رواية الحب الضائع ليلي ومراد الفصل الخامس 5بقلم رغد خالد
رواية الحب الضائع ليلي ومراد الفصل الخامس 5بقلم رغد خالد
البارت الخامس .
ليلي بعصبيه:نعم وانت مالك اصلا
كنت ابويا اخويا خطيبي جوزي وانا معرفش عشان تتحكم فيا ولا اكمن انا مليش حبيب ولا غريب ولا قريب تتحكم فيا
مراد باستفزاز:قولت مفيش نزول وبطلى رط يا دراما كوين
ليلي بغيظ:اعااا عيل مستفز
مراد بغضب وهو يرفع عليها السلاح:مين ده اللي عيل ياروح امك
ليلي بتوتر:بهزر ي رمضان اي مبتهزرش واكملت بشجاعه مزيفه وبعدين انت متقدرش تعمل حاجه وراحت استخبت ورا ظهر نسمه
ليلي: تقدر تقولى مش عايز تنزلنى ليه
مراد : ما اهو مش بروح امك كل ما تنزلى بعملي مليون خناقه بسببك
ليلي بعصبية : الله وانا مالى يا لمبي انى حلوه وزى القمر
مراد : طب غورى من وشي مش رايقلك لو مسكتيش هقوم اولع فيكى
نسمه : خلاص يامراد روح وصلها انت وبطلوا خناق زى توم وجيري انا زهقت منكم اوووف
وسابتهم ودخلت اوضتها
ليلى: مراد والنبي لمياء وحشتنى وعايزه اشوفها متبقاش رخم وسيبنى اخرج
مراد : واى المقابل
ليلى بنرفزة : يوووه مستفز والله حاضر ياسيدى هسيبك تسمع الماتش ومش هتفرج على رعب ولا تركى ف وقت ماتشاتك
مراد : ماشي يا اخره صبري يالا قدامى هوصلك
ليلي:حاضر دقيقه هدخل البس
ليلي دخلت لبست كارديجان مخطط ابيض واسود وتحته بيزيك و عليهم طرحه زهري وخرجت لمراد ركبوا العربيه ومشوا
عند لمياء
بقولك يا امى
"نعم ي لمياء
لمياء:انا خارجه
اخوها(عمر):رايحه فين
لمياء:هروح اقابل ليلي
عمر:تمام يلا هوصلك
لمياء:ماشي يلا
ركبوا العربيه ومشوا
عند مراد وليلي
وصلوا المكان اللي اتفقوا انهم يتقابلوا فيه وكان كافيه علي البحر
(ملحوظه هما عايشين في اسكندريه)
قعدوا وليلي طلبت هوت شوكليت ومراد طلب قهوة
مراد:ليلى انا عايز اقولك على حاجه
ليلى: قول
مراد : انا .... قاطعه مجيئ لمياء ليلي قامت وجريت ناحيه لمياء وحضنوا بعض وقعدوا يتنطتوا ويصرخوا ومراد وعمر سلموا على بعض واتعرفوا على بعض وبعدها استاذنوا وسابوا البنات لوحدهم
المهم قعدوا يتكلموا في مواضيع مختلفه لمياء: والله يا ليلى وحشانى جدا ووحشتنى قعدتنا اوى
ليلى: وانتى كمان والله ياروحى
لمياء: بس اى مراد طلع قمر مش زى ما بتحكيلي يعنى انا افتكرته حاجه تانى عشان كل شويه بتقوليلى بتتخانقوا الصراحه ليكى حق انك تعجبي بيه
ليلى : بت اى العبط دا انا مش معجبه بيه ولا حاجه
لمياء : على مين ياختى الكلام دا قري واعترفي
ليلى بخجل : الصراحه انا مش عارفه مشاعرى من ناحيته اى سعات مش بحب ابعد عنه خالص وسعات بكون مش طيقاه بس حتى لو مشاعرى من ناحيته حقيقية مراد عمره ما هيتقبلها
لمياء : ليه بتقولى كدا وهو هيلاقي زيك فين
ليلى بحزن : مراد بحسه معتبرنى زى اخته عشان متربين مع بعض بحس خوفه عليا كانى بنته مش واحده بيحبها وكمان مامته كل ما تجبله سيرة الحب او الجواز بيرفض جدا وبيقول ان الحب مش لواحد زيه
لمياء : لا بس انا حاسه نظرته ليكى مش كدا واكيد الوقت هيثبتلك كدا وعموما فكك دا انتى الف مين يتمناكي
ليلي : حبيبتى تسلميلى دا انتى الى تستاهلى كل خير والله
وقاموا وروحوا بعد ما دفعوا الحساب
بعد عده ايام ...
عند الجد وادم
الجد:جهز حالك عشان هنجيب بت عمك
ادم:ماشي ي جدي
ادم لبس كاجوال بنطلون اسود وتيشرت ابيض وعليه جاكت اسود وطلع لجده ومشوا في طريقهم للاسكندريه
عند مراد
مراد:ماما انا رايح مهمه وممكن اقعد هناك شهر وهمشي بكره الصبح
نسمه بخوف وقلق: اخص عليك يامراد ومتقوليش غير دلوقتى ما تروحش ي مراد انا خايفه ي بني ومش مطمنه
مراد بابتسامه اطمئنان:متخافيش عليا ي امي واكمل بضحك ابنك وحش ومايتخفش عليه ولا انتي نسيتي ان دا لقبي في المخابرات
ليلى : ابقي خلى بالك من نفسك يا مراد
مراد: متقلقيش انا عايزاك بس ف الايام الى مش موجود فيها تبقي قويه و ب ١٠٠ راجل فاهمه وتخلى بالك من نفسك ومن امى وكمان متنسيش انى ..
فجأة سمعوا صوت خبط على الباب
نسمه : غريبه مين جاى دلوقتى
فتح مراد الباب ولقي لمياء وعمر
مراد : اهلا وسهلا اتفضلوا ياليلى تعالى شوفى صحبتك
ليلى بفرحه : ازيك يا لوما نورتينى والله اتفضلوا
وقعدوا كلهم ف الصالون بعد ما ضيفتهم نسمه وليلى العصير
عمر : الصراحة يا حضرة الظابط انا يشرفنى انى اطلب ايد اختك الانسه ليلي
مراد بغضب : نعم طالب ايد مين يا حيلتها
عمر باستغراب: هو انا قولت حاجه غلط
ليلي ف سرها : جالك الموت يا تارك الصلاه
مراد بغل وعصبية : قولت حاجه غلط دا انت كل كلامك غلط مراد هو يشمر عن قميصه يستعد لضربه
نسمه : ياحبيبي ليلى مش اخت مراد انت فاهم غلط ليلى زى بنتى بس هى بنت المرحومه صحبتى
مراد : وهو يتمالك اعصابه انا مش همد ايدى عليك عشان انت متعرفش وعشان انت برضو ف بيتى
عمر : حضرتك اتكلم باسلوب احسن من كدا برضو مش فاهم سواء اختك او لا ما عادى اطلب ايدها هو حرام يعنى
مراد بكل غل ضربه بوكس من قوته شفايف عمر جابت دم
مراد : لا دا انت تستاهل تضرب بقا هو البعيد مبيفهمش معندناش بنات للجواز
عمر بالم وعصبيه وهو يمسح الدم من على شفتاه : انا مش هرد عليك عشان انا محترم واحسن منك يالا يا لمياء انا ميشرفنيش انى اقعد ف البيت دا دقيقه ولولا انى عارف اخلاق الانسه ليلى كنت منعتك عنها
ليلى بحزن : انا اسفه يا لمياء واسفه جدا يا استاذ عمر على الى حصل
لمياء بزعل : عادى يا ليلى انتى ملكيش ذنب
ومشيوا وسابوهم
ليلى بحزن وبكاء : انت اى يا بنى ادم معندكش دم فى حد يعامل حد كدا اى البعيد مبيحسش
مراد بعصبيه : ومالك ياست هانم زعلانه عليه ليه كدا ولا انتى بتحبيه
ليلي بعصبيه : حرفيا انت لا تطاق ومينفعش النقاش معاك وسابته ودخلت اوضتها
نسمه : مينفعش الى انت عملته دا يا مراد دايما مخلى عصبيتك متحكمه فيك ودا غلط الشاب مغلطش
مراد بخنقه وضيق ان ليلى عيطت بسببه: انا اسف يا امى لما بتعصب مبشوفش قدامى لما ارجع هبقي اصلح كل دا ان شاء الله
نسمه بخبث : وبعدين اى مضايقك اوى كدا ما اهى مسيرها ف يوم هتتجوز
مراد بعصبيه وخوف : لا مش هتتجوز ليلى لسه صغيره
نسمه : ياحبيبي ليلى كبرت راجع نفسك انت بس قبل ما تضيع منك وسابته ودخلت اوضتها
مراد بحزن وشرود : غصب عنى يا امى
ف الصباح الباكر
مراد وهو يقبل راس والدته : انا ماشي دلوقتى يا امى متزعليش منى وادعيلى
نسمه : ربنا ينور طريقك يابنى ويحميك وترجعلى بالسلامه
مراد بحزن : هى ليلى مش هتسلم عليا قبل ما امشي
نسمه بزعل : معلش يابنى تلقاها نايمه وانت عارف انها زعلانه
مراد : ماشي يا امى ابقي وصلى سلامى ليها وقبل ما يطلع من باب البيت
ليلى فتحت باب اوضتها : مراد تروح وترجع بالسلامة
مراد بفرحه وابتسامه : الله يسلمك استودعكم الله الذى لا تضيع ودائعه
ليلى ونسمه : ف رعاية الله ابقي طمنا عليك
بعدها بساعه نسمه وليلي قدام التلفزيون سمعوا صوت خبط على الباب
نسمه بقلق وقلب مش مطمن : مين الى جاى دلوقتى
ليلي : يمكن مراد نسي حاجه ورجع ياخدها وقامت فتحت الباب
ليلى باستغراب وخوف : انتوا مين
يتبع ......
تكملة الروايه اضغط هناااااااا
الرواية كامله من( رواية ليلي ومراد)
اضغط على اسم الروايه ☝️☝️☝️
ممتازة
ردحذف