رواية انتقام ليل الفصل الثاني عشر 12بقلم فاطمه عادل
رواية انتقام ليل الفصل الثاني عشر 12بقلم فاطمه عادل
البارت 12
لين:انت بتقول ايه ،مين اللى هيتجوز
ليل ببرود:انا وانت ايه صعبه اوى كده
لين:ومين بقى قالك انى موافقه ، ثم انى مش ناويه اقعد هنا طول عمرى، انت صدقت نفسك ولا ايه ،انا ليا بيت واب اكيد قالب عليا الدنيا
ليل بغضب: برافو عليكي ،اب وقالب الدنيا كلها عليكى وانا بقى مش عايز اريحه ،وعلى فكرة برضاكى او غ*صب عنك هتجوزك وهنسافر ، والمأذون جاى حالا فى الطريق
قرب منها اوى ووطى لمستوى قاعدتها وسند بايده على كرسيها وبقت محاصرة مابين درعاته :على فكرة لو نطقتى بحرف واحد قصاد المأذون أو اتكلمتى وقولتى اى حاجه محدش هيعرفلك طريق وهتشوفى وش بجد هت*ندمى
لين بعياط شديد :انا بك*رهك فاهم بكر*هك ،خ*طفتنى وغدرت بابويا ودلوقتي عايز تتجوزنى غص*ب عني ،كنت فاكرة انك فيك حته طيبه وان الظروف هى اللى عملت فيك كده لكن من الواضح كنت غلطانه ، انت أح*قر بنى آدم قابلته فى حياتى
كل كلمه كانت بتخرج منها كانت بمثابة س*كينه بت*طعن فى قلبه ، اه يا لين لو عرفتى اللى بيا اه لو عرفتى ابوكى عمل فيا ايه ،د*مرنى ود*مر عيلتى ازاى، اه لو تعرفى حبيتك اد ايه، حبيتك ، ايوه انا حبيتك لقيت فيكى حضن الام والحبيبه اللى مفتقده من سنين ،شوفت فيكى حنيه وبراءه عمرى ماشوفتهم فى حد ،دنيتى وحشه اوى يالين اوى ،بس انت اللى حلتيها، انت هترجعينى بنى آدم تانى ،بس كل ده ميمنعش انى عايز حق اخويا وهجيبه يالين
لين بص*ريخ:انت مالك واقف كده ليه بتفكر في ايه ،حرام عليك سيبنى اروح ،سيبنى اعيش في بيتى بهدوء ، ايا كان اللى حصل بينك وبين ابويا انا مليش ذنب
ليل بز*عيق وغضب :ولا كان ذنبى ولا كان ذنب اهلى اللى اتبهدلوا بسبب ابوكى ،ولا ذنب اخويا اللى م*ات غدر
لين بصدمه:اخوك
ليل بغل:ايوه اخويا ، انا نازل هستنى المأذون وهبعتلك واحد من الحرس هينزل الكرسى بتاعك تحت ولو قولتى حاجه غير انى موافقه ادام الماذون هتشوفى وشى التانى ،وقولى على ابوكى يارحمن يارحيم ، فاهمه
لين نزلت وشها فى الارض وعيطت جامد
ليل بز*عيق:فاااهمه
لين :فاهمه
مشى خطوتين ورجع تانى ، انت عندك كام سنه
لين:بعد خمس ايام هيبقى عندى 18
ليل حاول يدارى ابتسامته وقال :تمام
نزل ليل وهو بيكلم محسن
محسن:اؤمر ياباشا
ليل :عملت ايه
محسن:زى ماحضرتك أمرت المأذون انا جايبه وجاى وكل الورق فى السليم وكلمت حبايبنا وعملت الباسبور وكل حاجه
ليل:انا هتجوزها باسمى الحقيقي
محسن:نعم ، ازاى يعنى
ليل:زى ماسمعت انا هتجوزها باسمى الحقيقي مش مجرد ورق ههرب بيه
محسن اتلغبط بس ابتدى يفهم انه وقع فى حبها
قاله اللى تشوفه ياباشا
ليل:عايزك تبقى وكيلها لأنها لسه متمتش السن القانونى ومحتاجه وكيل
محسن:اللى تشوفه ياباشا
وبعد شوية وقت وصل محسن ومعاه المأذون واتنين من رجالة ليل علشان يشهدوا على عقد الجواز
رحب ليل بالمأذون واستأذن ينده على العروسه
طلع شاف ليل عماله تعيط ،قلبه اتق*طع على عياطها واتمنى لو ياخدها فى حضنه وتكون بتحبه زى ماهو بيحبها وتبقى دى ليلة العمر فعلا زى مابيسمع
ليل:احم
لين بصت عليه ودموعها فى عيونها
ليل:جاهزة
لين:ولو مش جاهزة هترجع فى كلامك
ليل:لا طبعا
لين:يبقى متسالنيش
ليل قرب منها وح*ذرها لتانى مرة أنها متعملش حاجه قدام المأذون وشالها ونزل بيها ،حطها على الكرسى وقعدوا ادام المأذون
سألها المأذون :موافقه يابنتى
لين بصت على ليل وهو حاول يغير نظرته من حنيه لتح*ذير
لين قالتله أنها موافقه والمأذون بدأ فى كتب الكتاب
بارك الله لكما وبارك عليكما وجمع بينكما في خير
مشى المأذون وليل بص على لين مش مصدق أنها بقت مراته
لين بتعيط لأنها كانت بتتمناه بس مش بالطريقة دى ابدا ، كان نفسها فى فرح زى اى بنت ويكون ابوها جنبها واهلها حواليها
ليل قال لمحسن :كلمت الجماعه فى إيطاليا
محسن:حصل ياباشا والبيت جاهز للاستقبال وكمان وصيت ايزابيلا مديرة البيت هناك تنضف الغرفه الفاضيه للين وتجيب لها هدوم وكل مستلزماتها
ليل طبطب على كتفه وقاله ، دايما فى ضهرى يا محسن
محسن:انا بعتبرك اخويا الصغير يا ليل ربنا يوفقك فى اللى جاى
طلع ليل وجهز نفسه واخد لين فى العربيه ومشى
صفوت فضل مستني ليل كتير في البا*ر لكن ليل ما راحش
بعدها قرر أنه يرجع لتوفيق يمكن يقدر يساعده في معرفة بيت ليل
ركب العربية وساق لحد ما وصل الفيلا المهجورة
وقف عربيته وطلع دخل الفيلا وطلع علي فوق علي طول
اول ما دخل توفيق بص برعب وقال : صفوت اديني فرصة اساعدك ، أنا معترف بغلطي بس ارجوك ما تقتلنيش
صفوت ابتسم بسخرية واتحرك ببطء لحد ما قعد جمب توفيق
ع الأرض بص للفراغ وقال: توفيق اخر شخص ممكن اتوقع انه يغ*در بيا ، أنا حاسس انك طع*نتني في قلبي ، ورغم ذلك لجأتلك تاني وبطلب منك بحق العيش والملح اللي بينا لو تعرف أي حاجة عن المكان اللي ليل خا*طف بنتي فيه قولي وانا اوعدك اني مش هأ*ذيك يا توفيق
توفيق بص لصفوت وقاله : أنا مش خاين ولا غدار أنا اته*ددت اني لو معملتش كده هيق*تلني عشان كده ساعدته
صفوت بصوت عالي : كان ممكن تحكيلي كل حاجة ونخ*لص عليه ولا مين شاف ولا مين دري ، لكن طول عمرك هتفضل خا*ين والخ*يانة ف دم*ك
توفيق بسخرية : بلاش تحسسني انك احسن مني لو هنتكلم ع الخيا*نة يبقي انت الاستاذ وانا التلميذ ، أنت نسيت انت عملت فيا ايه انت اخدت مني حب حياتي سهير، أنا اللي حبيت سهير قبلك انا اللي عرفتك عليها وخط*فتها مني
صفوت بصوت عالي : إنت مجنون وهمت نفسك ان سهير بتحبك هي عمرها ما اعتبرتك اكتر من أخ، عمرها ماكان عندها مشاعر تجاهك فوق بقي ، فوق وافتكر ان لين كانت بتقولك ياعمو
افتكر ان سهير كانت بتقول توفيق اخويا اللي ماجبتهوش امي
توفيق دف*ن وشه بين ايديه وفضل يعيط ويقول: ما اعرفش مكانه ما اعرفش عنه حاجة صدقني يا صفوت صدقني لو اعرف حاجة كنت قولتها
صفوت قام من جمبه بإحباط وخرج برا الأوضة وهو بيفكر يعمل ايه عشان يوصل لليل
فى الطائرة ليل قاعد هو ولين ساكتين تماما ومش بيتكلموا
جات المضيفه ، تحبو تشربوا حاجه وفضلت تدلع وهى بتتكلم
لين بصت عليها اوى من فوق لتحت وقالت بقرف:شكرا مش عايزين
المضيفه بدلع:وحضرتك يافندم
لين:هو انتى مش بتفهمى عربى قولنا مش عايزين
ليل مستمتع جدا بالحوار وبغيرة لين عليه
مشيت المضيفه وهى بتقول بدلع وبتقرب من ليل :لو محتاجين اى حاجه اضغط على الزرار ده هتلاقينى ادامك
لين بتجز على أسنانها
ليل:متشكر جدا لو احتجت لحاجه هنده للمضيف
مشيت المضيفه ولين لفت وشها الناحيه التانيه وعماله تتريق على المضيفه
ليل :مكنتش اعرف انك بتغيرى
لين :افندم ، اغير ، انت صدقت نفسك ولا ايه ، انا بس اتضايقت أنها بتوجهلك لوحدك الكلام وانا قاعده جنبك
ليل:اممم مهو واضح
لين لسه هتتكلم شافت المضيفه جايه عليهم بابتسامة دلع وماشيه تتق*صع وهى متجهه ناحيتهم
لين بسرعه مسكت فى رقبة ليل وباسته من خده...........
تكملة الروايه اضغط هناااااااا
الرواية كامله من👈( رواية انتقام ليل)
اضغط على اسم الروايه ☝️☝️☝️
تعليقات
إرسال تعليق