رواية جواز مسيار البارت السادس بقلم حنان حسن في موسوعة القصص موسوعة القصص والروايات جميع الفصول كامله وحصريه
رواية جواز مسيار البارت السادس بقلم حنان حسن في موسوعة القصص موسوعة القصص والروايات جميع الفصول كامله وحصريه
رواية جواز مسيار البارت السادس بقلم حنان حسن في موسوعة القصص موسوعة القصص والروايات جميع الفصول كامله وحصريه
جواز مسيار
الجزء السادس
للكاتبة..حنان حسن
بعدما اختفي محمد ...
ورجعت فريال
تطالبني اني..
ارجع للشغلانة اياها من جديد...
رفضت بشدة..
لكن... هي رجعت تهددني بانها هتبلغ عني
فا اضطريت اني انفذ تعليماتها...
لكن قررت بيني وبين
نفسي..
اني ابوظلها شغلها
عشان تقفل المكتب وتعتقني لوجة الله
وكنت ناوية اني ...
احذر كل عريس
بيجي تبع المكتب..
واعرفهم ان اصحاب المكتب ناس نصابين
عشان يروحوا يبلغوا عنهم
وفي اليوم ده...
ملبستش لبس الست العجوزة
وقررت اقابل العريس بشكلي... وسني العادي
المهم..
بمجرد ما رن الجرس
جريت بسرعة ع الباب
وفتحت...
وفي اللحظة دي
شوفت ادامي شخص
غريب الشكل
الشخص ده كان طول الباب تقريبا ..
يعني كان طويل وعريض
م الاخر..
كان حاجة هجمة كدة
بس كان شكلة ملخبط اوي
يعني مثلا
عنية كانت معمصة ...
وكأنة مغسلش وشة
بقالة اسبوع
وشعرة كمان كان منكوش
ده غير هدومة المبهدلة...
ورجلة القذرة...
الي كانت باينة من الشبشب
الي هو لابسة
وكلة كوم
ونظراتة الجعانة كوم تاني خالص
مش عارفة ليه من نظراتة
حسيت انه عمرة ما شاف ستات قبل كدة
المهم..
بعدما وقف يصورني شوية
بدء يتكلم ويستفسر
واول ما سمعت صوتة
وطريقة كلامة
حسيت انه مكنش بيتكلم
لا...
ده تقريبا كان بيرجع
انا طبعا اول ما شوفتة
متخيلتش انه يكون هو ده العريس
فسالتة..
قلت...مين حضرتك؟
فا رد وهو بيبحلق فيا
وقالي..
انا عنتر عبد القوي
وقبل ما اسالة
واقولة..
انت جاي هنا عايز اية؟
لقيتة بيسالني
وبيقولي..
انتي العروسة؟
في اللحظة دي
فهمت انه هو ده عريس الغفلة
فا رديت بتوتر
وقلت..لا...اقصد....ايوه
ايوه انا العروسة
فا لقيتة دخل جوه الشقة
وهو بيفرك في عنية
وبيقولي..
لا..مش ممكن؟
انا مش مصدق
بقي انا اتجوزت القمر ده؟
وفضل يكلم نفسة
ويقول...
يا دين النبي
دي باين باضتلك في القفص ياض يا عنتر
فا حاولت اصلح سؤ الفهم الي حصل
فا قلت..
بيض ايه الي في القفص بس؟
اصبر هفهمك
وقبل ما اكمل توضيح
لقيتة قاطعني
وقالي..
انتي المزة الي كنت بحلم بيها طول سنين السجن
فا بصيتلة بذعر
وقلتلة.. يا سنة سوخة؟
سجن؟
هو انت كنت في السجن؟
فا رد وهو بيبصلي بصة مرعبة
وقالي..
ايوه سجن ...
واشغال شاقة كمان
يعني حرمان سنين
بعيد عنك
فا بعدت عنة بسرعة
وقلتلة...
لا ...لا... لحظة واحدة
ثواني بس انت مش فاهم
فا رد
وقالي..
مش عايز افهم..
انا (عايز اتجوز)
قلت..
ادخل بس وانا هفهمك
قال..منا هدخل امال يعني انا جاي هنا اعمل ايه؟
قلت..لالا مش قصدي الدخلة الي في دماغك دي
قال..هو في دخلة في دماغك غير
الدخلة الي في دماغي ؟
باين عليكي شيطانة
وباين علينا هنتفق مع بعض
قلت..يا عم اصبر و اهدي واسمعني ابوس ايدك
فا تجاهل رجائي
ورد وهو بيحاول يلمس ايدي
وقال..
كمان عايزة تبوسي ايدي؟
يا حظك الوالع
يا عنتر
دي عروستك طلعت وتكة
لا ...وتكة ايه ؟ دي فرسة
وبدء يهجم عليا ويحاول يقرب مني
في اللحظة دي
فهمت ان عنتر مش بني ادم عادي
ولا ينفع التفاهم معاه بالعقل
ده كان حاجة كده
زي الانسان الالي
المتبرمج علي وضع الاغتصاب
ايوه ....مفيش تحليل للظاهرة الي ادامي دي غير كده
مهو يا (انسان الي)
يا اما... كائن بشري
شايلين دماغة وحاطين مكانها فردة جزمة
المهم
اني ادركت ساعتها
ان الكلام بالعقل...
و الزوق... والادب
مش هينفعوا معاه
فا صرخت فيه
وقلتلة..
يا عم اهمد بقي و اسمعني للاخر ومتقاطعنيش
خليني اقولك الكلمتين الي عايزة اقولهم
فا هدي شوية
وقالي... عايزة تقولي ايه؟
قلت..
انا عايزاك معايا جوه عشان....
وقبل ما اكمل
لقيتة قاطعني تاني
وفضل يردد كلامي
ويقول..
عايزاك معايا جوه؟
عايزاك معايا جوه؟
الله علي البوقين دول
لما يخرجوا من بوق عروستي المزة
فا بصيتلة بيأس
وقلت..
يخربيت خيالك المريض
يا عم ركز في ليلتك دي
وتعالي بسرعة افهمك قبل ما حد يجي
فا رد وقالي
وملهوفة كمان؟
طيب ومستربعة علي ايه
هو انا هطير
اطمني ...انا مش ناوي امشي من هنا
قبل سنة علي الاقل
في اللحظة دي
حطيت ايدي علي راسي
وانا بحسبن فيه
وفي غباءة
فا لقيتة قرب مني
وقالي..
يلا بقي يا عروسة
قربي مني
قلت..اقرب فين؟
انا مش هتحرك من مكاني ..
غير لما تسمعني
فا شدني غصب عني
وقالي..متتحركيش انتي..
هقرب انا
فا بعدت عنه
وقلت بزهق
يا عم الغبي اديني فرصة افهمك بقي
انا عايزة اكلمك عن حاجة تانية خالص
بعيدا عن الدخلة... والجواز
با اختصار...
انت بتتعرض لعملية نصب
وحاولت اوضح قصدي تاني عشان البعيد يفهم
فا قلتلة....
عشان كده
اني عايزاك
تيجي تقعد علي الكرسي الي جوه في الصالة
عشان افهمك كل حاجة
واقولك ازاي هيتننصب عليك
وفي اللحظة دي
انتبة...
ووقف يسمع لكلامي عن النصب
وبعدما همد شوية
سالني
وقالي..
انتي عايزة تقولي ايه؟
قلت.. بصراحة بقي
انا عايزة احذرك من اصحاب المكتب ده
لانهم ناس نصابين
قال..نصابين ازاي؟
قلت..
يعني بيوهموا كل عريس بيجي هنا
ان في عروسة..
وبعدما بياخدوا العمولة
المتفق عليها
العريس بيكتشف ان مفيش عروسة ولا حاجة
فا بصلي عنتر شوية
وبعدها..قفش في ايدي
وقالي...
ازاي مفيش عروسة؟
امال انتي ايه؟
قلت...
صدقني...العروسة ...والماذون... وكتب الكتاب
و الليلة كلها مزيفة
والمفروض ان صاحبة المكتب طلبت مني
اني البس واحده ست عجوزة
عشان لما انت تيجي و تشوفني تطفش... وتهرب
وتروح عليك العمولة
لكن..
انا مسمعتش كلامها..
وقولت احذرك
وبصراحة بقي
انا لو منك..
اروح ابلغ عن اصحاب المكتب كلهم
فا رد عنتر
وقالي..
وانا ابلغ عنهم ليه؟
شايفاني خرونج ولا عويل؟
وقفش عنتر في دراعي
وقالي..
انا عروستي معايا وبين ايديا اهية
يعني حقي مرحش
وفلوس العمولة مضعتش
قلت...يعني ايه؟
قال...يعني انتي عروستي
وهتمم دخلتي عليكي الليلة
وعايز بقي اشوف حد يقولي
انك مش مراتي
في اللحظة دي
شديت ذراعي من ايدة
وقلتلة...
بقولك يا عم البلطجي انت
انا مش مراتك ..ول
ولا فية عقد جواز اتكتب اصلا
يعني تتفضل توريني عرض اكتافك
بدل ما اصرخ ...
والم عليك الناس
وفي اللخظة دي
صفعني عنتر علي وجهي
فاوقعت علي الارض
واثناء ما كنت واقعة علي الارض
شوفت عنتر وهو بيتجرد من ملابسة
وبيستعد عشان......
فا قمت بسرعة..
وحاولت اهرب
لكن هو كان اسرع مني
وقدر يمسكني فعلا
وكان قرب ينال مني فعلا
لكن..الي انقذني منه
ان النور قطع
و في اللخظة دي
استغليت الفرصة
ودفعتة بعيد عني وجريت
فا سمعت بعدها
هبد... ورزع
وفي الاخر ...
سمعت صوت ارتطام قوي
علي الارض
وفضلت واقفة متسمرة مكاني
وانا مرعوبة وبترعش
وبعد شوية
صغيرين
النور رجع تاني
وبعدما النور رجع
شوفت عنتر واقع علي الارض
قاطع النفس
فا قربت منه لقيتة مات
وفهمت ساعتها
اني لما زقيت عنتر
في الضلمة
وقع ...واتخبط في التربيزة
الحديد
الي في الصالة
فا فضلت ابصلة...واعيط
وانا بقول...يلهوي
ده عنتر مات
وانا دلوقتي بقيت متهمة
في قتل.. شخص جديد
وفي اللحظة دي
سمعت صوت
بيقولي
متخافيش ومتانبيش نفسك
فا بصيت بسرعة با اتجاه الصوت
واتفاجئت..ب( بمحمد)
الي كان واقف ورايا
فا صرخت ...
وقلت...محمد؟
انت كنت فين؟
الحمد لله انك جيت تاني
قولي بسرعة يا محمد
انت كنت فين؟
في اللحظة دي
بصلي محمد باسف
وقالي...
عشيرتي عاقبوني
لاني لمست واحدة من الانس
واصدروا حكمهم عليا
بالحرمان من الجواز طول العمر
بس متخافيش
ده مش هيمنعني اني اكون جنبك
وقت ما تحتاجيني
بعدما سمعت رده
شاورت له علي عنتر
وقلتلة...
شوفت المصيبة الي انا فيها دي؟
فا رد محمد
وسالني
وقالي..
تقصدي القتيل ده؟
قلت...
والله مات غصب عني يا محمد..
انا كنت بدافع عن نفسي و...
وقبل ما اكمل..
قاطعني محمد
وقالي...
انا شوفت كل الي حصل
وعلي فكرة
انا الي ساعدتك عشان تقتلية
فسالتة
وانا مزهولة من كلامة
وقلت..
هو انت الي قطعت النور؟
فا هز راسة
وقال..ايوه
البني ادم ده.. كان مجرم و سافل
و يستاهل اكتر من القتل
قلت...
اسمع يا محمد
انا في حاجات كتير كنت مخبياها عليك
ولازم اقولهالك
فا رد محمد
وقالي..
مهما كنتي...
ومهما عملتي ايه
فا صدقيني انا مش هيفرق معايا
قلت..
بس انا دلوقتي عايزة اقولك حقيقتي كلها
بس ارجوك متقاطعنيش
وفعلا..
سكت محمد وسمعني
وانا بسردلة ...قصتي كلها
من يوم ما امي
نزلت من القطر....
وسابتني مع الحاجة..
ومرورا بمقابلتي بفريال
الي ورطتني بجريمة قتل عزة
وقلتلة.. ان فريال مسكت عليا اعتراف عزة
باني انا الي قتلتها...
وشرحتلة كمان السبب
الي ادي لجريمة القتل الجديدة
الي راح فيها عنتر
وبعدما محمد سمع قصتي كلها
بصلي بمكر
وسالني
وقالي...
يعني مكنش فيه لعنة؟
ولا مية مغلية اتدلقت في الحمام
منغير ما تقولي دستور؟
قلت...ايوه
وفي اللخظة دي
سالتة
وقلت...
ومفروض انا اعرف منك دلوقتي
انت ليه اكدتلي علي الرواية الي انا اخترعتهالك
من دماغي
فا ابتسم محمد
وقالي..
انا قولت اسرح بيكي
زي ما كنتي بتسرحي بيا
قلت...طيب والحقيقة ايه؟
انت وصلتلي ازاي؟
وفضلت اترجي في محمد
واقولة..
نفسي دلوقتي اعرف انت ايه حقيقتك؟
زي ما عرفتك حقيقتي
فا رد محمد
وقالي..
بصراحة انا اتفتنت بيكي
من خلال المراية
قلت..مراية ايه؟
قال...انتي متعرفيش ان ورا كل مراية
فية جن عاشق؟
بيبقي واقف وبيتامل الجميلة الي بتفتنة؟
وانا من ساعة ما شوفت جمالك من خلال المراية
وانا وقعت في غرامك
في اللحظة دي
هرشت في راسي
وقلت..اول مره اسمع عن عفريت فشار
يا خوفي يا بدران
مش عارفة ليه حاسة ...
انك بتسرح بيا دلوقتي كمان
فا ابتسم محمد
وقالي..
لا ...المره دي مش بسرح بيكي ولا حاجة
هي دي الحقيقة فعلا
في اللحظة دي
عيني جت علي الجثة المرمية في الارض
وقلت...طيب قولي بقي انا هعمل ايه
في المصيبة الجديدة
الي حطت عليا دي؟
انا دلوقتي بقيت مدانة ..
في اكتر من جريمة
فارد محمد
وقالي..
الي حصل للراجل المتحرش ده كان لازم يحصل
لانك كنتي بتدافعي عن شرفك
ولو اتكرر الامر
عشرات المرات
وقتلتي عشرات الرجال
الي من نفس النوعية
كنت بردوا هقف في صفك
واقولك ... انك علي حق
قلت...
لكن ...القتيل جسمة ضخم
هتخلص من جثتة ازاي؟
فا ابتسم محمد
وقالي..
مش عيب يبقي في حياتك عفريت
وتحتاري في مسالة هايفة زي دي؟
قلت..يعني ايه
قال..
يعني تريحي بالك خالص
وانا هتخلص من جثة
المتحرش السافل ده
قلت...انا بجد مش عارفة اشكرك ازاي؟
فا رد محمد
وقالي..متشكرنيش..
ومترغيش كتير
وسيبيني بقي عشان اروح ادفن
جثة
عم حمدي الوزير ده..
قلت..
هتدفنة فين
قال...
هدفنة جنب جثة عزة طبعا
قلت...
هو انت عارف عزة مدفونة فين؟
قال...طبعا عارف
مش عزة مدفونة في المنور برضوا؟
قلت..عرفت ازاي؟
فا رد محمد
وسالني
وقالي...
هو انا بتاع كشري؟
انتي ناسية اني عفريت؟
والمفروض اني بعرف كل حاجة؟
قلت...طيب وبعدما تدفن عنتر؟
هترجع تعيش معايا تاني؟
فا رد محمد باسف
وقال..لا
مبقاش ينفع للاسف
لاني متعاقب ومينفعش اعيش معاكي تاني
قلت..
انت مش وعدتني قبل كده انك مش هتسيبني ابدا؟
قال..منا مش هتخلي عنك
واي وقت هتحتاجيني فيه هتلاقيني جنبك
بس عشان ابقي مطمن عليكي
في حاجة لازم تحصل
قلت..حاجة اية؟
قال..لازم نخلص من فريال
قلت...نخلص منها ازاي؟
قال..لازم نقتلها
قلت..انا مقدرش اقتل فرخة
فا رد محمد
وقالي..
لا...لازم تقتليها يا صباح
لانها لو فضلت عايشة هتفضل كل يوم تضغط عليكي
وهتجيبلك كل يوم عريس جديد
او بمعني اصح
عنتر جديد
وقبل ما ارد عليه...
واقسملة اني مش هقدر اقتل حد
فجاءة
النور اتقطع تاني
فا فضلت انادي علي محمد
عشان اسالة عن سبب قطع النور
لكن محمد مردش عليا
وعلي ما روحت اجيب شمعة من المطبخ ورجعت نورتها
لقيت محمد اختفي
واختفت معاه الجثة
ورجع دماغي يلف
واحتار من تاني
في امر محمد
وسالت نفسي
وقلت..
محمد عايزني اقتل فريال ليه؟
مهو لو كان عفريت كان هيقدر يحميني منها؟
يكونش محمد..
شغال مع البوليس ؟
وبيعمل شوية الحركات دول
عشان يقبض
علي كل الي شغالين في المكتب؟
لا مش معقول
لان من شوية
محمد ساعدني في قتل عنتر
و قالي كمان ...
انه بيشجعني
اني اقتل العشرات من الرجال
ومستعد يدفن معابا الجثث
ده غير انه عايزني اقتل فريال
ومفيش ظابط يعمل كده
يبقي اكيد محمد جن عاشق
لا جن عاشق ايه الي بيدفن الجثث ده
ورجعت اخبط علي دماغي
واسال نفسي
واقول...
في ايه يا صباح
هو انتي شوية تقولي..
محمد بني ادم؟
وشوية تقولي ده جن عاشق؟
طيب اعمل ايه بس؟
مهو محمد ده هيجنني فعلا
لاني مش عارفة ارسالة علي بر
واثناء ما كنت قاعدة ومحتارة...
وعقلي هيشت مني
شوفت حاجة ادام عيني...
خلتني عرفت
محمد يطلع ايه بالظبط
عارفين شوفت اية.....؟
لو عايز باقي احداث الرواية اعملوا انضمام من هنااااااااااااا
تعليقات
إرسال تعليق