اسكريبت كامل بقلم ايمان عبد المعبود في موسوعة القصص والروايات جميع الفصول كامله وحصريه
اسكريبت كامل بقلم ايمان عبد المعبود في موسوعة القصص والروايات جميع الفصول كامله وحصريه
اسكريبت كامل بقلم ايمان عبد المعبود في موسوعة القصص والروايات جميع الفصول كامله وحصريه
_سايب عروستك ليلة الفرح ورايح على فين يا وَلدي؟
_مرايدهاش ياما.
_وبعدهالك يا بن بطني!
_جولتلكم كَتير معايزهاش وأنتم أصريتوا إني أتجوزها مع إني مببحبهاش! ليه كده ياما ليه كده؟
_يا وَلدي احنا عايزين مصلحتك، وإيمان بت حلال والكل في العزبة هِنه بيحبها.
_بس أنا لاء ياما معحبهاش أني، أبوي غصبني على زواجي منها وعشان ميزعلش ولجل تعبه وافجت، لكن مجدرش أجعد معها، ولا جادر حتى أشوفها.
_تعالى معايا يا وَلدي جبل محد يشوفك ويجول عليك كلمة.
_لا عاد ولا كان اللي يجدر يجول عليّ ربع كلمة حتى.
_تعالى معايا
الحب عمره ما كان بالعافية ولا بالغصب، دي حاچة اكده ربّاني، بتدخل جلبك من غير استئذان، زي شعور الدفا في عز البرد، وشعور الشبع بعد جوع، تحس انك خلاص شبَعت وِحدة وجعان للونس، عِندنا في البلد اللي يحب يجوله عليه كيف راجل يحب! معيعرفوش أن الحب اتخلق للرجالة، ربنا سبحانه وتعالى خلج الحب، وفي كل جلب فينا موجود الحب دِي، بس جليل اللي يلاجوه، في الوجت دا صعب تلاجي الحب بس الحب اللي بچد وعايز تلاجيه يوم ما تحب يا وَلدي.
_وانا لسه معبتهاش ياما ومعرِفش هحبها في يوم ولا لأ.
_مديتش لجلبك فرصة يا وَلدي يحبها، بس صدجني هييجي اليوم اللي تكون عشجانها كيف ما أبوك عشجني.
_وه يا حجة، أبوي الحج عشجك؟ طب كيف وهو على طول شخص صارم لا يعرف الحب ولا يحسه.
_ومين جالك كده؟
_يبان عليه.
"لاجيتها ضحكت وضحكة أمي حلوة زي حلاوة طلوع الشمس"
_طالع لابوك يا صبري، كيفه وكان زيك اكده، لا جادر يحب ولا حتى يشوفني وأنا كنت هعبه وعشجت ابوك عشج، لحد ما حصل واتجوزته، وجتها من معاملتي ليه حبني ومش بس أكده مفيش ليله تعدي إلا وهو نايم حدّي جوه حضني، بكل جبروته وجوته اللي تشوفها دي! بييجي قصادي ويسكن جوه جلبي، وانت تِشبه، وإيمان تِحبك وكمان تتمنالك الرضا ترضى، مسألتش نفسك ابوك اختارهالك ليه؟
_ليه يا جملات.
_لانها تشبهني، كيفي أنا وهو عشان عارف انك عِندي ودماغك ناشفه طالعله عمل نفس اللي جدك عمله معاه، كأن الدنيا بتلف وتدور وتعيد من تاني الأحداث يا وَلدي.
_جوليلي أعمل ايه ياما، شوريني.
_اطلع لمرتك يا ولدي وافهمها وحس بيها، وهييجي اليوم اللي تحبها وتعشجها كمان، هي دلوج مرتك، حلالك اطلع واتكلم معاها يا ولدي، متزعلهاش.
_حاضر ياما هحاول.
_صبري.
_ايه ياما.
_اوعى في يوم تحزّن جلب كان كل همه رضاك يا ولدي، اوعى توجع بنيّة عشجتك وحبتك بجد،
يا محلى يا ولدي اللي يلاجي حبيب يسكنه له، ويلاجي حضن يترمي فيه.
_تصبحي على خير ياما.
"طالع على السلم وأنا جوه مني ألف سؤال، وأهمهم هطلع هعمل ايه! محستش بنفسي غير وأنا واجف جصادها، دموعها على خدها وما نشفت، طالعه حلوة كيف البدر بتمامه، عينها على الأرض ولا رضياش تبص في عيني، وأول ما عينها جابلتني، كان چواها سؤال واحد وهو
(ليه) "
_اجعدي شويه محتاچ اتكلم وياكِ.
_سامعاك
_يمكن اللي حُصل كان غلط، وأنا آسف يا ستي على دي، بس محتاج وجت حتى احبك واحس بالحب دي جوه جلبي، حجك عليّ وأدي راسك ابوسها.
_وجتك معاك يا صبري، وأنا دلوج مرتك، معايزاش منك غير الاحترام وخلاص، هجوم انام عشان أهلي هييچو بكره بدري، أصلها الصباحية يا عريس.
"جالتها وهي داخله تغير هدومها، بتريجة ممزوجة بوجع، معرفش ليه مهانش عليّ دموعها وهي عم تبكي، حسيت ان جلبي بيتعصر، من يوم ما وعيت على الدنيا وأنا شايفها جصادي من وهي في اللفه وانا اللي شايلها، بس شوفتها اختي، غير اكده لأ، كل يوم كانت تيجي عِندينا في الدوّار وتجعد تتحدت ويا امي، ابوي يحبها واخواتي يحبوها، فيها كتير من أمي حتى في ضحكتها ترد الروح"
_على فين اكده يا وِلد عمي.
_خارج بره شوي أشم شوية هوا.
_تحب أچي معاك.
_ودا ليه ومن امتى؟
_يعني أونسك وانت ماشي لوحديك.
_شايفاني صغير إياك.
_كَبير طول عمرك.
_خلاص يبجى ادخلي جوه واجفلي الشباك دِي ومعشوفكيش واجفه تاني فيه.
_حاضر.
"دخلت يومها وسمعت الكلام، مع انها لمضه ولسانها مترين بس كانت معايا تحب تريحني ومتجادلش، أصلها فاهماني وحافظه طباعي."
_حطي الطبج دا جدام صبري يا إيمان واجعدي حده.
_حاضر يا مرت عمي.
أغرفلك من الوكل دا انت بتحبه.
_كيف عرفتي؟
_جلبي جالي.
"وعندما التقيتُك أول مرة، لم أكن أعرف أنك ستكون لي ملاذي الوحيد."
_عبايتي فينها؟
_متعلجة عندك هناك أهي.
_تعالي لبسهالي.
"كانت أول مرة أجولها اكده، هي حتى فضلت واجفه مستغربه شويه وضحكت ضحكه خفيفه اكده، والضحكة من الحلوة ترد الروح."
_من ميتا الكلام دي.
"جالتها وهي بتلبسني العباية، مدريتش بنفسي غير وأنا بتغزل فيها."
_يدك حلوة ودافية يا إيمان.
"رجعت ضحكت تاني بس المرة دي وعيونها بتلمع."
_كيف الراجل يعرف أن عم يحب يا ابوي.
_آه يا وَلدي، الحب نعمة كبيره من ربنا لينا.
_زي ما حبيت أمي؟
_زي ما ربنا وهب لي حب أمك.
_وايه هو الحب يا حچ؟
_عارف لما تكون الدنيا دي كلاتها شتا والجو برد جوي، بتكون وجتها محتاج نار تدفيك، والحب اكده، نار بتدخل قلبك بس متلسعكش، هي بتوهج روحك وبس، وتدفي جلبك، وجتها بتحس انك مرايدش حاجة غير انك تفضل عطول متدفي بنار الحب ولهبتها.
_وه يا حج ايه الكلام الكبير دي! چبته منين.
_من عشجي لامك.
"وجتها خرجت مني تنهيدة كبيره، عيشت مع إيمان 7 شهور وفي كل يوم يعدي بحس اني دفيان وجوه جلبي مرتاح ومتطمن، أول ما اشوف ضحكتها احس ان الدنيا كلها تضحكلي وكأنها الدنيا."
_وه لسه منمتيش اياك! ليه اكده؟
_خوفت عليك لما اتأخرت عليّ ففضلت جاعده مستنياك.
_شايفاني صغير؟
_طول عمرك كَبير بس مفيهاش حاجة لما أخاف على زوچي.
"أول ما جالت زوچي وأنا ضحكت، ايه الإحساس الحلو دي! كلمة زوچي خارجة منيها كيف العسل"
_چبتلك دول.
_شيكليته؟ عرفت منين اني عحبها؟
_جلبي جالي.
_ومن ميتا وانت بتسمع لجلبك!
_من يوم ما حبك يا زينة.
_وه يا راچل! مين زينة دي اياك؟
_خابر اني اسمك إيمان بس زينة دي صفتك يا زينة.
_مالك يا صبري انت في حاچة في عجلك ولا ايه!
_تعالي اجعدي حدي، عايز أتحدد معاكِ شوي.
_جول، اديني چيت أهو.
_قضينا سوا 7 شهور، ويشهد ربنا اني ما شوفت منك غير كل حب وود واحترام، علمتيني كتير وضيفتي لحياتي حياة.
_يا مراري! انت بتجول الكلام دا يا صبري؟
_ايه، ومجولهوش ليه؟ مش مرتي وحلالي!
_وبعدهالك في جلبي، رايد منيه ايه؟
_رايده بخير يا زينة جلبي، أنا حبيتك يا إيمان، معاملتك ليّ خليتني أحبك، الراچل منينا محتاچ ايه غير دفا في عز البرد يدفي جلبه! وحضن يطبطب عليه من مرارة الأيام، رايد ايه غير ضحكة حلوة تغيرله يومه وتزينهوله يا زينة! حبيتك وحبيت كل حاچة فيكِ، حتى عصبيتك على رميي للهدوم وضحكتك لما تروجي، حبيت حنيتك عليّ ووجفتك چنبي في عز ضعفي، جوتيني يا جوتي.
_مقدرش على كلامك دي! ومواخداش عليه.
_من النهاردة خدي عليه وكل يوم من دي، يا زينة جلبي.
_صُح تحبني يا صبري!
_صُح احبك يا إيمان.
"كان قلبي مقفلٌ حتى أتيت، ففُتح لك من غير مفتاح."
#حكايات_ايمان
#ايمان_عبد_المعبود.
تعليقات
إرسال تعليق