رواية الشيطان كامله وحصريه بقلم محمد محمود في موسوعة القصص والروايات جميع الفصول كامله وحصريه
رواية الشيطان كامله وحصريه بقلم محمد محمود في موسوعة القصص والروايات جميع الفصول كامله وحصريه
رواية الشيطان كامله وحصريه بقلم محمد محمود في موسوعة القصص والروايات جميع الفصول كامله وحصريه
كنت قاعده في الاوضه بقرأ روايه ما
فجأه سمعت صوت باب اوضه بنتي الصغيرة بيتفتح ويتقفل بقوه حسيت بخوف غير طبيعي دا لان بنتي عندها سنه واستحاله تقدر تفتح الباب وتقفله بالقوه دي
محبتش اصحي جوزي قومت بسرعه خرجت من الاوضه لقيت باب اوضه بنتي مقفوله فتحت الباب اتسمرت مكاني لما شوفت ست واقفه جمب سرير بنتي وبتخنقها ولقيتها مسكتها بايدها وفتحت الشباك ورميتها في الشارع
قومت من النوم مفزوعه بعد الحلم المخيف ده
لقيت جوزي نايم جمبي جريت بسرعه علي اوضه بنتي فتحت الباب صرخت بصوت عالي لما بصيت علي بنتي وملاقيتهاش في سريرها ولقيت الشباك مفتوح
بسبب صريخي العالي لقيت جوزي واقف ورايا
بيقولي في ايه؟
اتجهت للشباك وبصيت منه لقيت بنتي مرميه في الشارع مستحملتش المشهد اللي شوفته واغمي عليا
فوقت بعد اسبوع وانا في المستشفي لقيت جوزي واهلي وافقين حواليا صرخت فيهم قلت لهم بنتي فين ؟
كانوا بيعيطوا ومحدش منهم اتكلم
جوزي قرب مني وقالي البقاء لله
عدي حوالي شهرين علي وفاه بنتي ومع ذلك كل يوم بدخل اوضتها انضفها واقف قصاد صورتها بالساعات واكلمها
مبقتش مصدقه ان بنتي تروح مني بالسهوله دي
كنت في أسوأ حالاتي النفسيه بعد موت بنتي
كرهت كل حاجه في الحياه جوزي حاول بشتي الطرق يخرجني من حالتي دي وللأسف معرفش
و رفضت طلبه اني اروح معاه لدكتور نفسي يشوف حالاتي
والشهرين بقوا ست شهور وتدريجيا بقيت بحاول اتناسي موتها والم فراقها
وفي يوم كنت نايمه وحسيت بحركه غريبه بتحصل في الشقه وزاد خوفي لما لقيت شخص بيحاول بيفتح اوكرة الباب ببطء وخلال لحظات لقيت الشخص دا دخل واتجه للسرير وبدأ يطعن جوزي بالسكينه عده طعنات
كنت عاجزه عن اي رد فعل
قومت من نومي مفزوعه بسبب الحلم المخيف دا
صرخت بصوت عالي بعد ما بصيت علي جوزي ولقيته مقتول و نايم في بركه في الدماء مبقتش عارفه اعمل ايه وقتها
كنت حاسه اني بحلم جسمي كله ابتدي يترعش مسكت موبايلي بسرعه واتصلت علي اهلي وحكيت ليهم اللي حصل
إجراءات دفن جوزي والعزا تقريبا مش فاكرة منهم اي حاجه لاني كنت منهارة تماما لكن الغريب ان الشرطه معرفتش مين الجاني بعد الحادث الأليم انتقلت لبيت اهلي
بنتي وجوزي ماتوا في ظروف غامضه والسبب مجهول
بكيت وانا قاعده في اوضتي ومش عارفه ليه بيحصلي كده مسحت دموعي ورجعت بذاكرتي لسنه 2015 لما كنت راجعه من الشغل وقابلت واحده ست ركبت معايا في القطر وافتكرت الحديث اللي دار بيني وبينها
وافتكرت جملتها لما قالت لي انتي هتحصلك 3 حاجات هتغير حياتك للاحسن وحاجه هتغيرها للأسوأ
ماكنتش عارفه هي تقصد ايه لكن بعد اللي حصل اتأكدت من صحه كلامها لكن كان في حاجه مهمه لازم اعملها وهي اني لازم اعرف ايه السبب في اللي حصل وليه دا يحصلي
تاني يوم اتوجهت لعنوان الست اللي قابلتها في القطر كان في منطقه شعبيه انا افتكرت العنوان بصعوبه لانها
كانت قالته ليا وللأسف كنت تجاهلته تماما
لما قابلت الست دي لقيتها اول ما شافتني ابتسمت وقالت :-
- شاب وسيم وغني سيقع في حبك
- زواجك منه
- انجابك لطفله
دول الـ 3 حاجات اللي قلت لهم انهم هيغيروا حياتك للاحسن واتحققوا بالفعل
كنت بستمع ليها وانا في حاله ذهول
قلت لها انتي عرفت ازاي ؟
قالت موت جوزك وبنتك دي الحاجه اللي هتغير حياتك للأسوأ قلت لها انا جايه هنا علشان اعرف ايه السبب
ليه بيحصلي كل ده وعرفتي ازاي ؟
لقيتها ابتسمت وقالتلي انا هقولك السبب ...
يتبع ...
الشيطان
الشيطان الجزء الثاني والاخير
لما كان عندك سبع سنين جالك مرض غريب
وللأسف معظم الدكاتره اللي والدك كشف عندهم اجمعوا ان اللي باقي من عمرك ايام وتموتي والدك مبقاش عارف يعمل ايه وبقي عاجز وهو شايف بنته بتضيع قصاد عينه
وفي يوم وانتوا راجعين من عند الدكتور فيه عراف قابل والدك ولاحظ عليه انه مهموم ولما طلب اتكلم معاه
وعرف منه انك مريضه وحياتك بتنتهي قاله علي العلاج
والدك رفض يسمع نصيحه العراف لان علاجك كان بطريقه غريبه جدا وشروط اغرب لكن مكانش في ايده حل
غير انه يعمل اي حاجه مهما كانت في سبيل انقاذ حياتك
وبالفعل استمع لكلامه للنهايه
وتاني يوم نفذ الشروط المطلوبه وتم شفائك
وتعدي شهور ويتقابل والدك مع العراف للمره التانيه
ويدور بينهم حديث طويل وقبل نهايته يتفاجئ والدك
بإن العراف بيطلب منه شروط ينفذها
عناد والدك واصراره علي عدم تنفيذها كان السبب في غضب العراف عليه وقبل ما ينتهي اللقاء بينهم قاله :-
" بنتك هتعيش في جحيم طول حياتها
وزي ما كنت السبب في شفاء بنتك هكون السبب في موتها "
وتعدي سنين وتقابليني في القطر واعرفك بحاجات مستقبليه هتحصلك هتغير حياتك للاحسن وحاجه هتغيرها للأسوأ
طيب ثواني بس كده انا مش فاهمه حاجه
انتي ازاي عرفتي الحاجات اللي هتحصلي دي ؟
- عرفتها من اللي كان سبب في شفائك
قصدك العراف !! ويبقي مين العراف دا ؟
يبقي الشيطان اللي والدك عمل معاه الصفقه
ايه !! انا مش مصدقه اللي بسمعه طيب ليه يحصلي كل ده ؟
بسبب رفض والدك تنفيذ شروط العراف
انا حاسه ان دماغ هتنفجر من التفكير
طيب انتي تبقي مين ؟
" وزي ما كنت السبب في شفاء بنتك
هكون السبب في موتها "
الجمله دي حققت نصها في حياه والدك
والنص التاني هيتحقق دلوقتي
" اظن دلوقتي عرفتي انا مين "
تمت
تعليقات
إرسال تعليق