رواية خادمة الصقر الجزء الثاني اقتباس من البارت الاول بقلم يوستينا سامي
رواية خادمة الصقر الجزء الثاني اقتباس من البارت الاول بقلم يوستينا سامي
#خادمة_الصقر 🌺
#الجزء_التاني
طب هدووووء شوية 🤣🤣🙊
ده اقتباااس او برومو من الجزء التاني و ده اللي هيتحدد عليه اني اكتب الجزء التاني ولا لاااااء 🙊
مستنية رايكم اووي اووووي و حقيقي هاخد بيه
و الناس اللي بتسال عليااا انا حاليا بمتحن و امتحاناتي هتخلص 22/1 فدعواتكم بقي كتيييير
اقتباااااااااااس 🎊🎊
في فيلا الحديدي ..
كان يقف فهد و هو الابن الاصغر لخالد الحديدي و يبلغ من العمر 25 عام ..
فهد بخوف و صوت موجوع / يا بابا ارجوك افهمني.. انت فاهم غلط .. ده انا ابنك و
و فاجاه خالد ضر*به بالقلم جامد و فهد اتصدم و اتخض هو و نغم لانها كانت اول مره يمد خالد ايده علي حد من عياله
خالد بصوت عالي و عصبية / عايز تفهمني ايه يا فهد
هتفهمني ازاي اعتد*يت البنت الغلبانة دي .. انت ايه مافيش في قلبك رحمة
و مسكه من هدومه جامد و بصله باحتقار و قاله / انت ازاي ابني .. انا ازاي خلفت حيوان زيك ، انا حتي مش طايق ابص في وشك .. عمك كان عنده حق امك دلعتك بما فيه الكفاية لدرجة انك افتكرت ان كل حاجة مسموحة ليك
نغم كانت بتعيط بخوف علي ابنها و خصوصا ان حالة خالد كانت متبشرش بالخير و قربت منه و حطت ايديها علي كتفه و اتكلمت بصوت متقطع. / ابوس ايدك يا خالد اهدي .. ده مهما كان ابنك
خالد زق فهد بعصبية و قالها بصوت عالي/ انا معنديش عيال غير كارمن .. و من النهاردة ابني مات
و بص لفهد اللي عيونه كانت بتلمع بالدموع و قاله / اطلع برااااا و لعلمك انا اللي هبلغ عنك كمان علشان اخلص ضميري
وفهد خرج من الشقه وهو مصدوم من كلام ابوه ومش قادر يبرر موقفه لانه كان ندمان
ونغم بصت لخالد بحزن وقالتله / انا عارفه ان هو غلط بس ده ابنك يا خالد والنبي ما تتخلاش عنه في الوقت زي ده
خالد بصلها بغل وقال لها / عندك حق انا مفروض معتبهوش هو.. انا المفروض اضرب نفسي بالجزمه عشان اتجوزت واحده زيك
نغم بصدمة / انت بتقول ايه يا خالد
________________________________________________
في المستشفى كان يزن واقف مش علي بعضه و مرعوب و فاجاه خرج الدكتور
يزن جري ناحيته / طمني يا دكتور .. ادهم حصله ايه
هو كويس مش كدة
الدكتور باسف / ادهم باشا للاسف لازم يروح مصحة في اقرب وقت .. هو مد*من
يزن اتصدم و بص للدكتور بزهول / انت بتقول ايه .. مين ده اللي مد*من .. انا بسالك ان ادهم جاسر الحديدي .. ابن جاسر الحديدي تقولي مد*من انت اكيد اتجننت ..و انا هوديك في سنين داهية
الدكتور / يا يزن باشا دي الحقيقة ..و حضرتك ممكن تاخد التحاليل لاي دكتور غيري .. بعد اذنك
و بعد الدكتور و يزن قعد علي الكرسي بصدمة و بدا يكلم نفسه بحزن / معقول تكون حالتك وصلت لكده يا ادهم و احنا مش حاسين .. معقول
يا خساره ياريتك كنت موجود يا جاسر كان ابنك موصلش لكده ..
و مسك موبايله و اتصل علي كريم / بابا الحقني.. ادهم بيموت مني و انا معرفتش احميه من نفسه
_______________________________________________
في اوضة جميلة ..
بنوتة رقيقة جدا عيونها خضرا واقفة قدام المراية و لابسة فستان رقيق ابيض و دموعها علي خدها و بتكلم نفسها / انا مستهلش انه يعاملني بالمنظر ده .. انتي الي غلطانة يا جميلة علشان صدقتيه . بس انا بحبه اوي ...
و قعدت جميلة علي السرير و هي في مرحلة انهيار و مسكت سك*ينة و بصتلها بخوف و بدت تتكلم بصوت مهزوز / انا عارفة ان ده غلط . بس انا مش قادرة اعيش معاهم انا مش شبهم خالص ...
و بصت علي صورتها مع والدها صقر الحديدي و كانها بتودعه / انا اسفة يا بابا حقك عليا .. سامحني
و فاجاه استسلمت جميلة لشيطانها و بصت علي ايدها و اتصدمت من كم الد*م و اغم عليها ..
________________________________________________
في شقة عساف كان قاعد بيتكلم راجل بلطجي في التليفون بيقوله / انا بنتي لو جرالها حاجة مش هرحمك سامع ولا لاااء
الراجل / عايز بنتك ترجعلك ازاي بس يا سعادة الباشا .. بنتك خلاص بقت في عصمة راجل .. ابني اتجوزها
عساف بصدمة / انت بتقول ايه انت اتجننت ...
و فاجاه الخط اتقطع و بص عساف لصقر بخوف و صقر كان مصدوم من اللي بيحصل ..
صقر قرب ناحيته / مالها لارا .. متخفش يا عساف هترجع تاني صدقني
عساف قعد علي الكرسي بصدمة / بنتي الوحيدة يا صقر ضاعت بسببي
تكملة الروايه اضغط هناااااااا
لمتابعة الرواية كامله عمل متابعه من هنااااااا علشان توصلكم الرواية كامله
اللي يحب يقراء الجزء الأول كامل اضغط هناااااااااااا
حلوة كملى وبالتوفيق ان شاء الله
ردحذف