اسكريبت الخديعة كامل بقلم احمد محمود في موسوعة القصص والروايات جميع الفصول كامله وحصريه
اسكريبت الخديعة كامل بقلم احمد محمود في موسوعة القصص والروايات جميع الفصول كامله وحصريه
في ليلة كنت راجع من الشغل متأخر لأنه كان عندنا
جرد في مخازن الشركة ..والكل كان مشدود طول اليوم حسابات وفواتير وأرقام لحد ما خلاص جبت اخري
للاسف الأتوبيس معاده فات ..ومكنش قدامي
غير أستنى الأتوبيس اللي بعده أو اخد تاكسي
بس المسافه بعيدة والتاكس أجرته غالية
مقداميش غير أستنى الأتوبيس اللي بعده اللي كان قدامه ساعه الا ربع
الجو كان برد وكنت واقف لوحدي في الشارع
قعدت على مقعد مخصص للأنتظار
طلعت موبايلي وقولت أتسلى شوية.. بعد دقايق
سمعت صوت حد بيعيط ..
أتلفت حوليا واتفاجأت بوجود طفلة..سنها في حدود ١٢ سنة
_مالك يا حبيبتي بتعيطي ليه
_اصل بابا هيضربني
_اسمك ايه
_انا سحر
_ عملتي ايه يا سحر..وايه خرجك من البيت في الوقت دا
_أمي ماتت من سنتين ، ووالدي راجل مريض
وانا بشتغل في الخردة..بلم اي علب بلاستيك
أو صفيح وافرزهم بعد ما أجمعهم وببيعهم_لتاجر
في آخر كل يوم
_بس انتي لسه صغيرة على الشغلانة دي
أكيد صعبة عليكي
_أعمل ايه العيشة صعبة أوي ..واحنا ملناش حد
يقف جنبنا ويساعدنا .
_طيب مالك بتعيطي ليه
_الفلوس اللي بعت بيها بضاعة النهاردة وقعت مني
وانا ماشية في الطريق ..وفضلت ادور عليهم
كتير بس ملقتهمش ..ولو رجعت لابويا من غير الفلوس
هيضربني .. انا خايفة أوي
الموقف كان مؤثر جدا ..وضع البنت ولبسها
وظروفها اللي خلتها تشتغل عشان تصرف على ابوها المريض وهي في سن زي دا المفروض تكون فيه في المدرسه
او بتلعب زي باقي الاطفال ...فكرت أني أساعدها
بأي شكل سألتها كام المبلغ اللي ضاع منك
قالت انه ١٠٠ جنيه حطيت ايدي في جيبي وطلعت المحفزة لقيت فيها ٨٠ جنيه بس..لسه فاضل يومين على القبض
أديتها ٥٠ جنيه وقولتلها أديهم لبابا
_لا مش هقدر اخدهم ..انت ذنبك ايه
_مفيش ذنب ولا حاجة ...ياريت كان معايا كنت اديتك المبلغ كله ..بس احنا اخر الشهر
_لا متشكرة ..صدقني مش هينفع
_اسمعي الكلام ..أعتبريني اخوكي الكبير
_ياريت كان عندي أخ زيك..مكنتش هشيل هم ابدا
بس فعلا مش هينفع
_انتي مكسوفه مني
_انا محرجة..انا مش باخد فلوس من حد وكمان
حتى لو خدتهم برضو ناقصين وابويا هيضربني
_طيب قوليلي انتوا ببيتكم فين وانا هاجي وأتكلم معاه
_لا ملوش لزوم؟
_,ازاي يعني ..هتفضلي كدا في الشارع لوحدك
الدنيا ليل ومفيش أمان ..لازم تروحي
_لا انا خايفه
_طب خلاص انا هاجي معاكي ..علشان ميضربكيش
وافقت البنت وأخدتها ومشيت معاها وبعد عشر دقايق
وصلنا لبيت قديم مكون من دورين
خبطت البنت على الباب وفتح لنا راجل سنه
في منتصف الاربعينيات
_ مساء الخير ..حضرتك والد سحر
بص لي بأستغراب وقال لبنته
_كنتي فين لحد دلوقت يا بت الكلب
ولسه هيضربها..مسكت إيده وقولتله
_هدي نفسك بس..البنت كويسه متقلقش
ممكن بس اخد ٥ دقايق من وقتك
فتح الباب وقالي أتفضل
دخلت وقعدت اتكلمت معاه وعرفته انه البنت ضيعت الفلوس
غصبا عنها وطلبت منه انه يرأف بيها وبلاش يضربها
وأنها كانت خايفه منه بسبب قسوته عليها
قالي خلاص مش هكلمها عشان خاطرك
بعدها بشوية دخلت ست شايلة صينية شاي وقالت
اتفضل يا أستاذ الشاي
_متشكر جدا ..
بعد ما شربت شوية من الكوباية قال ..خشي يا بت
عشان تساعدي أمك في غسيل المواعين
سبت الشاي من إيدي وقولتله
_أمها..بس سحر قالتلي أن مامتها ماتت
ظهر الأرتباك على وش الراجل وقال
_اه ما هي ماتت الله يرحمها ..
بس دي عمتها في مقام امها برضو وهي دايما
بتقولها يا ماما ..تعتبر هي اللي مربياها لما أمها ماتت من ٧ سنين
حسيت بدوخه شديدة وزغللة في عنيا وقفت من مكاني
وقولتله بس هي .. هي قالت أن مامتها ماتت من سنتين
مقدرتش أحفظ توزاني فوقعت على الأرض
وبعدها سمعته بيقول ..هاتي الحبل بسرعة يا سحر
خلينا نربطه ..وانتي أتصلي بأخوكي
يجيب العربية على طول وميتأخرش ...
يتبع ...
الخديعة
الخديعة الجزء الثاني والاخير
حسيت بدوخه شديدة وزغللة وقفت من مكاني
وقولتله بس هي .. هي قالت أن مامتها ماتت من سنتين
مقدرتش أحفظ توزاني بعدها فوقعت على الأرض
و سمعته بيقول ..هاتي الحبل بسرعة يا سحر
خلينا نربطه ..وانتي أتصلي بأخوكي
يجيب العربية على طول وميتأخرش
حاولت أقف لكن مقدرتش
كان بيبص لي وبيضحك وهو بيقول
_متتعبش نفسك مفعول المخدر خلاص أشتغل
_ليه ..ليه عملت كدا ؟
_نصيبك بقى كدا هنعمل ايه
انت جيت برجليك ومحدش غصبك
الدنيا أبتدت تلف بيا جامد وعنيا قفلت ومحستش بحاجة بعدها
صحيت بعد ساعة لقيتني متكتف
وفي مكان ضلمه ..حاولت افك نفسي بس معرفتش
فضلت ازعق وأقول انا فين ..حد يرد عليا ؟؟
بعد شوية لقيت باب بيتفتح ودخلت سحر
وهي ماسكه كشاف وقالت
_انا جبتلك مايه عشان تشرب
_مش عايز اشرب..فكيني وخليني امشي من هنا
_انا اسفه مش هقدر
صرخت في وشها
_يعني ايه مش هتقدري..انتوا عايزين مني ايه
هو دا جزائي عشان وقفت جنبك ..بتخدعيني
_انا اسفه والله اسفه ..غصب عني
وعشان ساعدتك ..سبتيهم يعملوا فيا كدا .. انا مستاهلش يحصلي دا عشان وقفت جنبك يا سحر
_انا جايه من وراهم ..دلوقتي بابا وماما نايمين
هو كلم خالي عشان ييجي ياخدك في عربية لمكان ..انا معرفوش عشان يسلموك للدكتور
ويقبضوا الفلوس
وبابا كتفك ورماك في أوضه
تحت في الدور الأرضي ودخل يريح شوية على ما خالي ييجي
_ممكن أفهم انتوا رابطيني ليه ودكتور مين دا اللي هيسلموني ليه ؟
أنا هحكيلك كل حاجة
_خالي دخل في شراكة مع بابا وواحد تالت عمله مشروع
لكن الراجل دا نصب عليهم وأخد فلوسهم وهرب
وبابا وخالي مديونين بمبلغ كبير
ومش عارفين يسددوه أزاي
في واحد صاحب خالي كان قاعد معاه في مره من المرات وخالي كان بيشكيله على موضوع الديون وانه مش عارف يسدد منين
قاله حلك عندي
_ايه الحل ؟
قاله انا عارف واحد شغال في موضوع تجارة الأعضاء
انت تشوف حد أي حد ..بس يفضل انه يكون صغير او في سن الشباب وتخطفه وتسلمه للدكتور دا وهتاخد في إيدك ٢٠٠ ألف جنيه وانت واقف
وكدا هتقدر تسد ديونك وتخلص من المشاكل بتاعتك
_وانتي ايه علاقتك بالموضوع دا
_خالي كلم بابا ..بس هو في الأول رفض ..وقاله الموضوع خطر ..وممكن نتكشف
خالي عشان يقنعه ..قرر أنه يستخدمني كطعم عشان أوقع بيه اي حد واستدرجه للبيت
_اه والحد دا كنت انا مش كدا؟
_انا كنت مجبرة ..خالي هددني اني لو معملتش كدا بابا هيتسجن
وأمي هتسيبني ويرموني في الشارع
انا حاولت ليا كذا يوم مع اكتر من حد قبلك ..بس مفيش حد فكر يساعدني
وعشان ساعدتك ..سبتيهم يعملوا فيا كدا .. انا مستاهلش يحصلي دا عشان وقفت جنبك يا سحر
_انا جايه من وراهم ..دلوقتي بابا وماما نايمين
هو كلم خالي عشان ييجي ياخدك في عربية لمكان ..انا معرفوش عشان يسلموك للدكتور
ويقبضوا الفلوس
وبابا كتفك ورماك في أوضه
تحت في الدور الأرضي ودخل يريح شوية على ما خالي ييجي
_سحر ..انتي لازم تفكيني ..انا حياتي هتضيع وانتي هتعيشي بذنبي طول عمرك ..انا حاسس انك بنت كويسه ومش راضية عن اللي بيحصل دا واكيد مش هتوافقي على قتل أنسان وقف جنبك وساعدك من غير حتى ما يعرفك وبدون مقابل لمساعدته ليكي
_فكرت شوية وبعدها قالت حاضر ..انا هساعدك بس بشكل مش مباشر ..
_يعني ايه
_هقولك..
قبل الفجر بشوية ..سمعت صوت عربية وقفت قدام البيت
واضح أن #دا_خال البنت
مفيش دقايق ولقيت والد سحر
دخل عليا ومعاه اخو مراته
قرب مني وقولتله..انت عايز مني ايه ..فكني وسيبني أمشي
_اشششش ..مش عايز ولا كلمه
خال سحر قاله
_جهزت الحقنه
اه جهزتها.. امسكه كويس بس
غرس الحقنه في دراعي وبعدها
شالوني وحطوني في عربية ربع نقل وراحوا بيا لمخزن قديم
في منطقة مهجورة
لما وصلوا نزلوني ونيموني على سرير..والدكتور جه بعدها بشوية
تمام يا دكتور ..هو نايم ومتخدر من نص ساعه زي ما طلبت بالظبط
قالهم تمام وادي فلوسكم جاهزة
أخدوا الفلوس ومشيوا
بعدها فتح الدكتور شنطته ومسك مشرط..وقرب مني ..رفع التي شيرت اللي عليا وقرب المشرط من بطني
وفجأة فتحت عنيا
ومسكت إيده..اتفاجئ اني فايق مش متخدر ..قمت بسرعه ولويت دراعه وحطيت المشرط على رقبته ..
معلش بقى ملكش نصيب تشرحني المره دي
لكمته أكتر من مره في وشه #بكل_غضب
لغاية ما فقد الوعي .. مسكت تليفونه وأتصلت بالشرطه
وبلغتهم باللي حصل ..
لولا مساعدة سحر ليا ..وانها قررت تبدل الحقنة المخدر بحقنة مقويات كان زماني جثة مشوهة المعالم بدون أعضاء واتخلصوا مني في أي مصيبة
البنت كانت ذكية وعرفت تخرج بسرعه وتجيب
حقنة فيتامينات من الصيدلية اللي جنب البيت وبدلتها بحقنة المخدر اللي كان ابوها ناوي يحقني بيها
تم القبض على الدكتور ووالد سحر وخالها
بعد ما أعترفوا بخطفهم ليا وانهم قبضوا من الدكتور مبلغ مالي قصاد تسلمي ليه .
الانسان بطبعه خير ..بيتولد على الفطرة والخير جواه..لكن الظروف هي اللي بتجبره أنه يبقى أنسان كويس او لأ
سحر أتحطت في موقف صعب وكانت أسرتها سبب
في توريطها في خطف كان هيؤدي لقتل ..لكن فطرتها السليمه والخير جواها هو اللي انتصر على الشر لان دا الاصل
الخير هو الأصيل في نفس البشر
والشر هو الشئ الدخيل
تمت
تعليقات
إرسال تعليق