رواية خادمة الصقر الجزء الثاني البارت الحادي عشر 11بقلم يوستينا سامي
رواية خادمة الصقر الجزء الثاني البارت الحادي عشر 11بقلم يوستينا سامي
#خادمة_الصقر
#الجزء_التاني
11
اسفة علي التاخير لكن نتيجتي طلعت و كنت بحتفل مع صحابي علي الواتس 🤣🤣🤣❤️
يلا نبدا
في فيلا الحديدي 🎊
دخل فهد الجنينة و كان بيدعي ان خالد يكون هادي علشان يقدر يتكلم معاه لكن فاجاه شاف خالد واقف مستنيه في الجنينة
فهد قرب منه بخوف و كان شكل فهد ضعيف و تعبان
جدا
فهد قرب و حضن خالد بوجع/ بابا كان نفسي اشوفك وانا في المستشفى و اترمي في حضنك و اشكيلك زي ما انت متعود .. كنت مستنيك تيجي و ..
و قبل ما فهد يكمل كلامه خالد خرجه من حضنه و كانت عيونه كلها اتهام و خذلان و فهد مكنش مستحمل نظرة خالد ليه
فهد بخوف و صوت موجوع / يا بابا ارجوك افهمني.. انت فاهم غلط .. ده انا ابنك و
و فاجاه خالد ضر*به بالقلم جامد و فهد اتصدم و اتخض هو .. في لحظة خروج نغم اللي حطت ايديها علي بقها من الصدمة لانها كانت اول مره خالد يرفض يسمع تبرير حد
خالد بصوت عالي و عصبية / عايز تفهمني ايه يا فهد
هتفهمني ازاي اعتد*يت البنت الغلبانة دي .. انت ايه مافيش في قلبك رحمة كدة .. انت ازاي ابني
و مسكه من هدومه جامد و بصله باحتقار
و قاله / رد عليااا انت ازاي ابني .. انا ازاي خلفت حيوان زيك ، انا حتي مش طايق ابص في وشك .. عمك كان عنده حق امك دلعتك بما فيه الكفاية لدرجة انك افتكرت ان كل حاجة مسموحة ليك
نغم كانت بتعيط بخوف علي ابنها و خصوصا ان حالة خالد كانت متبشرش بالخير و قربت منه و حطت ايديها علي كتفه و اتكلمت بصوت متقطع. / ابوس ايدك يا خالد اهدي .. ده مهما كان ابنك
خالد زق فهد بعصبية و قالها بصوت عالي/ انا معنديش عيال غير كارمن .. و من النهاردة ابني مات
و بص لفهد اللي عيونه كانت بتلمع بالدموع و قاله / اطلع برااااا و لعلمك انا اللي هبلغ عنك كمان علشان اخلص ضميري قدام ربنا
وفهد خرج من الشقه وهو مصدوم من كلام ابوه ومش قادر يبرر موقفه لانه كان حاسس ان هو السبب في كل ده
ونغم بصت لخالد بحزن وقالتله / انا عارفه ان هو غلط بس ده ابنك يا خالد والنبي ما تتخلاش عنه في الوقت زي ده ..و بعدين انت متعرفش الحقيقة
خالد بصلها بغل وقال لها / عندك حق انا مفروض معتبهوش هو.. انا المفروض اضرب نفسي بالجزمه عشان اتجوزت واحده زيك
نغم بصدمة / انت بتقول ايه يا خالد
خالد/ بقول اللي كان مفروض يتقال من زمان .. انتي طالق و مش عايز اشوف وشك تاني في الفيلا دي لا انتي ولا ابنك
نغم بصتله بصدمة و حست ان شريط حياتها بيمر قدام عنيها و بدات تكلم نفسها / ايوا هو ده خالد اللي حبيته في الاول خاالص اللي قبلته في الصعيد و حاول يقتلني.. اللي قلبه قاسي و مكنش يعرف يعني ايه حب .. رجع تاني زي زمان
فاقت نغم علي صوت عياط كارمن و هي بتترجه خالد انه يهدي لكن نغم في اللحظة دي طلعت اوضتها تلم هدومها
________________________________________________
في اوضة نغم .
همس / اهدي يا نغم . انتي مينفعش تمشي كدة و تسيبي البيت يا بنتي هو انتوا عشره يوم ولا ليلة ده انتوا عشره سنين
نغم بصمود. / هانوا عليه يا همس و وقف قالهالي بجروت انتي طالق و علشان حاجة انا ماليش ذنب فيها .. بس من النهاردة البيت ده متحرم عليا و مش هدخله تاني
قمر بعياط. / اخس عليكي يا نغم .. طب ده انا كنت اموت لو سيبتي البيت و مشيتي .. ده انتي اختي و حبيبتي ،والنبي لتهدي وانا هخلي صقر يضغط علي خالد يرجعك
نغم بعصبية / ورحمة عزة و امي ما هرجعاله تاني
خلاص يا قمر هي خلصت .. الناس كل ما تكبر بتعقل الا هو كل ما يكبر يخيب .
في اللحظة دي خبط صقر علي الباب و دخل و كانت كارمن مسنداه علشان المشي غلط عليه
قمر / ايه بس اللي قومك يا صقر .. انت تعبان يا حبيبي
صقر بتعب كان بيبص لنغم / نغم .. لو قولتلك علشان خاطري انا متهديش البيت ده .. انا و انتي اكتر اتنين تعبنا علشان نبني البيت ده
نغم/ وانا عملت باصلي يا صقر و لو مش فاكر اسال اي حد .. انا وقفت معاه وقفة بميت راجل و سندت ضهره في عز ما كان ضعيف .. و يا حسره اول ما قوي رماني .
اخدت نغم شنطتها و خرجت من الاوضة و همس و قمر كانوا بيحاولوا يتكلموا معاها
____________________________________________
..اوضه لارا ادهم وجميله كانوا عندها في البيت بعد ما كلمتهم لانها كانت خايفه جدا من حوار عاصي وان يكون مات
ادهم وهو حاطط ايده على راسه بصدمه/ انتي اتجننت يا لارا وصلت بيكي انك تموتي واحد لا انت بجد بقيتي مش طبيعيه
جميله / يا اخي كفاالله الشر ممكن يكون خبطه بسيطه بس وتعور .. احنا نسال عنه في المستشفيات واكيد حد انقذه يعني
لارا بخوف/ مين اللي هينقذه بس يا جميلة انا كنت سايباه في مكان شبه صحراء تقريبا يعني مستحيل حد يلاقيه يعني زمانه اتصفى و مات
ادهم بغيظ رمى عليها المخده وقالها / طالما انت عارفه ان انتم في مكان ما فيش حد ممكن يجي وينقذه ما طلبتلوش حتى الاسعاف ليه يا بنت المفترية
لارا / بطل تضايقني بقى ..انا ما فكرتش ساعتها ان انا ممكن انقذه اصلا لاني كنت متغاظه منه و كنت عايزاه يموت ..هو انت مش كلمت برده معاذ ما جاش ليه لحد دلوقتي
ادهم / اصلا معاذ مش هيعرف يسعفنا .. انا هكلم يزن احسن
لارا / يوووه يزن هيقول لعساف و هيفضل يزعق ما انت عارفة
ادهم / يعني معاذ اللي هادي اوي .. يا شيخة اتلهي
انا هروح اكلمه .. و انتي مسمعش صوتك تاني
لارا قعدت علي السرير بتوتر / فينك يا فهد لو كان معايا مكنش ذلني كل الذل ده
وراح ادهم كلم يزن وطلب منه ان يجي ضروري .
_______________________________________________
في المستشفى
عاصي بحماس / ايوا انا بقي عايز اعرف عنها كل حاجة بالتفاصيل يا تامر
تامر كان بيحاول يكتم ضحكته وبيقوله / انا سالت عنها وعرفت ان هي ابوها مدرب في جيم يتخاف منه يا عاصي بجد .. وعندها اخين ولدين ابطال مصارعة عشان كده يعني هي زيهم عنيفة .. و من عيلة متوسطة
عاصي استغرب / متوسطة ايه يا ابني انت ماشوفتش العربيه اللي كانت راكباها النهارده دي غالية اوي
تامر / اه .... اه ثاني حاجه لازم تعرفها عنها ان هي بتسرق عربيه الزباين و تطلع بيها .
عاصي بحزن / كمان حرامية .. البت دي انا عايز اشوفها وربنا ..
وعد قطعته في الكلام / وربنا لتسكت بقي و بطل حلفان لانك مش هتقدر تعملها حاجة اساسا
عاصي اخد المخدة و حدفها بيها/ اطلعوا برا انتوا الاتنين مس عايز اشوف حد ...براااا
وعد و تامر خرجوا و هما بيضحكوا جامد .
برا الاوضة.
وعد / يا عيني عليك يا عاصي يعني يوم ما يبقي مشدود لواحدة يطلع اخواتها مصارعين و ابوها مدرب
تامر بضحك / انتي صدقتي انتي كمان .. هو انا اعرف اسم ابوها حتي علشان اعرف عنها حاجة
انا برخم عليه
وعد فضلت تضحك/ يا رخم يا تامر ده صدق بجد وتلاقيه جوه قاعد متضايق اصلا وبعدين حتى لو اخواتها مصارعين على فكره انا اخويا جامد
تامر ضحك جامد/ ايوا ما انا واخد بالي فعلا 😂
تعالي نجيب اي حاجه من الكافتيريا نشربها عقبال ما يكون هدي شويه وندخل ونرخم عليه تاني ..
__________________________________________
يزن خرج من القسم وهو مستعجل و ادهم معاه على التليفون /خلاص يا ادهم قلتلك جاي خرجت من القسم وهركب عربيه وهاجي اقفل بقى بطل ازعاج
...ولسه يزن هيتحرك بالعربيه اتفاجئ بحد بيفتح باب عربيه تاني وبيركب جمبه
يزن ابتسم / هو انتي ... انتي ايه جابك تاني و ايه عمل فيكي كدة
ميرا كانت مضروبة بغباء و عيونها حمرا من كتر العياط و مسكة ايديها بوجع
يزن قلق وقرب ايده من وشها عشان يتاكد من اصابات وشها وقالها بتوتر / مين اللي عمل فيكي كده معقول الضابط لما كان بيحقق معاكي ضربك
ميرا بدموع / اه حاسب وشي .. بص انا جيتلك لاني معنديش حد خالص حتي اهلي باعوني ...
فملقتش غيرك انت برغم اني عارفة انا في نظرك واحدة شمال بس والله انا ما كدة
يزن حط ايده علي بقها / بس بس هنشوف الكلام ده بعدين .. انتي لازم دكتور يشوفك الاول .. ايوة صح كدة كدة جميلة هناك
...و طلع يزن بالعربية و راح بيت لارا و كانت لوحدها هي و جميلة و ادهم .
في الشقة .
دخل يزن و كان ماسك لارا في ايده اللي كانت خائفة اوي
لارا بصدمة / اي ده هو لسه خلصنا من البلوي القديمة علشان تجيبلنا بلوي جديدة
ادهم بص لملامح ميرا المتبهدلة من الاصابات و قاله/ مين المرحومة معلش يا كابتن يزن
يزن بحده / ما بس انت و هي وواتلموا كدة انا مش ناقصكم اكيد .. جميلة هو انتي مش المفروض برضو كلية طب .. شوفيها بقي
جميلة بتوتر / اه هو المفروض ..بس الاحسن انك توديها المستشفى يا يزن احسن يكون عندها حاجة جامدة كفالله الشر
يزن / يا ستي انا مش عايز حد يعرف انها معايا اتصرفي بقى يا جميله عشان ما تخلينيش اتعصب عليكي
لارا بحده / ما تتكلم على قدك يا عم انت تتعصب على مين .. هو انا مش قلتلكم بلاش يزن اهو جاي يبلطج علينا اهو
ادهم ضحك بتريقة/ والنبي انتي بالذات يا خالتي متتكلميش عن البلطجة.. يلا يا جميله خذي العسوله ديت وخشي الاوضه قبل ما همس وعساف يرجعوا وساعتها مش هنخلص من التحقيقات
وانت تعال اترزع هنا عشان نقولك علي المصيبه اللي احنا فيها
وفعلا جميله لسه هتمسك ايد ميرا .. لقت ميرا استخبت ورا ظهر يزن بخوف وقالتله بصوت ضعيف / متسبنيش لو سمحت انا خايفة
يزن غمض عيونه بوجع علي صوتها و علي خوفها ,
و قالها / متخفيش انا جمبك ولو حصل اي حاجة نادي عليا .. جميلة خديها
و فعلا جميلة اخدتها و يزن قعد مع لارا و ادهم و سمع كل اللي حصل ...
______________________________________________
في فيلا الحديدي
عساف / انا عارف انك موجوع يا خالد و مصدوم من ابنك بس انت كدة بتحكم عليه من قبل ما تعرف اللي حصل
خالد/ انت اللي بتقول كدة يا عساف.. ده انت اكتر واحد عارف ان هو فاشل و اكيد اغتصبها
عساف قاطعه / لا يا خالد فهد معملش كدة و بكره اما هثبتلك بالدليل أن دي كانت مؤامره عليك و علي عيلتكم و حبيبي فهد دخل فيها ضحية
خالد ضحك بتريقة / ربنا يدينا و يديك طولة العمر يا عساف
عساف بغيظ / ماشي يا خفيف .. بس تعالي هنا مهما كان اللي حصل ليه تعمل كدة مع نغم هي ذنبها ايه حرام عليك .. ما هي زيها زيك
خالد بعصيية / لاااا هي السبب لانها هي اللي كانت مسئولة وقت سفري هي اللي معرفتش تربي
عساف/ تصدق كلامك صح يا خالد .. هي اللي كانت قايمة بدور الام و الاب و انت كنت بتحقق احلامك اللي كان ابوك حارمك منها ، كان متحملة قرفك و طريقة صقر العنيفة و الجادة علشان بتحبك ربت عيالك من للالف للياء ...واول ما لقيت تقصير و ياريته من عندها هي .. انبتها و طلقتها مش كدة
خالد / عساف انت فاكر انك هتلعب دور الواعظ وانا هسمعك يبقي بتحلم .. ياريت تسيبني في حالي
...و طلع خالد اوضته و رفض يتكلم مع اي حد و وقتها نغم كمان مشيت من البيت و راحت مع همس و عساف البيت و معاهم كارمن اللي رفضت تسيب امها.
____________________________________________
في العربية معاذ .
معاذ بص لفهد اللي كان سرحان / ادينا جينا علي النبيل اهو زي ما انت عايز ممكن تهدي بقي .. انا مش عايز اعرف خالد قالك ايه لاني واثق ان الكلام ده من ورا قلبه
فهد بهدوء/ مبقتش فارقة يا معاذ صدقني مبقتش فارقة ... انا نفسي اشوف نسمة كانت هي الوحيده اللي بجري عليها و اقولها يومي بالتفصيل
معاذ / احم.. هي دي بتاعة الحادثة صح
فهد بوجع / اه هي .. بقولك ايه ما تطلع بينا علي المستشفى نفسي اطمن عليها ..
تفتكروا ايه ممكن يحصل ؟؟؟
_____________________________________________
في بيت عساف
يزن بيضحك بصدمة / يخربيتك يا لارا ده انتي مصيبة من مصايب الزمن ..
ادهم بصدمه / ايه ده هو انت مش هتشتمها وتقل ادبك وكده يعني
يزن بضحك / واشتمها ليه دي بت جدعه خدت حقها من واحد حاول يرخم عليها يموت بقى يولع واحنا مالنا و ماله
لارا سلمت على يزن بفخر وقالتله /؛ وربنا اخويا شوف أنا كنت لسه بقولهم من اقل ساعه ان الوحيد اللي بيفهمني ويحس بيا هو يزن
ادهم بصدمه / لا انا متفاجئ ايه اللي غيرك كده يا يزن ده انت اكثر حاجه بتكرهها في حياتك ان البنت دي تمد ايديها علي راجل
يزن/ اه بس لما تكون بنت .. هي لارا دي بنت يعني
في اللحظه دي ادهم ويزن قعدوا يضحكوا جدا
لارا بغيظ / تصدقوا ان انتم مستفزين بجد .. بس قولي يا يزن باشا مين المزة اللي متشلفطة اللي انت جايبها معاك دي
يزن بصلها بشمئزاز/ متشلفطه مش بقولك ميكانيكيه يا ابني عموما البنت دي اسمها ميرا ومتهمة عندي في قضية اداب
ادهم / يخربيتك و بتعمل ايه هنااا .. يا نهار اسود دي مع جميلة لوحدهم لتفتح دماغ البت
لارا مسكت يزن من كتفه وقالتله / لا لا انا ما يفرقش معايا متهمه في قضيه اداب ولا قضيه احترام انا اللي يفرق معايا انت عرفت منين ان انا شغالة ميكانيكية
يزن زق لارا وقالها / بس يا بنت هو انا شغال اي قدامك دكتور عيون .. وبعدين قوليلي اسم الواد اللي انتي
خبطتيه ده
لارا / تقريبا عاصي .. عاصي السيلوفي .. السيرافي
حاجة كدة مش متذكره اوي
ادهم بصدمة / قصدك عاصي السيوفي.. يخربيت ابوكي .
استوووووووووووووب تفتكروا مين عاصي السيوفي
و اي رايكم في رد فعل خالد
تكملة الروايه اضغط هناااااااا
الرواية كامله من 👈(رواية خادمة الصقر الجزء 2)
اضغط على اسم الروايه ☝️☝️☝️
تعليقات
إرسال تعليق