رواية أحببت منتقبه الجزء الأول الفصل الاول 1بقلم ياسر الأنصاري
رواية أحببت منتقبه الجزء الأول الفصل الاول 1بقلم ياسر الأنصاري
( احببت منتقبه )) & الجزء الاول الفصل الاول &
أسمي صهيب عندي ٢٧ سنه اعمل دكتور جامعي في أحد الجامعات المصرية. عائلتي تتكون من ام ( عائشه )
واخت ( هدير ٢٠). واخ ( محمود ٢٤) . ووالدي متوفي من اربع سنين ( جمال ) ...
انا من عائله ميسوره الحال. متحضره. منفتحه ولكن مش بطريقه تخالف الشرع أو الدين.
نبدا ببسم الله. ".
صحيت من النوم الصبح كا العاده نزلت من
اوضتي ...بيتنا مكون من اربع ادوار. شقه ليا ف التاني.
وشقه لمحمود اخويا ف الثالث. وشقه والدتي ف الاول وشقه لأختي ف الرابع بس دي للظروف واهي بتاعتها للزمان لو حبت تتجوز فيها محبتش اهي قاعده
نزلت من الاوضه قابلت والدتي في وشي
صهيب : صباح الفل يا ست الكل
عائشه: صباح الخير يا حبيبي
صهيب: انا هاخد شاور بسرعه تكوني حضرتي الفطار يا
قمر ولا اقولك البت الصغننه دي هي الي تحضره
عائشه: لا يا حبيبي هي لسا نايمه هروح اصحيها وعلي ما تاخد الشاور بتاعك هكون حضرتلك الفطار
صهيب : ماشي يا قمر مهي اخر العنقود بقي
عائشه: طبعا دي سكر معقود دي
ضحكو مع بعض وصهيب دخل ياخد الشاور بتاعه وعائشه صحت محمود وهدير
صهيب خرج من الحمام والفوطه علي كتفه ودخل كان الفطار ع التربيزه
صهيب : يا اهل البيت هفطر لوحدي ولا ايه بس لو خلص الفول انا مش مسئول يا جدعان
محمود بيضحك: بتقول حاجه يا صهيب مش سامعك يا حبيبي
صهيب بضحك : حبيبي كنت بقول يلا يا جماعه مفيش لقمه بتتبلع من غيركم
هدير: ايوا كدا اتعدل
صهيب بغضب : طب قولي صباح الخير الاول
هدير بحب : صباح العسل يا ناس
صهيب : اه لو كان كدا ماشي صباح الفل يا روحي
عائشه بضحك : عرفت تبلفك بكلمتين
صهيب : مبعرفش اقف قصادها خالص البت دي يا امي
عائشه بابتسامه : ربنا يخليكم لبعض يارب
محمود انا اتاخرت ع الشغل هطلع البس بسرعه ( محمود بيشتغل ضابط شرطة في جهاز المباحث )
هدير . وانا كمان اتاخرت ع الكليه هقوم انا بقي ( هدير ف كلية طب بيطري )
صهيب بضحك . يعني أنا الصايع الي فيكم وانا كمان هقوم
عائشه. يا حبيبي خليك لسا بدري دول وراهم مواعيد بدري انتا بقي عندك ايه
صهيب بضحك . ورايا محاضره أولي يا امي
عائشه. لا لو كدا اتفضل من غير مطرود
ضحكو هما الاتنين وطلع لبس كان لابس قميص وعليه جاكيت اسود وبنطلون جينز اسود حاجه هاديه كدا وشيك خالص في نفسه
واتحرك ركب عربيته وعلي الجامعه عدل
اول لما وصل الكليه الأمن بتاعها فتحله الباب
صهيب بابتسامه . صباح الفل يا راجل يا طيب
عم محمد . صباح السعاده يا دكتور نهارك ابيض
وابتسمو لبعض وصهيب دخل ركن عربيته ونزل منها كان لسا العام الدراسي ف بدايته
صهيب دخل مكتبه وشرب قهوته وجيه معاد المحاضره
دخل المدرج وفجاه كل الهيصه والرغي والكلام قلب سكوت
صهيب عليه هيبه كدا مش عاديه ونظرات كفيله تخليك في نص هدومك بدون ما ينطق حرف دا غير جسمه الرياضي من الاخر كدا جنتل وكاريزما
صهيب : صباح الخير يا دكاتره واتك ع كلمه دكاتره من باب جلد الذات ليهم أنهم المفروض ناس كبار يعني اينعم فرقه أولي (طب )بس بردو مش صغيرين
صهيب . طبعا النهارده مش يوم شرح خالص النهارده هعرفكم بنفسي واتعرف عليكم
انا اسمي دكتور صهيب جمال هدرسلكم ماده (_ )
واتمني نقضي وقت خفيف ولطيف وظريف مع بعض ونستفاد من وجودنا هنا .. وكمل صهيب.
انا هنا الدكتور بتاعك بس معنديش مانع اكون اخ كبير ليك وليها بس طبعا دا بمقابل وضحك. بس مش مادي متقلقوش. المقابل احترامك للشخص إللي قدامك ولذاتك والتقدير يكون ليه مكان بينا .. تمام يا جماعه
المدرج كله بصوته العالي . تمام يا دكتوررر
كان عدد المدرج مش كبير اوووي يعني وفي فرصه يعرف اسميهم نزل مايك مع حد من الطلبه وبدأ المايك يلف عليهم واحد واحد يعرف نفسه وصهيب قاعد مستمتع
فجاه المايك وقف عند بنت ( منتقبه ) ومتردده تعرف نفسها
صهيب . انا عارف اني اول يوم في حياتك الجامعيه ليه رهبه كبيره بس مش لدرجه انك تنسي اسمك يعني وضحك
البنت . صمت تام
صهيب . يا دكتوره اسم حضرتك ايه ؟
البنت. انا انا انا اسفه حضرتك بس مش مضطره لده
صهيب مش فاهم كلامها ووقف من مكانه . مش ايه مش مضطره ؟
البنت. ايواه يا دكتور
صهيب ابتسم . طيب ممكن اعرف ليه ؟
البنت. والله المفروض اني صوت المرأة عوره وحضرتك جبرتني اني اتكلم دلوقتي وانا مش حابه دا
صهيب ضحك . طيب بصي أو بصو يا جماعه هحاول اشرح حاجه ع السريع كدا. اولا انا مش شيخ ومش من علماء الفقه . بس ع الأقل عندي عقل والعقل دا بيقولي اني حتي لو صوت المراه عوره في حاجه اسمها للضروره احكام. فهمتي يا دكتوره يعني احنا هنا مش في قعده كازينو أو ع كورنيش احنا في حرم جامعه وكله هنا بيتم با الاحترام وتحت بند الاحترام المتبادل والدين
ها بقي اسم حضرتك ايه ؟
البنت بعدم اقتناع . الزهراء
صهيب وقف في صمت تام وسرح في ملكوت الله لمجرد الاسم بس وفجاه فاق من زهوله دا لقيها لسا واقفه
صهيب بابتسامه . اتفضلي يا دكتوره
قعدت وهو كمل تعارف علي باقي الطلبه وفجاه المايك وقف عند بنت كلمه متبرجه قليله عليها الشعر واللبس ضيق جدا عليها وفي فتحه تحت رقبتها وحاجه يشمئز الإنسان منها
صهيب . اسمك ايه يا دكتوره
البنت. نونا
صهيب بغضب . نعم بقول اسمك مش دلعك
البنت بضحكه . نادين
صهيب . بصي يا نادين طبعا كل انسان مسئول عن تصرفاته اكله لبسه صح ؟
نادين بابتسامه. طبعا يا دكتور
صهيب بغضب . انتي صدقتي ولا ايه. لو شوفتك باللبس دا تاني هيكون لينا كلام تاني هيزعلك ومش عارف ازاي عديتي من الأمن با الهيئه دي اصلا. مفهوم
نادين. بس يا دكتور ...
صهيب . مبسش وكلامي واضح
نادين. حاضر يا دكتور
قعد مكانه وبدأ يقراة في حاجه كدا ويتناقش مع طلبته وفي نفس الوقت الزهراء مبسوطه جدا من الي عمله مع نادين لأنها من اول لما شافتها كانت نفسها تقولها الي قاله بس للاسف بصفتها ايه ؟ طالبه زيها
المحاضره خلصت وصهيب اتحرك من مكانه وفجاه عينه جات ع الزهراء هو عاوز يكلمها بس مش لاقي مبرر لداه وليه اصلا عاوز يكلمها وبعد حرب بين عقله وقلبه كانت هي قربت شويه من قدامه
صهيب . معلش بقي يا دكتوره بس صدقيني انا مش قصدي اجبرك ع حاجه وحبيت اعرفك حاجه ممكن تكوني مش واخده بالك منها
الزهراء بضيقه . لا ع فكره يا دوك انا عارفه الي حضرتك قولته كويس بس بردو مش مقتنعه لانك زي ما قولت دا تعارف يعني مش شي اساسي خالص
صهيب بصلها. طيب ولو ف يوم لقيت مثلا حضورك معايا وتميزك عن زمايلك وحبيت اكأفك بدرجات هعمل ايه ؟
الزهراء ؟ صمت تام
صهيب بابتسامه . شوفتي بقي وع العموم حصل خير واتحرك من قدامها
مشيت الزهراء بابتسامه منها واستغلت أنه ادالها ضهره وسمحت لنفسها تبصله لأنها شبه مشفتوش خالص وطول الوقت عينها ف الأرض .. فجاه بعد ما بصتله من ضهره ابتسمت. وخرجت وهو كان خرج
صهيب دخل مكتبه .
صهيب. السلام عليكم ورحمه الله وبركاته.عاملين ايه يا دكاتره
. دكتور محمد بابتسامه . وعليكم السلام ورحمه الله وبركاته. بخير والحمد لله
دكتور وليد . وعليكم السلام. ما شاء الله عليك صوتك كان ملعلع في الكليه (وضحك)
صهيب بضحك . بعض ما عندكم يا دوك
دكتور محمد . قولي صحيح ايه حكايه البنت المتبرجه دي
صهيب . واحده مشافتش بربع جنيه تربيه. استغفرالله العظيم خليني ساكت يا دكتور محمد
دكتور محمد بضحك . بس انتا قومت با الواجب ودا المهم
ضحكو كلهم وقطع كلامهم دخول فرد الأمن
فرد الأمن. دكتور صهيب سياده العميد عاوزك
صهيب . حاضر يا عم سعد
وقف وراحله يشوف عاوز ايه .اول لما دخل
صهيب. السلام عليكم
عميد الكلية. وعليكم السلام ورحمه الله وبركاته
صهيب . عم سعد قالي انك عاوزني يا دوك خير
عميد الكلية. خير ان شاء الله. بص يا صهيب انا من مكتبي هنا سامع صوتك وانتا بتتكلم وبعديها البنت جاتلي هنا
صهيب . جاتلك هنا ؟
عميد الكليه . با الضبط كدا وبعدين البنت دي ابوها حد كبير في البلد دي فا بالله عليك يا دكتور خلينا بعيد عنها هي الي هتتحاسب مش احنا
صهيب بضحك . مهو لو كل واحد مننا طمن نفسه با الكلمتين دول اني حسابها مع ربها وحسابه مع ربه كدا تبقي باظت يا سياده العميد
عميد الكليه. وبردو انتا مش مطالب انك تغير كل الي ع الأرض يا صهيب يبني
صهيب . انا مقولتش اني هغير كل الي ع الأرض بس ع الأقل مش هسمح للي يجي قدامي
عميد الكليه. بس يا صهيب ...
صهيب. سياده العميد ريح نفسك انا قولت كلمتي للبنت دي ومش هرجع فيها مش من باب العند بس من باب اني دا الصح ..بعد اذنك يا دكتور
وسابه ومشي
عند الزهراء وزمايلها .
فاطمه . يلا بينا يا بنات نفطر
رحمه بضحك . اؤيد الرأي وبشده
الزهراء . علي طول همكم ع بطنكم كدا لسا بدري يا بنات
رحمه . بدري من عمرك يلا بينا بقي
لسا الزهراء هتعترض كانو مسكو أيدها ومشيو ناحيه البوفيه
فاطمه . بس بقولكم ايه الدكتور بتاع الصبح دا خلاني متكيفه ع الاخر من الي عمله مع البنت دي
رحمه . اه والله كنت عاوزه اقولك بارك الله فيك انتا عملت الي كلنا نفسنا فيه ولا ايه رايك يا الزهراء
الزهراء . صمت تام وبتفكر في كل احداث المحاضره
فاطمه . انتي يا بنتي ؟
الزهراء . هااا بتقولو حاجه !
رحمه بضحك .. لا لا لا خالص ايه اي واخد عقلك كدا يا بنتي
الزهراء. مفيش حاجه
رحمه بضحك . علينا احنا بردو
الزهراء. متبقوش منبع رخامه بقي قولت مفيش حاجه ومشيت قدامهم
فاطمه بضحك . اقطع دراعي
تكملة الروايه اضغط هناااااااا
تعليقات
إرسال تعليق