وخفضت راسها وطلعت
ياسين اول ما شفها قلبو دق من الفرحه رائف شافها عرف سر تعلق ياسين بيها شكالها هادئه وطيبه وجملها هادى .. قدمة الحاجه وقعدة جنب امها
سناء بابتسامة: طيب نقرأ الفاتحه
صالح: يلا
_كلهم رفعو اديهم وقراها ياسين عينو بطلع قلوب
خلصو وزغرطو كام زغروطه
سناء : تعالو نسبهم مع بعض شوية
عز ميل على ودنو: متلعبش بديلك
ياسين: امشى يالاا
_الكل خرج وبقو حبيبه وياسين حبيبه بتفرك فى اديها بكل توتر
ياسين: أهدى مالك متوتره كده ليه
حبيبه: ابدا
ياسين : نفسى افهم انت خايفه منى ليه
حبيبه: لا انى مش خايفه منك بشكل شخصى انى خايفه من المستجبل
ياسين: ياه المستقبل حته واحده مش لما اعيش لبكره
حبيبه بلهفه وسرعه: ربنا يبارك في عمرك
_ابتسم ياسين اوى
ياسين بحنيه: بصى يا حبيبه انا مقدرش اوعدك أن حياتنا تكون هادئه بشكل دائما اكيد هيحصل مشاكل وخلاف بس وسطهم مش هتنزل من عيونك دمعه واحده وهديك حب
هنقسم كل حاجه مع بعض الحزن والفرح .. بس نصيبى فى الحزن هيكون اكبر من نصيبك مش هخلى قلبك الجميل ده يشيل غير حبى وبس
_عيونها دمعة من كتر الفرحه
ياسين بحب: تقبلى تتجوزينى
_ضحكت وهزت راسها بفرحه
ياسين بفرحه: الماذووووون يااااعمى بسرعه ....
وتمر الايام والشهور والسنين
وياسين بيحب حبيبه واكتر واكتر وعوضها عن كل لحظة حزن شافتها وهى كمان حبت ياسين وحبت حبه ليها وحنيتو عليها ..
رائف حب حبيبه اوى وبقا بيعاملها زى اختو واكتر ... حبيبه جابت ولد وسمتو رائف من حبها لأخو ياسين وبنت وسمتها نسيم ... سناء كتبت اتليه باسمها حبيبه ....
هشام اتجوز بعد سنه من جواز حبيبه وعايش حياة مفيهاش اى حب بس هو بيحترم مراتو وجاب بنت وسمها على اسم حبيبه .. ومهره جابت مليك وملوك ومالك بقا قرد شقى اوى واخد مكانه كبير فى قلوب الكل اكتر من مليك وملوك .....
أما حبيبه بقا غيوره بشكل فظيع على ياسين الممرضين بيخافو منها فى المستشفى مين يصدق أن حبيبه الطيبه تبقا شرسه كده بس الحب بيعمل اكتر من كده
_فى العياده عند ياسين قاعد بيبصلها بكل غيظ لأنها صمتت تبقا معى وهو بيكشف على طفل
ياسين بجديه: هو عندو نزلة برد انا هكتبلو عل الحقنه ياخد حقنه كل ١٢ ساعه وخافض للحراره لو سخن و دوا شرب الكحه ..
ام طفل بشة دلع: طب لو تعب تانى يا دكتور
_حبيبه كانت هتموت من الغيره هنا
ياسين: تجيبه تانى
ام الطفل: لو تعب باليل اوى اعمل ايه
_ياسين فاهم أنها عايزه رقمو الخاص لسه هيتكلم لقها حبيبه نطت فى الكلام
حبيبه بغيظ: اديك رجمى علشان لو تعب ابجا أسألك ياسو تتصرفى ازاى اصل ياسين مش بيدى رجمو لحد غريب
ام الطفل بصتلها بكل حرج: اه ماشى انا هطلع اخدو من السكرتيرة
حبيبه ببرود: ماشى
_خرجت من هنا وياسين مسك حبيبه من خدودها بخفه ...
ياسين بغيظ: اعمل فيك ايه اعمل ايه هتجنينى
حبيبه وهى يتعلب فى ازار قميصو: حبنى
_ضمها ليه بحب
ياسين: اكتر من كده ايه
_وقفت على رجلو وباس دقنو
حبيبه بحب: حتى تحترق النجوم وتنفى الكوكب
_ضمها اكتر ورفعها ولسه هيبوسها لقو الباب اتفتح مره وحده ودخلو العفريت الصغيرين
رائف ونسيم: بابى
_ياسين بعد عن حبيبه ونزل لمستواهم وضمهم بحب
ياسين: حبايب بابى
رائف بغير طفل على مامتو: كنت قريب من مامى ليه
ياسين ببعد الحرج: كنت بقولها على كلمه سر
_خرج رائف من حضنه وراح لحبيبه
رائف بزعل: محدش يقولك كلمه سر غيرى
حبيبه بحنان: خلاص يا جلبى محدش هيجولى كلمه سر غيرك بعد أجده عاد
رائف بفرحه: وعد
حبيبه باست خدو: وعد ..
نسيم : بابى بابى
ياسين بابتسامة: نعم ياروح بابى
نسيم : انا كمان مش عيزاك تقول كلمه سر تانى لمامى قولى انا
_ياسين وحبيبه ضحكو جامد عليهم
ياسين بضحك: فى ايه يا عيال مالكم
رائف بحده طفل: هو كده ملكش ده بمامى
_نسيم حط أيدها فى وسطها
نسيم بردح: خلاص يا خويا قول لامك متقربش من ابويا
_حبيبه ميته من ضحك عليهم ياسين بيبصلهم بدشه
ياسين: لا انتو فى عالم تانى انزل يلا من حضن مراتى .... خدو ونزلو وضم حبيبه بتملك وحط عقلو من عقل عيالو
ياسين: دى حبيبتى من قبلكم يا كلاب صح يا حبيبه
حبيبه بضحك: صح ياروح حبيبه
_رائف ونسيم عيطو فى نفس وواحد... راح ياسين باس حبيبه من خدها بحب ....
_خلصت حكاية حبيبه المفهوم منها أن منى ايامك صعبه ربنا يعوضك ويجبر بخطرك مش بتفضل حلوه على طول ولا وحشه على طول لازم شويه كده وشويه كده بس اختارى الشخص اللى يتحملك فى كل حاجه الوحشه قبل الحلوه اللى يعالج جروحك مش يجرحك
اختارى الحنين قبل اللى بيحبك ...
#تمت
اجبرتني على عشقها
تعليقات
إرسال تعليق