رواية جحيم عشقه البارت 20_21بقلم ملكة القلم في موسوعة القصص والروايات جميع الفصول كامله وحصريه
رواية جحيم عشقه البارت 20_21بقلم ملكة القلم في موسوعة القصص والروايات جميع الفصول كامله وحصريه
رواية جحيم عشقه البارت 20_21بقلم ملكة القلم في موسوعة القصص والروايات جميع الفصول كامله وحصريه
20
كيان رجعت البيت واول ما دخلو لقيو شيخ قاعد وفي كذا شخص قاعد
زهره بصت لكيان
زهره بتوتر......مين دول
ليل......ده المأذون والشهود
زهره.....ليه انت برضو مصمم تنفذ اللي في دماغك
ليل بحده.....انا قولت ان اول ما نر جع هنكتب كتب الكتاب
زهره اتوترت.....بس يا ليل
ليل بهدوء.....اسمعيني يا زهره سليم هيكون امانك انا عارف ان باسم مش هيسكت وانا بعمل ده لمصلحتك
زهره بصت علي سليم اللي واقف بهدوء بيستمع
زهره.....انت موافق علي الكلام ده
سليم بص ليها واتكلم......وموافقش ليه ليل بيتكلم صح
كيان بهدوء.....زهره حبيبتي ليل معاه حق وبعدين انتي مش هتخسري حاجه انتي وسليم بتحبوا بعض فيها اي لو الجواز كان النهارده او بعد شهر او اسبوع
زهره متكلمتش وهزت راسها بهدوء
ليل اتجهه هو وسليم ناحيه المأذون وبدات الاجراءات
زهره كانت متوتره جدا وخايفه كيان ماسكه ايدها وحاسه بتوترها
كتبو الكتاب والمأذون مشي
ليل اتكلم.....يلا يا زهرة علشان تروحي مع سليم
زهره بصدمه....اروح معاه فين
سليم.....بيتي
زهره بصت علي كيان علشان تتكلم
كيان بهدوء......انتي خلاص يا حبيبتي بقيتي مراته
سليم......يلا يا زهره
زهره بتوتر.....طيب انا هطلع اجيب هدومي
سليم بهدوء......تمام متتاخريش
زهره طلعت فوق بسرعه وكيان طلعت بهدوء وراها لانها لسه تعبانه
زهره دخلت الاوضه وكانت بتهنج
كيان دخلت وراها حطت ايدها علي كتفها
كيان.....اي يا زهره انزل اقول ليه انها مش عايزه تيجي معاك
زهره حضنت كيان
كيان ابتسمت........انتي خايفه من ايه بس يا حبيبتي ده سليم حنين وطيب جدا كفايه انه هادي بطريقه غريبه والله
مش عارفه جايب الهدوء ده منين
زهره اتكلمت......سليم هادي جدا يا كيان بس لما بيتعصب بيبقي واحد تاني سليم كان قدام عيني في الكليه تلات سنين انا حفظت كل تفاصيله
كيان بخبث.....اه يا نمسه كنتي بتحبيه ومخبيه عليا
زهره بضجر.....مش وقته يا كيان انا دلوقتي متوتره جدا اعمل اي
كيان بحب.....متعمليش انتي تروحي مع زوجك وتبدأي حياه جديده ومش عايزه موضوع باسم يأثر علي علاقتك بسليم فاهمه يا زهره ويلا بقي علشان اساعدك تلمي كراكيبك
زهره بصت ليها......بتطرديني يا كيان
كيان......هو انا اقدر يروحي
زهره ابتسمت بحب وبدات في تجهيز شنطتها
_______
بعد مده نزلت زهره وهي ماسكه شنطه قرب منها سليم وخد الشنطه زهره حضنت كيان بحب
وسلمت علي ليل وسليم سلم علي ليل ومسك ايد زهره اللي حس برجفتها
في العربيه كان الصمت هو حليفهم لحد ما سليم اتكلم
سليم......زهره انتي خايفه مني
زهره بتوتر.....ليه بتقول كده
سليم بص قدامه واتكلم......تصرفاتك بتثبت انك خايفه مني
زهره انا عمري ما هفكر مجرد تفكير اني اضرك زهره انتي متعرفيش انتي اي بالنسبالي
زهره فضلت باصه ليه
وسليم بيتكلم......انا من اول مره شوفتك فيها وحبيتك من اللحظه اللي شوفت فيها بنت برئه الدنيا فيها دايما مبتسمه خطفتي قلبي وكنت مقرر اني اجي اطلبك في سنه تالته بس انتي اختفيتي مره واحده حتي جامعتك مكملتيهاش
زهره دمعه نزلت من عينيها غصب عنها
سليم مسك ايديها وباسها......زهره انا مش عايزك تقلقي او تخافي انتي دلوقتي مراتي من النهارده انا مبقتش وحيد زهره انا مالييش حد بعد ما اهلي اتوفوا عشت حياتي كلها وحيد محدش كان جمبي غير ليل
زهره مسكت ايده جامد.....بس انت من النهارده مش وحيد يا سليم انا معاك وهملي عليك دنيتك
سليم بخبث.......انتي وحبايب بابا هتملوا عليا دنيتي
زهره ابتسمت بخجل
____________
ليل قرب من كيان وشالها كيان لفت ايديها حوالين رقبته
وفضلت باصه ليه بحب
كيان بعشق.......انا بحبك اوى يا ليل ربنا يباركلي فيك
ليل ابتسم........وليل بيعشقك انا في فراقك مقدرتش انساكي يا كيان انتي في كل مره بتفرضي عليا لعنه عشقك
انتي فعلا لعنه يا كيان لعنه انا مش عايزها تفارقني طول عمري انتي متعرفيش انا من غيرك كنت عايش ازاي
كيان سندت رأسها علي كتفه بحب.....انت كل حاجه حلوه في حياتي يا ليل اوعي تبعد عني فاهم
ليل بحب.......انا عمري ما اقدر ابعد عنك بعدي عنك يعني مو"تي
كيان حطت ايدها علي بؤقه بخوف.......انا مقدرش اعيش من غيرك
يا ليل متقولش كده تانى ليل ابتسم ووصلوا الأوضة نزلها علي السرير وجاب ليها لبس بيتي مريح وساعدها في انها تغيره
تلفونه رن خده وبعد عن كيان
ليل......الامانه معاكم
....ايوه يا بيه معانا نعمل اي
ليل......متعملوش حاجه انا كلها ساعتين واكون عندك
......حاضر يا ليل بيه سلام
ليل قفل التلفون واتكلم في نفسه.....انا هوريكم ازاي تفكروا تخطفوا بنتي
يتبع
21
زهره كانت واقفه متوتره في نص الشقه وبتفرك في ايديها
سليم بإبتسامة......مالك يا زهره
زهره بتوتر.....ا.. نا هو انا ممكن اعرف اوضتي فين عايزه اغير هدومي
سليم قرب منها.....قصدك اوضتنا
زهره رفعت عينيها ليه واتكلمت.....انا بس عايزه اغير هدومي
سليم قرب اكتر منها
زهره بتوتر......سليم
سليم بحب.....قلبه
زهره......لو سمحت ممكن تبعد شويه
سليم بحب رجع شعرها لوراء......ليه مش انا جوزك
زهره فركت في ايديها......لو سمحت بعد ممكن تسيبني علي راحتي لحد ما اتعود عليك
سليم بإبتسامة.......امممم ماشي يستي هسيبك علي راحتك ودي الاوضه تقدري تدخلي تحطي حاجتك وتغيري هدومك بس متتاخريش لاني جعان
زهره بإبتسامة.....شكرا يا سليم مش هتاخر خمس دقايق وهكون هنا
سليم ابتسم وزهره دخلت الاوضه
في الاوضه زهره دخلت وهي حاسه انها مش قادره تتنفس من قربه ليها
ابتسمت بحب وخدت بيجامه ودخلت الحمام
________
عند كيان كانت واقفه وليل بيلبس
كيان......ليل انت رايح فين دلوقتي
ليل بحب......عندي مشوار هخلصه وارجعلك
كيان......ممكن يتأجل انا حاسه انك واحشني اوي يا ليل
ليل لف ليها وحضنها......وكياني وحشتني جدا بس انتي تعبانه الفتره دي يروحي وبعدين هما كلهم ساعتين وهرجع مش هتاخر عليكي يا قلب ليل
كيان بحب قربت منه وباسته برقه
ليل بخبث......اغزي الشيطان يا حبيبتي ده انتي لسه تعبانه وطالعه من عمليه
كيان بحب.......انت مش عارف انا بحبك قد اي يا ليل
ليل بإبتسامة.....وانا بعشقك يا كيان انتي كل حياتي
كيان ابتسمت وليل باس ايدها وراسها وخد تليفونه ومحفظته وخرج
________
عند سليم زهره خرجت من الاوضه ملقيتش سليم
دخلت المطبخ وبدات تجهز الاكل
سليم خرج من الاوضه بعد ما خد شاور
كان لابس بنطلون قطني اسود وتيشرت رمادي
سليم ابتسم اول ما شاف زهره وشعرها الطويل المفرود علي ضهرها
قرب منها بحب وفضل واقف بيراقبها والابتسامه علي وشه
مرت ربع ساعه وسليم واقف
زهره انتبهت لوجوده
سليم.....بتعملي اي
زهره.....بجهز الاكل
سليم......متتعبيش نفسك انا هطلب من برا
زهره بنفي.....ولا تعب ولا حاجه يا سليم انا مش بحب اكل برا
سليم......طيب يستي انا هساعدك بقا
زهره ابتسمت وسليم قرب منها وبدء يساعدها لحد ما خلصوا ورصوا الاكل وكلوا
زهره قامت لمت السفره ودخلت الاوضه
سليم دخل وراها
زهره......انت هتنام هنا
سليم.....ايوه
زهره بتوتر......تمام انا هنام علي الكنبه وانت نام علي السرير
سليم قرب منها......بس انا وانتي هنام علي السرير
زهره بتوتر.......لا يا سليم ا.. نا
سليم بمقاطعه.....متقلقيش يا زهره انا مش هقرب منك الا بارادتك
سليم قرب من السرير ونام علي الطرف
__________
ليل وصل لمكان اشبه بالخرابه
دخل والغضب مرسوم علي وشه
ليل بحده لاحد رجاله......فين
الرجل.....جوا يا باشا
ليل دخل وبص للشخص ده بغضب......بقا انتي تعملي كده
سمر رفعت راسها برعب.....ليل
ليل......ايوه ليل يا سمر هانم عايزه تق"تلي بنتي
سمر هزت راسها بالنفي......لا يا ليل محصلش والله
ليل......متحلفيش انتي وحده كدابه بس ملحوقه يا سمر بتأجري مجر"مين علشان يخطفوا بنتي اللي انا ربيتها من وهي في اللفه
انتي مفكره نفسك هتعرفي تهربي مني يا سمر بس لا انتي متعرفيش مين انا متعرفيش انا اقدر اعمل اي انا ممكن امو"تك هنا ومحدش يعرفلك طريق
سمر بصت ليه برعب
__________
كيان خرجت من اوضه كنزي بعد ما اطمنت عليها
دخلت الاوضه قلعت الروب ولسه هتلف رجعت لورا بخوف......باسم
يتبع...
تعليقات
إرسال تعليق