رواية سلاسل ام غراب البارت الثاني بقلم حنان حسن في موسوعة القصص والروايات جميع الفصول كامله وحصريه
رواية سلاسل ام غراب البارت الثاني بقلم حنان حسن في موسوعة القصص والروايات جميع الفصول كامله وحصريه
رواية سلاسل ام غراب البارت الثاني بقلم حنان حسن في موسوعة القصص والروايات جميع الفصول كامله وحصريه
سلاسل ام غراب
الجزء الثاني
للكاتبة..حنان حسن
بعدما حبستني ام غراب
في ليلة دخلتي...
( في الحمام)
حسيت ساعتها اني هموت م الرعب
لاني كنت محبوسة في الضلمة
والي زود من هلعي..
اني بدات اشوف شيئ علي ارض الحمام
والشيئ ده...
كان بيشبة بركة المية
اينعم الدنيا كانت ضلمة
لكن...
كنت شايفة بركة من المية
في الارض متحددة ادامي
وبعدها..
بدات البركة تاخد شكل دوامة
وبدات الدوامة تلف
وانا بقيت ابص للدوامة وانا مرعوبة ...
وكنت عايزة اجري ...
وابعد عنها
لكن ..
كنت حاسة ان رجليا مربوطة بسلاسل
والدوامة بتشدني ناحيتها
ومكنش في امل
اني اهرب من الدوامة
وفضلت متسمرة مكاني..
وانا مثبتة عنيا علي الدوامة
الي شوية اشوف فيها (مية)..
وشوية اشوف فيها (دم)
لغاية ما شعرت بدوار في راسي
وغيبت عن الوعي تماما
ومفوقتش غير...
تاني يوم ...الصبح
علي ايد ام غراب
وهي بتصحيني
وبتقولي..
صباحية مباركة يا عروسة
فا فتحت عنيا..
وفضلت اتلفت حواليا...
وانا مرعوبة
وبعدين عيطت
لما افتكرت الي حصلي امبارح
و سالتها...
قلت..
اية الي حصل امبارح ده؟
وازاي....؟
وقبل ما اكمل.. كلامي
لقيتها شدتني ناحيتها بقوة
وقالتلي... بلهجة تحذير
اياكي تجيبي سيرة الي حصل امبارح قصاد حد
وخصوصا .. اهلك
ولا حتي تفكري في الي حصل
بينك وبين نفسك تاني
سامعة ولا لا؟
فا هزيت راسي وانا ببصلها
وقلت.. ايوه سامعة
حاضر ..
مش هقول لحد
فا سابتني ام غراب
في الحمام ..
وخرجت وهي بتمتم..
بكلمات مش مفهومة
وانا روحت علي الحوض عشان اغسل وشي
وفي اللحظة دي
بصيت في المراية
لقيتني اتغيرت تماما
وشوفت واحدة غيري
واحدة بقت تبص حواليها ...
وهي خايفة من كل حاجة
و كأنها حد مشوش ذهنيا...
حد ضعيف... وخايف
.حد اتطفي...
واختفت ابتسامتة
حد...مبقاش عندة امل في بكره
ولا امل في الحياة من الاساس
شوفت
واحدة غبية ...وعبيطة
لانها اختارت بايدها
تعيش مكسورة..وضعيفة..
ومسلوبة الارادة
وللاسف...
مش قادرة حتي تهرب
لانها حاسة ان في حاجة مسلسلاها
ومن اللحظة دي
وانا شكيت ان ام غراب هي السبب
في الي انا فيه ده
بدليل ..انها كانت قاصدة تحبسني في الحمام
اكيد الست دي عملتلي حاجة
خلتني كدة
بس ايه هي؟ ...
مش عارفة...
وازاي اهرب من الي صابني ده؟
برضوا مش عارفة
انا بقيت اسيرة شيئ خفي
فارض عليا سطوتة
ومقدرش اخالفة..
ولا اخالف...
اوامر ام غراب
وللاسف...
نفس الشيئ ده
وقعني في الاسر ...
وبقيت حاسة اني سجينة غراب جوزي
وكأنة ربط بيني وبينة
.برباط من حديد
لدرجة ....
اني مكنتش اقدر ابعد عن غراب مهما عمل فيا...
ولا اسيبة ... مهما حصل
المهم..نرجع لليلة الدخلة
بعدما غسلت وشي
خرجت من الحمام
واول ما ام الغراب شافتني
نادت علي ابنها
وقالت..
تعالي يا عريس
عشان تفطر مع عروستك
وسابتنا... وخرجت
بعدما قفلت علينا باب اوضتنا
وفعلا ...
قعد غراب معابا في الاوضة لاول مرة
وبدل ما يبتسم في وشي
ويقولي مبروك
لقيتة سحب صينينة الاكل
وفضل ياكل بطريقة مقرفة
وكانة عمر ما اكل مع بني ادمين قبل كده
فا فضلت اتابعة
وانا قرفانة من طريقة اكلة
ولما اخد بالة اني
ببصلة بتقزز
ساب الاكل وانتبه ليا
وقالي..تعالي
قلت..نعم؟
فا مسح بوقة في هدومة
زي اسماعيل يس
ما كان بيعمل في افلامة
وكرر العريس طلبة تاني
وقالي..
بقولك تعالي قربي جنبي هنا
فا قربت منه وانا خايفة..
وبقيت بقدم رجل واخر رجل
زي الطفل الي رايح يتعاقب
المهم..
بعد ما قعدت جنبة
لقيتة بيمد ايدة علي رقبتي
وبيقولي..اقلعي
فا بعدت عنة بسرعة
لاني...
شعرت بغثيان لمجرد اني شميت ريحتة
فا قلتلة..
..اقلع ...؟؟
حاضر..
بس...لو سمحت ..
اديني فرصة ...
او...شوية وقت
لما اخد عليك في الاول
وفي اللحظة دي
قرب غراب مني
وكان تقريبا بدء يهجم عليا
ولقيتة قرب من رقبتي تاني
بس المرة دي
مسك السلسلة الي في رقبتي
وقالي..
هو انا... لو عايز اخد حقي الشرعي منك
هستاذنك؟....واقولك اقلعي؟
لا يا حلوة...
انتي خلاص بقيتي من ممتلكاتي
يعني زيك زي البهيمة الي في الزريبة
اي وقت عايزك هتكوني تحت امري
فاهمة ولا لا؟
قلت..فاهمة
ومش قصدي حاجة
بس.....
انت من شوية قلت اقلعي؟
قال...ايوه
انا لما قولتلك اقلعي..
كان قصدي علي الدهب
يعني اقلعي السلسلة الي في رقبتك
والغوايش ... والخاتم
الي في ايدك
قلت.. دي شبكتي
عايز شبكتي تعمل بيها ايه؟
قال..اولا دي مش شبكتك
ده الدهب بتاع امي
وانا اخدتة منها
عشان افك ازمة مع الست امك ...
لما طلبت مني شبكة
واهو بالمرة تتصوري بالدهب
صورتين في الفرح
لكن...دلوقتي خلاص
معدش له لازمة في ايدك
وبصراحة بقي
امي عايزة الدهب بتاعها
قلت.. لا
انا لايمكن.......؟
وقبل ما ابدء اعترض علي سرقة شبكتي
لقيت غراب مسكني من رقبتي
وقالي...
كلمة ...لا ...ممنوعة هنا
يعني مش عايز اسمعها هنا ابدا
مفهوم؟
فا هزيت راسي
وانا بقلع الشبكة
وقلت..مفهوم
وفعلا
قلعت شبكتي وسمعت الكلام
ومن يومها..
وانا بنفذ كل الي كانوا بيطلبوه مني ....
بدون تفكير
وبدون اعتراض
لدرجة ...
انهم طلبوا مني اني ابعد عن امي واخويا ..
واقطع صلتي بيهم..
وانا طاوعتهم ..
بدون مناقشة ولا اي اعتراض برضوا
و مكنتش بقدر اعصي لهم
اي امر
لدرجة..
اني طردت امي ...
واخويا
في اخر زيارة ليهم عندي
ومن يومها وهما قاطعوني
وكنت بسمع اخبارهم من بره
زي الناس الغريبة
المهم...
فضلت عايشة مع شخص لا بحبة ولا بطيقة....
وفي نفس الوقت ...
مقدرش ابعد عنة
طول النهار اشتغل في البيت زي المرمطون
وباليل .. استعد للتعذييب
واروح اسلم (جثتي ) لغراب
يفعل فيها كيفما شاء
وكتير كنت بشعر...
في اللحظات المؤالمة دي...
ان في حد معايا غير غراب
او يمكن غراب ساعتها ملامحة كانت بتتغير
وصوتة كمان كان بيتغير..
وكنت بحس اني خايفة جدا
وابقي عايزة اهرب
لكن...
كنت ببقي مسلوبة الارادة
ومش قادرة اعمل حاجة غير اني اعيط...
البكاء فقط هو الحاجة الوحيدة الي كنت بعملها
المهم
مرت السنين
علي المرار ده
وانا عايشة مع شخص مجرم..
بيسرق وينصب..
وياكلنا من حرام
وامة الي كانت ممرطاني
حرفيا
وحرماني انا ....وبنتي
ده غير انها كانت حبسانا
اصل ..ام غراب مكنتش بتسمحلي بالخروج
غير.. في حالات نادرة
وهي...اني اخرج للسوق
عشان اسحب لها الستات
الي عايزين يعملوا الاعمال
لجل ماتاخد منهم فلوسهم..
في مقابل انها تخربلهم بيوت
ناس تانية
او... اخرج للسوق وقضاء مصالحهم فقط
وفضلت علي الوضع ده
حتي بعدما ما خلفت
بنتي رباب
واستمر الحال علي كده
لغاية ..
ما جت الطوبة في المعطوبة
فا في يوم...
غراب راح يسرق شخص بالاكراة
ولما الراجل حاول يدافع عن نفسة غراب قتلة
واكتشف بعدها ان الراجل الي هو قتلة ده
يبقي رجل شرطة
فا لاذ غراب بالفرار
وهرب قبل ما حد يشوفة
لكن..
عشان كان عارف ان الدنيا هتتقلب
بسبب رجل الشرطة
فا من يومها..
وغراب كانن في البيت..
واضطر يبطل سرقة...
وبطل يخرج من البيت اصلا
لكن..
غراب مكنش يقدر يقعد من غير فلوس
عشان يقدر يشتري المخد&رات..
الي هو متعود عليها
فا قرر انه يشغلني انا...
ويكسب من ورايا
ونوعية الشغلانة بتاعتي
حددتها ام غراب..
لما لاحظت ...
اني جميلة.... و كل
الي بيشوفني ...بيعجب بيا
فا اخدتني من ايدي...
وروحنا لواحدة اسمها
(دندوشة)...
ودي واحدة ...
كانت بتسرح النسوان..
في المشي البطال
واتفقت ام غراب مع دندوشة
ان دي... هتبقي شغلتي
وفعلا اشتغلت ..
والمفاجئة ...
اني اكتشفت...
ان سحر اخت جوزي المطلقة
بتشتغل مع دندوشة برضوا
في نفس الشغلانة
وبتروح لنفس الزباين الي انا بروحلهم
المهم...
كل يوم
كان غراب يوصلني لدندوشة ...
وهي تاخدني...
توديني لزبون جديد
وطبعا الشغلانة دي
امي مكنتش تعرف عنها حاجة
لان ام غراب كانت قاطعاني من امي اصلا
دا حتي لما امي جت عشان تطمن عليا ...
وتشوف بنتي
ساعتها ... حماتي امرتني اني اطردها تاني
وانا نفذت اوامرها للاسف
وبعد فترة
سمعت ان اخويا عادل اتخرج ...وبقي دكتور
وبعدها ..
سمعت انة بيتجوز
دكتورة زية ...
و بنت ناس طيبين
وبرضوا مكنتش اقدر اقرب من اخويا..
ولا اقولة مبروك
وبعد جوازة بعشر شهور..
سمعت بان اخويا
خلف بنت... وولد
تؤام
وكان نفسي اباركلة ...
و اعرف اولادة شكلهم ايه؟
لكن...
كنت متسلسلة بالقيود اياها
ومقدرتش اروحلة
وللاسف
امي ...واخويا..كانوا فاهمين
اني.. جاحدة
وتصرفاتي دي..
نابعة من قسوة جوايا
لكن..
ده للاسف..
كان غصب عني
المهم ...
اني ..مكنش عندي الجراءة
اني اقرب من بيتنا
ولا كنت اقدر اشوف اخويا...
ولا حتي اقدر اروح لامي وازورها...
مع اني كنت ساكنة في نفس
البلد
الي هما فيها
وكنت عايشة اسيرة لام غراب وابنها...
وبنتها سحر..
الي بعدما اتطلقت جت تعيش معانا
لغاية ما في يوم..
تعبت وانا في السوق
ووقعت في الشارع واغمي عليا
ولما الخبر وصل لاخويا
جه عندي البيت
عشان يطمن عليا
وساعتها ...سحر اخت جوزي شافت عادل اخويا
وانبهرت بوسامتة ...ومركزة..
ووجاهتة
ومن يومها
معاملتها ليا اتغيرت
ومعاملتهم كلهم لاهلي اتغيرت
و مرة واحدة ...
بقوا يسمحولي اروح ازور امي... واخويا
وطبعا مكنوش بيسبوني اخرج لوحدي
لا...دا ...
سحر اخت جوزي رجلها كانت علي رجلي
وسحر كانت جريئة اوي
لدرجة اننا لما كنا بنزور بيت امي
كانت سحر بتتعمد تدخل اوضة اخويا ..
وقت ما زوجتة بتكون في شغلها..
بدون ما حد ياذنلها...
اصل اخويا كان متجوز مع امي في شقتها
وفي يوم...
طلبت سحر انها تعمل لاخويا
الشاي بنفسها
وكانت هي كوباية الشاي
ومن يومها والحال اتقلب
لاني بعدها...
كنت بلاحظ انهم بيقفوا يتكلموا مع بعض كتير
ولما كنت اسالها
واقولها ..
ايه الي الي كنتوا بتتكلموا فيه كل ده؟
تقولي..
كنت عايزة استشارة طبية
هو مش دكتور ولا اية؟
ده غير انها كانت بتروحلة العيادة
بسبب وبدون سبب
ولاحظت انها...
بتحاول تلفت نظر عادل اخويا ليها بكل الوسائل
زي مثلا..لبسها المثير
واسلوبها الجريئ
وانا طبعا كنت رافضة ان سحر تقرب من اخويا
ولا حتي كنت عايزاها تتكلم معاه
لانها انسانة ساقطة
وكانت ماشية مع رجالة كتير
الي تبع دندوشة..
والي تبعها هي..
بس انا طبعا مكنش ينفع اقول
المعلومات دي لاخويا
ولا كان ينفع احذرة منها ..
لا يقولي عرفتي منين
وقلت لنفسي..
مش معقول عادل يبص لسحر
اخويا عاقل
ولما كانت سحر بتيجي وتعمل ادامة الشويتين
عشان تلفت نظرة
كنت بضحك علي خيبتها في قرارة نفسي
واقول..
انتي فين يا سحر ؟ ...
واخويا فين؟
سحر جاهلة ... وبيئة ...
واخويا عادل .. بيكره امها واخوها..
يعني استحالة يفكر فيها
وبعدين...هي ازاي تحلم بعادل اصلا؟
دا اخويا دكتور...
و متجوز دكتورة زية ...
ومراتة جميلة ..ومتعلمة
...ومثقفة...وبنت ناس
وفوق ده كلة
(ملكة جمال)
انما بقي سحر اخت غراب
فا انسانة ساقطة...
حرفيا..
لانها بتمشي مع الرجالة في الحرام
وسقطت اكتر من مرة
...وسمعتها سيئة
والاكتر من كده
انها متتخيرش عن امها ...واخوها في الشر ...والنوايا الخبيثة
ده غير انها ...جاهلة..
ومش معاها حتي محو امية
لا..لا...لا... استحالة اخويا يبصلها
عشان كده كنت مطمنة
وبسيبها تدخل بيت امي... واخويا ..
وتخرج منة
زي ما هي عايزة
وانا عارفة ...ومتاكدة
ان كلها يوم ...
ولا يومين
وعادل اخويا
هيكسفها..
ومش بعيد يطردها من البيت ...والعيادة كمان
وانتظرت ان ده يحصل فعلا
لكن ..
اتفاجئت..
ان امي بتشتكي من عادل اخويا
وبتقولي...
اخوكي
اهمل شغلة ..
وديما يتخانق مع زوجتة الجميلة ...
حتي عيالة مش طايقهم
ولا طايق يقعد معانا في البيت
فا فهمت ان سحر اخت جوزي هي السبب
لان عادل كان كل يوم معزوم عندنا في البيت
وسحر وام غراب قايمين معاه بالواجب وزيادة
في اللحظة دي
روحت لسحر
وهددتها
وقلتلها..
لو مبعدتيش عن اخويا
هقولة علي حقيقتك
وعلي الحمل الي نزلتية من بطنك...اكتر من مرة
ومحدش يعرف حملك كان من مين
فا بصتلي سحر ببجاحة
وقالتلي..
اعملي الي انتي عايزاه
وبعدين
هو حد ضرب اخوكي علي ايدة
وقالة بيحبني؟
اخوكي هو الي بيجري ورايا ياشاطرة
واهو عندك اسالية
ولو قدرتي تقنعية انه يحل عني
تبقي عملتي خير
لما شوفت الثقة الي سحر بتتكلم بيها...
فهمت في اللحظة دي
انهم اشتغلوا لاخويا في الاعمال
وخوفت علي اخويا لا يحصلة
الي حصلي
فا انتهزت اول فرصة
ولما جه عندنا البيت
اخدتة في اوضتي عشان
اتكلم معاه
وبدات في التلميح لاخويا
بان سحر انسانة زبالة
و اخر واحدة
تنفع للجواز
لكن..
قبل ما اكمل
لقيت عادل بيوقفني
وبيفاجئني
وبيقولي..
كفاية تجريح يا عفاف
ميصحش تتكلمي كده علي مراة اخوكي
قلت..مراة اخويا؟
هو انت......؟
قال...ايوه
احنا كتبنا الكتاب امبارح
وانا عارف ان امك اتكلمت معاكي
واشتكتلك..
واكيد انتي متحاملة علي سحر عشان كده
لكن انا مش هسمحلك تتكلمي عن سحر كده تاني
في اللخظة دي
عرفت ان اخويا راح
زي منا روحت
ومن يوم ما ام غراب سحرتلة
واخويا اتبدل حالة
ومش بيشوف ولا بيسمع حد غيرهم
لانهم طبعا سلسلوه زي ما سلسلوني
ومن يومها...
وانا بدور علي طريقة
تنجي اخويا ..
من المصيبة الي وقع فيها
ودي كانت حكايتي
الي كنت بسردهلكم اثناء الطريق
وانا دلوقتي ..
نزلت من التوكوك
ورايحة علي العنوان الي اخدتة من دندوشة
عنوان
واحد من الزباين الي سحر
اخت جوزي
اتعاملت معاه قبل كده
لكن...بصراحة هو كان جديد بالنسبالي
واول مره اروحلة
وانا النهاردة قررت استغل معرفة الزبون ده بسحر
واخلية يخرب عليها
عشان تسيب اخويا في حالة
وفعلا..
روحت علي الشقة الفخمة الي فيها الزبون
ورنيت الجرس
فا اتفتح الباب
واتفاجئت ادامي ب.....؟
قبل ما انهي الجزء ده..
عايزة اشكركم علي التفاعل الي جبر بخاطري
ربنا يسعدكم يارب
وياريت نستمر في العشر ملصقات لان التفاعل بيساعد علي وصول الرواية لاكبر عدد
من الناس
شكرا حبايبي
لو عايز باقي احداث الرواية اعملوا انضمام من هناااااا
الرواية كامله اضغط هناااااااا
صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
تعليقات
إرسال تعليق