رواية على انفراد كامله وحصريه في موسوعة القصص والروايات جميع الفصول كامله بقلم محمد محمود
رواية على انفراد كامله وحصريه في موسوعة القصص والروايات جميع الفصول كامله بقلم محمد محمود
رواية على انفراد كامله وحصريه في موسوعة القصص والروايات جميع الفصول كامله بقلم محمد محمود
سمعت صوت صريخ جامد عند جارتي مع صوت المطر والرعد الرهيب ..
فتحت باب الشقة وفضلت أخبط عليها لحد ما فتحتلي وهي مخضوضه جدا
قالتلي الحقيني إبني تعبان وأغمى عليه ودرجة حرارته عاليه جدا قولتلها ما تقلقيش هنوديه المستشفى قالتلي مش هينفع باباها راجل كبير وقعيد على كرسي عنده شلل نصفي ولازم يكون في حد معاه
قولتلها خلاص روحي وانا هقعد معاه لحد ما ترجعي شكرتني بسرعه ولبست هدومها وخدت إبنها ونزلت عالمستشفى .. أنا منة الله ..28 سنة متزوجة بقى لي 3 سنين بس ربنا ما رزقنيش بعيال .. روحت لدكاترة كتير بس برده ربنا لسه ما أردش
أنا عايشة مع جوزي عمر في شقة في منطقة راقية .. وجارتنا هدير موجودة من قبل ما نيجي بكتير وجوزها متوفي وعايشه هي وابنها وباباها .. عمر جوزي دلوقتي في الشغل وانا ما ينفعش أسيب هدير في مشكلة وما أقفش جمبها لان اكيد هيجي يوم وتقف هي كمان جنبي
فضلت قاعدة في الصالة عندها ومستنيه باباها يصحى عشان أحطله الاكل زي ما قالتلي واديله الدواء اللي حطيتهولي على السفرة .. بعدها قولت أجيب موبايلي من الشقه عندي عشان اكلم عمر أعرفه طلعت لقيتني سيت المفتاح في البيت والموبايل جوه .. كده هرجع تاني شقة هدير واخلي ودني مع السلم لما اسمع صوت مفاتيح عمر هفتح واقوله
فضلت قاعدة أتفرج على بيتها انا ماكنتش بزورها كتير ولا هي كل واحد كان في حياته الخاصة بس بيتها جميل جدا وفي أنتيكات غاليه كتير .. قومت بصيت على كوميدينو كبير خشب مليان أدراج وفوقيه في بندقية متعلقه وصورها هي وابنها وباباها .. بعدها لمحت درج مفتوح فتحته وفضلت أقلب فيه انا عارفه اللي انا بعمله ده غلط
بس انا بحب أعرف شايله ايه ومش هسرق حاجه .. وانا بفتح في الادراج لقيت في حاجه غريبة لقيت عضم فراخ كتير
مع انهم مش مربيين اي حيوانات فتحت الدرج بالراحه لقيت ورق كتير .. متشخبط عليه حروف منظر الورقه يخلي اي حد يقلق بسبب لونها الاصفر وشكلها المريب .. قلبت الورقه لقيت صورة باباها وهوا واقف ومحطوط دبابيس صغيره على رجليه ..لمست الدبوس فجأة سمعت صوت حد بينده هدير يا هدير
اتخضيت في الاول ورجعت الصورة وجريت مكان الصوت اول ما شافني اتخض قولتله انا منة جارتكم وحكيتله اللي حصل وبعدها ساعدته يقوم يقعد على الكرسي بتاعه الموضوع كان صعب بعدها دخل الحمام وجريت على المطبخ أسخن الاكل ..
وطلعت فتحت الدرج تاني عشان ارجع كل حاجه زي ما هي ودخلت الورق زي ماكان والعضم وشيلت الدبابيس اللي كانت عالصورة ورجعتها تاني وقفلت الدرج وقعدت عالسفره بعد ما حطيت الاكل ومستنيه باباها يطلع من الحمام فجأة سمعت صوت ضحك عالي جدا من جوة الحمام بطريقه هستيريه
مابقتش عارفه في ايه وبعدها الصوت اتحول لعياط جامد انا قلبي بدأ يدق بطريقه قوية ومش عارفه اعمل ايه ؟!
قومت وقفت من مكان وانا ببص على باب الحمام وفجأة الباب اتفتح بالراحة جدا لقيت ...
يتبع ...
على إنفراد
على إنفراد الجزء الثاني والاخير
قومت وقفت من مكان وانا ببص على باب الحمام وفجأة الباب اتفتح بالراحة جدا لقيت أبو هدير واقف على رجلية ومش مصدق نفسه وعمال يقولي انا خفيت أنا خفيت وبقيت قادر امشي واحرك رجلي انا بحلم ولا بجد قوليلي يا بنتي دا بجد ولا حلم انتي وشك حلو عليا .. انا بقيت مصدومة من اللي شايفاه الراجل دا قعيد من سنتين ازاي يرجع يقف ويجري زي المجنون كان مافيش حاجه حصلت
افتكرت الصورة اللي كانت في الدرج وعليها الدبابيس أكيد هو ده العمل اللي محطوط على صورته وعمل فيه كده .. انا بفكر والراجل هيموت من الفرحة بس انا كان لازم اقوله انا شوفت ايه وازاي ده حصل قولتله ياعمو انا عايزة اقولك حاجه .. قالي خير يابنتي اطلبي اللي انتي عايزاه
قولتله اللي لقيته في الدرج والصورة والعضم والكلام ده لدرجه الراجل من الصدمة قعد على كرسي ومش عارف يقول حاجه بعدها قالي ايه التخاريف اللي بتقوليها دي قولتله طب نجرب نرجع الدبوس على الصورة ونشوف هيحصل ايه .. سكت شوية كده وقالي جربي !!
قولتله حاضر وفعلا مسكت الصورة ودخلت فيها الدبوسين في كل رجل لقيته مرة واحده بيحاول يقوم من قعدته ماعرفش فضل يحاول لحد ما وقع على الارض قومت شايله الدبوس .. وحاولت اساعده مارضيش وفضل قاعد على الارض وقام واقف ومسك الصوره والدبوس وفضل يبكي وانا قلبي اتقطع عليه بصراحه
قالي للدرجة دي هدير قلبها أسود وماكنش هاين عليها تشوفني فرحان خافت على ورثها لدرجه انها تعملي عمل يجبلي شلل .. قولتله ما يمكن مش هدير ؟! قام بصلي وعينه بتطلع شر خوفت وسكت وبعدت عنه هو كبير في السن بس جسمه قوي وعنده صحه عشان كده لما جاله شلل من سنتين كلنا كنا مستغربين
فضولي كان هيقتلني ورث ايه ؟! وايه اللي يخلي هدير تعمل كده في أبوها !! فسالته قولتله ايه موضوع الورث ده ؟ قالي انا كنت عايز اتجوز من سنتين وهدير كانت رافضه الموضوع ده لدرجه انها سابتلي البيت ومشيت احنا مش فقراء احنا مرتاحين جدا وهدير عايشه في بيت جوزها وبتشتغل وانا ماقصرتش معاها في حاجه بس موضوع جوازي ده كان مجننها وفاكر اخر مره اتكلمنا انا وهي قالتلي عايز تجيب واحده تاخد فلوسك بالساهل وتورثك
الكلمة وجعتني بس جت واعتذرتلي .. انا مش مصدق انها هي اللي عملت كده .. فضلت ساكته من الصدمة اللي يسمع بلاوي الناس تهون عليه بلوته بس فعلا هما ناس أغنية ليه الطمع يخليها تعمل كده ..اعتمدت انها تخلي ابوها لما يجيله شلل نصفي تتسد نفسه من الدنيا وتجيبه يعيش معاها بدل قعدته في بيته لوحده .. قولتله طيب انت قولها انك عايز ترجع تعيش لوحدك وما تقولهاش انك فكيت العمل
قالي انا مش قادر افكر في حاجه ومش مصدق ان بنتي اللي عملت فيا كل ده .. ساعتها جاتلي فكرة مريبة جدا بس كانت هتخليني اعيش طول حياتي مبسوطة مادياً وهقدر أسافر برة أعمل عملية عشان اقدر اخلف .. اكيد في دكاترة برة احسن من هنا وفي حاجات بفلوس غالية
ساعتها قولتله استنى هنزل اجيب حاجه وراجعالك هز راسه وما ردش عليا نزلت جري عالصيدليه جبت حبوب منومه .. ورجعت تاني قولتله هعملك ليمون دافي يهدي اعصابك وقومت حطيتله المنوم في العصير وفعلا شربه وقالي حاسس اني دايخ خدته من ايده وروحت على سريره ونام وقومت جريت جبت الكرسي اللي بعجل من الحمام وحطيته جمب سريره ورجعت خدت الصوره والدبوسين اللي مربوط عليهم قماشه هي اللي مكتوب فيها العمل الغريب ده وقلبت في الادراج كان في صور لهدير وابوها وابنها خدت صورتين وخدت العضم والدبابيس
وشيلتهم في كيس معايه .. ورجعت الاكل على المطبخ تاني وفضلت قاعده وفجأة سمعت صوت خطوات بره جريت بصيت من العين السحرية لقيت عمر فتحت بسرعه قولتله اللي حصل ودخلت البيت شيلت الكيس اللي فيه العمل تحت سريري وجبت موبايلي ورجعت الشقة عند جارتي بعد ما سيبت الباب مفتوح وسندته بكرسي
فضلت قاعده لحد ما هدير رجعت وقالتلي مش عارفه اشكرك ازاي وكلام كتير ورجعت عالبيت وفضلت صاحيه بفكر في خطتي .. تاني يوم عمر راح الشغل وسمعت صوت عالي من عند شقة هدير وبعدها جرس الباب رن بطريقه هستيريه عندي
فتحت لقيت جارتي هدير بتقولي ممكن أتكلم معاكي .. قولتلها طبعا خدت مفتاح شقتي من الباب وطلعت وقفت معاها برة البيت وقفلت الباب هي استغربت اني ما دخلتهاش بيتي لاني طبعا ما اضمنش تقعد قد ايه وممكن ترميلي عمل ايه جوه البيت .. لقيتها بتبصلي وهي مبرقه عينيها
قولتلها خير .. قالتلي أنتي لاحظتي حاجه غريبه على بابا امبارح ؟؟
قولتلها لا ليه ؟
قالتلي عشان بيقول انه كان بيمشي عادي امبارح وكان في عمل في الدرج
سمعت صوت باباها بيزعق على هدير وبيقولها تعالي افتحي الدرج اللي قفلتيه العمل جوه الدرج
قولتلها مافيش حاجه من دي يا هدير باباكي ما صحيش من امبارح كان نايم لحد مانتي جيتي ..ولو هو كان بيحلم بكابوس طمنيه وافتحي الدرج
لقيتها متوترة لان طبعا قالها على شكل العمل اللي هي مخبياه صورته والدبابيس قولتلها ما تخافيش افتحي الدرج انا شيلت كل حاجه امبارح .. لقيتها مبرقه ومشش مصدقه وقومت قولتلها بس انا حطتله منوم عشان يفكر انه حلم انا ماعرفش اسبابك ايه عشان تعملي كده في ابوكي فمارضتش ادخل غير لما اعرف السبب ؟
قالتلي ماشي بكل برود وقامت فتحت باب شقتها وباباها بيزعق ودخلت فتحت الدرج اللي كانت ناسيه تقفله امبارح بالمفتاح وابوها فضل يبص ويقلب ويعيط ويبصلي ويقولي مش انتي كنتي هنا امبارح وطلعت بمشي عادي وكان في عمل في الدرج
قولتله لا انت طول اليوم كنت نايم لقيت هنا هدير ملامح وشها بدات تهدى تاني وتروق .. وبعدها باباها فضل يعيط ودخل على غرفته وقفل على نفسه .. صعب عليا جدا لدرجه لقيت دموعي بتسيل على خدي لقيت هدير بصالي وهي فرحانه بس لقتني بعيط مابقتش فاهمه انا معاها ولا عليها بس اللي متاكده منه اني عايزة اطلع بحاجه هي لسه ماتعرفهاش بس واضح انها اهون من ان باباها يعرف انها عملت فيه كده
قالتلي تعالي نقعد في اي مكان برة وفعلا نزلنا انا وهي قعدنا في كافيه جمب البيت وقالتلي مش هترجعي الحاجه اللي سرقتيها .. قولتلها احمدي ربنا اني سرقتها والا كان زمانه عرف كل حاجه قالتلي عايزة كام ؟
قولتلها قبل أي حاجه انتي عملتي كده ليه ؟ قالتلي لاسباب عائلية ماتخصكيش .. قولتلها لا تخصني قالتلي تاخدي كم وترجعي الحاجه من سكات ..
هنا سكت شوية وقولتلها مليون جنيه .. هي اتصدمت وفرحت لان اللي تمنه فلوس أهون من اللي تمنه مبدأ قالتلي ماشي اديني 3 تيام وهحولك الفلوس على حسابك .. وقامت لمت حاجتها وركبت عربيتها ومشيت وانا طلعت عالبيت .. أنا مش طماعة بس انسانه زي دي كانت بتئذي باباها أكيد مش هتصعب عليا
عدى يومين وفي صبح اليوم التالت لقيت رساله جايالي من البنك ان في مليون جنيه دخلت على حسابي ساعتها اتلت بيها قولتلها انتي فين قالتلي انا لسه طالعه من البنك جهزي حاجتي قولتلها حاضر ..قفلت معاهاونفذت حاجه كنت بفكر فيها لما خططت للموضوع ..هما شكلهم مرتاحين مادياً وأغنية
وهي مش هتسيبني في حالي مهما عملت وأكيد هتفكر تئذيني لما تاخد اللي هي عايزاه وساعتها ماكنش في غير حل واحد ماعرفش انا هعمل كده ازاي بس انا شايفة انك تئذي شخص مؤذي يعتبر مش أذية ..
ساعتها عملت حاجه كنت بفكر فيها بقى لي كام يوم طلعت صورتها اللي خدتها من الدرج وشيلت الدبوسين اللي على رجل باباها في الصوره وحطيت دبوس في دماغها ودبوس مكان قلبها في صورتها
تمت
تعليقات
إرسال تعليق