رواية فتاة على الرصيف الفصل الثاني 2بقلم اسماعيل موسي
رواية فتاة على الرصيف الفصل الثاني 2بقلم اسماعيل موسي
#فتاه_على_الرصيف
بارت ٢
مكنش معايا فلوس كفايه، قلت طيب استنيني هنا اجيب فلوس
بعدها نشوفلك اوضه او شقه تقعدي فيها لحد ما تدبري حالك
البنت اترعشت قالت خايفه يرجعو تاني انا اتعذبت
قلتلها متخفيش، انتي هنا وسط الناس لو حسيتي بحاجه صرخي
متسبنيش انا خايفه حاسه روحي هتطلع، لاحظت ان هدومها الدم بداء يظهر عليها كانت بتنزف
قلتلها لازم نتحرك من هنا، بعد ما مشينا بصيت ورايا لقيت الرصيف كله دم.
قلتلها جعانه؟
قالت لا
بس كان باين عليها انها هتقع من طولها
اشتريت فطيرتين خدت واحده وان واحده، قلتلها خطفوكي ازاي؟
قالت انا لي يومين بتعذب، انا مخطوفه من تلت ايام
قلت ياولاد الكل......
خدتها علي حمام عمومي غسلت نفسها والدم وانا كمان غسلت نفسي
قالت انا عايزه مقص
قلتلها هتعملي ايه؟
هات مقص من فضلك محتاجها؟
هتقتلي نفسك سألتها
قالت بحزن انا جبانه، لو هقتل نفسي كنت قتلتها قبل ما شرفي يروح
قبل ما يغتصبوني
اشتريت مقص حطته في ايدها وسكتت، كانت بدأت تهدي شويه
قلتلها اقعدي في القهوه دي نص ساعه اجيب فلوس وارجعلك
قالت متتأخرش
قلت حاضر
وصيت صاحب القهوه عليها ومشيت
بعد ما مشيت البنت دخلت الحمام، قصت شعرها كله واترجت صاحب القهوه يديها جلابيه من عنده، قالت لما يجي صاحبي هيدفعلك الفلوس.
لما حكيت لوالدتي على الي حصل مقلتش نروح للمستشفي نخبط جرحك، لا قالت سبت البنت فين!؟
قلت في المكان الي فلاني، غيرت هدومها وقالت تعالي معايا لازم نجيبها قبل ما تعمل في نفسها حاجه
غيرتي قميصي، ربطت الجرح عشان مينزفش وخدنا تاكسي بسرعه للقهوه.
بعد ما البنت خدت الجلابيه من الراجل، لبستها في الحمام، كانت حلقت شعرها وكان جسمها نحيل، الي يشوفها يقول شاب او راجل مسن
يدوبك خرجت من القهوه كان فيه بوكس واقف بيلم الشباب
امين الشرطه شافها ماشيه
قال، تعال انت هنا، اركب البوكس
البنت لقيته بيكلمها كأنها ولد، ارتبكت، كانت خايفه اصلا، كانت هتقله انا بنت، لكن كانت هتتعرض لسين وجيم، مكنش معاها بطاقه
امين الشرطه مسكها من قفاها، زقها فى البوكس
تكملة الروايه اضغط هناااااااا
متابعه من هنااااااا ليصلكم اشعار بالنشر فورا
الرواية كامله من👈( رواية فتاة على الرصيف)
اضغط على اسم الروايه ☝️☝️☝️
تعليقات
إرسال تعليق