رواية سيدة القصر الفصل الثاني عشر 12بقلم منال عباس
رواية سيدة القصر الفصل الثاني عشر 12بقلم منال عباس
#سيدة_القصر بقلم #منال_عباس
سكريبت 12
اتصل لؤى على ريم
ريم : الو
لؤى : ريم
ريم : نعم
لؤى وبدون مقدمات : تتجوزيني
ريم وقفت صامته من المفاجئه
لؤى : ريم روحتى فين ...
ريم : هه انا اهو
لؤى : بقولك تتجوزيني ..
ريم : انت بتتكلم جد
لؤى : ايوا يا ريم هو دا فى هزار
ريم : انت مش عارف انا فين وانت فين ..انا ...ليقاطعها. لؤى
لؤى : انا بحبك يا ريم ....وعايز اسمع ردك دلوقتى ولا فى حد فى حياتك ؟
ريم : ابدا والله ...بس انا عارفه انى مش مناسبه ليك ....
لؤى : ريم بلاش الكلام الاهبل دا ...انتى هتبقي دكتورة أد الدنيا ....اتمنى بس تكونى حاسه بأى حاجه ناحيتى ..
ريم بخجل : انت اى واحده تتمناك
لؤى : افهم من كدا انك موافقه ...
ريم : موافقه
لؤى : بحبك بحبك ...ومنتظر الليل يعدى علشان اشوفك الصبح يا نور عيني ...
ريم : أن شاء الله
لؤى : تصبحى على خير حبيبتي
أغلقت معه الهاتف وجلست لا تصدق ما سمعت
سندس : ايه يا بنتى روحتى فين ...هو كل ما يكلمك تتنحى كدا ..بقلم منال عباس
ريم : طلبنى للزواج
سندس بفرحه : ابقي اسمعى الكلام .. الواد وقع ولا حدش سمى عليه
ريم بضحك : بقي لؤى الطويل العريض دا اللى لو وقفتى أمامه ما تبانيش تقولى عليه واااد
سندس : بضحك معاكى
ريم : عارفه يا حبيبتى
سندس : طب يلا يا حلوة نشوف هتلبسي ايه بكرة
ريم : هلبس ملابسي عادى يا سندس
سندس : لا طبعا ...بكرة اول يوم شغل فى الوظيفه الجديدة ..والانطباع الاول بيدوم ...
تعالى انا هختار معاكى
ريم : مش هلبس غير الاسود ...
سندس : تمام بس نفتحه بالاكسسوارات بقي
وبالفعل اختارت لها ملابس مناسبه
طرقت الباب سعاد
سعاد : تعالوا يا بنات عامله ليكم صينيه كيك بالشوكولاته...
ريم : تسلم ايديكى يا ست الكل...
استريحى واحنا هنجيب كل حاجه وأخذت سندس من يدها واحضروا الكيك والشاى والأطباق ...
جلسوا ثلاثتهم لتناول الكيك
سندس : احكى لينا يا ماما عرفتى بابا ازاى .....
فلاش باااااااك
كنت فى المدرسه فى الثانوى ..
وكنت خارجه انا وصحباتى من المدرسه و لقيت فى العمارة اللى قصاد المدرسه ست كبيرة بتنادى علينا
بصيت ليها ...لقيتها بتقول
رجاء : والنبي يا بنتى هاتيلى مشبك الغسيل اللى وقع دا ..
صحباتى رفضوا وقالوا هنطلع 5 ادوار علشان مشبك وقعدوا يتريقوا والست يا عينى سمعت
صعبت عليا ...
سعاد: حاضر انا هطلعه ليكى وزعقت لصحباتى علشان احرجوها ....بقلم منال عباس
طلعت الخمس ادوار ورنيت الجرس ...لقيت هناك بابا وماما ..استغربت اووووى ...
سعاد : بابا !! وماما ...انتم هنا ليه ...
بابا بفرحه : تعالى يا سعاد ادخلى
وسلمى على جدتك ...نظرت له ولماما جدتى !!!
ماما : اقعدى وانتى تفهمى كل حاجه ...
دى جدتك تبقي اخت جدتك مامت بابا وكانت مسافرة برا مصر ...ولسه راجعه ...
وكلمتنا علشان نيجى نزورها ..ولما عرفناها أنها ساكنه امام مدرستك ..وشاورنا ليها انك جايه مع صحباتك ...قالت عايزة تشوف رد فعلك
الجدة : بسم الله ما شاء الله اخلاق وأدب وجمال
ربنا يحرسك يا حبيبتي...اهو انتى عرفتى مكانى اهووو ..ابقي تعالى زورينى ..
سعاد : أن شاء الله يا تيته ...وبعدين رن الجرس
فتحت تيته الباب ..لقيت شاب أمور ...بيسلم عليها
وبيدخل
تيته : تعالى يا حمدى اعرفك بقرايبك ..طلع امير ابن ابنها ..ومن هنا كانت البدايه ..
طلعوا مرتبين كل حاجه علشان حمدى يشوفنى واشوفه ...مفيش اسبوع وقرينا الفاتحه...
عودة من الفلاش
ريم : ايوا بقي ..ربنا يرحمه اونكل حمدى ...حظه حلو أنه اختارك
سعاد : انا اللى كان حظى حلو بيه ..كان حنين عليا وعمره ما قصر معايا ابدا ...
سندس : الله يا ماما ..كلامك حلو أوووى عن بابا
الحب جميل ...
سعاد : ربنا يسعدكم يا بنات ويلا بقي سهرتكم ...
ريم : لا ابدا يا طنط قعدتك حلوة وكلامك جميل ..
سعاد : انتى الاحلى ..بس يلا علشان شغلك الصبح
تصبحوا على خير
البنات : وحضرتك من أهله
تدخل كل فتاة سريرها وتسرح مع أحلامها الوردية
عند وفاء
بينما الجميع جالسون لتناول العشاء
تخرج وفاء الهدايا لتقديمها
وفاء : اتفضلى يا طنط أشرقت ..العقد دا انا اللى اخترته ليكى على زوقى
أشرقت : ميرسي يا حبيبتي تعبتى نفسك
تعطى باسم ولؤى وسامح : كل واحد علبه بها ساعه
يشكرها لؤى ...وسامح ...
اما باسم ينظر إليها ببعض من الضيق وبصوت متقطع ميرسي يا ماما
تخرج ل لوسيا فستان خطوبه مرصع بالماس
لوسيا بفرحه : الله يا ماما دا جميل اوووى
شايف يا سامح : دا اللى هلبسه فى الخطوبه
الجميع يباركون لها ...بقلم منال عباس
يمر الوقت ويذهب الجميع للخلود للنوم
عند باسم يطرق مراد الباب
باسم : ادخل
مراد : ممكن اعرف ايه اللى ضايقك وانتى بتاخد هديتك من والدتك ..
باسم : الحقيقه يا بابا ..ماما ديما تتصرف تصرفات غريبه ...
مراد : غريبه ازاى يعنى
باسم : ليه جايبه ليا ساعه غاليه اوووى ..وجايبه ل سامح و لؤى ساعات عاديه
الكل هنا بيحبنا ..ليه مصممه تعمل فارق بينا
مراد : والله يا ابنى عندك حق ..وانا غلبت من كتر الكلام معاها ..ربنا يهديها ..
باسم : يارب ..واستكمل حديثه
بابا بعد اذنك ...فى طالبه عندى فى الجامعه
مراد : مالها ؟
باسم : الحقيقه انا معجب بيها وعايز اتقدم ليها
مراد بفرحه : دا يوم المنى .
باسم : شكرا يا بابا
مراد تصبح على خير
انتهى اليوم ونام جميع أبطالنا .....
فى صباح يوم جديد على أبطالنا
تستيقظ ريم بكل نشاط تأخذ شاور وتصلى فرضها وتضع القليل من الميكب اب. لتخرج
سندس : استنى هنا
ريم : خضتينى ...انا بتحرك بشويش علشان ما تقلقيش وتصحى
سندس : عايز اطمن من اللوك بتاعك ...
ونظرت إليها بإمعان
سندس : فاضل البرفان ...دا اخويا كريم جايبه ليا من أوروبا ريحته تحفه ..
ريم : يا بنتى انا رايحه شغل ...
سندس : اسمعى بس الكلاام ووضعت لها البرفان وكانت رائحته جميله جداااا..
قبلتها ريم ونزلت بسرعه حتى لا تتأخر على العمل ...
خرجت إلى ناصيه الشارع ...لتنتظر اتوبيس ولكنها وجدت من ينادى عليها ....
نظرت ورائها. وجدته لؤى
ريم باستغراب : لؤى بيه ..
نزل لؤى من السيارة وفتح لها الباب
جلست ريم بجانبه حيث قاد سيارته
ريم : انت جيت امتى وازاى
لؤى : انا تقريبا ما نمتش وقاعد منتظر الصبح يطلع
علشان اجيلك ونروح سوا ...
ريم بابتسامه : كل دا علشانى
لؤى وهو ينظر إليها بحب : انتى تستاهلى اكتر من كدا ....واعملى حسابك بعد الشغل هنروح القصر علشان اعرفك بوالدى وبقيه اسرتى ..
ريم : بس انا خايفه ..
لؤى : مش عايزك تخافى ابدا ...طول ما انا عايش...
لؤى : ريم ...انا حبيتك ..مش عارف امتى وازاى ...بس فرحان جدا بالمشاعر دى ...اوعدينى ان عمرك ما هتبعدى عنى لأى سبب
ريم : اوعدك ....
شغل لؤى اغنيه
اوعدك ...
اوعدك ديما فاكراااك ...اوعدك ولا يوم انساااك
ولا يوووم انسااااك يا حبيبي ....
لؤى وقد سحره رائحه البرفان أوقف السيارة
ونظر إليها
ريم بكسوف : بتبصلى ليه كدا
لؤى : احنا لازم نتجوز بسرعه
ريم : ليه ؟
لؤى : بدل ما اعمل فعل فاض*ح فى الطريق العام
ريم وقد احمرت وجنتيها ...
لؤى : انتى جميله اوووى يا ريم ...وفوق كل دا مثيرة جدا ...وذكيه ومتفوقه ...كوكتيل عمرى ما شوفته فى حياتى ...
ريم : كفايه مجامله ...
لؤى : والله مش مجامله ..والدليل على كدا ..نانووو أشرقت ...هى كمان دا رأيها
ريم : اخبارها ايه والله وحشتنى ...بقلم منال عباس
لؤى : هى بخير ...عارفه انتى شبه عمتووو الله يرحمها ...وعمتو دى كانت ملكه جمال الكون ...
ريم : الله يرحمها ...وسرحت بخيالها
فدائما كانت تسمع والدها
فلاش باااااااك
حافظ : عارفه يا آينور
آينور : نعم
حافظ : انتى بجد ملكه جمال الكون ...اوقات بحسد نفسي عليكى ...
آينور : انت اللى عيونك حلوة ...يا حبيبي
حافظ : كلمه حبيبي دى منك تساوى الدنيا وما فيها ...
ريم : الله ..الله ..طب وانا ايه يا سي بابا
حافظ : ماما تبقي القمر وانتى حته من القمر
ليضحكون جميعا ...
عودة من الفلاش
لؤى : ايه يا حبيبتي سرحتى فى ايه
ريم : اتفكرت بابا وماما الله يرحمهم
لؤى : ربنا يرحمهم ويرحم والدتى ....
اوعدك يا ريم هكون ليكى الاب والام وكل حاجه...
ريم : ربنا ما يحرمني منك
وصلوا للمبنى الإدارى للمصنع
حيث صعدوا سويا
فوجدت ريم أنه قد أعد لها مكتب بداخل مكتبه
ريم : انا هشتغل هنا معاك
لؤى : اووومال فاكرة ايه ...انا عايز اشوفك كل لحظه فى حياتى ..واقترب منها ليحتضنها ...
ليرن هاتفه ........يتبع
تكملة الروايه اضغط هناااااااا
الرواية كامله من (رواية سيدة القصر)
اضغط على اسم الروايه ☝️☝️☝️
تعليقات
إرسال تعليق