رواية العروسه الهاربه وانتقام الشيطان البارت العشرون والواحد وعشرون 20_21بقلم سلمي محمود النجار في موسوعة القصص والروايات جميع الفصول كامله وحصريه
رواية العروسه الهاربه وانتقام الشيطان البارت العشرون والواحد وعشرون 20_21بقلم سلمي محمود النجار في موسوعة القصص والروايات جميع الفصول كامله وحصريه
رواية العروسه الهاربه وانتقام الشيطان البارت العشرون والواحد وعشرون 20_21بقلم سلمي محمود النجار في موسوعة القصص والروايات جميع الفصول كامله وحصريه
20_____21
يُسر: لا مش كفاية السبب اللي يخليك تبعد عن أيان هو إن أيان حبني يا أسد العشماوي.
أسد بصدمه بصلها وقال وضرب على العربية برجله وصرخ فيها: هو اعترف ليكِ الواطي
وصرخ: اااااه أيان اه
يُسر جت تتكلم وهو قاطعها: يعني هو اعترف ليكِ ولما عرفتيه بيحبك رجعتي ليا يا بت جبل.
يُسر بدموع جت تتكلم
سمعت أيان من وراها وبصت ليه هو وبيقول : علشان حبيتك يا بت جبل اه حبيتك.
بصتله يُسر كان واقف ودمعته نزلت وهي كانت واقفه ما بين الاتنين في النص وأسد ضغط على إيده وقال: يُسر أيان ميستحقش حبك أنتِ مراتي مرات أسد العشماوي.
يُسر كانت باصه لـ أيان هو ودمعته التانية نزلت وقال: حبيتك انتِ وبس يا حفيدة الخديوي.
يُسر بدموع حطت إيدها بين خصلات شعرها وقالت بدموع هي وبصالهم: انا مبحبش حد افهموا بقى افهموا.
كانت بتمشي وسط الجزيرة وأيان مسك إيدها وقال: يُسر
يُسر هي وبصاله وبتشاور عليه: انا محبتش حد انا مجيتش هنا علشان افرق اتنين كانوا اخوات خسروا بعضب بسببي
كانت ماشيه وسط الجزيرة
أسد بزعيق مسكه من ياقته وصرخ: انت و***ليه اعترفت ليها ليييييه.
وضربه بالبوكس
أيان رد ليه الضربه وقال: اخررررس انا مقولتلهاش اخرررس.
يُسر جريت وفرقتهم وقالت هي وبتزيحهم: بس كفاااايه بس.
أسد هو وماسك إيدها وصرخ في وشها: عيزاني اعمل ايه هو وبيقول بحب مراتك ها قوليلي.
يُسر: وانت بتحبني يا ابن العشماوي.
أسد سكت وبص بعيد
بصتله وابتسمت ودموعها نزلت وقالت: ولا بتمثل عليا.
أسد بغضب: يُسر انتِ مش فاهمه حاجه.
يُسر هي وبتتقدم تجاهه وشدته من قميصه وصرخت: مش فاهمه ايه هاااا مش فاهمه ايه، لا فاهمه وفاهمه كويس اوي انك بتضحك عليا بحبك المزيف، فاكرني مش عارفه لا انا عارفه وكويس اوي انك بتضحك عليا وتهتم بيا وعرضت حياتي للخطر في المستشفى علشان تنقذني واحن ليك قلبك استحمل ازاي يتحط في راسي مسدس ها حتى لو مش بتحبني وقلبك مدقش ليا شفت الخوف اللي في حنيا وبكايا وانت مكمل في اللعبه الزبالة دي وكمان اللي كان رافع المسدس على راسي وقتها كان من رجالتك يا أسد العشماوي.
أيان بصدمه برق بعيونه وقال: ايه؟!
أسد بصلها ووشه كان مخضوض وبلع ريقه وقال: يُسر
يُسر: شششش يُسر يُسر يُسر تعبت انا تعبت.... هتقول ايه تاني انا عارفه كل حاجه، انا عملتلك إيه يا أسد العشماوي ها عملتلك ايه بس براڤوا عرفت تمثل كويس انت تاخد جايزه الاوسكر
وقالت بكل ثقه هي وبترفع راسها: وانا مش قليلة يا اين العشماوي.
بصت في عينيه بِحدة وقالت: بنت جبل قدها والمفاجأة بقى إني انا مثلت اني مغرومه بيكِ وانت بتكمل لعبتك وانا بكمل لعبتي يا أسد العشماوي صافية لبن، انت لما طلعت من الاوضة وقتها
Flash back.
رنّ على شخص مجهول وقال: طلعت من المستشفى ولا لسه؟
_طلعت يباشا.
أسد بمكر: وكِتفك عامل إيه.
_متخفش يا بيه كله تمام، واخدت الفلوس اللي سبتهالي.
كان نفس الشخص اللي خدشه بالرصاصة في المستشفى.
أسد قفل معاه وابتسم هو وباصص ليها وهي كانت نايمة بكل براءة وتعب
كان بيلمس على شعرها والشر باين من نظرة عينيه قام وطلع من الاوضة وهي كانت نايمة بكل براءة
قامت هي وقتها وبرقت بـِ عينيها وقالت ودموعها نزلت: يعني عرضت حياتي للخطر انهارده علشان اثق فيك؟! انت بالجبروت ده كله والغل والمكر والخداع ده كله علشان اثق فيك واحبك بعدين توجع قلبي لما توصل للقاتل وتنتقمي مني يا ابن العشماوي.
كانت بتبكي بحرقه وقامت مسكت دماغها وكانت هتنفجر مسحت دموعها بقهرة وقالت: وانا اوعدك إني هنتقم منك زي ما بتعمل فيا كده، وهكمل في لعبتك وانت مغفل هفضل العب عليك، ميغركش اني هبين اني حبيتك واخد بأفعالك بس زي مأنت بتلعب عليا علشان تنتقم مني هنتقم منك يا واد سيف العشماوي وهثبت ليك انك ضعيف واشوفك مذلول قدام عيني وانا وبثبت ليك ان بابا مش هو القاتل وقتها هكون انا اللي بصفق وانت اللي ضعيف ضعيف وبس.
Back.
أيان هو وبيصرخ وشد الاجزاء وطلع مسدسه وصرخ وكل حرف طلع من قلبه: يلعنكككككك يا صاااااحب.
كان هيضرب يُسر جريت ليه ورفعت المسدس لفوق: انت اتجننت
الطلقه جات في السما وقتها
أيان رمى المسدس وقتها وصرخ هو وباصص للتله: اااااه
أسد كان باصص ليها وهي رطعت بصتله بدموع هي وبتطلع الدبله من ايدها الشمال و مسكت ايده وحطتهم عليها هو كان باصص ليها بهدوء وقالت هي وبتمسح دموعها: زي ما غصبتني على الجواز وانا مش دارية خد حاجتك تلزمك يا ابن العشماوي.
وبصت ليه بدموع هي وباصه لملابسها: انا وبلبس الملابس شكيت في نفسي وصلت لدرجة قولت يمكن يا يُسر كنتي بتحلمي، لا يا يُسر مش أسد اللي موصي الراجل، لا والله يا يُسر مش هو لا أسد ميعملش كده حتى لو مش بيحبك يا بت مستحيل يإذيكِ..
ضحكت بهستريا وسط دموعها وقالت: وطلعت انت
بصتله وكملت بشماته فيه: ياخي انا لبست اللبس المهبب ده علشان لعبتك ومتعرفش اني انا كنت بلعب عليك اصلا انت مغفل لدرجة محدش بيحبك لان جبروت قلبك محطم قلوب اللي حوليك ولا حد هيحبك طول حياته ولا هتلاقي مراتك او عيالك في يوم يحبوك، وهيجي اليوم اللي هكون اسعد انسانه في حياتي لما اتطلق منك.
وقربت منه وشاورت على قلبه: لإن طول ما السواد معمم هنا عمره طبعك ما هيتغير لأنك انت جهنم افهم جهنم وبتحرق اللي حوليك يا ابن سيف العشماوي اوعدك .
مسكت ايده وحطتها فوق راسها: وعد عليا انا هتطلق منك بس الاول هثبت لك ان بابا مقتلش ابوك، وقتها هتخسرني لانك محبتنيش وهتخسر الكُل وهتخسر نفسك وهتعيش وحيد وعد عليا يا أسد.
راحت عند أيان وبصت لـ عربيته وقالت: ممكن توصلني.
أيان هو وباصص لـ أسد: دايمًا.
طلعت جمبه في العربيه هي وبصاله وهو باصصلها ومش متكلم مشي أيان بعربيته
أسد صرخ باقوى ما لديه وقال: اااااااااااه
ضرب الدبلة على الارض وكان بيضرب على العربية برجله وصرخ: غبي غبي غبي.
دخل الجزيرة في اوضة خشب مسك الكرسي ضربه على السرير وكسر المراية وقال: للللليييييه
كان بيصرخ ومسك حديده ضخمه وكسر بيها السرير وكسر الصور بتاعته هو وأيان وقعد لما تعب وبينهت اوي كانت كل حاجه متكسره وحط ايده على راسه وكانت متعصب وبياخد نفسه بصعوبه وقال: انا خربت كل حاجه خسرتها للأبد خسرتها.
طلع من البيت الخشبي وراح عند عربيته شاف الدبله في الارض ونزل اخدها وقال: هتفضلي ليا يا دكتورة، هتفضلي لـ أسد العشماوي بس يا بت جبل، حتى لو بكرهك مش هسيبك ولا هتبقي لحد غيري يا حفيدة الخديوي.
طلع عربيته وكان سايق بسرعة رهيبه.
................................
نور كانت ماشية في الشوارع رفضت اليوم ده تروح بالعربية بتاعتها وكان الجو حلو كانت لابسه جاكيت بيج مع بنطلون أبيض واسع ورافعه شعرها الأسود الطويل لفوق كانت ماشية وحاطه الهاند فري كانت كيوت اوي فجأة عربية جت قدامها ووقفت واصدرت صوت احتكاكه بسيطه كانت المسافه اللي بينها وبين العربية ١٠ سنتيمتر كانت هتخبط فيها فجأة من خوفها وقعت منها شنطتها ونزلت على الارض وقالت وهي بتلم حاجتها: مش تفتح قدامك
نزل وقتها أحمد الذي يضع النظارات الفخمه وكان لابس قميص ازرق وبنطلون أبيض وفاتح ازرار القميص وكان اخر شياكه بصتله نور وزعقت بغضب: فتح شوية
أحمد نزل لمستواها وكان بيلم معاها الحاجه وقال: أنا آسف مش شفتك
نور بصتله كان قد إيه انيق وشكله قمر وقالت: لا عادي
جت تقوم وقالها: تحبي اوصلك.
نور: افندم!
أحمد: متفهميش غلط انا على اللي عملته ده تعويضا اني اوصلك بس مش اكتر
نور بصتله وقالت بِحده: المكان قريب شكرا ليك ياخي ابعد.
جت تمشي وهو وقفها وقال: انتِ أخت النقيب أسد العشماوي صح
نور بصتله وقالت: نعم! بس مين عرفك.
أحمد: معاملتك ناشفه ليه كده
نور: مفيش طبيعتي كده
أحمد: ثُم عادي النقيب أسد العشماوي صاحبي وأنا الضابط أحمد.
نور هزت راسها وسلمت عليه مد ايده وهو سلم عليها وقال: فرصة سعيده.
حط ايده في جيبه وقال: تيلفوني
كان بيفتش عليه نور مدت تيلفونها وقالت: خد رن عليه
رن عليه كان في عربيته فصل وقالت بغضب : يعني طلع في عربيتك
أحمد ضحك وقال: نسيت، ثُم فرصه سعيده يا....
نور: هي مش فرصه سعيده خالص لانك كنت هتخبطني... اسمي الدكتورة نور
أحمد ابتسم وقال: دكتورة نور
طلع عربيته وغمز ليها وقال: وبكده رقمي عندك لو احتجتيني.
مشي بعربيته وهي بصت للرقم وقالت بإبتسامة: الله.. الله
مشيت وهو كان ماشي بعربيته وبص ليها وقال: وبكده اول البدايات يا دكتورة نور اول حد هبدأ بيه انتِ وانتقم منك على اللي عمله اخوكِ في يُسر وزي ما اتجوزها في السر وانا هحرق قلبه عليكِ في السر برضو ما هي واحده بواحده يا دكتورة.
كان باصص ليها بخبث وضحك وسجل رقمها وساب تيلفونه.
............................
مجهول: يعني نخطف مدام أسد العشماوي من غير ما نعذبها
_لا انا قولت خوفوها بس يومين او يوم بالكتير.
مجهول: امرك
_زي ما قولت تعمل واضغط عليها انها تنسى عائلة العشماوي خالص.
مجهول: امرك
_ هي دلوقتي في قصر النقيب أيان اعملوا الواجب.
............................
(في قصر أيان)
كان قاعد جمبيها في الجنينة وهي ساكته وباصه للبحير اللي بعد الجنينة.
هو كان ماسك تيلفونه وكتب لـ أسد رسالة: يُسر عندي يا صاحبي شوف مهما تعمل فيها هساعدها ومش هسيبها ثانية لجحيمك وقبل ما انسى الله يلعنك يا صاحبي ويلعن الأيام اللي خلتنا أصحاب ويلعن معرفتنا.
قفل تيلفونه ورجع بص ليها تاني، قالت يُسر هي وبترفع شعرها لفوق وبتقطع الصمت اللي بينهم : أيان انا مش عايزه اتكلم في أي شيء خالص، عيزاك تساعدني
أيان هز راسه وقال: اساعدك يا يُسر، قوليلي
يُسر: دلوقتي انا عايزه انفصل انا وأسد وطبعا انا مش هنفصل غير لما الاقي القاتل اللي في السرايا بتاعتنا.
أيان هو ومقرب منها وباصص في عينيها وقال: وأنا هساعدك.
فتح اللاب بتاعه وقال: في معلومات اشتغلنا عليها اناو....
وبصلها وبلع ريقة: وابن العشماوي من فترة وقفلناها لما ملقناش في فايده ولا دليل
أيان هو وباصص ليها: يُسر ابوه اتقتل في معمل قديم تحت في الشركة المشتركة بين عائلتك وسيف العشماوي واللي قتله كان لابس قناع المُهرج بس الفديوا ده اثبت كل الادلة بتقول ان جبل الخديوي كان متواجد في المكان حتى بُصي.
كانت شايفه يُسر معمل قديم اوي وفيه كاميرا بتصور القاتل كان لابس جلبية سودا وقناع وبيتكلم معا سيف العشماوي وسيف العشماوي بيجادل وجه يمشي المُهرج طعنه بالسكينة ٣ طعنات في ضهره ولوى السكينة فتحت جرح عميق في ضهره
يُسر كانت باصه للفديوا وحطت ايدها على بُقها ودموعها نزلت.
أيان جه يقفله وقال: كفايه
يُسر حطت ايدها على إيد أيان وهو بلع ريقه لما لمست ايده وقالت: كمله لأجلي يا أيان
هز راسه وهي سحبت ايدها
وقع وقتها ابو أسد على الارض واتوفى هو وفاتح عينيه هرب القاتل بعديها بدقيقة دخل جبل الخديوي وبرق بعينيه ومسك السكينه طلعها من ضهره هو وبيصرخ بإسمه وقفل الفديوا.
يُسر مسحت دموعها وقالت: بس اهو شفت بعينيك انه مش بابا
أيان: ابوكي دخل على طول يا يُسر والكل شاكك فيه وليه راح المعمل اللي في شركتهم الوقت ده.
يُسر: بس ده ميثبتش انه اللي هو اللي قتله
أيان: عارف يا يُسر بس حطي نفسك مكان عائلة العشماوي لما يشفوه مقتول ويدخل واحد في ثانية يمثل انه مش هو اللي قتله
يُسر وقفت وقالت بزعيق: بس مش بابا اللي قتله يا أيان مش هو مش هو ليه محدش عايز يصدقني .
أيان وقف وقرب منها وقال: انا مصدقك بدون شك ومصدقك لغاية اخر يوم في عمري، وعارف انه مش هو بس تفكير عائلة العشماوي من 20 سنه متغيرش يا يُسر افهمي.
يُسر فتحت شنطتها وطلعت فلاشه وقالت: انا لقيت الفلاشه دي في الخزنة بتاعتنا
طلعت الفلاشه وحطتها قدامه وقالت: شغلها بتبصلي ليه
أيان: اهدي عليا طيب
ضحكت يُسر هو وبترفع شعرها وبصتله: شغلها يلا
أيان بإبتسامة: شعرك حلو على فكره.
يُسر: أيان!
أيان: هشغل يستي اتهدي.
قعدت جمبه وهو بصلها وهي قالت: يلا
حطها أيان في اللاب توب بتاعه وشغل الفديوا كان نفس الفديوا بتاع المعمل
يُسر: اوف ياه هو نفس الفديوا
أيان بيأس: وايه العمل
جه يطلع الفلاشه ويُسر كانت باصه بعد ما دخل ابوها وصرخ وقام
صرخت يُسر: استنننننننى.
بصت كويس وقالت: كبر المقطع ده كبره، كبره.
أيان كان بيكبره وبصت في شباك المعمل كان واقف المُهرج وباصص من الشباك وابو يُسر جوا واقف
يُسر بصدمه شاورت على المُهرج وقالت: ده الفديوا الحقيقي يعني بابا مقتلش حد، والفديوا اللي معاك مش كامل.
أيان بص كويس وبرق ليها وقال: ده الدليل
يُسر بدموع من الفرحه حضنت أيان وصرختتتت: مبروووووك لينا
أيان بفرحه ضمّ عليها وبادلها الحُضن وقال: ااااه يا بت جبل والله وبراءة.
كانت فرحانه ودمعتها نزلت مسحتها بسرعة وادركت يُسر ان ده غلط وبعدت عنه وهو بصلها وابتسم وقالت هي وبتشيل الفلاشه وقفلت اللاب توب: احنا لازم نوريه لـِ أسد وبكده اثبت ان بابا مش هو القاتل.
أيان: استني.. استني بتقولي انك لقتيها في خزنة العيله ازاي والخزنه الكل بيفتحها مسألوش نفسهم يشوفوا ايه جواها اكيد شافوا.
يُسر: ده اللي محيرني بس دلوقتي هروح لأسد تمام وهعرفه ان بابا مش هو اللي قتل ابوه وبعدين نعرف الفلاشه دي كانت محطوطه ليه في الخزنه ونعرف مين اللي قتله.
أيان هز راسه بتفهم وقال: هوصلك.
يُسر بإبتسامة: هاخد تاكسي بلاش انتَ، انا مش ناقصه تضربوا بعض تاني .
أيان هز راسه وقال برفض: هوصلك يا يُسر يعني هوصلك، انا واسد متعودين على الضرب مش حاجه جديدة يعني، وهوصلك يلا.
كان ماشي قدامها ويُسر سكتت وبصتله: أيان أنتَ حبيتني ليه
#الفصل_الحَـاديَ_والعِشـرون.
كان ماشي قدامها ويُسر سكتت وبصتله: أيان أنتَ حبيتني ليه؟
أيان وقف وغمض عينيه لـ ثواني وبصلها: مفيش سبب يا يُسر.
يُسر هي وبتقرب منه: بس أنا محبتكش يا أيان.
بصلها بهدوء وهي كملت: ايوا حبيتك بس كَ صديق او أخ ليا.
أيان: وأنا مقابلش حُبك ليا ده يا يُسر ما عايز حبك ليا ك اخ او صديق.
يُسر:اومال ايه
أمينة من وراهم: اومال ايه! انت بجحة بشكل قولي كده وبسببك اتفرقوا الأصحاب يا دكتورة.
يُسر هي وبصتلها وقالت: افندم
أمينة: افندم إيه؟
وكملت هي وماسكه ايدها وبتهزها بغضب: وليكِ عين تتكلمي
يُسر نزلت ايدها وسكتت بهدوء.
أيان بغضب وزعيق: أمي انتِ مش فاهمه حاجه
أمينة: لا فاهمه انها واحده بلا حيا
زهرة بغضب: ماما زودتيها اوي
أمينة: انت مغفل، واول مره اشوفك كده، وانتِ معندكيش دم خالص الاحمر ده عرفاه، واحده متجوزه من أسد العشماوي راجل يسد عين الشمس اللي هو صاحبه وابني المغفل بيحبك وفرقتي الصحاب، واحده خبيثة ظهرت في يومين والتاني وبتوقع الصحاب في بعض مكفاكيش واحد جايه تلعبي على ابني عايزه اتنين في حياتك.
يُسر بغضب: لولا انك ست كبيرة كنت كسرت قلبك فيكِ وعرفتك قيمتك، ابنك يفهمك
أيان بغضب: امييييي اسكتي، اسكتي بقى
طلعت يُسر بغضب وقالت: أيان متحاولش تلحقني.
طلعت من القصر
زهرة: يُسر... يُسر يوه بقى زودتيهم يا امي
طلعت وراها زهرة
وأيان صرخ فيها: انتِ مش فاهمه حاجه قولتيلها ليه كده لييييييه
أمينة: اخرس ولا كلمة.
أيان طلع على اوضته ورزع الباب بقوة.
يُسر طلعت كانت عدت الشارع وزهرة زعلت عليها ودخلت القصر تاني
يُسر كانت ماشيه والتاكسي وراها عدى وقالت بزعل هي وبتمسح دموعها : تاكسي.
طلعت التاكسي وكان ماشي بيها واخدت العنوان من التيلفون بتاع قصر العشماوي وقالت: عند العنوان ده
بصلها صاحب التاكسي وهز راسه بخبث لاحظت بصته ليها وكان مبتسم في المراية هو وباصص عليها هي خافت منه ومن حركاته اللي مش مظبوطه وقالت: وقف لو سمحت
كان مكمل طريقه وكان على طريق مقطوع وصرخت: وقف مكنش بيوقف وقال: ليه يا مدام حاضر
وقف ونزلت يُسر من التاكسي وسحبت شنطتها فجأة وقفوا عربيتين لونهم اسود ونزلوا رجالة ضخمه حوليها
يُسر بخوف: انتوا مين؟ عايزين مني إيه؟
بعدت عنها وحاوطوها هما كلهم جت تجري وصرخت: أسدددددد
كانت خايفه ووقفت وكانت بتتنفس بثوة ودقات قلبها بتزيد وكانت شديده اوي و قالت: خدوا الفلوس طيب خدوا التيلفون خ....
قاطعها شخص منهم وقال: احنا عايزينك انتِ يا حلوه.
يُسر بدموع كانت بصالهُم وجمبيها باب التاكسي وجمبيها واحد من العصابه جريت وضربته برجلها في بطنه وقع لكن مسكها من شعرها وخبطها في الباب اللي فتحته وقعت اغمى عليها ودماغها جابت دم.
السواق بغضب: يلعععععنك انا قولت محدش يإذيها مبتفهمممممش، شيلها واخلص، اخلص.
شالها وحطها في العربية السودا ومشى.
وطلعوا العربيات ومشيوا وقتها شنطتها كانت واقعه بعيد عن الطريق في الزرع ومحدش شافها من العصابه اللي خطفتها.
.........................
_في المساء_
كان أسد هاجم على القصر بتاع أيان وبيخبط على الباب جامد وصرخ وقال: اطللللللع يا **** اطللللع
أمينة فتحت وقالت: في ايه يبني هتكسر الباب و....
أسد: ابنك جوه... فينه
دخل القصر وصرخ فيه: أيااااان انزل
طلع أيان من اوضته وكان نازل على اخره وقال: زودتهم يا ابن العشماوي.
نزل بغضب وأسد وقف قصاده وقال بجبروت: هندمك على الساعه اللي اتخلقت فيها، يُسر يا يُسر يُسسسسسر.. هي فين
كان طالع على السلم أيان شده ليه: يُسر ايه، يُسر مشيت الصُبح.
أسد بغضب: انا عارف انها فوق وقضت اليوم هنا وانا متكلمتش، لكن تبات هنا في احلامك اني اخليها هنا ثانية واحده، يُسر.
زهرة: يُسر مشيت يا أسد والله مشيت بدري.
أسد بصدمه: ايه
زهرة: ايوا والله مشيت
بص لـ أيان وأيان هز راسه
أسد بصدمه وعصبيه: يُسر مجاتتش القصر من وقت ما سبتها.
أيان عقد حواجبه وقال: هي كانت جيالك هتوريك الفلاشه
أسد: فلاشة ايه
أيان بغضب صرخ فيه هو وزاحه على الحيطه:ودددددده وقته، يُسر فين يا أسد فيييييين.
أسد زاحه بعيد وفتح تيلفونه كان بيرن عليها تيلفونها كان شغال لكن مفيش رد
وصرخ فيه وقال بعصبيه: لو جرتلها حاجه اقسك بالله هقتلك.
أيان هو وواقف وباصص في عينيه: لو اللي في بالي صح وان حد خطفها، هندمك على يوم ولادتك يا واد العشماوي.
طلعوا هما الاتنين من القصر وامينة قعدت تندب على حظها وقالت وكانت بتتنفس بالعافيه: اه من بنت جبل اه
كانت بتضرب على رجليها وتقول: هتخليهم يقتلوا بعض، والله هيقتلوا بعض ااااه.
زهرة نزلت لمستواها وقالت: امي اهدي كفاية
أيان بغضب لما شافه طلع عربيته وأيان طلع العربية وقال: انسى عداوتنا اطلع على سرايا عائلة الخديوي يمكن هناك اطلع
أسد طلع عربيته وساق بكل سرعته وقال هو وبيضرب على الدريكسون: انتِ فين يا بت جبل، فيييين يا يُسر
أيان في عربيته كان خايف وبلع ريقه بالعافيه وقال: فينك يا يُسر، فينك يا حفيدة الخديوي.
أسد هو وبيفكر فيها صرخ بقوة هو وبيرن عليها : رديييي رديييييي اااااوووووف.
فجأة عينيه لمحت شنطتها بعيد عن الطريق وسط الزرع وقف بسرعة رهيبه ووراه أيان وقف زيه ونزلوا الاتنين جري أسد ووراه أيان.
أسد مسك الشنطه وفتحها أيان بصدمه حط ايده على راسه وقال: شنطة يُسر.
أسد بصدمه: ايه اللي جابها هنا
وهما الاتنين قربوا من التلة وبصوا ليها وبصوا لبعض
أسد صرخ فيه هو وماسكه من ياقته: يُسر لو حصلها حاجه هدفنك حي قسما بالله هدفنك حي.
أيان هو وباصصله ورفع ايديه الاتنين بإستسلام : نلاقيها الاول وتكون بخير وادفني يا ابن العشماوي، انا راضي
وكمل ودموعه في عينيه: ادفن صاحبك وانا راضي.
بصله أسد وسابه بغضب وأسد الدموع لمعت في عينيه وقال بغضب: على القِسم.
أيان بص للكاميرات اللي في الطريق وهز راسه وطلع عربيته وراحوا هما الاتنين سوا اول ما وصلوا دخلوا سوا ودخلوا اوضة خاصة للفريق كله كان قاعد أيان وبيشغل اجهزه كتيره ودخل العنوان جاب الكاميرات بتاعت المنطقه وشغل الكاميرات شاف التاكسي هو ومعدي ونزلت منه يُسر.
أيان بخوف هو وأسد نطقوا اسمها في نفس اللحظة وقالوا : يُسر!
بصوا لبعض ورجعوا بصوا للفديوا وشافوها هي وبتصرخ وجت تجري خبطها واحد من العصابه.
أسد بغضب صرخ لما شافه ضربها ووقعت اغمى عليها: ايا اببببببن ال*****، هقتلللللللك.
و الكرسي ضربه على الارض
أيان بعصبيه شد على على الطربيزه وصرخ هو وشايفها شيالينها وحطوها في العربية: يلعنننننكم.
أسد بغضب: اعرفلي مكان العربية فين يلا
اخدوا رقمها وطلعوا للفريق بتاعهم حددوا المكان بعد محاولات كتيرة وطلعوا هما الاتنين أيان بص لـ عربيته كانت عجلتها نامت.
أسد بص للعجلة وقال: خليك هنا أنا رايح
أيان: مستحيل اسيبك وحدك تروح
أسد خبط باب عربيته وقرب منه وقال: علشان صاحبك ولا علشان تنقذ يُسر علشان قلبك واجعك عليها.
أيان كان باصصله وقال هو وقريب منه وقال بغضب وشجاعة: علشانكم انتوا الاتنين.
طلع جمبه في العربية وهو دخل العربية وساق العربية أسد.
كان سايق أسد بكل طاقته وكان حاطط العنوان قدامه وماشي على الاتجاه ده ومكمل.
...........................
يُسر بدموع كانت مربوطه وكانت جعانه اوي كان مربوط ايديها ورجليها في الكرسي وصرخت لما فاقت: انااااا فين... انا فين مين انتوا.
كانت بتبكي وبتبص للمكان كان معمل غريب وكله ضلمه
دخل واحد من العصابه وقال: عايزه ايه
يُسر بدموع : انتوا مين
جه يقفل الباب وهي صرخت: عايزه اروح الحمام.
بصلها وراح عندها وقال: لو حركة كده او كده هطخك
يُسر بخوف هزت راسها بدموع
فكها وشد ايدها وربط ايدها و كانت ماشية معاه وقال: ادخلي.
دخلت وقالت: الباب هيبقى مفتوح ازاي.
_اخلصي خلصينا
يُسر بدموع: فك ايدي طيب
_هرجعك واربطك تاني، اخلصييييي
صرخ فيها وهي اتخضت ودخلت
قفل الباب وهي دخلت الحمام بدموع بصت للشباك اللي في الحمام، كان صغير اوي طلعت فوق الحوض وحطت رجلها على الحوض وكانت على الطرف لو اتحركت غلط هتقع.
حاولت تفتحه بهدوء ودموعها نازله على خدها وبتبكي هي وبتفتح فيه وايدها نزفت دم فتحته بقوه وحاولت تطلع مش عارفه وقالت بدموع: قدها يا يُسر يلا، يلا يا بت جبل يلا.
طلعت فوقيه وكانت بتتسحب رغم ان ايدها مربوطه وكانت خايفه كانت المسافه بعيده الحيطه عالية نطت بقوة ووقعت على وشها الجرح اللي في راسها اتفتح كان وشها كله دم وتُراب، قامت وقالت: اااه
بصت ومشافتش حد طلعت تجري في الغابه وكانت تايهه وبتجري.
_انتي يا بت هدخل خلصتي اطلعي.
مكنش سامع رد وقال بغضب: انتِ حره
فتح الباب وقتها
ودخل لقي الشباك بتاع الحمام مفتوح صرخ بقوة: البت هربت.
طلع ليهم وقال: مرات أسد العشماوي هربت الحقوها
كانوا بيجروا.
وهي سمعت لما ضربوا نار وقالت بدموع: اجري يا يُسر اجري وبس متبصيش وراكي اجري.
كانت بتجري مسحت الدم اللي على عينيها وبتجري بقوة وعزيمه ودموعها سبقاها.
أسد وأيان وقتها سمعوا ضرب النار أسد بغضب: ايه ضرب النار ده
أيان بصوت جهوري: اسررررررع، اتحرررررك
كان مسرع اوي ودايس والاتنين قلبهم عليها.
هي وسط الغابة كانت بتجري ووقعت على قشّ كان في الارض وقتها.
صرخ واحد من العصابه: من هنااااااا
سمعتهم وبرقت بخوف: قومي يا يُسر يا قومييييييي
سندت على شجرة وجريت وكان أثر الدم على الشجرة.
جريت بقوة ووصلت للطريق العمومي.
وفضلت تجري بقوة هي وشهقاتها عالية في البُكا.
واحد من العصابه هو وبيجري: يا باشااااا
بصوله كلهم وشاور على الدم وصرخ الكبير بتاعهُم : البت قريبه اجروا.
كانوا بيجروا وهي بتجري على الطريق العمومي بدموع فجأة طلع قدامها واحد من العصابة وقال بإبتسامه: على فين يا حلوه
كانت بتجري الاتجاه التاني وهما وراها بمسافه قريبه
فجأة شافوا عربية جاية وقال واحد من العصابة لما شاف أسد: اهربوااااااا، ارجعواااا،
دخلوا وسط الغابة والشجر
وهي كانت بتجري وأيان بص بصدمه وقال: يُسر
وقعت قدام العربية وكانت ايديها مربوطه وافتكرت اول يوم هربت فيه كان نفس المشهد وقعت نفس الوقعه ورفعت راسها بدموع والدم كان نازل على وشها ورجلها المجروحه بتنزف وكانت حافيه وايدها المربوطه اللي اتجرحت، قامت بدموع وكان أسد واقف بصدمه من منظرها وأيان مصدوم وقال بدمع: يُسر
أسد بخوف: يُسر.
يُسر بدموع جريت وكانت بتصحف من خطواتها وبتجرّ رجليها جرّ جريت ورفعت ايدها.
وقتها واحد من ورا الشجرة قال: خلينا نتسلى يا عُشاق يُسر جبل الخديوي.
وسلح القناصه وشد الاجزاء وكان مصوب على ضهرها وداس على الزناد.
وقتها رفعت ايدها المربوطه وحضنت.............
والطلقة جت في ضهرها من ورا و..............
اللي عاوز تكملة الروايه يعمل انضمام من هناااااا علشان يوصلكم اشعار بالنشر فورا
#يُتبع الرواية كامله من البدايه من هنااااااا
تكملة الروايه اضغط هناااااااا
#العروسة_الهاربة_وإنتقام_الشيطان
#بقلم "سلمى محمود النجار"
تعليقات
إرسال تعليق