رواية حواء تنتقم البارت الاول والثاني بقلم سولييه نصار في موسوعة القصص والروايات جميع الفصول كامله وحصريه
رواية حواء تنتقم البارت الاول والثاني بقلم سولييه نصار في موسوعة القصص والروايات جميع الفصول كامله وحصريه
رواية حواء تنتقم البارت الاول والثاني بقلم سولييه نصار في موسوعة القصص والروايات جميع الفصول كامله وحصريه
سكريبت♥️بقلم سولييه نصار♥️
-كانت احلي ساعتين في حياتي يا حبيبي ...خلينا نعيدها تاني ...أنا مستعدة أطلق من جوزي واتطلق أنت من مراتك وخلينا نتجوز ...
الرسايل دي كانت علي تليفون انس جوزي من مروة جارتنا المتجوزة !! ...كنت مصدومة وانا بقراها مش مصدقة ايه اللي بيحصل ...فتشت في الماسنجر واتفاجئت برسايل اقل حاجة توصفها أنها قذ*رة ...رسايل وصور مق*رفة خلتني رميت التليفون من أيدي وروحت الحمام وبدأت ارجع جامد ...خلصت وطلعت من الحمام وانا ماسكة بطني مش قادرة اصدق اللي شوفته ...مسكت الموبايل ودخلت اوضة النوم ولقيت انس في سابع نومة ...كان نفسي اخب*ط.التليفون في وشه واقت*له واخلص بس هديت نفسي وطلعت وكملت تقليب في الماسنجر ..وعرفت كو*ارث ...عرفت أن احيانا كان بيجيبها البيت لما بروح عند ماما ...وطبعا هي عشان جوزها بيسافر دايما الموضوع سهل ...
اي واحدة مكاني كانت هتن*هار وتطلب الطلاق ...وانا فعلا مستحيل ابقي علي ذمة واحد ز*اني وخا*ين زي ده ...بس برضه لازم اربيه علي اللي عمله وعلي حر*قة قلبي دي ...ده احنا بقالنا ست شهور بس متجوزين وعن حب كمان ..ده اهلي كانوا ساعدوه كتير عشان نتجوز ...لا عمرهم طلبوا حاجة ولا انا وعشان بحبه وعشان كان داخل مشروع كبير واللي نجح ودلوقتي لما اتيسرت معاه بقا يخو*نني ...أنا مستحيل اسامحه...مستحيل !!!
مسكت الموبايل واخدت سكرينات من عليه وبعت الاسكرينات لتليفوني ....وبعدين مسحت الاسكرينات اللي اخدتها من تليفونه وحطيت التليفون مكانه ....روحت نومت جمبه وانا بفكر في الخطة المناسبة ....
تاني يوم ...
كان يوم إجازة انس واليوم اللي بروح لماما فيه ...
صحيت الصبح وابتسمت ليه وقولت:
-صباح الخير يا حبيبي ..
-صباح النور يا حبيبتي ..ايه مش رايحة لماما النهاردة ...
ابتسمت بخب*ث وقولت :
-لا مش رايحة ...قررت اقضي اليوم كله معاك يا روحي.
حسيت وشه بهت فابتسمت ليه وقولت :
-مالك يا حبيبي ليه زعلان ...
بلع ريقه وهز رأسه وقال:
-مش زعلان يا حبيبتي ولا حاجة بالعكس أنا فرحان اووي ...
قربت منه وقولت وانا بلعب في قميصه :
-ايه رايك نسمع فيلم ...فيلم لطيف ...
ابتسم ليا وقال:
-ماشي ...
....
بعد شوية كان قاعد قدام التليفزيون وبصلي وقال:
-ايه الفيلم اللي انتي جايباه ده يا ليل؟!
ابتسمت ليه وقولت :
-ده فيلم gone girl يا بيبي عن واحدة نفخت جوزها لما اكتشفت خي*انته ...اهي البطلة دي قدوتي في الحياة ...
بصلي وهو بيبلع ريقه فضحكت بخبث وقولت:
-متخافش يا روحي مش هجرب ده عليك لو خو*نتني. ...انا هعمل الأسوأ ...بس انت اكيد مش هتخ*ونني صح ؟!
هز رأسه بسرعة فابتسمت وانا بكمل الفيلم ...
...
خلص الفيلم واخدت موبايلي ودخلت الحمام ...فتحت الايميل الفيك اللي عملته امبارح وبعت الاسكرينات لأنس جوزي وقولت:
-انا قدرت اهك*ر حسابك واخدت الاسكرينات اللطيفة دي من عليه ...ايه رايك ابعتهم لمراتك المس*كينة وجوز الست اللي بتخ*ون مراتك معاها !!!
وصلت الرسالة لانس ...فتح انس الماسنجر وعيونه اتوسعت بصدمة وقال:
-يا دي الك*ارثة !!!
يتبع
#حواء_تنتقم
#سولييه_نصار
الجزء التاني♥️شكرا علي تفاعلكم السكر♥️بقلم سولييه نصار♥️
-يادي المص*يبة يادي المص*يبة
كان بيقولها انس وهو بيلف حوالين نفسه ...حاسس برج من دماغه هيطير وهو بيبص علي الاسكرينات...حقيقي لو الاسكرينات دي وقعت في ايد مراته او جوز الست ممكن يتق*تل...جوز مروة لو عرف ممكن يق*تله ...قعد علي الانترية وجسمه كان كله عرقان من الخو*ف والر*عب ...قلبه كان بينبض بسرعة والافكار البش*عة بتدور في راسه ...مش عارف يعمل ايه ولا يسوي ايه ...فتح الاكونت اللي بعتله وحاول يعرف هو مين ...بس الاكونت كان فيك ومقدرش يوصل لأي حاجة خالص ...وده ج*ننه اكتر ...حس انه محاصر ...حس ان الدنيا بتضيق بيه....فجأة جاتله رسالة تاني فيها :
-لو حابب اني متكلمش يبقي تدفع 100 ألف جنية والا والله كل قذ*ارتك هتروح لمراتك وجوز عشي*قتك!!!
حط ايده علي قلبه وحس ان هيجيله سكتة قلبية ...قفل الموبايل لما حس الباب بيتفتح ...طلعت أنا من الحمام وانا مبتسمة بصيت علي انس لقيت وشه مليان عرق وباين انه مرع*وب ...فرحت من جوايا وقولت بصوت واطي :
-ولسه يا انس ده أنا هوريك النجوم في عز الضهر...
بعدين قربت منه وانا عاملة نفسي مخضوضة عليه وقولت:
-مالك يا حبيبي ...قولي فيه ايه وشك باهت وعرقان كده ليه حصلك حاجة ...قولي ...
بصلي وقال بإرتباك:
-لا لا يا حبيبتي مفيش حاجة انا بس حران..
رفعت حاجبي وقولت:
-بس احنا في الشتا يا حبيبي ..قولي انت تعبان اوديك الدكتور ..
ز*قني بعصبية وقال:
-يوووه يا ليل متبطلي رغي وقر*ف بقا ...
وبعدين راح علي اوضته ...
ابتسمت بخبث وقولت:
-ولسه يا انس أنا هخليك تكلم نفسك اصبر عليا بس ...
....
جرس الباب رن فروحت افتح لقيت مروة قدامي ...رجعت لورا أول ما شافتني ووشها بهت وقالت من غير وعي:
-انتي هنا؟!
ابتسمت ليها وقولت:
-انتي كنتي متوقعة حد تاني ولا ايه...
لحقت نفسها وقالت:
-لا ...أنا ...أنا باين عليا اتلغبطت في الشقة ...كنت رايحة للست نجلاء ...اعذريني يا ليل دماغي مش فيا ...
ضحكت وغمزتلها وقولت
-وانا عارفة ايه اللي شاغل !
وشها بهت اوووي وقالت:
-ق...قصدك ايه ..
ضحكت وقولت:
-قصدي جوزك اللي مسافر يا حبيبتي انتي فهمتي ايه ...
-ايوة صح ...
قالتها وهي بتتنهد براحة وبعدين مشيت بسرعة من قدامي ...شكلي هستمتع معاهم ....
......
مرت الساعات وانس قاعد سرحان وهيم*وت من الر*عب ...كنت براقبه وعلي وشي ابتسامة كبيرة اووي ...حاسة بالرضا منظره الخايف ده داوي شوية من الجر*ح اللي عمله خيا*نته ...دخلت الحمام تاني وانا ماسكة تليفوني وفتحت ايميلي الف*يك وبعتله تاني رسالة ...
....
اتفز*ع انس لما رسالة تانية جاتله فتحها بسرعة ولقي رسالة من اللي بيه*دده بيقول:
-ها فكرت هتديني الفلوس ولا ابعت الاسكرينات لمراتك وجوز عش*يقتك ...
بلع انس ريقه وبعتله:
-هديك الفلوس بس قولي اديهالك ازاي !!
...
سبت التليفون من ايدي وانا مبسوطة اوووي ...خطتي نجحت وهاخد فلوسي من انس..فلوس شبكتي اللي باعها في الصباحية والفلوس اللي استلفها من اهلي ومرجعهاش لحد دلوقتي !!
-ولسه يا انس أنا هشربك الم*ر ...اصبر بس ..
يتبع تكملة الروايه اضغط هناااااااا
#حواء_تنتقم
#سولييه_نصار
تعليقات
إرسال تعليق