رواية العروسه الهاربة وانتقام الشيطان البارت التاسع والثلاثون 39بقلم سلمي محمود النجار
رواية العروسه الهاربة وانتقام الشيطان البارت التاسع والثلاثون 39بقلم سلمي محمود النجار
#الفصل_التـاسـع_والثلاثُون.
"بارك الله لكُما وبارك عليكما وجمع بينكما في خير."
جه عند أسد بص للكل وقام من مكانة الكل استغرب وسيليا خافت وقال: استنى يا حضرة المأذون.
وفي اللحظة دي وقفت عربية قدام القاعة وهو مشي ليها فتح الباب وكانت يُسر بفستان أبيض وهنا الصدمة احتلت وجوه الكُل.
ومرام وراها ماسكه ديل الفستان وفرحانه.
سيليا بدموع وصدمه كادت أن تموت وقالت: يُسر؟!
وقفت يُسر بين المتواجدين وكانت في غاية الجمال ودخلت القاعة قامت سيليا بدموع ووقفت قدامهم: إيه اللِي بيحصل.
يُمنى بدوخه قعدت على الكرسي تندب وقالت: اه يا يا يُمنى العشماوي عيالك ناويين يشهدوا على موتك.
ضحكت مرام وصرخت: حمااااتي.
يُمنى هي وبتضحنها: إيه اللي بيحصل
مرام: كل خير، كل خير اطمني.
ضحكت مرام وحضنت نور وباركتلها ونزلت دموعها لما شافتها بخير وباست راسها مرام.
جليلة بغضب هي وبتضغط على إيد بنتها: سيليا اهدي.
أيان كان واقف عند الباب واتصدم لما شاف يُسر بفستان الفرح وكمان بتمشي على رجليها.
أسد بصوت جهوري: مرحب بيكم في حفل زواجنا التاني.
يُسر حطت إيدها في إيده والناس قامت واتصدمت.
سيليا بدموع قربت منه وجت تضربه بالقلم مسكت إيدها يُسر وقالت بصوت واطي: اظن كفاية فضيحة واطلعي من الباب زي ما دخلتي.
أسد بصوت جهوري: استني.
مسك دراعها قبل ما تمشي وقال: ادخل
دخل شاب غريب وسيليا وقع من إيديها بوكية الورد ويُسر قربت من ودنها وهمست: خلصت اللعبة، وخِلص دورك يا سيليا.
والشاب بصلهم وجليلة استغربت زاحت ايدها جليلة مسكت ايد سيليا طلعوا من بابا القاعة وسط المتواجدين هيا والشاب اللي معاهم.
أم حسن وعم سعدي كانوا في آخر شياكة وكانوا داخلين القاعة رفعت راسها بغيظ أم حسن لـ جليلة وهي اتفحمت ونفخت بغضب ضحكت ام حسن وحضنت يُسر وحسن اولادها.
وحسن كان فرحان قرب منيها وقال: يُسر.
يُسر حضنته وقالت: مبروك يا حبيبي.
باس رلسها وقال: يبارك فيكِ.
سلمت على نور وحضنتها وقعدوا أسد ويُسر على الكراسي جمب المأذون تحت نظرات أيان وكان حابس دموعه وباصصلهُم.
بص ليها أسد وكانت يُسر ماسكه إيده من تحت الطرابيزة وابتسمت.
Flash Back.
أسد كان قاعد في التاكسي ودموعه على خده هو وبيفكر في يُسر فجأة وصلته رسالة على تيلفونه من رقم غريب وصور فتح الصور شاف سيليا مع شاب غريب من بلدهُم كبر الصورة كانت حضناه وبعت صور كتيره ليهُم وصورة كانت بتحمل هما ومتصورين وماسكه صورة الجنين اتصدم أسد ورن على الشخص وقال: إنت مين؟!
_أنا حبيب سيليا أو بالأصح الحارس بتاعهم أسمي مُهاب وأنت ملكش دعوة في الحوار ده كله، سيليا بتسعى ورا الفلوس والله العظيم أنا أبو الطفل سيليا حامل مني أنا، أنا مستحملتش إنها توقعك في مصيبة زي دي أو تكون أبو طفلي، أفهم يا أسد بيه إنها واحده خبيثة وممكن تعمل أي حاجة علشان الفلوس.
أسد قفل معاه وكان مصدوم وقال وصوته طِلع بالعافية: اطلع على المطار.
بعد ساعة، في مطار إنجلترا..)"
يُسر كانت ماشية هي ومرام وكانت مرام بصالها قد إيه يُسر كانت حزينة كان بيجري في المطار وهما دقائق بسيطه والطيارة كانت هتأقلع.
مكنش شايفها نط عند الحارس والكل بيجري وراه علشان يمنعوه راح عند المايك وقال: يُسر... يُسر اسمعيني.
كانت ماشية ووقفت لما سمعت صوته وكمل: أنا آسف يا يُسر واللهِ ممكن تفهميني وتسمعيني وتجي لـ هنا.
كانوا بيشدوه وصرخ: يُسر أنا مش مشيت أنا هنا لأجلك.
زاحوه بعيد وصرخ فيه الأمن: Go... Go
ورن عليها كانت شايفه التيلفون ومسكاه دموعها نزلت وفتحت وقف مكانه وكان بيتنهد وقال: يُسر، متمشيش متطلعيش الطيارة لأجل اللِي بينا.
دموعه نزلت وقال: أنا خبيت عليكِ فعلا بس أنا شخص قبل ما أجي واحضن حبيبتي وأسافر دفنت أمي بإيدي، ربتني واحده مش أمي أنا اللِي وصلتها لحبل المشنقه، أنا الإبن الميت لـ ليلى مرات جبل الخديوي، واتضحك عليا في لعبة أنا مكنتش وسيط فيها.
يُسر كانت سامعه الكلام وبتمشي ومش سامعه مرام اللي بتنادي عليها ولمحته من بعيد جريت عليه وهو ساب التيلقون وحضنها كانت بتلمس على شعره وقالت: احكيلي فضي اللِي جواك قلبي مُتسع ليك.
مسك إيدها وطلعوا برا المطار وقعدوا سوا ومرام كانت جمبهم.
أسد حكى ليها كل حاجه وقصة ليلى وشافت الصور الخاصة بـ سيليا والشاب اللي حامل منه وقال: أنا والله ما لمستها والله العظيم يا يُسر.
كان باصص ليها وهي مسحت دموعه وقالت: مصدقاك.
حضنته وكان بيبكي هو ومنزل راسه ومرام بكيت وقالت هي وبتضحك: يخربيتك بكيتني وكمان فاتت الطياره.
أسد هو وبيمسح دموعه ويُسر مالت براسها على كتفه وقال هو وشايف طيارته الخاصه في المطار: يلا طيارتنا وصلت.
قاموا كلهم ودخلوا الطياره وقعدوا سوا مرام هي وبتضحك: اسيبكم انا.
أسد:ليه.
مرام: محتاجه راحه.
أسد هز راسه وبعدت عنهم ومدت الكرسي وارتاحت عليه.
يُسر هي وبتقوم من على كتفه وبتقول: طيب دلوقتي هنعمل إيه.
أسد: بنمشي في اللعبة ورا الكداب لغاية الباب.
ضحكت يُسر وغمز ليها وقالت: الله الله.
أسد هو وبيتنفس وقال: استني.
اتعدل ووراها صوره هو وصغير كانت شيلاه ليلى ورفع قميص بدلته كانت نفس الوحمه يُسر ضحكت وقالت: إيه ده، شوف ودانك ممدودة ازاي رايحه تسلم على الناس.
ضحك أسد وشد راسها وباسها وقال: يا عفو الله.
Back.
كانوا قاعدين والمأذون مشي وكانوا فرحانين حسن ونور وطول الوقت ماسك إيدها يُسر كانت باصة لـ أسد وفرحانة ومرام بتواسي حماتها وحطت إيدها على بطنها
يُمنى بصدمه: حامل؟!
هزت راسها مرام ودمعت حضنتها يُمنى بفرحة ودمعتها نزلت من الفرحة وأيان كان واقف ومشي طلع من القاعة وقعد في العربية بتاعتُه كان مخنوق وساق راح عند الجزيرة بتاعته هو وأسد وكان عليها حُراس كتيرة وجه دخل أيان وجه الحارس: أيان بيه اتفضل مفتاح الجزيرة بقيت ملك ليك
أيان: ده إزاي؟
_يا بيه أسد العشماوي قبل شهر اتنازل عن كُل أملاكُه وكتب الجزيرة بإسمك.
اخد المفتاح وبص للجزيرة ودمعته نزلت مشي بعيد عنهُم كان بيفتكر كل طفولته واوقاته فيها هو وأسد ويبكي قعد على الأرض عند التلة الكبيرة وكان بيبكي وقال بدموع: أمتى هترجع قلوبنا تحنّ لبعض يا ابن العشماوي وحشتني ووحشني كتفك يا صاحبي، وحشتني قعدتنا سوا وبدلة النقيب وحشتني يا أسد، يا خيبة الحب اللِي يفرق الإنسان عن صاحبه.
كان بيتفرج على صورهم في التيلفون ومسح دموعه بص للساعة وقال: هنرجع يا أسد العشماوي وأنا هصحح كُل جرح سببته ليك.
قام وطلع عربيته ومشي.
.........................
(في الفندق)
كانت سيليا بتبكي وحاضنة المخده في اوضة في الفندق ومتجاهله صوت أمها ومش راضية تفتح ليها وقالت جليلة للحارس الشاب اللِي حامل منه: مُهاب أنت بتعمل إيه جاي ورانا ليه اتفضل امشي وبعدين كنت بتعمل إيه في فرح أسد.
مُهاب: ست جليلة أنا جاهز أكون عريس بنتك واتزوجها.
جليلة بتوتر: افندم.
مُهاب: أنا عارف إنه مش وقته بس أنا قادر اجيب مأذون وإكتب عليها دلوقتي.
فتحت ليه سيليا وقالت: ممكن نتكلم أنا ومُهاب يا أمي.
هزت راسها جليلة ودخل مُهاب الأوضة وقالت سيليا: عملت كده ليه؟
مُهاب: لإني ببساطه بتحبيني أنا وأنا بحبك وأنا أبو الطفل مش أسد العشماوي.
سيليا سكتت وكمل هو وبيلوي دراعها: بتسعي علشان الفلوس، ما طبعا أنا الحارس بتاعكم يا بت جليلة دقايق والمأذون هيجي وهكتب عليكِ كلمة تاني وأنا قسمًا بالله أكون قايل لأُمك على كل حاجة وشوفي بقى هتعمل أيه وغير أمير كمان، عايزه توقعي أسد بيه علشان بتحبي فلوسه مبتحبيش أسد عايزه تِبخي سِمّك عليه وتإذيه يا بت جليلة.
سيليا بخوف: بس أنا مش بحبك ولا عمري هحبك.
مُهاب: وانا مش عايز حُبك أنا عايز الجنين ابني او بنتي بعد ما تخلفي هاخد وصيته واطلقك.
سيليا بدموع هزت راسها ومشي مُهاب قبل ما يوصل لباب الاوضة قال: ظبطي الميكب وكفاية دموع يا بت جليلة.
طلع وقال: ست جليلة الست سيليا موافقه.
جليلة هزت راسها وقالت: شكرا يبني قدرتنا وسترت عليها الله يسترك دنيا وآخرة.
هز راسه ومشي حالا وصل المأذون وكتب عليها بقيت مراته وأمير سمع اللي حصل وكان هيتجن وراح الفندق ليهم وشاف سيليا بتبكي اخدها في حضنه وقال: احنا هننزل دلوقتي على بلدنا كفاية كده.
جليلة: طيب وحاجتنا والملابس.
أمير بغضب هو وسايق وكانت جمبه جليلة وكان مُهاب ورا ماسك إيد سيليا وبيضغط عليها ومبتسم ابتسامه صفرا.
أمير:مش مهم.
هزوا راسهم كلهم وطلعوا العربية ومشيوا.
..........................
في قصر حميـد الشمندوري..) ".
كانت فاطمة قاعده على الأرجوحه هي وحور ومتغطيين الوقت اتأخر وحور كانت زعلانه وقالت: عمو أيان خالف بوعده ومش جاه.
كان واقف وراهم وقال: وأنا أقدر يا فُستق.
حور بصراخ: عمو أيااااان.
جريت عليه وحضنته فاطمه كانت بصاله وهو بص ليها بإبتسامة وقال: تعالي يلا
كان ماسك ايدها ونزل للأرض ونركبوا التلسكوب كانوا بيتفرجوا سوا وهو بيشاور ليها على النجوم وهي صرخت وقالت: واو.
فاطمه كانت فرحانه اوي لدرجة إنها عيطت من الفرحة.
حور بإبتسامة: تعالي يا ماما.
هزت راسها فاطمه ونزلت للأرض أيان اتلبك ورفع إيده: اهلا.
فاطمه: اهلا يا أيان.
فاطمة: ازاي.
ضحك أيان وقال: هاتي.
كانت باصة وقرب راسها ومسك إيدها وضعها على المُكبر اتوتر اول ما مسك إيديها وهي خافت وكعمشت إيدها وكانت بتتفرج على النجوم وقالت بزهول وفرحه: وااااااو.
أيان بضحك: إيه.
فاطمه: أول مره اشوف السماء عنّ قريب كده.
حور بإبتسامة: حلوين يماما.
فاطمه هي وبصالها: تؤ... أنتِ احلى.
حضنتها حور وفاطمه كانت بتبوس فيها وضغطت على حضنها حور بإبتسامة: تصبحوا على خير نعسانه انا.
حضنت أيان وقالت: أنت أجمل عمو في الكوب بتمنى انو لو كان بابا زيك وتكون انت بابا.
جريت على القصر ودخلت فاطمه كانت بصالها وبصت لـ أيان اللِي كان ساكت وباصص لـ حور وظلها: انا آسفه حور مش فاهمه بتقول إيه.
أيان: حور فاهمه كويس لإن عقل الطفل بيستوعب.
هزت راسها فاطمه وقالت: يُسر بخير لما رجعت.
أيان هز راسه بهدوء وقال: بخير وفرحهم عدى على خير.
فاطمه: لا وتصدق إن حسن اخوها واخت أسد اللي كانت في المصحه اتجوزوا.
أيان ضحك غصب عنه وقال: وساعدتهم انا اصلا حسن بيحبها من زمان ونور كمان.
هزت راسها فاطمه وضحكت: هربوا سوا.
أيان ضحك بصوت عالي هو وبيدق كفه في كفها: ونور جريت بالفستان. وزعقت في حسن
كانوا بيضحكوا اوي وحور بصالهم من فوق من اوضتها ودمعتها نزلت هي وباصة في السماء: اتمني يارب اشوف ماما وعمو أيان متجوزين اتمنى انه يكون بابا في يوم.
ودخلت نامت شدت اللحاف وابتسمت.
فاطمه دمعت من كُتر الضحك وفجأة سكتوا وقال أيان: أقوم أمشي أنا يا دوب الوقت اتأخر.
فاطمه هزت راسها فجأة بيقوم والأنور قطعت كان القصر كله ضلمه وقال: في إيه.
فاطمه: معرفش الشارع كله فيه نور و....
قاطعت كلامها صراخ حور: مامااااااا.
أيان بفزعة: حور. فاطمه طلعت تجري وأيان وراها وطلعوا الاوضة كانت قاعده جمب السرير وضامه رجليها
أيان: فُستق بصيلي.
فاطمه بدموع: حور في إيه يماما أنا هنا.
حور بدموع كان جسمها بيرتعش واتشنجت
أيان بخوف: مالها مالها.
فاطمه بدموع كانت بتلمس على إيدها وتفركها: جاتها نوبة التشنج.
كانت بتبكي فاطمه وتفرك ايدها وقالت: ماما أنا جمبك.
أيان بص شاف الإضاءة جت وفاطمه رجلها بترتعش من جلسات الكهرباء شدها بعيد وكان باصص في عيون حور: حور أنا هنا بصيلي في إيه بصيلي انا جمبيكم محدش هيقدر يلمسك اهدي يلا اتنفسي اتنفسي.
كان بيتنفس هو بقوة وهو بتعمل زيه.
فاطمه مسحت دموعها وقربت منها كان كتفها في كتف أيان وقالت: مالك يماما.
حور بدموع: بابا كان هنا.
أيان بصدمه بص لـ فاطمه وهي بصتله بدموع وهنا دمعتها نزلت وقالت بصدمه وحروف متقطعه وكانت رجلها بتزداد ارتعاش: حمـ.. ـيـد
يُتبع اللي عاوز تكملة الروايه يعمل انضمام من هناااااا علشان يوصلكم اشعار بالنشر فورا
#يُتبع الرواية كامله من البدايه من هنااااااا
تكملة الروايه اضغط هناااااااا
العروسة_الهاربة_وإنتقام_الشيطان
#بقلم "سلمى محمود النجار."
تعليقات
إرسال تعليق