قصة زوجة يوم العيد كامله وحصريه بقلم محمد محمود في موسوعة القصص والروايات
قصة زوجة يوم العيد كامله وحصريه بقلم محمد محمود في موسوعة القصص والروايات
قصة زوجة يوم العيد كامله وحصريه بقلم محمد محمود في موسوعة القصص والروايات
جوزي قالي أنه أتجوز عليا
قالهالي بعد صلاة العيد على طول
دا بدل ما يديني عيديه .. او يقولي كل سنه وانتي طيبه
استخسر فيا الفرحه وباع العشرة .. و بيقولي انه اتجوز عليا
كنت فكراه بيهزر .. بس طلع الموضوع بجد ووراني الصور وبعدها نزل وسابني .. غالبا راحلها يعيد معاها
اصلهم اتجوزو قبل رمضان بشهر .. وكان بيقولي انه مسافر شغل
هوا مرتاح جدا ماديا .. بس كان على قده قبل ما نتجوز
ساعة ما ربنا كرمه معايه .. بدل ما يفسحني ويفرحني ويعوضني عن جوازنا اللي كان من غير فرح
عن شبكتي اللي كانت ببلاش تقريبا ومهري اللي في متناول اي فقير ..
كل ده والدي عمله عشان نسهل الامور
عشان بحبه وكنت فكراه بيحبني .. عدى على جوازنا خمس سنين بس ..
وراح يتجوز من ورايه وبيقولهالي بكل برود
أنا مابقتش عارفه أعمل ايه ساعتها ؟
لدرجه اني فضلت ساكته وهوا بيحكيلي وبيوريني صورهم .. مش قادره اصدق اللي بيحصل
فضلت أعيط كتير لدرجه ان جالي ضيق تنفس واغمى عليا وقعت على الارض ومالقتش حد يلحقني
صحيت لقيت نفسي مرميه على الارض صعبت عليا نفسي انهرت أكتر .. اتصلت بيه مابيردش بعدها قفل تلفونه
جالي يوسف ابني لسه عنده أربع سنين يطبطب عليا ويقولي معلش يا ماما ..وبيسألني بابا فين ؟
ماعرفتش ارد عليه ... بعدها طبطبت عليه قولتله عنده شغل سالني مش هيوديني الملاهي النهارده
قولتله هيوديك بس مش النهارده عشان عنده شغل ...
عدى أسبوع من ساعة ما أختفى من البيت .. وكل قرايبنا اللي بيتصلوا عالبيت بقولهم هوا نايم كان نفسه يعيد عليكم وهيكلمكم لما يصحى
وبعدها لقيته راجع بعد اسبوع دخل فتح الثلاجه وياكل ولا كان في حاجه .. وقفته قولتله احنا محتاجين نتكلم
حرام عليك حتى لو مش عشاني يبقى عشان أبنك المسكين ده
قالي يوسف ماله .. انا اتجوزت ودا حقي الشرعي .. وسيبتلك فلوس تكفيكي في الدرج لمده شهر
اخرجي واتفسحي روحي لامك .. اخرجي مع يوسف اعملي اللي انتي عايزاه
ولقيته بيزقني عشان يدخل ينام
انا بصراحه ما بقتش أقدر أمسك نفسي أكتر من كده .. استنيت لحد ما نام
وقومت نازله الصيدليه واشتريت حاجه ورجعت البيت وعملتله الاكل اللي بيحبه
وقبل ما أقدمله الاكل ...
يتبع ...
زوجة يوم العيد
زوجة يوم العيد الجزء الثاني والاخير
وقبل ما أقدمله الاكل .. حطيت عليه دواء وتركيبه عملتلهالي الدكتوره في الصيدليه لانها صديقتي
دواء بيسبب العقم والضعف الجنسي وقالتلي على شويه زيوت وحاجات اجيبها من عند العطار
وانا بصراحه ما قصرتش معاه كان بيجيلي ثلاثه أيام في الاسبوع ..
بعمله فيهم الاكلات اللي بيحبها كلها .. واحطله التركيبه في الاكل ..
بعد فتره بقى يقعد في البيت عندي خمس أيام وعندها يومين بس وبقى يرجع مخنوق من بره
يا حبيبي يابني .. كان نفسي أساعدك بس أنت ما تستاهلش غير انك تكره نفسك وتكره عيشتك
اتجوزتها عشان شهواتك ومتعتك .. أستمتع معاها بقى .. دا لو تقدر
بعدها بدات اتزوق واقوله كلام من نوعيه انت راجل بشخصيتك .. وغيبتك بتفرق معايه ..
وكفايه حسك في البيت.. وانت بتوحش يوسف جدا ..ماتخليك معانا
لان اكيد الكلام ده مش بيسمعه منها بيسمع كلام تاني يسم بدنه فبقيت أنا اللي بقوله كلام حلو
وبقى يرتاح عندي في البيت اكتر .. وبعدها الدكتوره صحبتي قالتلي بطلي تحطيله حاجه عشان ما يسببش عقم نهائي
وبالفعل انا كنت مبطله قبلها .. وبعد فتره اكيد الموضوع ده خلاهم يقولوا لبعضهم كلام يسم البدن
وفعلا بعد شهر اتطلقوا ورجعلي البيت يعتذر ويستسمحني .. وكان بيكبي من الندم
بعدها رجعنا أخيرا لعيشتنا الطبيعيه وهوا حاسس بقيمتي وانا مارضتش أقرب منه بعد مارجع بشهرين
عقابا ليه وعشان يكون هوا كمان تاثير التركيبه راح منه .. ونرجع نعيش احسن من الاول
ونحافظ على بيتنا على قد ما نقدر عشان ابننا يعيش ويكبر وسطينا
تمت
تعليقات
إرسال تعليق