رواية أسيره ظلامي الجزء الثاني البارت الثالث والرابع 3_4بقلم رنا احمد عماد بقلم
رواية أسيره ظلامي الجزء الثاني البارت الثالث والرابع 3_4بقلم رنا احمد عماد بقلم
احفاد الاسيوطي ❤️❤️❤️.
اسيره ظلامي 2 👌👌👌.
رنا احمد عماد ✍️✍️✍️✍️.
بارت 4/3..
في هولندا .
في الاوتيل..
كان يقف جاسر بغيظ شديد مما يحدث .
/عجبك كده خليتي الحمار ده يقول كده اخلصي انتي جايه عايزه ايه.
سما وهي تتضع يديها علي عيناها بخجل شديد/ايه ده انت واقف كده ليه .
جاسر بغيظ وسخريه /ي سلام انتي لسه واحده بالك اني واقف كده وبعدين مش محتاجه كسوف احنا زي بعض عادي .
سما بغيظ شديد/انت مفيش فايده فيك في لسانك ده .
سيف بابتسامه وغمزه /ايوه ايوه قوله اي كلام علشان تتادروا علي جريمتكم هتروحوا من ربنا فين .
جاسر بغيظ /جرا ايه ي اخويا انت جيت لقيتنا في وضع كده ولا كده .
سيف بغمزه وخبث/لا ي شيخ ي عني سعادتك بالشورت بس والهانم بقميص النوم هو فيه اكتر من كده .
سما بخوف شديد/بقولكم ايه دلوقتي انتوا لازم تنقذوني .
جاسر بحده /الكلب ده اتعرضلك ولا ايه.
سما باستغراب /هو انت تعرفه ولا ايه.
جاسر بحده وهو يسرع الي الداخل ليرتدي ملابسه وهو يمسك مسدسه /خليكي ورانا يلا ي سيف .
في غرفه سما ...
كان يسير جاسر بترقب وهو ينظر بحذر ليتحدث بهمس .
/هو فين .
سما باستغراب وهمس /تحت الدولاب .
جاسر وهو ينظر إليها بترقب وهمس /هيدخل تحت الدولاب ازي مش فاهم .
سما باستغراب شديد /الله مش فار .
سيف برعب شديد وهو يقفز فوق السرير /ايه فار ي نهار اسود انا بخاف منهم اوي .
سما بغيظ شديد/احييييه جبتك ي عبد المعين تعيني اتصرف ي جاسر .
جاسر وهو يشهر سلاحه أمامهم بغضب /انا فعلا هتصرف واخلص عليكم دلوقتي ي شويه غجر جيبانا وعامله كل الزيطه دي علشان فار ي عره الستات .
سما بغيظ شديد/وبعدين بقا علي العموم واضح أنه مشي اتفضلوا يلا مع السلامه خلينا ننام في يومكم ده .
جاسر بغيظ وتوعد وهو يسير للخارج /اخلص بس من المهمه دي وابقوا قابلوني لو حد فيكم كمل في الشغلانه دي .
سيف بخوف /خودني معاك ي جاسر .
سما بغيظ/جبناء .
*****************.
في جناح جاسر وسيف .
سيف بضحك /ههههه والله البت سما دي خلت المهمه دي ليها طعم كده .
جاسر بغيظ /دي متخلفه انا مش عارف اذي اللواء محمد واثق فيها في مهمه كبيره زي دي .
سيف بنظره خبيثه/بس سيبك انت من الكلام ده ايه الي جراك بلهفه كده لما حسيت بأن فيه خطر عليها .
جاسر بجديه /افتكرت أن الدميري قفشنا وحاول ياذيها .
سيف بنظره خبيثه/بس الي شوفته بيجري يقبض علي مجرم بالطريقه دي مش جاسر الاسيوطي الي بيعمل حساب كل خطوه وكل خطأ.
جاسر وهو يرقص الفكره بشده /انت دماغك ضربت نام نام بكره ورانا شغل كتير .
سيف بابتسامه/هنام ي جاسر تصبح علي خير ي صاحبي .
كان يحاول أن يغفا لكن كلمات سيف بالشظايا التي تقتحم قلبه هل بالفعل كان يخشا عليها من اي إذا كان عقله يفكر بلا رحمه ليطرد هذه الفكره ويغفا سريعا .
*****************.
في جنينه فيلا الاسيوطي ..
كان يجلس حسن بشرود وهو يفكر في تلك المقابله مع تلك الفتاه.
فلاش باك ..
في عماره همس ..
كان يصعد حسن الي الاعلي ليطرق الباب وهو متوقع أنها تسكن في الدور الاخير لتفتح إليه سيده .
/خير ي افندي .
حسن بجديه /مش دي شقه همس .
السيده بسخريه /اه همس بقا انت عايز البت الراقصه طب متروحلها الكباريه ي اخويا دي بت سهله ومتاحه لاي حد بس انت شكلك ابن ناس ي باشا ايه الي دخلك السكه دي .
حسن بحده /جرا ايه ي ست انتي هو كان سؤال وبعدين اتقي الله قبل ماتتهمي الناس بالباطل فيه همس .
السيده بغيظ /خلاص ي اخويا متزعلش انا الي غلطانه هي فوق ي اخويا في السطوح .
*******.
في السطوح .
كانت تجلس همس وهي تتطعم اختها نور ليسير حسن بغضب شديد.
/نفسي اعرف ايه الي جبرك تشتغلي الشغلانه الحرام دي وكل من هب ودب يخوض في سمعتك وشرفك اديني مبرر واحد للي بتعمليه ده .
همس بابتسامه باهته /علشان الي انت شايفه ده ي دكتور علشان اختي الي عايزه علاج علشان نقدر ناكل لقمه من غير مهانه ولا ذل .
حسن بغضب /انتي شايفه كده شايفه انك مش بتفرتي في شرفك لما ما بتعملي كده اسمعي انا مستعد اصرف عليكي انتي واختك بس تسيبي الشغلانه دي خالص .
همس بابتسامه حزينه /انا اسفه ي دكتور بس انا مش هقبل ان انا واختي نكون شفقه وعطف احنا مبنشحتش انا راضيه بالي بعمله وشكرا علي المساعده ي دكتور حسن.
كان أن يسير للخارج لتقع عيناه علي تلك التي تبكي بصوت مكتوم .
همس وهي تحتضنها بحنان /متخافيش ي نور متخافيش ي حبيبتي.
حسن بأسف /انا اسف مقصدتش اخوفك .
همس بدمع ووجع/مش هترد عليك لأنها مبتسمعش فاقده السمع والنطق .
حسن بوجع ومراره علي حالتهم /ربنا يشفيها عن اذنكم .
********.
ليفيق من شروده علي يد والده.
عدي بابتسامه/ايه ي حبيبي سرحان في ايه .
حسن وهو يقبل يده باحترام/مفيش حاجه ي بابا بس لو سمحت كنت عايز من حضرتك خدمه فيه بنت ظروفها صعبه متمني من حضرتك انك تشغلها عند اونكل معتزفي الشركه ومعلش لو ناقصها اي حاجه خليه يصبر عليها.
عدي بنظره خبيثه/وماله بس من امتا الدكتور حسن بيتوسط ل بنت مهما كانت .
حسن بابتسامه /لأنها تستاهل المساعده بجد ي بابا .
عدي وهو يربت علي كتفه بحنان /طب يلا ندخل جوه الدنيا برد .
في الداخل ...
كانوا يجلسون جميعهم بضحك ليسير إليهم يوسف بابتسامه.
/السلام عليكم.
الجميع بابتسامه /وعليكم السلام.
يوسف بجديه /جهزوا نفسكم علشان هنروح النهارده نتطلب بنت الجواز .
لينظروا الي بعضهم بصدمه ليقترب منه ادهم باستغراب .
/انت سخن ولا ايه.
يوسف بابتسامه /لا ي عمي انا مش بهزر .
حسن بصراخ وعيظ /انت عايز تشلنا ي ابني تتجوز ايه ده انت بتنشف فتله الشاي خمسين مره ده البلدله الي لباسها دي من قبل جدي جدك وتقولي اتجوز .
معتز باستغراب/متفهمنا ايه الموضوع ده ي ابني .
يوسف باستغراب /فيه ايه ي جماعه مالكم.
عز بصراخ وعيظ /هو ايه الي مالنا ي ابني الجواز ده عايز مصاريف وانت بتخاف علي القرش هتتجوز ازي فهمني .
ادهم بجديه /ماتتكلم يالا هتجيب فلوس الجواز منين ده الموضوع عاوز شبكه ولبس وهم اد كده هتتدفع تمن كل ده .
يوسف بجديه/انا ادفع فلوس لا طبعا الشبكه هجبلها حاجات بقيمه خمسين جنيه واللبس امي عندها لبس صغر عليها تاخدوه ولا هي فلوس علي الفاضي .
ادهم بغيظ شديد/طب والكوافير والفستان .
عز بصراخ ومرح /لا دي عندي انا ي حاج دي ناخدها لعمي سعد النقاش ياخدها وشين الوش يقف علينا بخمسين جنيه .
ادهما بقله حيله /ارحمني منهم يارب .
يوسف بابتسامه/طب جاي معايا ي بابا .
معتز بغيظ /لا طبعا ي اخويا انا مش ناقص فضائح .
يوسف بابتسامه/طب عمي ادهم .
ادهم بغيظ /لا ي اخويا انا مش فاضي وبعدين انا عندي السكر ومس هستحمل .
يوسف بابتسامه/طبعا حسن اخويا حبيبي .
حسن بتجاهل /ولا يعرفك ي اخويا سلام .
عز بغيظ /ايه الطناش ده ي جدعان انا جاي معاك انا ي يوسف ده انت ابن عمي حبيبي .
ادهم وهو يكتم ضحكاته بصعوبه/ربنا معاكم لو الراجل خلص عليكم ملناش دعوه .
*************.
في شقه عم جابر ..
كانوا يجلسون جميعهم بابتسامه ليتحدث عز ب مرح وغيظ .
/بقولك ايه ي حاج جابر قبل مانتكلم احنا شبكه مبنجبش مهر مبندفعش الفاتحه مش حافظينها .
جابر بضحك /ههههه دمك زي العسل ي واد ي عز اتكلم ي يوسف ي ابني .
شربات بدلع ودلال/كل طلباتنا مجابه ي أبا ده يوسف بيموت فيا مش كده ي حبببي .
فرحه اختها بضحك /ههههه وانا هتجوز العسل التاني ده ي ابوي .
عز بابتسامه وغمزه /والله انتي الي عسل .
يوسف بابتسامه/نتكلم بقا ي عمي في المهم .
بعد فتره .
كانوا يجلسون وهم ينظرون إليه بترقب لينفجر بهم بغضب وجنون من ذلك الشخص البخيل .
/بقولك ايه ياض انت وهو ي تمشوا كده من سكات ياما هقطع من لحمكم نساير نساير .
عز بارتباك شديد/جرا ايه ي عمي الكلام اخد وعطا مش كده الراجل قالك هيجيب ب خمسين جنيه دهب وهيودي بنتك عند كوافير ام بطه دي مشاء الله بتطلع الواحده ولا سوكه العبيطه وبتاخد 30 جنيه ي عني مش قليل وهيعملها فرحها في اوضه الواد عبده ي عني جوازه متكلفه .
يوسف بغيظ /قوله ي عز هو الفلوس بتيجي بالساهل ده جوازه واقعه علي الواحد بالخساره .
شربات وهي تمسكه بغيظ /خساره بقولك ايه يالا خود ابن عمك الي شبه الكتكوت وغورا من هنا بدل ماولع فيكم.
يوسف بغيظ شديد/بقا كده بعد كل الي هدفعه ده علشانك ده انتي بت ناكره للجميل.
عز بغيظ /ده انتوا عالم معفنه الا لما جبتوا حته جاتوه حته اشحال لو مكنش يوسف جيبالكم دسته من الغاليه .
شربات وهي تتدفع العلبه في وجههم /خود الجاتوه ي ابو جاتوه ده حته جاتوه واحده وحته شيكولاته واحده ي نتن ي معفن .
عز بصدمه /وحته الشكولاته دي لازمتها ايه ي يوسف .
يوسف بغيظ شديد/شوفت ي عز قولها علشان تعرف انا مشترياها ازي وحته الجاتوه كفايه ده لولا الراجل بقالي جنيه من الخمسه مكنتش جبتها ده انا جايبلك حته جاتوه من ام اربعه جنيه ي شربات .
شربات بصراخ وجنون من ذلك البخيل /يلهوووووي قسما بالله مهتتطلعوا من هنا الا لما نعمل معاكم الواجب .
جابر بغضب /واد ي سعيد تعال هنا .
عز بغيظ /لا بقا انتوا فاكرنا ايه هفا ملناش حد ده انتوا هتلاقوا جيش داخل دلوقتي بس اصبروا ايو ي بابا الراجل الي اسمه جابر ده مش ناوي يجبها .
ادهم بغضب مصتنع /ازي ي عني خليني أكلمه .
عز بغرور وثبات /خد علشان تعرف انت بتتكلم مع مين.
ادهم بخبث ومكر/بقولك ايه ي معلم العيال دول صيع وأخلاقهم فاسده قوم معاهم بالواجب .
عز بصدمه /بتبعنا ي ادهم .
معتز بضحك /هههههه بس لو سمحت ي معلم تعرفنا هتتدفنهم فين علشان نزورهم دول من العائله برضه سلام .
يوسف بغيظ شديد/شوفت ابوك .
عز بغيظ / ولا ابوك ماهم اخوات انا قولتلك احنا خسارة في العائله دي فينك ي جاسر ي اخويا .
جابر بغضب /بقولك ايه ي واد ي سعيد امسك العيلين دول واحبسهم مع الفراخ واقول للناس أن احنا غيرنا النشاط هنبيع النهارده لحمه عجلين سقع.
عز بغيظ شديد/عجلين مين ي راجل أنت ده احنا كل واحد فينا 65 كيلوا لا ي اخ سعيد قولهم عندنا عضم انا ميرضنيش أن سمعه المعلم جابر تتضرب في السوق .
يوسف بغيظ شديد/بقولك ايه ي راجل أنت لماها احسالك .
فرحه بضحك /هههههه مع السلامه ي عز .
*****************.
في مستشفي .
مليكه ...
كانت تجلس في مكتبها تتابع بعض الحالات لتسير إليها نفيسه بابتسامه .
/دكتوره مليكه المريض فاق .
مليكه بارتباك شديد/ربنا يستر .
في غرفه سليم ...
كان يجلس علي سريره وهو ينظر أمامه بشرود فقد انتهت حياته وشوهت .
مليكه بابتسامه/صباح الخير حمد لله على سلامتك .
سليم بتعب وهمس /الله يسلمك ي دكتوره انا خلاص كده هعيش طول عمري مشوه مش كده .
مليكه بابتسامه حنونه /متقولش كده أن شاء الله ربنا عنده كتير اوعا تياس انت لسه العمر قدامك وسواء كده او كده محدش عارف الخير فين .
سليم بابتسامه باهته /ونعم بالله ي دكتوره.
مليكه بابتسامه/ممكن بقا حضرتك تأكل علشان ناخد الادويه .
سليم بابتسامه متعبه /ممكن بس تأكلي معايا انا بحب حد يفتح نفسي علي الاكل .
مليكه بابتسامه/تمام ي سيدي هقعد اكل معاك وتحكيلي شويه عن نفسك .
***************.
في هولندا ..
في جناح سما..
كان يسير جاسر وسيف بصدمه من تلك الرائحه لينصدموا .
جاسر بصدمه /ايه ده فول وطعميه وفلافل ي نهار اسود انتي فاكره نفسك فين مافي فطار هيجي دلوقتي .
سما وهي تتضع الطعام علي المائده /ي راجل بلا وجع دماغ هو ده اكل ده احنا داخلين علي مهمه محتاجين حاجه تقوينا يلا بسم الله.
سيف وهو يجلس بابتسامه /والله الرائحه جوعت الواحد تسلم ايدك ي سمسم بس ي خساره جاسر مبيحبش الطعميه.
سما وهي تمسك يديه بطلقائيه /لا علشان خاطري اقعد كل الاكل مالوش طعم من غيرك احمم قصدي اللمه حلوه.
ليجلس جاسر وهو يشرع وياكل في الطعام بنهم فحقا كانت لديها في صنعه سحرها الخاص .
جاسر بابتسامه ساحره/تسلم ايدك فعلا الاكل حلو اوي .
سما بابتسامه /الف هنا وشفاء نعمل بقا كبتين شاي نحبس بيهم .
سيف بابتسامه/هو ده الكلام .
جاسر بغيظ /مش وقته ي اخويا انت ننزل تراقب فيلا الدميري كويس عايزين نخلص من رأس الحيه ده قبل ماندخل علي ولاده .
سيف بغيظ شديد/ربنا علي المفتري حاضر سلام .
سما بارتباك وخوف /انا خايفه ي جاسر .
جاسر بابتسامه حنونه /متخافيش انتي في حمايتي مسؤؤله مني حياتك مهمه اوي عندي .
سما بدمع ووجع/ياه انا عمري ما حياتي كانت مهمه عند اي حد انا عشت حياه صعبه اوي ي جاسر .
جاسر وهو يمسك يدها بحنان/اعتبري انك لقتيه ي سما وانسي كل الصعب الي عيشتيه .
سما بابتسامه وسعاده /انا عايزه اروح جنينه الاسماك الي هنا بيقوله عليها تحفه ي جاسر .
جاسر بابتسامه/شكلنا كده داخلين علي ايام عنب يلا بينا .
*****************.
في جنينه الاسماك ...
كانت تسير سما وهي تمسك ذراع جاسر بسعاده .
/شوف السمك حلو ازي ي جاسر .
جاسر وهو يحدث ذاته بشرود/جرالك ايه ي جاسر ليه اول مادمعت صعبت عليك وكأنها بنتك ايه ي جاسر معقول .
سما باستغراب /جاسر جاسر مالك .
جاسر بانتباه /ابدا مفيش حاجه انتي مبسوطه .
سما بسعاده لا توصف /اوي اوي ي جاسر ربنا يخليك ليا بجد فرحتني .
جاسر بابتسامه/طب يلا نرجع بقا علشان سيف .
سما بسخرية /ي عني هنرضعه ي اخويا بس يلا طلباتك اوامر ي باشا .
***************.
في فيلا طاهر ...
كانوا يجلسون وهم يتحدثون لينفجروا ضاحكين علي مظهرهم والريش يتطاير علي روسهم بفوضويه .
مهاب بضحك /هههههه دول شبه الفراخ بالظبط .
ادهم بضحك/هههههه واضح أن المعلم جابر قام بالواجب دبح وسلخ هههه .
عز بغيظ شديد/اضحكوا اضحكوا طبعا مانتوا خلعتوا وسبتونا هي دي الرجوله برضه.
معتز بابتسامه /والله المعلم جابر ده بيفهم حد غيره كان زمأنه مولع فيكم .
يوسف بغيظ شديد/ي سلام لما هما كده كانوا جابوه حته الجاتوه عالم معفنه .
معتز بسخرية/ي عني ايه الجوازه باظت سبت شربات بتاعتك كده بالساهل .
معتز بغيظ شديد/بلا شربات بلا تمر هندي ده الجواز ده طلع مكلف اوي انا رايح البنك .
عز بجديه /وانا رايح الجامعه .
**************.
في هولندا .
كانوا يسيرون جاسر جاسر وسما الي الاعلي لينصدموا من زعر سيف .
/ايه ده انتوا كنتوا فين شوفتوا المصيبه الدميري اتقتل .
جاسر بصدمه /ايه ......يتتتتتبع .
بارتين اهم تعويض هستنا تعليقاتكم وتفاعلكم الكبير وتوقعاتكم للي جاي دمتم بخير وعافية يارب ❤️❤️❤️.
احفاد الاسيوطي ❤️❤️❤️.
رنا احمد عماد ✍️✍️✍️✍️.
تكملة الروايه اضغط هناااااااا
تعليقات
إرسال تعليق