مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 كنت فى السادسة عشر كنت جميله ومرحه ومحبوبه من أعلى وجيرانى واصدقاءي حبيت ابن الجيران كان يكبرنى باربع سنوات فضلنا نحب بعض ثلاث سنوات                      

انا كنت فى السادسة عشر كنت جميله ومرحه ومحبوبه من أعلى وجيرانى واصدقاءي حبيت ابن الجيران كان يكبرنى باربع سنوات فضلنا نحب بعض ثلاث سنوات                      

ويوم ماخلصت امتحانات الثانويه اتقدملى وطلب ايدى من بابا لكن للاسف بابا رفض وقاله بنتى لسه قدامها كليه ولسه صغيره اتفقنا نستنى شويه وبعدين يتقدم تانى 

دخلت كليه التربيه وعدت اول سنه وقبل ما ادخل السنه التانيه اتقدملى تانى وبابا المره دى طرده وقاله انت متنفعش لبنتى وساعتها الدنيا كلها اسودت فعنيه انا وهو

اتفقنا نستنى ويحسن ظروفه الماديه عشان بابا يوافق وانا فى سنه تانيه اتقدملى ابن عمى وبابا كان موافق وعايزنى اوافق رفضت وحصلت مشاكل مابينى ومابين بابا كتير 

معنى من الخروج وكان بيضربنى وفيوم طلب من ماما أنها تاخدنى عند دكتور تطمن أن انا بنت ولا حصل حاجه ومش عايزه اقول

حطمنى الكشف ده ونفسيتى تعبت  فى الوقت ده حبيبى جاله عقد عمل وقالى هسافر عشان اقدر اكون اد المقام

حكتله على اللى حصل وقالى ازاى ماتقولليش كل ده فكرنا كتير ملقناش غير اننا نجوز قبل مايسافر وفعلا عملنا الإجراءات كلها واتجوزنا بس بشرط ميلمسنيش غير لما يرجع من السفر ويعمل شقه بس كان الجواز عشان يحمينى من بابا لو غصب عليه انى اتجوز

وسافر والدنيا هديت شويه وبعدين فجاه موضوع ابن عمى انفتح تانى وبابا حدد ميعاد لكتب الكتاب ومبقتش عارفه اعمل ايه 

كل اللى قدرت عليه قولت لبابا انا موافقه بس بلاش كتب كتاب خليها خطوبه على ما اخد عليه بعد كلام كتير بابا وافق

واتعملى خطوبه ما اتعملتش لحد فالعيله كلها 

وجابلى شبكه فخمه جدا  عدت الخطوبه بكام يوم لقيت حبيبى بيتصل بيا وبيقولى ايه اللى حصل ده ابن خالى كلمنى وقالى انك اتخطبتى وكان منهار

فهمته اللى حصل وقولتله مافيش حل غير انك تبعتلى أن انا اجيلك وأهرب منهم قبل الجوازه ماتم 

قالى ماينفعش الدنيا هنا ملغبطه معايا والشغل فيه مشاكل

ومينفعش تيجى معايا

قولتله انا هبيع الدهب اللى معايا واجيلك واتفقنا على كده

وكنت بحاول ادبر ازاى ابيع الدهب وأهرب 

الاخيره  تتبع الجزء التانى

الجزء الثانى

وكنت بحاول ادبر ازاى ابيع الدهب بس كان خروجى لوحدى صعب جدا كنت مستنيه الوقت المناسب

فيوم لقيت بابا بيقولى خطيبك جاى عندنا النهارده يتغدى وبعد الغداء هسبكم تقعدو مع بعض عشان هو بيشتكى لابوه انه حاسس انك مجبره عليه مش عايز يحس بكده فاهمه

قلت حاضر يابابا وفعلا جالنا وقعد مع بابا واتغدينا وبعد كده بابا سابنا فالصالون نقعد مع بعض اكلم معايا انه بيحبنى من زمان ولقيته ليمسك ايدى وبيحاول يقرب منى بعدته وقولتله انت بتعمل ايه قالى وطى صوتك احنا مخطوبين وهنجوز قريب ياعنى عادى أن يحصل بينا

قطعته فالكلام قولتله ماتكملش لما نبقا نجوز قبل كده ولا حتى تمسك ايدى

انا بحاول اقرب المسافه بينا عشان عمى قالى انك عايزه فتره خطوبه على ما ناخد على بعض وانا بصراحه مستعجل وعايز نجوز بسرعه وكان بيقرب منى زقيته وانا ببعده وقع منى التليفون انكسر

قالى معلش هاتيه واروح اصلحهولك قولتله لا قالى تعالى ننزل نتمشى واصلحهولك ونرجع وافقت عشان اعرف اكلم حبيبى لأن بابا مش هيرضى يخرجنى استأذن من بابا 

وبابا وافق لبست ونزلت معاه اخد التليفون منى وقالى اقعدى انا هدخل لصاحبى عشان يصلحه بسرعه عشان تاخديه النهارده ودخل اقعد معاه شويه وبعدين خرج قالى تعالى نشرب اى حاجه على مايصلحه عشان هياخد اكتر من ساعه وفعلا مشينا الساعه عدت وكل ما اقوله نمشى يقولى استنى شويه وبعد شويه جاله تليفون بعد عنى شويه وتكلم وبعد كده مشينا وروحنا جبنا التليفون وروحنى

بليل حبيبى اتصل بيه وقالى عملتى ايه عرفته انى مش عارفه انزل ابيع الدهب بس فاقرب فرصه هبيعه واكلمنا شويه ونمت 

تانى يوم على العصر بابا جاله تليفون من عمى لقيته بيقول لماما قومى البسى هنروح لاخويا سالت ماما فى حاجه قالت مش عارفه عمك قال لابوكى تعالى انت ومراتك عشان عوزكم ونزلو فعلا قولت كويس انزل اروح ابيع الدهب قبل ما يرجعو مافيش خمس دقائق من خروجهم لقيت الباب بيخبط بفتح لقيت ابن عمى قولتله دا بابا وماما لسه نازلين رايحين عندكم انت ماقبلتهمش

لقيته بيبصلى نظره غريبه وزقنى وقفل الباب قولتله انت اتجننت أخرج محدش هنا غيرى بتكلم وهو برده بيقرب عليه بنظره عينه اللى تخوف

قولتله لو ماخرجتش هصوت والم الدنيا عليك

قالى صوتى وانا هفضحك واقولهم انك متجوزه من وراهم وكمان عايزه تسرقينى وتبيعى دهبى وتسافريره

قولت انت عرفت الكلام ده منين قالى من تليفونك مكالمتك مع حبيب القلب كلها معايا متسجله ورسائل الوتس وصورك فهمت أنه هكر تليفونى لما كنا بنصلحه

قولتله انت عايز ايه دلوقتى قالى هاتى الدهب قلت ماشى ودخلت الاوضه عشان اجبهوله لقيته دخل ورايا والتهجم عليه حاولت بكل قوته ابعده لكن كان اقوى منى وعمل عملته السوداء وضيعنى واخد الدهب ومشى

قعدت اعيط واترعش كتير حسيت اني غبت عن الوعى فوقت على صوت امى وهى بتصوت وبتقول مين اللى عمل فيكى كده وبابا ماسك راسه وعمال يقول استر يارب

شويه وفقت واتكلمت وقولتلهم على اللى حصل من غير سيره موضوع الجواز لقيت بابا بيقولى انت بتخرفى احنا كنا فبيت عمك وابن عمك جه من شغله بعد ما وصلنا بشويه وقعد معانا وبيشتكى منك وعايز يفسخ الخطوبه وطلب دهبه

اتصل بعمى وطلب انه يجى هو وابنه وشويه وجه وبابا واجهه باللى انا قولته انكر كل حاجه وقاله بنتك كدابه

وقال انا كنت عايز افسخ الخطوبه بدون شوشره بعد اللى عرفته لاكن بنتك هتخلينى اكلم

بابا قاله عرفت ايه عن بنتى

بنتك ياعمى متجوزه وعايزه تبيع دهبى وتسافر إلى متجوزاه عشان كده طلبتك فالبيت عشان الحق دهبى

بابا صحيح الكلام ده وقعد يضرب فيا لحد ماغبت عن الوعى

فوقت لقيت نفسى على السرير متركبلى محاليل بابا مرضيش يودينى المستشفى عشان ما يتفضحش 

ماما قعدت تكلم معايا فهمت من كلامها أن بابا عايز يعرف الحقيقه عشان مايقتلكيش حكيت الحقيقه كلها لماما

بتقولى ابن عمك بيقول انه مالوش علاقه باللى حصل وعشان انتى متجوزه بالتأكيد جوزك

ياماما انتى جيتى وشوفتينى انا كان شكلى ايه اللى حصلى حصل وقت ما شوفتينى جوزى مسافر وملمسنيش ماما صدقتنى وراحت لبابا وتقريبا اقتنع بالكلام لأن ابن عمى كان راجع بيتهم كان شكله غريب شويه ودخل على اوضته الاول وبعدين جه سلم علينا ده اللى بابا قاله

لقينا عمى بيتصل ببابا وبيطلب الدهب زعقو مع بعض كتير بس فالاخر بابا قال هدفعلهم تمن الدهب قولتله يابابا هو واخد الدهب قال لو ما اخدش الفلوس هنتفضح قولتله بابا هنروح نشتكيه انه اغتصبنى

بابا اقعد يعيط ويقولى ازاى ماهو هيقول انك متجوزه وهنتفضح كسرتينى منك لله 

عدت الايام والدنيا هديت بس مافيش كلام فالبيت خالص بابا وماما مابيكلمونيش وواخدين منى التليفون وممنوعه من الخروج والامتحانات مدخلتهاش عدى على الموضوع اكتر من شهرين

فيوم لقينا الباب بيخبط ماما بتفتح وانا ببص من باب اوضتى لقيته جوزى

قفلت باب الوضه وانا خايفه واعيط ---------تتبع

الجزء الثالث والاخير

دخلت غرفتى خايفه وبعيط مش عارفه ايه اللى هيحصل ودارت فراسى حاجات كتير فدقايق فوقت على صوت بابا وهو بيقول اهلا بجوز بنتى اتفضل الكلمه خلتنى أخرج من اوضتى عشان اسمع بابا هيقوله ايه

لقيت جوزى بيعتذره على اللى حصل وكنا مضطرين عشان انت مش موافق وووو

بابا قطعه بالكلام وقاله خلاص الكلام ده فات اوانه اسمعنى انت هتجيب دبلتين وهنعمل قاعده هنا فالبيت نعلن انكم اتخطبتو على ما توضب شقه اى حاجه ايجار قديم جديد تحط فيها اللى انت عايزه لو عايز تاخدها على البلاط مش مشكله وهنفاجى الناس بالفرح اللى هعمله على حسابي ونقول عملناه بسرعه عشان انت مسافر

ومش عايز اى مخلوق يعرف حاجه عن الكلام ده 

حسيت ساعتها أن انا كوم زباله وبابا عايز يخلص منى 

وبابا ماجبش سيره اللى حصل جوزى طلب من بابا انه يقعد معايا عايز اكلمها رفض قاله طب تليفونها مغلق قاله هى معهاش تليفون ومبتخرجش ولما هتيجى هنا يوم الخطوبه بس ومش هتقعد معاك لوحدها خلص اللى قولتلك عليه عشان نخلص من الموضوع ده باسرع وقت

مع السلامه لقيت بابا وقف جريت على اوضتى تانى

شويه وبابا ندهلى قالى على اللى اتكلم معاه فيه والاتفاق رديت قولتله يابابا حضرتك ماقولتلوش على اللى حصل

قالى تخرسى خالص لحد ماتم الجوازه هو لو عرف هيجوزك

وساعتها هنتفضح لما تطلقى بعد ما تدخلى ارحم من انك تطلقى دلوقتى فهمانى طبعا وحذرنى انى اقوله اى حاجه

وفعلا بعد اسبوع تم موضوع الخطوبه وحضر ناس قرايبنا والجيران وعدت وبابا رافض تماما انى اقعد مع جوزى نهائى

ابن عمى ماكفهوش اللى عمله فيه راح قال لصاحب جوزى ازاى صاحبك يقع الواقعه دى هى بنت عمى بس شمال عشان كده انا سبتها وقاله انه مسكنة فشقه مع واحد وبابا عرف واخدنى عند دكتور واكدلهم انى مش بنت

طبعا الكلام كله اتنقل لجوزى راح اتخانق مع ابن عمى وأكد على الكلام قدامه خلاه مش شايف قدامه وجرى على بيتنا

خبط على بابنا بطريقه تخض ماما اتخضت وجريت بتقول فيه ايه بتزعقله وتقوله انت بتخبط كده ليه 

قالها انا عايز بنتك اكلمها فحاجه ضرورى قالتله ماينفعش عمك مش موجود لما يرجع ابقى تعالى زعق وقالها مش همسة من هنا غير لما اكلمها

لقيته صوته عالى خرجت قولتله ايوه عايز تكلمنى فايه شدنى من ايدى بيقولى ابن عمك بيقول كلام مش عارف اقوله ولا اصدقه قولتله كلام ايه قالى الحوار اللى سمعه

ماما قعدت تشتم فيه وتقوله كداب

قولتلها بعد اذنك ياماما انا وجوزى هنتكلم مع بعض فالصالون ماما بصتلى بصه بتقولى ياعنى اوعى تقولى حاجه

بس ماينفعش المهم قولتله على اللى حصل كله اول ماسمع انهار من العياط وبعدين مسح دموعه وقالى كنتى هتقوليلى امتى وابوكى ازاى مايقوليش لقيت بابا دخل وقاله علشان انت السبب فى اللى احنا فيه ولازم تشيل معانا لان دى بات شيلتك انت كمان

بصتله وقولتله اوعى تكون مصدق كلام ابن عمى والله 

لقيته قاطعنى وقالى لا مش مصدقه وحاسس انك صادقه فى كل كلمه قولتيها بس انا مش هقدر

الكلمه نزلت عليه حسيت أن الدنيا كلها لفت بيا وودانى مش سامعه غير وش وعينى كلها دموع قلتله ياعنى ايه مش هتقدر ياعنى انا مقدرش اجوز واحده حد لمسها

اقعدت مكانى مش قادره اتكلم ولا سامعه شايفه بس هو وبابا بيتكلمو بعصبيه وبيشوحو لبعض وسألنا ونزل

بابا قولتلك لو عرف مش هيجوزك لقيت نفسى بجرى على البلكونه وبنده عليه بصلى وانا رميت نفسى من البلكونه قدام عنيه وللاسف ماموتش فوقت فالمستشفى على صوت حد بيعيط جمبى لقيته بابا اول ماشافنى فتحت عنيه مسح دموعه وحضنى حمدالله على السلامه قولتله بابا انا موجوعه ضهرى بيوجعنى اوى اوى ومن شده الالم بقيت اعيط واترعش نده الممرضه جت وإدانة مسكن عدى وقت معرفش كتير ولا قليل كل ما افوق يدونى مسكن من شده الالم وانام تانى بس كنت على ما افوق ملقيش غير ماما أو بابا

بقيت اقول لنفسى ياعنى حتى وانا فالظروف دى اتخلى عنى 

شويه والممرضه جت بتقولى إنشاءالله هتبقى كويسه اللى عندها حد بيحبها كده هتقوم انشاء الله افتكرتها بتتكلم على بابا وماما لقيتها بتقولى جوزك هيتجنن نفسه يشوفك مفتحه عنتكى طول ماهو هنا انتى نايمه

لسه بتتكلم لقيته دخل بس مافرحتش أنه جه ولقيت بابا وراه الممرضه طلبت من جوزى انه يحركنى عشان تعدلنى وتنضفنى عشان مايجنيش كرحه وهو اللى بيحركنى معاها من يوم ما دخلت المستشفى جه مسكنى كنت جوه حضنه وخلصو وبعدين نيمونى قعدت فالمستشفى شهر ونصف وجه يوم الخروج بابا جه بدرى وماما كانت معايا واخدنى ومشينا

لقيت بابا مودينا بيت غريب بقوله احنا مروحناش ليه يابابا بيت مين ده قالى دا بيتنا الجديد انا مااقدرش اقعد فالبيت التانى بعد اللى حصل دخلت وانا حاطه راسى فالارض

بابا دخل عليه بيقولى عامله ايه دلوقتى لقيت نفسى يعيط واقوله سامحنى يابابا انا غلطانه يارتنى كنت من وريحتك منى لقيته عيط وحضنى قالى عايزين ننسى الموضوع ده كله ونبدا صفحه جديده

طب يابابا هنعمل ايه فى

قالى هو جاى دلوقتى انا بعتله شوفى انتى عايزه ايه وانا هعملهولك فعلا الباب خبط وماما دخلته وبابا سندنى وطلعت قعدت معاه قولتله انت هتطلقنى امتى قالى مش هطلقك انا بحبك اللى حصل وقولته كان من الصدمه لاكن انا ما اقدرش استغنا عنك

لقيت نفسى بقوله بس انا استغنيت

ياعنى ايه

ياعنى مقدرش اشترى واحد باعنى فأول ازمه مش هقدر ابقى مطمنى على نفسى معاك فياريت تطلقنى

قالى صعب

قولتله لا سهل كان جوازنا سهل وطلاقنا هيبقى سهل وسيبنى فحالى ارجع لكليتى واشوف مستقبلى واجدد حياتى مع ناس جداد زى بيتنا الجديد

خرج وبابا اخدنى بالحضن قلتله زعلان يا بابا قالى انا فرحان بيكى انا كنت عايز ده اللى يحصل بس مارضتش اقولك عشان تعمل اللى انتى عوزاه ومايحصلكيش حاجه وحشه بكره تتخرجى وتشتغل وتقابل اللى يستاهلك

فعلا الوحده مهما اهلها قسيو عليها بيبقو احن من اى حد فالدنيا

تمت